صيدلية في احد اكبر المستشفيات الخاصه تبيع منتج منتهي الصلاحية (صور) [الأرشيف]

مشاهدة النسخة كاملة : صيدلية في احد اكبر المستشفيات الخاصه تبيع منتج منتهي الصلاحية (صور)

هذلان

25-04-2010, 12:50 AM

السلام عليكم ورحمة الله و بركاتة

اليوم كنت مار صيدلية في احد اكبر المستشفيات الخاصة عندنا في الدوحة .. ابي اشتري غرض دايما اشتريه من نفس الصيدلية .

بعد ان اخذت الغرض الي ابيه كنت حاط مجموعه من المشتريات على الطاوله في انتظار دوري حالي حال الناس .

تفاجئت بممرض ظهر فجئه (وليس الموظف الذي يعمل في الصيدلية) تفاجئت بالممرض ياخذ العلبه الي فيها اغراضي و يفتح العلبة و يضع مابداخل العلبه في كيس خاص بالصيدليه ؟
استغربت الموقف و رحت له : لو سمحت ليش تفتح الكرتون و تحط الاغراض في كيس .. قالي احسن و انظف لك ؟
مادخلت مخي الكلمه شلون يطلعهم من كرتون و يقول انظف لي ؟
قلت له لو سمحت عطني علبه جديده مش مبطله وهو يصر اني اخذ الي بالكيس ؟ قلت له ياخي انا الي شاريهم مش انت عاجبيني في الكرتون :)
قالي ماشي :rolleyes2:

و راح يكلم الشخص الي في الصيدليه على انفراد و طلع ،، و انا انتظر الدور ولا الموظف في الصيدليه يفتح الكراتين لانه ماكان طلبي موجود في الصيدليه وراحو جابو كميه من الستور (لنفس المنتج) و صار يفرغ العلب في اكياس عاديه ؟؟

دفعت و خذت الاغراض و رحت البيت .

يوم وصلت البيت ولا اقرا على العلبه من برى بكل وضوح تاريخ يبين ان صلاحيه المنتج منتهية .

طبعا هذا المنتج ليس دواء ولا يؤكل ولكن كون فيه تاريخ صلاحيه منتهي من فتره اشهر فا اكيد مضر .

وللعلم هذا المنتج يستخدم لاي شخص يجري جراحة في المستشفى نفسة .

هذي الصورة

http://up.souqaldoha.com/get-4-2010-5gyvwc26.jpg

طبعا ماراح اسكت

السؤال : في مثل هذي الحاله وين اشتكي ؟ من المسؤول ؟

حليتان*

25-04-2010, 12:53 AM

اظن تشتكي في حماية المستهلك

والله يعينك

بس مش اكيد خل نشوف الاعضاء

جرح الزمان

25-04-2010, 12:58 AM

حسبي الله ونعم الوكيل

اتوقع لو انك تتصل على العمليات بيدلونك اسرع من اعضاء المنتدى 999

قطري طموح

25-04-2010, 01:01 AM

قواك الله ياهذلان . تروح تشتكي في الرقابه الدوائيه عند الدكتوره عائشه الانصاري هذا اولا وثانيا ياليت تشتكي عليهم في النيابه العامه .

غناتي1

25-04-2010, 01:05 AM

الله يعيييين المواطنين وخصوصا اللي ما ينتبهون لتاريخ الصلاحية

والا اللي ما يعرفون يقرأون اصلا

auto body

25-04-2010, 01:13 AM

حسبي الله ونعم الوكيل

HIGHNESS

25-04-2010, 01:17 AM

هذلان

25-04-2010, 01:27 AM

أدوية منتهية صلاحيتها !!!!!!!! بصراحة موضوع خطير وماينسكت عنه ... انت انتبهت وغيرك مانتبه !!!
يعني يدرون انا منتهية الصلاحية ومصريين يبيعونها !!!
قواك الله اخوي ولاتنسى تعلمنا شصار معاك

الشيخه مش ادويه ،،، لو ادويه كان رحت له الصيدليه شربته اياه .
و مش مصريين الي يبيعون .

انا كاتب فوق

هذا المنتج ليس دواء ولا يؤكل

ماريسا

25-04-2010, 06:12 AM

حسبي الله ونعم الوكيل
متابعة الموضوع و الله لو مكانك اروح للموظف هذا اللي كان يبي يبيع لي اشيا من غير كرتونتها عشان ماشوف تاريخ الصلاحية و أطلع له نجوم بعز الظهر حسبي الله ونعم الوكيل حسبي الله ونعم الوكيل

ضوى

25-04-2010, 07:54 AM

اخوي هذلان

المنتج عبارة عن نوع من انوع الكحول يستخدم في تعقيم الجروح وخلافه ، وتاريخ الصلاحية يؤكد انه منتهي منذ مايقارب 8 شهور ، وهذا يعد مخالفة واضحة في قانون استخدام المنتجات الطبية والصيدلانية

الاجراءا الصحيح اخوي الفاضل

شكوى مقدمة من سيادتكم لمدير إدارة الصيدلة والرقابة الدوائية مشفوعا بالعلبة موضوع الشكوى وبالطبع تذكر فيها اسم المستشفى والساعة بالضبط حتى يتم معرفة الصيدلي المناوب والكادر الفني المناوب كذلك وان شاء الله راح يتم محاسبة المخالف
مكان إدارة الصيدلة هو القصر الابيض بجوار مجلس الشورى مباشرة الدور الاول الدكتور : عصام الدين حامد

هدهد سليمان

25-04-2010, 07:58 AM

دواء منتهي الصلاحه وفي مستشفى .. كلام ما ينسكت عليه وارفع عليهم قضيه تعويض :)

ضوى

25-04-2010, 07:59 AM

دواء منتهي الصلاحه وفي مستشفى .. كلام ما ينسكت عليه وارفع عليهم قضيه تعويض :)

معاه كل الحق في رفع القضية ، بس للعلم فقط الشرطة راح تحوله لنا للتحقيق :) يعني يوفر على نفسه الطريق

جنوب الدوحه

25-04-2010, 08:00 AM

حمايه المستهلك .. على طول

بوسحيم

25-04-2010, 10:17 AM

ممكن تقولي في اي مستشفى ورقمك على الخاص

الصريحه

25-04-2010, 10:19 AM

الله المستعان صارت لي قبل والله لطف

قطر دزاين

25-04-2010, 10:52 AM

حولها نيابه وطلب تعويض ولا تنازل عن حقك

حنان الدنيا

25-04-2010, 11:36 AM

تذكرت امس شفت برنامج على قناه دبي عن دكتور صيدلاني في امريكا يشتري الادويه

ويخففها ويقسمها على 3 وبعدين يبيعها على المرضى حسبي الله عليه ومين هالمرضى

مرضى السرطان والايدز وغيرهم كل هذا عشان الفلوس

رفع ضغطي حسبي الله عليه ودام هالاجنبي ماخاف ولا كان في رقابه

عيل اشلون هني وحتى لو مش ادويه اللى منتهيه بس للاسف صرنا نفتقد الامانه بس عشان الفلوس

حسبي الله عليه

M!$s ĀŁ!eN

25-04-2010, 11:41 AM

اتصل 999 اهم راح يفدونك اكثر

رمــش الغلا

25-04-2010, 11:43 AM

حسبنا الله ونعم الوكيل عليهم وانا ماروح إلا لهم اتعالج :eek5:

هذلان

25-04-2010, 01:55 PM

مشكورين جميعاً

ضوى ماقصرتي ... بس ترى مش كحول هو . لكن مايفرق

غزلان

25-04-2010, 02:22 PM

لاحول ولاقوة الا بالله

بالنسبه لي سواء اغذيه او دوا اول شي تاريخ الأنتاج ماصرت اثق

ذيبه مزاجيه

25-04-2010, 02:39 PM

حسبي الله و نعم الوكيل

hamoor4ever

25-04-2010, 02:45 PM

أخوي اذا عندك استطاعه اشتك عليهم وشوف شيصير وياك للاسف ان الاهمال وصل في الادويه بس اخوي شنو بالضبط الماده وهل فعلا فيه هناك خطوه لو تم استعمالها وكان تاريخها منتهي ؟

CH Engineer

25-04-2010, 04:08 PM

اخوي اتصل على 999 وبيسهلون عليك كل شي..
اسرع من المنتدى
بعدين تأكد اي شي منتهيه صلاحيته لاقيمه له..

HIGHNESS

25-04-2010, 11:06 PM

الشيخه مش ادويه ،،، لو ادويه كان رحت له الصيدليه شربته اياه .
و مش مصريين الي يبيعون .

انا كاتب فوق

اهاا شكراً للتنبيه.. اخوي للتوضيح كلمة ( مصريين ) من الاصرار مب الجنسية المصرية ..
شكراً

The Master

25-04-2010, 11:20 PM

مكتوب انه ستريول...
يعني معقم...
ممكن اعرف هل هو شي مهم جدا يكون منتهي ولا لا...
يفرق...بس مب لدرجه انك تروح تشتكي ومادري وشو...

وبخصوص الاعضاء اللي كبروا السالفه؟؟!!!

اكتب لهم بالاحمر ان هذا معقم...للاستخدام الخارجي فقط...

الله يعين...مايعرفون شي اسمه اقرا الموضوع كامل وعدل...

ياخذون اول حرفين وعقبها على طول يشيك على الردود...ويالله معاهم...

الله يعين بس...

بويوسف

26-04-2010, 12:00 AM

ممكن نعرف اسم المستشفى ؟

بويوسف

26-04-2010, 12:03 AM

هذلان

26-04-2010, 12:07 AM

ماعندي اي مانع اقول اسم المستشفى

ولكن على الاقل خل ارفع الموضوع للمسؤولين و بعدين بغسل شراعهم

The Master

26-04-2010, 12:17 AM

طيب عارفين انه معقم .. يا احم ولو ماكان مهم انه منتهي ماكانت الشركة وضعت تاريخ انتهاء على العلبة ..

عارفين؟؟؟؟
انت قريت الردود!!! وشي ثاني تكلم عن نفسك...منت محامي عنهم

وعن التاريخ هذا ابراء ذمه...
وتقدر تستخدم المعقم والمطهر وان انتهت فتره الصلاحيه ان كان مخزن في مكان بارد لفتره معينه مب متذكر كم...
لكن انا ذكرت انه يفرق لكن مش لدرجه انه بيذبح المريض...

والشي الاهم...
اسمي الماستر...او علي
مش احم...
اتمنى تحترم...وتثمن كلامك...

ضوى

26-04-2010, 12:23 AM

ماعندي اي مانع اقول اسم المستشفى

ولكن على الاقل خل ارفع الموضوع للمسؤولين و بعدين بغسل شراعهم

ممكن اسم المستشفى عالخاص اخوي هذلان؟

هذلان

26-04-2010, 12:54 AM

ممكن اسم المستشفى عالخاص اخوي هذلان؟

شيكي الخاص

lobna123

26-04-2010, 07:56 PM

أخوي لو للحين ما اشتكيت تقدر تروح المجلس الاعلى للصحة الطايق الثالث عند معصومة فضل وتقدملها شكوى كتابية او تتصل فيها على رقمها الموجود في موقع المجلس الاعلى للصحة

http://www.sch.gov.qa/sch/Ar/scontent.jsp?smenuId=46

nasser 519

26-04-2010, 09:53 PM

ممكن اسم المستشفى اخوي :)

وحيد-الشوق

26-04-2010, 11:50 PM

حسبي الله عليهم

طيب واذا اشتكيت شنو بيسوون يعني ؟

الحين العالم الي تدش مستشفى حمد ويموتون بسب الاخطاء الطبية ومسؤولي المؤسسة مايتحركون ساكنا يعني جات على منتج او دواء منتهي ؟!!

يا ما ناس خذت ادوية بالغلط الي مات والي انعمى ومحد خذ حقهم :(

مافي انصاف ولاعدل في قطاعنا الصحي الخايس ..

بس مع ذلك حاول بلي تقدر عليه ولاتسكت عنهم

وجزاك الله خير

طلعة الروح

27-04-2010, 12:02 AM

اخوي هذلان تذكرت موضوعك اليوم لانه صارلي موقف مشابه
كنت شاريه علبة مكياج من محل معروف واتضح لي انه تاريخ الصلاحيه منتهي april-2010
والادهى من ذلك المحل او المصنع نفسه حاطين فوق التاريخ المنتهي لصقه بتاريخ جديد may- 2012
ومن بكرة راح اشتكي عليهم انشالله...