ممكن افضل مستشفي علاج التشنج

[نون]

ممكن افضل مستشفي علاج التشنج
عندنا طقل يصيبه تشنج في اي موقف
سوا لعب ومزح او حر يضيق عنده التنفس
ويتشنج وكم مره رحت مستشفي حمد ولاهلي
نفس الكلام خوف يزيد عنده التنفس وتشنج يده ورجله
وهل حاله تصيبه بستمرار
انا ابقي حد يدلني على مستشفى ممتاز حتا لوكان
برع في اي بلد بس في فايده
وشكرا

[حليتان*]

لا حول ولاقوة الا بالله


الله يشفيه




الله يكون بعونكم

[سوسو ر]

الله يشفيه يارب العالمين ان شاءالله

[الأصيلة]

هذا نوع من انواع الصرع..
وليس له الا علاج واحد في جميع انحاء العالم
دواء شراب يستعمله الطفل عدة سنوات على مراحل ومتابعة من قبل دكتور الأعصاب...
أنصحك تاخذه للعيادة المسائية دكتور / سعدات أو أسامة العلمي...
وإن شاء الله تجد له العلاج
بالإضافة إلى قراءة القرآن الدائمة عليه...

[وارث العز]

الله يشفيه يارب العالمين ان شاءالله

[سهم بن سهم]

اخوي الكريم

ولدك الله يسلمه كم عمره ؟؟؟

شوف اذا تشنج حراري يعني اذا صادته سخونه يتشنج وعمره صغير اقل من خمس سنين فلاتخاف المسالة بسيطه انا اثنين من عيالي ولدي الله يحفظه الان عمره 21 سنه كان يتشنج وهو صغير وبنتي الان عمرها 15 سنه كانت تتشنج واخوك الي هو انا كنت اتشنج يوم كنت صغير والحين انا شايب :)

الله يعطيك طولة العمر وتشوف ولدك ان شاء الله معرس قول اااامين :)

شوف اخوي اول شي تسويه

سو حق الولد الله يحفظه تخطيط دماغ في مستشفى حمد واطلب موعد عند اي دكتور اعصاب

تاكد بأن التشنج اللي عنده تشنج حراري مو بسم الله عليه صرع وان شاء الله يكون تشنج حراري ويوم يعطونك تخطيط الدماغ وتتاكد منه بانه سليم فتطمن

بعدين قابل دكتور دماغ واعصاب يكون متخصص للاطفال وتلقاهم في مستشفى حمد عادي انا مارحت برا ولا عالجت ولدي وبنتي برا كله هنا في الدوحه .

قبل مايصير عمره خمس سنوات يروح منه التشنج لاتخاف يعني قبل مايدش المدرسة يروح عنه قول ان شاء الله :)

هذا حصل مع عيالي ومن واقع تجربه اقول لك اياه اخوي العزيز

الدكتور لين شافه عنده تشنج حراري بيعطيك شراب دوا تاخذه لمدة سنتين يوميا حتى مايتشنج وبعدين بترتاح ويرتاح بالك بان ماراح يجيه التشنج لين سنتين دام ياخذ دوا وبعدين عقب السنتين بيخفف عنه الدكتور الدوا ليين يقطعه عنه وهذا الدوا ماراح يأثر على ادراك الطفل عندك ولا يضره اخوي فلاتخاف عيالي استعملوه .

ان شاء الله مافيه الا العافية وسو اللي قلت لك عليه ومايشوف شر

[الأصيلة]

الدكتور لين شافه عنده تشنج حراري بيعطيك شراب دوا تاخذه لمدة سنتين يوميا حتى مايتشنج وبعدين بترتاح ويرتاح بالك بان ماراح يجيه التشنج لين سنتين دام ياخذ دوا وبعدين عقب السنتين بيخفف عنه الدكتور الدوا ليين يقطعه عنه وهذا الدوا ماراح يأثر على ادراك الطفل عندك ولا يضره اخوي فلاتخاف عيالي استعملوه .

ان شاء الله مافيه الا العافية وسو اللي قلت لك عليه ومايشوف شر
نعم اخوي سهم بن سهم
هذا العلاج اللي اقصده للتشنج نفسه يعطى للمصروع..
وكل تشنج يعتبر نوع من أنواع الصرع ولكن بمراتب بسيطة..
والله يشفيهم ويعافيهم يارب...

[umabdulla77]

تبي نصيحتي اخوي

لاتقط ولدك بيد مستشفى حمد وطير به على المستشفى الدولي في البحرين

ولد اخت زوجي كانت تصيبه تشنجات ودكاترة الاعصاب في قطر لعبوا به لعبه من عقب ماكان انسان طبيعي ياكل ويشرب ويدز نفسه بالقاري لانه ذاك الوقت كان بو تسع اشهر من كثر التخدير حولوه بسم الله عليه كأنه طفل معاق والحمدلله طلعته على مسووليتها الى السعودية ومنها الى الدولي في البحرين وتم علاجه لكن توه بادي يمشي مع انه قريب يتم الثلاث سنين مع علاج مكثف بالعلاج الطبيعي والدوا اللي يعطونه اسمه الديباكين عشان يخفف التشنجات شوي شوي

كل هذا سبته كان عنده التهاب السحايا الفيروسي ودكاترتنا ماعرفوا وشخصوه غلط وعشان يصححون غلطهم اللي مومعترفين فيه قالوا هذا فيه مرض وراثي علما انه ماعندنا لامن طرف امه ولا ابوه ولله الحمد لو اقولك اللي صار بالتفصيل ماراح اخلص لاني مقهورة على اللي صار له مسكين وربي يشفيه شفاء تاااام ويفرح قلب والدينه به

نصيحتي لك وده الدولي في البحرين

وربي يشافي ولدك ويعافيه ويفرح قلبكم بشفائه

[alrheeb2020]

الله يشفيه ويقومه بالسلامه ان شاء الله

[noor qatar]

اختي تابعوا معاه بالادوية والدكاترة مثل ماقال الاخوان لكن انصحج بشئ بسيط وعن تجربة ان تحطون له شوية زعفران في الحليب يخفف عنه التشنجات باذن الله والله يشافيه ويعافيه وماعليه شر

[قلم صادق]

الله يشفيه ان شالله خذه عند دكتور بسيسو دماغ واعصاب متخصص للاطفال ممتاز في مستشفى حمد عياده

الاطفال ..او دكتور الجناحي ...وسلامته

[+abc]

هلا والله
صبحكم الله بالخير
يابو الشباب قوووووووووول لا اله الا الله
والله ماقول هالكلام الا عن تجربه وربي يشهد
خلك من الكلام اللي ماله داعي البحرين برى ومادري وشو
حبيبي انا ولدي عمره حوالي 4 سنوات الا شي
وفيه التشنج اللي بدون حراره جاته فجاه وهو يلعب مع البزران واللي قال معه مس واللي قال معه مادري وشو
خلك من الخرابيط والله مافي شي الا جربته تخيل والله حلفت
حتى الكي كويته 12 كويع في جسمه وجبت اكبر شيوخ في السعوديه على حسابي اللي ب5000ريال بدون حتى التذكره ةبدون سكن تخيل وغيرهم وغيرهم يقرون عليه حد قال عين حد قال مسسسسس
خبلوا فيني وخلوا مالي عقل وشانت حالتي والله يشهد لعاد انام الليل والله وربي الكعبه انه كان يطيح وانا اشوفه ويصير زي لخشبه ولونه ازرق ويوقف عنده التنفس صرت زي المجنوووووون وربي يشهد صرت اكلم نفسي وماخليت بلدالا طرشت لهم حالته حتى عن طريق السفاره برى حد قالي عمليه في الراس وحد قالي علاج مادري وشو ومنه البلدان لندن والمانيا اعتقد هذا احسن دول من حيث الطب قالوا لي عمليه ومادري وشو تخيل
طبعا هذا ولدك ومستحيل تغامر بعمليه براسه تحمل

حبيبي انا جربت كل شي ابشررررررررك والحين الولد ولله الحمد يلعب والحمدالله طبيعي صار له سنه ونص ومافيه الا العافيه والحمدالله رب العالمين
حبيبي روح مستشفى حمد دكتور اسمه محمد البسيسو هو الدكتور الوحيد اللي يعالج هالتشجنجات بعد الله سبحانه وتعالي وقوووووووووول له تعرف بو بندر اسمع وش بيقولك عني والله كنت اطنش له انا وزوجتي وماكنا نسمع كلامه لين شفت الولد يتدهور يوم ورى يوم
مع انه يقول ياخي وياخي وكان ينصحني عشان العلاج بس الناس خوفوني من العلاج قالوا سنتين ومادري وشو بيتعود عليه ابشرك اني طنشت لكلام الناس وربي الكعبه ماذبحني الا كلام الناس والله تلفوني ماسكت من كثر الاقتراحات حلفت والله وازيدك من الشعر بيت واحد اعرفه كان قبلي وكلمته بنفسي وقالي ياخي توكل على الله لان بنته صار لها نفس ماصار لولدي اوكي عقب لعلاج صار في احسن حال وقطع اللعلاج والحين بنته مافيها اي شي والحمدالله وعقب انا توكلت على الله وخذت العلاج عباره عن شراباسمه كيبرا 2 ونص نسبه والله قليله احطها مع العصير او امه او احد بالبيت ويشربها زي اي عصير
ولدي الحين يستخدم شراب يشربه يوميا مرتين باليوم بنسبه قليله ولله الحمدالله الحين طبيعي من بعد ماكانت تجيه شبه كل 10 دقايق
توكل على الله وروح حق البسيسو وبيعيطك علاج تشنج مده سنتين وعقب بيقطعه منه وابشرك بيكون الولد من بعد في احسن حال ولو تبي تكلمني ابشررررررر والله ماعندي مانع
والله يشفي عيالنا ولاتنسى توديه المطاوعه لان هالامراض اغلبها عيون الناس حسبي الله عليهم
وعقب بتشوف ولدك في احسن حال ولاتنساني بالدعا تكفا ياخوك

تحياتي بو بندر

[umabdulla77]

هلا والله
صبحكم الله بالخير
يابو الشباب قوووووووووول لا اله الا الله
والله ماقول هالكلام الا عن تجربه وربي يشهد
خلك من الكلام اللي ماله داعي البحرين برى ومادري وشو
حبيبي انا ولدي عمره حوالي 4 سنوات الا شي
وفيه التشنج اللي بدون حراره جاته فجاه وهو يلعب مع البزران واللي قال معه مس واللي قال معه مادري وشو
خلك من الخرابيط والله مافي شي الا جربته تخيل والله حلفت
حتى الكي كويته 12 كويع في جسمه وجبت اكبر شيوخ في السعوديه على حسابي اللي ب5000ريال بدون حتى التذكره ةبدون سكن تخيل وغيرهم وغيرهم يقرون عليه حد قال عين حد قال مسسسسس
خبلوا فيني وخلوا مالي عقل وشانت حالتي والله يشهد لعاد انام الليل والله وربي الكعبه انه كان يطيح وانا اشوفه ويصير زي لخشبه ولونه ازرق ويوقف عنده التنفس صرت زي المجنوووووون وربي يشهد صرت اكلم نفسي وماخليت بلدالا طرشت لهم حالته حتى عن طريق السفاره برى حد قالي عمليه في الراس وحد قالي علاج مادري وشو ومنه البلدان لندن والمانيا اعتقد هذا احسن دول من حيث الطب قالوا لي عمليه ومادري وشو تخيل
طبعا هذا ولدك ومستحيل تغامر بعمليه براسه تحمل

حبيبي انا جربت كل شي ابشررررررررك والحين الولد ولله الحمد يلعب والحمدالله طبيعي صار له سنه ونص ومافيه الا العافيه والحمدالله رب العالمين
حبيبي روح مستشفى حمد دكتور اسمه محمد البسيسو هو الدكتور الوحيد اللي يعالج هالتشجنجات بعد الله سبحانه وتعالي وقوووووووووول له تعرف بو بندر اسمع وش بيقولك عني والله كنت اطنش له انا وزوجتي وماكنا نسمع كلامه لين شفت الولد يتدهور يوم ورى يوم
مع انه يقول ياخي وياخي وكان ينصحني عشان العلاج بس الناس خوفوني من العلاج قالوا سنتين ومادري وشو بيتعود عليه ابشرك اني طنشت لكلام الناس وربي الكعبه ماذبحني الا كلام الناس والله تلفوني ماسكت من كثر الاقتراحات حلفت والله وازيدك من الشعر بيت واحد اعرفه كان قبلي وكلمته بنفسي وقالي ياخي توكل على الله لان بنته صار لها نفس ماصار لولدي اوكي عقب لعلاج صار في احسن حال وقطع اللعلاج والحين بنته مافيها اي شي والحمدالله وعقب انا توكلت على الله وخذت العلاج عباره عن شراباسمه كيبرا 2 ونص نسبه والله قليله احطها مع العصير او امه او احد بالبيت ويشربها زي اي عصير
ولدي الحين يستخدم شراب يشربه يوميا مرتين باليوم بنسبه قليله ولله الحمدالله الحين طبيعي من بعد ماكانت تجيه شبه كل 10 دقايق
توكل على الله وروح حق البسيسو وبيعيطك علاج تشنج مده سنتين وعقب بيقطعه منه وابشرك بيكون الولد من بعد في احسن حال ولو تبي تكلمني ابشررررررر والله ماعندي مانع
والله يشفي عيالنا ولاتنسى توديه المطاوعه لان هالامراض اغلبها عيون الناس حسبي الله عليهم
وعقب بتشوف ولدك في احسن حال ولاتنساني بالدعا تكفا ياخوك

تحياتي بو بندر

اسمحلي اخوي بخصوص الدكتور بسيسو واللي معاه هم سبب اللي صار في ولد اخت زوجي
وانا ماقتله روح البحرين الا انا متأكدة من الدكتور اللي بفضل الله وثم له عرف حالة ولدنا
وحتى انه ودوه بعد فترة المستشفى الامريكي في تايلاند طلع تشخيصهم نفس البحرين انه التعاب سحايا ولافيه شي وراثي ولا غيره
لكن الاعراض الجانبية اللي تمت فيه واللي ولله الحمد خفت بشكل كبير كبير وبنسبة 95% قالولهم انه نتيجة التشخيص الخطأ والتأخير في علاجه وهذا كله البركة في الدكتور المذكور اعلاه

والله على ماأقوله شهيد

[قطر دزاين]

انا خالتي كانت ها الشكل ومخلت مكان لحد ما راحت الطب النفسي والحمد لله معاد صار يجيها الى نادر جدآ

[سهم بن سهم]

قولو لا اله الا الله ياجماعة وصلو على النبي اللهم صلي وسلم عليه

انا والله مثل اخوي بوبندر اتكلم عن تجربة وهذا الشيء صادني وانا صغير وصاد ولدي وبنتي يعني احنا في البيت ثلاثة والحمدلله الحين مافينا الا العافية وهذا شيء بسيط مثل ماقال اخوي بو بندر وتكلمت عن تجربة وابغي اساعد اخوي العزيز هذا لله لان احنا مرينا بهذه التجربة .

اخوي اتبع كلامي اللي قلته لك وتاكد من تخطيط الدماغ اول حاجه وان شاء الله يكون سليم وبعدين بيعطيك دوا للتشنجات يستعمله ولدك الله يسلمه ويحفظه لك لمدة سنتين وان شاء الله بعد السنتين بيروح عنه ولاتحاتي واذا تبغي تكلمني ارسل لي رقمك على الخاص واكلمك وان شاء الله خير يالحبيب .

مايشوف شر ولدك

[جوال 11]

الله يشافي مريضكم
هذا نوع من أنواع الصرع كما ذكر الأعضاء والله أعلم يسمى زيادة كهرباء في الدماغ يحتاج لدكتور أعصاب ويمكن استخدام العلاج أو عملية في الرأس يمكن أجراءها في ألمانيا
وبالتوفيق

[رمــش الغلا]

الله يشفيكم يارب

وماتشوفون شر ان شاء الله

[ضوى]

حالة ولدج اختي الغالية تصير وايد وان شا ءالله ربي يحفظه ويشفيه ويعافيه

الدواء عبارة عن شراب اسمه Phenoparbetone ، يأخذه الطفل لمدة سنتين وبعدها بإذن الله يتشافي بحول الله وقوته

ماشتوف شر بنتج ونصيحة مني لا تروحين فيها هنا وهناك شوفي التشخيص هنا شيقول بعدها استخيري وربج يقدم الخير

[M!$s ĀŁ!eN]

الله يشفيه يارب .. انا نصيحتي لك اخوي توديه عن الدكتور ..
البسوسي .. ف حمد ..
وان شاء الله لان هااا امراض عصبيه ف العصااب .. ا لانسان
والعلاج والشفاء من عند الله ..
لان حناعندنا طفله من اللي يتشنج بس الحمدالله مااا صااار ت جيها الحاااالات التشنجات ..
واهم راح يوصفون له دوااا في نسبه من المخدر ..

وراح تعالني معاه ف اول مراحل العلاج

بس اخوي ممكن الحااله شلون .. هل التشنجات من الحراره .
ولا من ايش بضبط ..

[نون]

اشكركم على الردود والتفاعل معي

العمر فوق12 سنه وليس تشنج حراري التشنج يكون لعدة اسباب منها عدم وجود تهوية في المكان وممارسة الرياضة التي تتطلب جهد والخوف و الحزن اولا يضيق التنفس ثم تتشنج اليدين والطبيب قال بسبب نقص الكالسيوم في الدم وليس له علاج
وهذه الحالة تتكرر

[نون]

ممكن افضل مستشفي علاج التشنج
عندنا طقل يصيبه تشنج في اي موقف
سوا لعب ومزح او حر يضيق عنده التنفس
ويتشنج وكم مره رحت مستشفي حمد ولاهلي
نفس الكلام خوف يزيد عنده التنفس وتشنج يده ورجله
وهل حاله تصيبه بستمرار
انا ابقي حد يدلني على مستشفى ممتاز حتا لوكان
برع في اي بلد بس في فايده
وشكرا


العمر فوق 12 سنه






-

[ضوى]

اشكركم على الردود والتفاعل معي

العمر فوق12 سنه وليس تشنج حراري التشنج يكون لعدة اسباب منها عدم وجود تهوية في المكان وممارسة الرياضة التي تتطلب جهد والخوف و الحزن اولا يضيق التنفس ثم تتشنج اليدين والطبيب قال بسبب نقص الكالسيوم في الدم وليس له علاج
وهذه الحالة تتكرر

لا اذا الموضوع بهالشكل حاولي تطلعين برع المانيا مثلا ، بون يمدحون مشافيهم بهذا الخصوص

الله يشفيها ويعافيها ويحفظها لج

[Arab!an]

اخوي نون

انا كان معاي تشنج وبعض اخواني يوم كنا صغار

وزوجتي بعد نفس الكلام

و3 من عيالي نفس الكلام ..

والحمدلله من يوصل عمر الواحد فيهم 4 سنوات او اقل يتوقف التشنج ..

واعتقد انه مثل ماقال اخوي سهم تشنج حراري او يأتي مصاحبا للبكاء

كل مرة اوديهم المركز الصحي يقولون بنحولهم مستشفى حمد عشان تخطيط الاعصاب .. واتراجع خوفا من ان تكبر المشاكل

والحمدلله التشنج يروح تلقائيا بعد كم سنة

بس المهم اذا تشنج الولد ما يبلع لسانه

[Arab!an]

العمر فوق 12 سنه






-


عفوا .. اذا كان بهالعمر اعتقد مب تشنج حراري

[بوعلي2]

هذا نوع من انواع الصرع..
وليس له الا علاج واحد في جميع انحاء العالم
دواء شراب يستعمله الطفل عدة سنوات على مراحل ومتابعة من قبل دكتور الأعصاب...
أنصحك تاخذه للعيادة المسائية دكتور / سعدات أو أسامة العلمي...
وإن شاء الله تجد له العلاج
بالإضافة إلى قراءة القرآن الدائمة عليه...

اتفق مع اختي بقراءة القران عليه مع الذهاب الي المستشفى وان شاء الله يتشافى باسرع وقت

مستشفى + رقيه شرعيه = بعون الله يتشافى اللهم امين

[المغروره]

الدكتور اسامه والدكتور زين للاطفال
وتوديه للمطاوعه يمكن معيوووووون
تمنياتي له بالشفاء

[نون]

تبي نصيحتي اخوي

لاتقط ولدك بيد مستشفى حمد وطير به على المستشفى الدولي في البحرين

ولد اخت زوجي كانت تصيبه تشنجات ودكاترة الاعصاب في قطر لعبوا به لعبه من عقب ماكان انسان طبيعي ياكل ويشرب ويدز نفسه بالقاري لانه ذاك الوقت كان بو تسع اشهر من كثر التخدير حولوه بسم الله عليه كأنه طفل معاق والحمدلله طلعته على مسووليتها الى السعودية ومنها الى الدولي في البحرين وتم علاجه لكن توه بادي يمشي مع انه قريب يتم الثلاث سنين مع علاج مكثف بالعلاج الطبيعي والدوا اللي يعطونه اسمه الديباكين عشان يخفف التشنجات شوي شوي

كل هذا سبته كان عنده التهاب السحايا الفيروسي ودكاترتنا ماعرفوا وشخصوه غلط وعشان يصححون غلطهم اللي مومعترفين فيه قالوا هذا فيه مرض وراثي علما انه ماعندنا لامن طرف امه ولا ابوه ولله الحمد لو اقولك اللي صار بالتفصيل ماراح اخلص لاني مقهورة على اللي صار له مسكين وربي يشفيه شفاء تاااام ويفرح قلب والدينه به

نصيحتي لك وده الدولي في البحرين

وربي يشافي ولدك ويعافيه ويفرح قلبكم بشفائه


الدولي في البحرين
ممكن عنوانه
وشلون الموعيد
هل هو افضل من مستشفى تايلد
ىشكرا

[umabdulla77]

الدولي في البحرين
ممكن عنوانه
وشلون الموعيد
هل هو افضل من مستشفى تايلد
ىشكرا

السموحة توني منتبهة للسؤال لان الموضوع شكله اختفى من الصفحة الاولى
وبخصوص الدولي في البحرين كان تشخيصهم نفس مستشفى تايلاند واثنينهم اطلعوا صح لان الولد بدى يتحسن ولله الحمد ولكن الاثار هي اللي باقية وبادية تختفي والله يتمم الشفاء

اما موقعه في منطقة جد حفص بين دوار البديع وجد حفص

والحين انا مكلمة وحدة من هلي اتييب العنوان كامل بارقام التليفون وبطرشه عالخاص

وربي يتمم الشفاء لابنكم وينعم عليه بالصحة والعافية

[dream~qa]

الأخوة ما قصروا في سرد المستشفيات والدكاترة بس أنا من تجربتي .. روح حق عقل اللي في سوق واقف وأعمله حجامة ترى واااااااااااااااايد مفيدة وبيعطيك أدوية عشبية مفيدة جدا وترى هو عنده خبره في علاج التشنجات والصرع .