الدوريات والمرور والخويا

[كلاسيك قطر]

السلام عليكم ورحمه الله وبركاته

اخواني واخواتي اول امس فاز الغرافه والمسيره في الكورنيش الدوحه

الدوريات والمرور والخويا ماقصرو في تنظيم الشوارع الكورنيش ويزاهم الله الف خير

بس في حاجه وحده ابي اقولها

انا ركبت مع واحد من ربعي في سيارته وسيارته ماركب مخفي وله علم وله شي ورابط الاحزام وموتره ماعلي صوت وله شي انزين ليش يخالفونه واحنى ماسونا شي والعالم كلها اطلعو من المسيره

شنو السبب

[alfaqeer]

يمكن عرباويه

[M!ss Q6R]

هههههههههههههههههههههههههههههههههه

حلوه منك فقير..

والله اصلا هم متسبيين ما تلاحظ من اسبوعين مافيه شراع ماحطوا ليه رادار متحرك

منثرين في كل مكان.. يبون يعدلون ميزآنية الدولة يمكن :)

[رنج سبورت]

شنهي مخالفتكم سرعه
والا تجاوز والا ؟؟

[alfaqeer]

هذي حركاتهم بعض الشباب اللي يشتغلون في الدوريات والا المرور يبردون حرة الهزيمة في الفقارى والا اذا زعلته المدام جاء الأخ وحط الحره فينا . يامعوده والله احيانا الواحد يضحك من هالمواقف بالرغم من القهر, و على طاري تعديل الميزانية تعالي لهم قريب نزول الراتب تلقينهم مبققين عيونهم كانها ليتات كشاف, وصك مخالفات في خلق الله تحاول فيه يالطيب يالحبيب انسى علشان يرجع راتب الفقير الى الخزينة.
خليها على الله

ابودحيم

[ليث العرين]

الشرطه ونظام المخالفات عندنا للأسف واصل مرحله قبيحه وبعيده كل البعد عن العقلانيه والأنسانيه.

الله يهديهم بس

[Qtrstyle]

اشدعوه اخوي !!
مستحيل تتخالف مني والطريج ..
سواء كان سبب يستاهل مخالفه او لا
بس لازم في سبب !!

هههههه اما سالفة اللي يطلع حرته !! يجوز ههههه بس بعد مايسجل مخالفه مني والدرب بيخالفك اذا كنت مخالفه (( مثلا مب رابط الحزام متجاوز تتكلم بالتلفون )) !!

[monatee]

شنو مسمى المخالفه ؟

والصراحه نظام المخالفات عندنا صاير مصخرة

[كلاسيك قطر]

اشدعوه اخوي !!
مستحيل تتخالف مني والطريج ..
سواء كان سبب يستاهل مخالفه او لا
بس لازم في سبب !!

هههههه اما سالفة اللي يطلع حرته !! يجوز ههههه بس بعد مايسجل مخالفه مني والدرب بيخالفك اذا كنت مخالفه (( مثلا مب رابط الحزام متجاوز تتكلم بالتلفون )) !!

بس يالغالي رفيجي مو سوالف سرعه وله شي لاه هو يمشي ع القانون

[بن درويش]

والله اجوف هاى الايام وايد يخالفون ووايد مشددين حرام عليهم لازم يخفون على هل قطر

[جوال 11]

يمكن باقي لهم خمسمائة ريال من التحصيل لهذا اليوم وينتهي دوامهم

[كلاسيك قطر]

اها

مشكوووورين

[كلاسيك قطر]

للرفع

[غريم قطر]

والله مب شرط عرباوي والا غيره هذا شغل ليش يدخل سوالف الكوره انا اقول يرووح يراجع ويسأل عن سبب المخالفه

[عازف الاورج]

ياريت لو يعطونهم دورات ويوعيونهم اصلا نصهم متخلفين ومادارسين

والحقد في قلوبهم ...

[كلاسيك قطر]

اي والله

انزين ليش يراجع

خل يرفع كتاب عليهم

[الحبتور]

مصخوها الجماعه ..

بس من له تشتكي اذا كان خصمك هو الحكم ..

[jajassim]

السلام عليكم ورحمه الله وبركاته

اخواني واخواتي اول امس فاز الغرافه والمسيره في الكورنيش الدوحه

الدوريات والمرور والخويا ماقصرو في تنظيم الشوارع الكورنيش ويزاهم الله الف خير

بس في حاجه وحده ابي اقولها

انا ركبت مع واحد من ربعي في سيارته وسيارته ماركب مخفي وله علم وله شي ورابط الاحزام وموتره ماعلي صوت وله شي انزين ليش يخالفونه واحنى ماسونا شي والعالم كلها اطلعو من المسيره

شنو السبب

ممكن رقم السيارة :telephone:

[راعي الدتسن]

اوقولك احنا في مسيره تصقع مخالفات حزام على العالم ..مب لهدرجه, كم نمشي في الكرنيش 15 ولا 10

[jajassim]

اوقولك احنا في مسيره تصقع مخالفات حزام على العالم ..مب لهدرجه, كم نمشي في الكرنيش 15 ولا 10

لا حول ولا قوة الا بالله :shy:

[كلاسيك قطر]

ممكن رقم السيارة :telephone:

اي رقم سياره يالغالي

[السهم الكلاسيكي]

عمركم شفتو ا شاحنات تنقلب في مدينة غير مدينة الدوحة

نتمنى تشديد الرقابة على الشاحنات والباصات الي تتسابق في شوارع الدوحة

بدون حسيب ولارقيب

[HEART_LION]

موضوعك غريب اخوي ماذكرت نوع المخالفه؟

[سلمان]

عمركم شفتو ا شاحنات تنقلب في مدينة غير مدينة الدوحة

نتمنى تشديد الرقابة على الشاحنات والباصات الي تتسابق في شوارع الدوحة

بدون حسيب ولارقيب



:nice:

[al-bake2002]

شوف بعد يمكن ملفقين لك المخالفة نفسي
http://www.qatarshares.com/vb/showthread.php?t=360934

[مستر بن]

اخوووي يمكن سجلو ارقام من المسيره
ويمكن انقشو رقمك معاهم
لانك مريت