ابي دخل شهري ... شنو الحل برايكم [الأرشيف] - منتديات شبكة الأسهم القطرية

مشاهدة النسخة كاملة : ابي دخل شهري ... شنو الحل برايكم

moon_night

26-04-2010, 01:31 AM

مراحب

باختصار ابي اسويلي دخل بس ماعرف شلون

عندي ارضين

ارض في الشمال 600 متر شاريتها من 3 سنين وقت الغلا

وارض بعين خالد مساحتها 1200 متر شاريتها من خمس سنوات

لا انا قادره ابني ولاشي

ابي الحل برايكم

طبعا فكرت ابيع ارض الشمال بس الاسعار طايحه وانا شاريه بغالي والمبلغ ماراح يكفي طبعا حق البنيان

الحل برايكم

مرحوم قطر

26-04-2010, 07:04 AM

انا اقول بيعيلي ارض الشمال و افتكي منها و انا بسوم الفوت فيها اب 25 ريال

و ارض عين خالد خليها حق المستقبل يمكن لا قدر الله تنكبير

basma222

26-04-2010, 07:11 AM

نصيحه من اخت لج
لا تبيعين ارض الشمال
لان اراضي الشمال بترتفع بعد كم سنه بعد ما يخلص الجسر بين قطر والبحرين
انا عندي ارض هناك بس محتفظه بها رغم ان ارضي تجاريه وعلى شارعين والفوت اغلى لتجارية

مرحوم قطر

26-04-2010, 07:13 AM

شغموم

26-04-2010, 07:23 AM

السلام عليكم...

أرض الشمال أرهنيها للبنك وزيديها بمبلغ وبفلوسها إبني أرض عين خالد ثلاث فلل صغيرة وحطي همتج على أول فيلا وأجريها وكملي الباقي على راحتج.

وأرض الشمال حوطيها وأجريها لشركة كمخزن هذا دخل ثاني.

وبالتوفيق إن شاء الله،،

basma222

26-04-2010, 07:33 AM

شبح الصمت

26-04-2010, 07:38 AM

اختي بيعي الارضين وخلي البنك يشتري لج واخذي لج عمارة استثمار مؤجره بحدود 5 مليون او 6 مليون وخليها ادخل عليج ايجارات .

والله يوفقج

مرحوم قطر

26-04-2010, 08:25 AM

اختي بيعي الارضين وخلي البنك يشتري لج واخذي لج عمارة استثمار مؤجره بحدود 5 مليون او 6 مليون وخليها ادخل عليج ايجارات .

والله يوفقج

اي بالله هذا الراي

اتبيع الارضين ارض الشمال ممكن اتيب لها مع 300 الف

ارض عين خالد ممكن اتييب

اذا اعتبرنا سعر الفوت 180 ريال مب متاكد من السعر

2325024

يعني كامل كامل بيطلع لها مع 2600,000 او 2700,000

اتشوف لها عماره بحدود 5 مليون

تدفع نص المبلغ دفعه اولى و النص الثانيه تدفعه من الاجارات

تنسى الموضوع كم سنه الا شوي و ايجيها خبر ان المبلغ تسدد بالكامل

بس تروح بنك اسلامي عشان ماينصبون عليها

بعدين تفتل عندها عماره و دخل شهر مبلغ و قدره

موظف بالبورصه

26-04-2010, 08:34 AM

وممكن ماتبيعين الارضين ترهنينهم عن طريق المصرف ويمولونج وتاخذين العماره ..

وتسددين من اجار العماره وبعد كم سنه عندج عماره والارضين موجودين ...

كركم

26-04-2010, 09:17 AM

اختي مع احترامي لراي الأخوان اللي سبقوني...انا ضد الدخول في متهاهات القروض والرهن...والأعتماد على الايجار للسداد والسبب هو:

اول شي اسألي اي شخص بنى عقار للأيجار عن طريق البنوك ..كم القسط المطلوب منه وكم ايجار عقاره الحين...اقل شي بيكون الفرق بخسارة 1000 ريال...يعني القسط المطلوب منه 15 الف والأيجار خلنا نقول 14000...وبعد ما يقدر يبيع الارض اللي راهنها للبنك لان سعرها نزل مثل ما ذكرتي...

عندج حلين :

الأول : انج تبيعين أرض الشمال وارض عين خالد وتشوفين لج مشروع مضمون وناجح وبعد دراسه...واكرر بعد دراسه ..دراسه ...دراسه...وتفرغين نفسج تماما لهذا المشروع.

الثاني : انج تقسمين ارض عين خالد وتبيعن قسم وبسعره تبنين القسم الثاني..وجذي لا عليج ديون في البنك وعندج دخل شهري لو نقص ما بتخسرين شي..وبعد عندج ارض الشمال استثمار للمدى البعيد.

شغموم

26-04-2010, 09:40 AM

moon_night

26-04-2010, 05:43 PM

انا اقول بيعيلي ارض الشمال و افتكي منها و انا بسوم الفوت فيها اب 25 ريال

و ارض عين خالد خليها حق المستقبل يمكن لا قدر الله تنكبير

بالله شنو 25 تبي تقص علي:weeping:

نصيحه من اخت لج
لا تبيعين ارض الشمال
لان اراضي الشمال بترتفع بعد كم سنه بعد ما يخلص الجسر بين قطر والبحرين
انا عندي ارض هناك بس محتفظه بها رغم ان ارضي تجاريه وعلى شارعين والفوت اغلى لتجارية

مشكوره على النصيحه بس شسوي ابي دخل يعني ابيع ارض عين خالد برايج واشتري فيلا مؤجره ماعرف

السلام عليكم...

أرض الشمال أرهنيها للبنك وزيديها بمبلغ وبفلوسها إبني أرض عين خالد ثلاث فلل صغيرة وحطي همتج على أول فيلا وأجريها وكملي الباقي على راحتج.

وأرض الشمال حوطيها وأجريها لشركة كمخزن هذا دخل ثاني.

وبالتوفيق إن شاء الله،،

يصير تتأجر ؟؟؟ حتى لو رهنت ارض الشمال كم بيعطوني يعني وماعندي مبلغ زياده

اختي بيعي الارضين وخلي البنك يشتري لج واخذي لج عمارة استثمار مؤجره بحدود 5 مليون او 6 مليون وخليها ادخل عليج ايجارات .

والله يوفقج
مشكور اخوي بصراحه فكرت بهالحل بس البنك شكثر بياخذ فوايد ماتعرف ؟ يعني تسوى السالفه برايك؟؟

وممكن ماتبيعين الارضين ترهنينهم عن طريق المصرف ويمولونج وتاخذين العماره ..

وتسددين من اجار العماره وبعد كم سنه عندج عماره والارضين موجودين ...

مشكور اخوي

اختي مع احترامي لراي الأخوان اللي سبقوني...انا ضد الدخول في متهاهات القروض والرهن...والأعتماد على الايجار للسداد والسبب هو:

اول شي اسألي اي شخص بنى عقار للأيجار عن طريق البنوك ..كم القسط المطلوب منه وكم ايجار عقاره الحين...اقل شي بيكون الفرق بخسارة 1000 ريال...يعني القسط المطلوب منه 15 الف والأيجار خلنا نقول 14000...وبعد ما يقدر يبيع الارض اللي راهنها للبنك لان سعرها نزل مثل ما ذكرتي...

عندج حلين :

الأول : انج تبيعين أرض الشمال وارض عين خالد وتشوفين لج مشروع مضمون وناجح وبعد دراسه...واكرر بعد دراسه ..دراسه ...دراسه...وتفرغين نفسج تماما لهذا المشروع.

الثاني : انج تقسمين ارض عين خالد وتبيعن قسم وبسعره تبنين القسم الثاني..وجذي لا عليج ديون في البنك وعندج دخل شهري لو نقص ما بتخسرين شي..وبعد عندج ارض الشمال استثمار للمدى البعيد.

مشكور اخوي رايك مثل راي اختي:)

السلام عليكم...

فكرة البيع سويلها delete من قاموسج
ولو خليتي الأرض فاضية أحسن لأنها لا تاكل ولا تشرب والعقار يمرض ولا يموت ويقولون عن العقار الأبن البار.

((((أختلاف الرأي لايفسد للود قضية))))

وبالتوفيق،،

اوكي انا بيني وبينك ماودي ابيع
اصلا مش هاينين علي عشره كم سنه بينا انا والارضين:weeping:
بس ابي دخل ابي اصرف:)

اشدعوه

26-04-2010, 05:44 PM

على فكرة اختي ثر الجسر مب صوب الشمال نهائيا ،،

الجسر صوب عشيرج يعني عن الدوحة 80 كيلو بالكثير ،،

يعني تعتقدين اللي بيي من السعودية او البحرين بيروح الشمال ؟ ،،، والدوحة على مسافة اقل ساعة زمن !!

سمو انسان

27-04-2010, 04:38 AM

اختي كشكل عام
اول شي اعتبري المبلغ اللي حطيتيه فارض الشمال كمبلغ حطيتيه فالبنك بدون اي فوائد
ولاتفكرين تبيعين خلي الارض وانسي موضوعها واعتبري الارضين مشروعين مختلفين .

اما ارض عين خالد فما اقدر افيدج لان بالي مشغول وادور ارض هناك

شجن

27-04-2010, 12:40 PM

السلام عليكم...

فكرة البيع سويلها delete من قاموسج
ولو خليتي الأرض فاضية أحسن لأنها لا تاكل ولا تشرب والعقار يمرض ولا يموت ويقولون عن العقار الأبن البار.

((((أختلاف الرأي لايفسد للود قضية))))

وبالتوفيق،،

ماشاءالله عليك عيني عليك باااارده صراحه كلامك دوررر ولا بعده ولا قبله كلام
يعطيك العافيه:nice:

N7eEeS

27-04-2010, 01:16 PM

مساج الله بالخير.
اول شي لازم يكون عندج ايمان تام انج ماراح تاخذين الا رزقج.
ارض الشمال 600*10.764*40 ريال للفوت=258.336 ريال تقريبا وتقدرين تخلينها القرار لج.
ارض عين خالد 1200*10.764*180 ريال للفوت=2.325.024 ريال وطبعا بيعتمد على سعر الفوت في الوقت الحالي للجاد.
انتي تبين تبنين وتأجرين ويكون عندج دخل ثابت وبدون وجع بنوك.
شوفي ارض في ام صلال محمد مساحتها 900م وافرزيها ارضين 450م تقريبا تكلفة الارض 900*10.764*110ريال للفوت= 1.065.636 تقريبا .
الفرق بين مبلغ بيع ارض عين خالد وشراء الارض في ام صلال محمد
2.325.024-1.065.636=1.259.388 ريال تقريبا
المبلغ هذا ابني فيه فلتين في ام صلال اول شي ابني وحده وعقب ابني الثانيه بعد متأجرين الاولى بفتره.
والله يوفقج

العقيد

27-04-2010, 01:53 PM

بيعي الارضين وحطي فلوسهم في البنك وديعه سنويه بحدود 150000ريال يعني بمعدل 12000شهريا تصرفين منها على راحتج.

او بيعي الارضين وحطي فلوسهم في البنك وكل شهر سحبي منها 20000 الف ويبيلج 10سنين عشان تخلصينهم:nice:

خليفـة

27-04-2010, 03:41 PM

رايي بقوله لج اختي بعدين

:)

العضو الماسي

27-04-2010, 04:02 PM

أختي تبين نصيحتي لج . بيعي الأرضين أذا انتي ماعندج كاش . بتجيب لج مليونين ونص الارضين . بهالقيمه أشتري لج أرض في أم صلال علي أو محمد . مساحه 1000م او 800 بسعر قريب 1 مليون او 1 مليون و 200 وبيزيد عندج 1 مليون و300 شطبي الفيلا براحتج ومليون و300 تكفي للبناء وتزيد ممكن . وبهالطريقه بيتي لج فيلا جديده وبنيتيها كاش لا بنك ولا دين ولا سلفه . وهذي رأيي الشخصي . وفيلا 800 او 1000 متر براحه راح تتأجر منج ب 10000 ريال . كدخل مضمون . وشكرأ .

الجبهان

09-06-2010, 12:43 AM

انا ابي استأجر الارض الي في عين خالد ...

وش رأيك ؟

وانا جااااااااااد

hussainy

09-06-2010, 07:49 AM

السلام عليكم

نصيحه مني اختي اولاً افرزي ارض عين خالد على 3 قطع وبعدين بيعي ارض الشمال بسعر السوق وبعدين بيعي قطعتين ارض من عين خالد وبعدين بمبلغ الأراضي ألي بعتيهم من الشمال والقطعتين من عين خالد ابني على القطعه الموجوده في عين خالد واجريه ومنه بيكون دخل عليج وانتي المالكه للفله وفوق هذا بيكون مبلغ زياده عندج وهذا احسن حل لا دين ولا قسط على كيف كيفج .

والله الموفق