عندي مشكله..وأبَي مساعدتكم

[سهم صعب]

عندي مشكله في بيتي اليديد..المشكله الله يسلمكم
انه الارضيه عندي قامت اطلع ملح موفي كل الغرف في كمن غرفه بس
موب عارف شسوي الخدامه تنظف تنظف وكل شوي يطلع
بس بعد التنظيف خف موب مثل اول..
تهقون من شنو المشكله الأساسات ولا عمق الحفر نفسه
والله يخليكم بغيت الحل
ومشكورين وماتقصرون

[شموخ دائم]

,

,


مرحبا اخوي

هذا الله يسلمك له سببين

ممكن يكون من استخدام الاسمنت الابيض في الفواصل بين البلاط ويطلع على شكل ( كلس )

وممكن يكون من البودره البيضاء الي تستخدم في دفان البيت تحت البلاط وما استخدموا مشمع نايلون فوقها قبل التبليط

لو صورت المكان اقدر احدد المشكله من وين بالضبط

ولانها طلعت في غرف وما طلعت في غرف ثانيه اتوقع من الاسمنت الابيض

ما تم استخدامه بشكل ( روبه ) بالشكل الصحيح وتم رصه بين الفواصل

هذا والله اعلم لو كان في صوره بتسهل علينا معرفه السبب ونحط الحل المناسب لها

ولكن لانك قلت تخف المشكله مع التنظيف بالماء فهذا ياكد انها ملوحه كلس وتذوب في الماء

جرب رش البلاط بالماي كل فتره لين يذوب الكلس في الرطوبه

والله يساعدك

,

,


اخوك



شموخ دائم

[سهم صعب]

تسلم وماقصرت ياشيخ انا بعد اعتقد انه السبب الاول لانه
بعد التنظيف يبين فراغات صغيره بين البلاط
شكلي بطرش لك الصوره على الخاص في اقرب فرصه عشان اتاكد لي المشكله من وين
ويعطيك الف عافيه