الي سافر المالديف يدخل...

[مختصة]

تنصحوني بالمالديف شهر 5 ؟؟
وين ارقى سكن؟؟
وشلون خدمتهم وجوهم .؟
حلوه ول لا..
يليت تعطوني معلومات وتفيدوني..
واكون شاكره لكم

[*¤ بن قطر¤*]

كل المعلومات عن جزر المالديف ستجدينها في هذا الرابط

http://travel.maktoob.com/vb/travel53899/

[مختصة]

تسلم اخوي..

[حمد911]

تنصحوني بالمالديف شهر 5 ؟؟
وين ارقى سكن؟؟
وشلون خدمتهم وجوهم .؟
حلوه ول لا..
يليت تعطوني معلومات وتفيدوني..
واكون شاكره لكم

مرحبا مختصة

انا كنت بالمالديف شهر 2 والبلد جدا جميل وهادئ وراقي خصوصا بتعامل بس شهر 4 وطالع يكون موسم امطار افضل الاشهر من شهر 11 الى شهر 3 يكون جوهم حلو

انا سكنت في فندق شنغريلا بجزيرة اسمها can منتجع وايد فخم وراقي بس بعيد ولازم تاخذين طيارة داخلية بس يستاهل العنوة وماراح تندمين ابدا

بس اذا حابة تاخذين شي قريب عندك الفل مون حلو بعد وسكنتة بس مايقارن بشنغريلا نهائيا

عندك منتدى المسافرون العرب حلو وفية كل المعلومات

وموفقة ان شاء الله

[اسير الصمت]

في جزيره اسمها كرومبه وااايد حلووه وقريبه من المدينه مع المركب تقريبا 25 دقيقه انا زرتها شهر 2 والله والجوو واايد كان حلووو واستانس واايد .

[طموحي عالي]

اسيا ماتنفع من بعد شهر 4

[بو خليفه 123]

في جزيره اسمها كرومبه وااايد حلووه وقريبه من المدينه مع المركب تقريبا 25 دقيقه انا زرتها شهر 2 والله والجوو واايد كان حلووو واستانس واايد .

كورومبا هي من افضل الجزر من بعد منتجع الفور سيزن .

معنى كورومبا (الاناناس) في لغة المالي (لغتهم)

المالديف بشكل عام غاليه و لكن هي البلد المناسب للراحه والاستجمام بالحرص على عدم الجلوس بالجزيره اكثر من 4 ايام حتى تقومون بكافة الانشطه البحريه .

اما بخصوص الاجواء : هي Tropical على مدار السنه
يعني خمس دقايق شمس و خمس دقايق مطر (مزاجي)

رحله سعيده ان شاء الله ..

[اهـم001]

السلام عليكم
بخصوص الموضوع انا عندي فندق الدبليو احلى شي هاي بنظري الخاص

[الــــروح]

بلاد حلوووه بس حاسب انك تشرب عصير افرش لانهم يحطون فيه كحول ام سطلت سطله بس كانت حلال ماادري عنها وتهاوشت مع مدير الجزيزه وطلعت منها بس حدك 4ايام لان الجزيزه محدوده ومافيها شي اما انك تغير كل يومين جزيزه حلوه ,من افضل الجزر الي رحتها الفور سيزون

وربي يوفقك

[مزعله النساء]

السلام عليكم و رحمه الله وبركاته

والله كنت في المالدييف شهر 2 واحترت وين اسكن لانه كل فندق ماعليه زود من كل النواحي وفي الاخير سكنت ب w روعه وفخامه وخدمه 7 نجوم

بس كرومبا مانصح حد السكن فيه لانه قريب من العاصمه وتشوفين الانوار وتسمعين الازعاج من البواخر القريبه منه والمطار ايضاء

دبليو في عالم خيالي لا نور ولا ضوضاء غير النجوم وصوت البحر

ودي ارجع لها

[مشتاقة لقطر]

رحت منتجع فيجزيرة اظن اسمها كوروماثي

الانشطة للناس اللي يحبون البحرويمارسون انشطته او معاريس ههه

يعني يسولفون ولا يزهقون من بعض

انا رحت بعباة + ولاني عروس يعني ما نسابتني وايد بس المكان خيالي في الكباين بوسط البحر تسكن وتحتك السمك .. وكل انواع الاحياء البحرية ..

حلوة للاجانب مفاصيخ يسبحون ويجدفون ويصيدون ..

ما طولت فيها قعدت 3 ايام وعودت

جوها حلو بس حر بالنسبة لي ملابسي مليون طبقة

[بزنس وبس]

اذا كانت شهر عسل

او سفره مع زوجج فقط

انصحج فيها بقوووو
صراحه جزر المالديفز جزر ولااروع رومانسيه كثير

[S A L M A N]

ايا عليهاااا

حلم حياتي اني اروحها :(

[رهج السنابك]

؛

المالديف رووعه للعرايس الجدد


؛

[clouds]

انا حت لها حلوووووه لاني احب البحر..وكان في شاليهنا بركه خاصه للسباحه فخذت راحتي وبعد في جزر تروحها تكون خاليه من الناس الوحده تقد تروح تسبح هناك لان يخلونكم من الظهر لين قريب المغرب
بس ترى واااايد غاليه وبالكثير 4 ايا تكفيها

[Miss London]

:omg: الله .. ابي اروح

[ماجد]

مرحبا مختصة


انا سكنت في فندق شنغريلا بجزيرة اسمها can منتجع وايد فخم وراقي بس بعيد ولازم تاخذين طيارة داخلية بس يستاهل العنوة وماراح تندمين ابدا

وموفقة ان شاء الله

المالديف حلاتها اسبوع بس مو أكثر ويستحسن انك تزور منتجعين عشان ماتتملل

انا سكنت في الفور سيزون اسم المنتجع كوداهورا وسكنت في شانجريلا

ميزة الفورزسيزون قريب من المطار تقريبا نص ساعة بالطراد

وعندهم مطعم هندي فنان بصراحة. الشالية حلو وفية مسبح ويطل على البحر.

عيب المنتجع ان الجزيرة صغيرة.


منتجع شانجريلا

الجزيرة اللي عليها المنتجع كبيرة وماتقارن بالفور سيزون. الشالية أكبر وأفخم بكثير وأرخص والمسبح الخاص بالشالية أكبر وأرتب. يعطونك جوال خاص فيك :telephone: ويخصصون لك خادم خاص اي شي تبية يلبية لك. الفعاليات كثيرة. مركز المساج مالهم فنان واحترافي.

عيوبة مكانة بعيد ولازم طيارة داخلية. بعض الشاليهات الشاطئء المقابل صخري ويستحيل السباحة.



رحلة موفقة

[حمد911]

ماجد قال تقريبا كل مميزات فندق شانجريلا

في مطعم عندهم اسمة جابور وهو المطعم الرئيسي بس ممتاز جدا

ومطعم اسمة دكتور علي

والثالث مطعم بحري بس ناسي اسمة

[moojq6r]

رحلة سعيده

[ماجد]

تنصحوني بالمالديف شهر 5 ؟؟
وين ارقى سكن؟؟
وشلون خدمتهم وجوهم .؟
حلوه ول لا..
يليت تعطوني معلومات وتفيدوني..
واكون شاكره لكم

فيه نقطة نسيت اقولها اذا بتروحين المالديف يفضل تسوين الحجز كباكج كامل

(تذاكر+سكن+مواصلات) بيطلع عليج ارخص ويستحسن تاخذين الباكج من الاماراتية

انا رحت القطرية وقالولي منتجع الفورسيزون مافية حجز فل وماتقدر تحجز أكثر من منتجعين.

رحت الاماراتية وقالولي فيه حجز وتقدر تحجز حق أكثر من منتجعين لا والسعر نفس سعر

القطرية بس الفرق ان التذاكر بزنس والترانزيت ساعة بس حجزت معاهم بدون تفكير.

[هبة ريح]

من زمان احلم اني اروح المالديف وان شاءالله يتحقق هالحلم :(