موضوع قديم عن الجن ذكرني فيه اخوي الغالي هدهد(حياكم)

[أمير المحبه]

هذا والله العضيم وربي شاهد ماعانيته من الجن بس طبعا قبل 3 سنوات :(

اول شي صبحكم الله بالخير ونا سعيد رجعت لكم بعد فتره طويله

لاسباب وضروف خاصه :)

طبعا موضوع اخوي الهده فتح باب انا صكرته من زمان وباب يالهو من باب

هالباب كان مفتوح تقريبا سنه ونص بس الحمدالله صكرنا نهائيا :(

الموضوع


كنا ساكنين في ام سعيد كنا في بيت طابقين المهم الطابق الاول الصاله

والمطبخ والمخزن والطابق الثاني الاغرف وصاله صغيره

يوم من الايام وهاليوم كان بداية الايام المرعبه الجايه

المهم هاليوم جفت فيه قطوه صغيره اتجنن بس (سوووده) وتقريبا عمري كان

19 خذت القطوه وربيتها ودخلتها بيتنا وسويتلها بيت صغير في بيتنا

وحبتني القطوه وتعودت علي كل ماكنت ادخل البيت تركض صوبي

ونا اخذها ولمها مادريت هاللمه بتسبب لي بلاوي المهم

ومرة الايام وفي يوم من الايام كلنا قاعدين تحت ونسمع صوت(طراااخ)

شي عود طاح من الاكبيييييير من اخواني طبعا انا :weeping:

(اكلها عااد) الوالده يا امير روح جوف شصاار

ونا السالفه جنها مب لي ها هلا يمه اتكلميني :(

اتقول اقولك روح جوف شصاار قلت لها طيب المهم رحت ولا اجوف

احنا عندنا عروسه تقريبا ايامها اطول مني العروسه وجوفها

طايحه من فوق الكبت والله تصرقعت ثقيله شلون اطيح ماعرف المهم خفت

قلت للوالده مشت السالفه بلفيت ماتخاف ومشة السالفه

بعد كم يوم وحنا نايمين نسمع اصياح يااهل امي اتقول يحليله هالياهل

مايقدر يرقد اقولها يمه جيرانا اعيالهم كلهم اكبار اتقولي والله اقولها اي

اتقول عيل من هالياهل اقولها (خييير انشالله ونا ميت من الخوف):weeping:

وتقولي روح جوف من هالياهل (لاااااااااااااااااااااا بس حرام):weeping::weeping:

قلت لها يمه صراحه اخاف قالت لي يالدثوي روح اقولك يعني انت الحين ريال البيت

قلت يمه انا خدامة البيت بس مب راايح :((المكان مضلم حسي فيني يمه) :weeping:

المهم اطلعة معاي ورحنا الحوش ولا انلاقي ذيج القطوه السووده اللي اعيونها

اتخرررع واقفه عند الباب امي من الحوف يرتني مادري من شنو انا بعد نسيت

ودخلتني البيت وسمة وصكرة الباب المهم وخذو عاد صوت الياهل طبعا

اتعرفون من هالياهل (:vampire:) لين الصبح وكل يوم على هالحال

والصوت يروح قبل اذان الفجر بشوي

المهم بعد كم يوم ونا اتمشى صوب بيتنا كلها شجر اسمع واحد يناديني

من صوب الشجر امير امير اقوله من يقولي مصبح (واحد من الربع)

يقولي تعال اندور قلت له لا ياخي تعبان والوقت تقريبا كان 2 ونص

حاول ونا عييت تعبان والنوده ساطرتني رديت البيت قلت في نفسي يالله

لفه وعوود طلعت مالقيته قلت خلي اتصله ويمر علي

المهم ألووو امصبح تعال خلاص يالله خلي نطلع شوي

يقولي شفيك الحين نطلع اقوله ايه ياخي مساعه تبينا نطلع يقولي انا اقوله ايه

يقولي امير انا بيت خالي اليوم اصلا ماكنت بالبيت اهني انصدمت والله

حلفته وحلف (عرفت السالفه ومن يومها ماقمت اطلع نص الليل)

ومرةالايام وحنا حالتنا حاله المهم بعد كم اسبوع الوالده عصبة من شي

وفلعة قطوتي بالطوووووووووفه :eek5: (السوده)



انكمل في الجزء الثاني وراي قعده الصبح

[ظبيــღــه]

escape

اسمحلي ماقدر اكمل

والحمد لله انه هالباب تسكر

وعليك بالاذكاار اخوي

والحمد لله الذي عافانا مما ابتلاك به

[M7ammad]

والحمد لله الذي عافانا مما ابتلاك به

انتظر التكملة اخوي

[sara jsm]

ههههههههههههههههههههههه
يااخي لاتسوي نفس هدهد ,, مندمجة انا
كمل قصتك مرة وحدة ^ ^
عالعموم راح اكون من متابعينك ,,
ونزل اجزائك الصبح هالحزه :shy:

يعطيك العافية يارب ,,

[سمو الأميرة]

كمل كمل احنا مانخاف خلاص تعودنا


خخخخخخخخخخخ

[ام سلطون]

وينك؟؟؟؟؟؟؟؟؟؟؟؟؟؟

[ريم قطر]

ننتظرomen

[بو الجوري]

من طول الغيبااات :.. جاب الينانوه :eek5::.. اوه أقصد الغنايم :.. :nice:
وينك ياخي لا حس ولا خبر :.. :telephone:

لك وحشه والله أموري :..:shy:

كمل كمل :..:rolleyes2:

[هذلان]

ايواا ايوااا ايوااااااااااااا


:spider:

[غزلان]

افضل اني escape

[عاشق الشهادة]

كمل وعين الله ترعاك :nice:

[ممنوع اللمس]

والله يا امير في بيتنا لين اليوم افلام هنديه اقولك وربي نشوف ناس مادري شنو اصلا واللي يقول ان الجن ما ينشاف اقوله يستريح ابرك له ينشاف وشفته بعيني
تخيل قسم بالله ان مره امشي في شارع يمين بيوت ويساري بر ومزرعه قديمه وانا على سيارتي الا ثلاث حريم وربي جايين صوب السياره وما يمشون عالارض شبه طايرين ويوم قربو حيل حيل حيل من السياره اختفو قسم بالله سيارتي كانت مكسيما اقولك من الخرعه صارت لامبورجيني مورشيلاجو مكينه قدام ومكينه ورا ويوم وصلت البيت قلت للوالده وكالعاده انت يتهيأ لك :( المهم في نفس اليوم انا منسدح في غرفتي الا كبت الملابس تبطل وتسكر بقو وكنت مطفي الليت والله جاني تشنج في عضامي من الخرعه ولا تحركت وربك ستر
وطرت للبيت ومن بعدها اسبوع كامل انا في مسجد الفرقان مس خارجي

[شجرة الدر]

افضل اني escape




غزلان اخذيني معاااج escape

[هدهد سليمان]

ما تشوف شر يالغالي .. واي خدمه اخوك حاضر :)

[الـقـنـاص]

ههههههههههههههههههههههههه
عليك تعليقات يالغالي


بس حلو انك تعيش اكشن كل يوم

انا من يوم ماشدينا من بيتنا القديم خلص الاكشن والا كان وناسه


المهم كمل

[أم نوره]

متابعه

[حليتان*]

تااابع معاك على الخط :)




اخااف ان مسوي فينا مقلب !!!

[أمير المحبه]

والله عشان خاطركم دشيت بدري ولا انا وقتي بعد الساعه 1 فالليل

بس تستاهلون كل خير انكمل

ومابي اسهركم وتعب عيونكم وجسمكم

يالله انكمل

[أمير المحبه]

ومرةالايام وحنا حالتنا حاله المهم بعد كم اسبوع الوالده عصبة من شي

وفلعة قطوتي بالطوووووووووفه (السوده)


ونا اهني بطلة عيني وصراااااااااااحه خفت ان يصير فيها شي والله العضيم

ترا القطوه تخيلو سووده ومن قوة الالم طلع منها دم والله

بعد كم يوم نص الليل الوالد سمع الوالده اتصارخ قمنا كلنا الوالد قعدنا

يقول الحقو جيبو ماي حق امكم ونا اركييييييض جبت الماي ورجعت

الوالده ترتجف من الخوف اقولها يمه شفيج اتقولي مادري شي اسود

كان جايني ويبي يخنقني وجوف طفل في الحلم جنبي يطالعني ويصيح وهو معصب علي

(عرفت الطفل يعني القطوه وجايه مع امها)

وخبرت الوالده بالموضوع الوالده خافة صراحه اليوم الثاني جابة (اللف)

ولفة رجل القطوه وعالجتها (من الخوف طبعا مب عشان سواد عيونها )

لان الوالده ماداني الاقطاوه وبوي وده الوالده عند شيخ وقرا عليها قالها

جيبي لحم وديه في المكان الفلاني ذبيخه ترا ودينها للمكان الافلاني

واليوم الثاني الحمدالله ارتحنا من هالموضوع افففففففففف (افتكينا)

المهم بعد كم يوم جت الرضيعه طبعا اهي متزوجه وماتعرف عن سالفة هالقطوه

والله العضيم (يفداكم الجذب) ارقدة بيتنا تقريبا يوم القطوه كانة تلعب وتلعوز

اختي نص الليل اشسوة اختي خذتها حطتها في المخزن وصكرة الباب

نص الليل الساعه تقريبا 2 ونص نسمع حد يطق باب المخزن(طق طق طق)

جنه ريال يطق علينا الباب خفنا اختي قالة وين عبود (اخوي الاصغير)

قلنا لها نايم فوق طبعا المخزن تحت مثل ماقلت لكم المهم فتحنا باب المخزن

ولا القطوه السوده اطلعة عادي وراحة صوب الحوش

اعرفة الاختي الموضوع وقلنا لها بالسالفه من ذاك اليوم في الاسبوع مره اتجينا

:(

طبعا هالقطوه مرات قبل لايصير هاي كله انا ااكلها وشربها وسبحها ومرات ارقدها

عندي (يااااااااحبيبي ولاكنت ادري شالسالفه والله لين عقب ماعرفت عنها ابتعت عنها شوي)

من الخوف طبعا وكل ماكنت ادش البيت اتجي صوبي ميوو وميوو

(ونا ميت من الخوف:weeping:)

المهم مع مرور الايام الوالده اعزمة خوالي ونسيبي واحد من خوالي (مطوع)

قعدنا تحت في الحوش نشوي تقريبا الساعه 11 او 12 مستانسين

طبعا محد منهم يعرف عن بيتنا وبيتنا وراه كان بررر (تدرون قعده وفي الخلاا)

المهم مر الوقت وتقريبا الساعه 1 ونص والله العضيم ياخواني وخواتي

(عشان محد يقول ليش ماقلت ياخواتي بس قلت ياخواني صج فاضي انكمل المهم)

وتقريبا الساعه وحدددددددددددده ونص باليل صار شي ماكان بالحسباان والله العضيم

بقولكم هالشي بكره انشالله لاني الحين براجع ونا اتعلم لغات الحين

وعندي كم شغله بخلصها انشالله ورجع لكم اعذروني والله بكره انكمل

(وصلنا الساعه 1 ونص فاليل صار شي محد كان يتوقعه :weeping:)

[أمير المحبه]

تااابع معاك على الخط :)




اخااف ان مسوي فينا مقلب !!!

والله يااااااااااااااااااريته كان مقلب بس للاسف صج

ولين الحين ماشفت شي والله

:weeping:

[حليتان*]

يسلم عليك واحد























http://up4.m5zn.com/9bjndthcm6y53q1w0kvpz47xgs82rf/2009/12/2/10/8adiow7c5.jpg



بوسمره :)

[اعالي الجنان]

الله يبعد عنك شرهم وعليك بالاذكار والتحصين يوميا والله الحافظ

[بوخالد911]

يا خي

كفاية توقيعك يخوووووف


:)

هلا حبووب

اخبارك بس
؟

[اعالي الجنان]

http://qatarshares.com/vb/showthread.php?t=208313&highlight=%C7%DA%C7%E1%ED+%C7%E1%CC%E4%C7%E4


لاتجيب طاريهم وقصصهم لاني مجربه اخرتها تلعوزت منهم...شوف الرابط وبتعرف

[أمير المحبه]

http://qatarshares.com/vb/showthread.php?t=208313&highlight=%C7%DA%C7%E1%ED+%C7%E1%CC%E4%C7%E4


لاتجيب طاريهم وقصصهم لاني مجربه اخرتها تلعوزت منهم...شوف الرابط وبتعرف



الله يحفضج اختي الغاليه

بس انا عتبان عليج في شي


الحين من اول صفحه لين الصفحه قبل الاخير ه


كله اتقولين حق العالم يالخوافين ويالجبناء لاتخافووون

وتضحكين عليهم صح :eek5:

والله استغربت من اسلوبج في الكلام

كل ماوحده ولا واحد قالج قصته ضحكتي وقلتي لاتخافون يالخوافين

:(

شكلج كنتي مستهزئه بالموضوع مبين من كلامج يالغاليه

يالله الله يحفضج ويبعد عنج الشر يااااااارب :weeping:

[أمير المحبه]

يسلم عليك واحد























http://up4.m5zn.com/9bjndthcm6y53q1w0kvpz47xgs82rf/2009/12/2/10/8adiow7c5.jpg



بوسمره :)



لا تكفااااا

خلاص لاتذكرني بالماضي اماف

الله يسامحك بس :weeping:

[عيون Qatar]

متابعة ,,,,,,,,,,,,,,

[حليتان*]

الله يحفضج اختي الغاليه

بس انا عتبان عليج في شي


الحين من اول صفحه لين الصفحه قبل الاخير ه


كله اتقولين حق العالم يالخوافين ويالجبناء لاتخافووون

وتضحكين عليهم صح :eek5:

والله استغربت من اسلوبج في الكلام

كل ماوحده ولا واحد قالج قصته ضحكتي وقلتي لاتخافون يالخوافين

:(

شكلج كنتي مستهزئه بالموضوع مبين من كلامج يالغاليه

يالله الله يحفضج ويبعد عنج الشر يااااااارب :weeping:

http://qatarshares.com/vb/showpost.php?p=3247180&postcount=842 ياريال شوف ردها :eek5:


انا اخاف مب قاري :weeping:

[أمير المحبه]

http://qatarshares.com/vb/showpost.php?p=3247180&postcount=842 ياريال شوف ردها :eek5:


انا اخاف مب قاري :weeping:


صججججججججج شي يخووووووووووف اماف :eek5:

:weeping:

خلاص بحاول اخلص قصتي في اقرب وقت

بس تابعوني وفالكم طيب :)

[sara jsm]

لا يااخي لاتطول جي ,, :weeping:
كمل بسرعه ,,

[ام سلطون]

متابعه

[همس القصيـد]

متابعه معاكم بس الصبح في الليل {نو وي}

[Al-Jawhara]

تعبت وأنا أنتظر أمير

يلا نبي نعرف وش صار

[قطر love]

وينك يا امير وييييييييييييييينك

[شويهينــه]

:unsure::unsure:

ننتظر التكمله


وانت لحين مابطلت سهر :rolleyes2:

[findi]

وووووينك أمير :(

[هذلان]

نعتذر عن انقطاع البث من المصدر :)

[أمير المحبه]

رجعت لكم بس صراحه امس مقدرت اكمل لكم الصه والله العضيم ياخواني وخواتي

بس الله ايهداكم خرعتوني اللي حط رابط واللي خرعني قمت اوس وس والله

خفوو علي شوي :weeping:

بروحي اخاف من ضلي :eek5:

المهم وصلنا الساعه 11 فاليل وحنا كلنا في الحوش قاعدين ونشوي

اشوي ومن فوق يطيح قوطي بيبسي صوب خالي الامطوع وقلنا هوا

بس اتطيح كوره على راسه من فوووووووووووووووووق لا قويه :(

والله العضيم متنا خووف يومها بس من عقبها خالي قالي اطلعو من هالبيت

مب زين لكم ولا لخوانكم وتمينا شهر تقريبا وبعدها شدينا من البيت

بس وفي اشياء وايد صارة بس خلاااااااااااااااااااااااص مستحيل اكمل

والله خرعتوووني ونا ابروحي كله سهران بعد اتخرعوووني لا يبه اكتفي

بالاهقصه وهالتكمله صراحه صارلي كم شي وربي شاهد علي بس مادري

ماجزم لكم من شي ولا في شي بس انتو احكموووو على اللي صارلي

وانصصصصصصصصصصصصصصصصصصصصصصصصصصصصصصصح

الكل اخواني وخواتي (لااااااااحد يكتب قصص ويتكلم عنهم اسالوني انا):eek5:

هاي نصيحتي وكيفكم والحي حسيت باختي اعالي اللي تكلمت بس اهي الله

ايهداها فوق ال 70 صفحه شدعوه اتحضر ارواح انا الحين بس كتبت 3 صفحات

وبقولكم شصار معاي والله صارة اشياء وقسم بالله ماخرعكم بس اشياء

يعني عمرها ماصارة معاي كللللللش الا بعد ماكتبة القصه

والحين الوقت تاخر بروح اجوف تلفزيون ونسي نفسي شوي اوكي:weeping:

وتااابعوني

المره الجايه بقولكم شصاار معاي بعد ماكتبة القصه

ونا لو علي مااااااااااااقول بس بقول لكم عشان محد يفكر يكتب قصص عنهم

تاااااااااااااااابعوني وخذو بنصايحي الله يرحم لي والديكم

:(:weeping:

[أمير المحبه]

http://www.islamonline.net/Arabic/mawahb/2001/font/08/images/pic1.jpg

اقروو هالأيه بعد ماتقرون القصه

والله يحفضكم

ترا الموضوع جد والله العضيم

[أمير المحبه]

وأي حد عنده اي سؤال عن اي شي يخطر في باله ماقولكم اناعالم وخبير

بس خالي مطوع وشيخ دين

واللي يصيرلي بعد شيخ دين

وعدهم كل المعلومات

انشالله اقدر افيدكم باي طريقه

ولاحد يتردد في اي سؤال اليوم بتردد بس بكره لما يصير اي شي

بتندم انك ماسالت ولا خذت الجواب

والله يحفضكم مره ثانيه

[• النشبهـ •]

كنت انتظر تكملتك بس بعد ماقريتها تحسفت :eek5:
الله يحفظك ياخوي ويحفظنا معك :weeping:
انا مدري وش مسهرني من سنة جدي مفتكه من السكون :weeping:

[أمير المحبه]

كنت انتظر تكملتك بس بعد ماقريتها تحسفت :eek5:
الله يحفظك ياخوي ويحفظنا معك :weeping:
انا مدري وش مسهرني من سنة جدي مفتكه من السكون :weeping:

دام انج سهرانه الحين بقولج شي شرايج

انا من تقريبا 4 سنوات من اخر الاحداث اللي صارتلي

ونا عيني ماذاقة نوم الليل لين اليوم

خلااااص ماقدر انا الليل انطر الشمس تطلع عقبها انام

:weeping:

[أمير المحبه]

كنت انتظر تكملتك بس بعد ماقريتها تحسفت :eek5:
الله يحفظك ياخوي ويحفظنا معك :weeping:
انا مدري وش مسهرني من سنة جدي مفتكه من السكون :weeping:

دام ان[ سهرانه الحين بقولج شي شرايج

انا من تقريبا 4 سنوات من اخر الاحداث اللي صارتلي

ونا عيني ماذاقة نوم الليل لين اليوم

خلااااص ماقدر انام الليل انطر الشمس تطلع عقبها انام

:weeping:

[• النشبهـ •]

الله يعينك حالتك متأزمه يارجال :eek5:

تيب ودك بنصيحة مجرب :shy:
من ايام المبزره ويقولون اني ممسوسه ودايم يغمى علي واتخرع من ولاشي:eek5:
رحت لجميع مطاوعة الدوحه والسعوديه >> واتوقع اني مريت ع خالك بجولتي :nice:
اخر واحد نصحني اتروش يوميا بماي زمزم واكل ملعقة عسل والوالده الله يحفضها ماقصرت بالقرآن والاذكار :shy:
وهذا انا ولله الحمد قدامك :nice:
وبص هاي نصيحتي لك :shy:

[حليتان*]

:eek5:

[sara jsm]

http://www.7mmlbs.com/img/z3o42937.gif

الله يحفظنا ,,

[بوغانم995]

يقولك 3 ينانوه دخلو في صعيدي وحد قاعد يشرح له وثنين يحاولون يفهمونه......وبسسسس

[أمير المحبه]

يقولك 3 ينانوه دخلو في صعيدي وحد قاعد يشرح له وثنين يحاولون يفهمونه......وبسسسس

انا مالي خص رجاء لادخلني بهالمواضيع :eek5:

:weeping:

الله يحفضنا وياك:(

يالله يالله بعد تقريبا ساعه بتغدا وريح

ماراقد الا تقريبا 4 ساعات

من 6 ايلين 9 :(

[أمير المحبه]

http://www.7mmlbs.com/img/z3o42937.gif

الله يحفظنا ,,

تابعي اخر جزء من قصتي اليوم فالليل اوك

وهي الاحداث الاخيره اللي صارة معاي

والحين ماقدر تعبان فالليل كالعاده بكون سهران

وكمل لكم الاحداث :(

[أمير المحبه]

:eek5:

سلامة اعيونك

هاي لازم جذي في البدايه بعدين تتعود اماف :weeping:

[أمير المحبه]

الله يعينك حالتك متأزمه يارجال :eek5:

تيب ودك بنصيحة مجرب :shy:
من ايام المبزره ويقولون اني ممسوسه ودايم يغمى علي واتخرع من ولاشي:eek5:
رحت لجميع مطاوعة الدوحه والسعوديه >> واتوقع اني مريت ع خالك بجولتي :nice:
اخر واحد نصحني اتروش يوميا بماي زمزم واكل ملعقة عسل والوالده الله يحفضها ماقصرت بالقرآن والاذكار :shy:
وهذا انا ولله الحمد قدامك :nice:
وبص هاي نصيحتي لك :shy:


صادقه شكلج مريتي على خالي

وشكلج مريتي على الثاني اللي يصيرلي بعد

ماشالله ماخذه جوله حول العالم

الله يحفضج :(

[أمير المحبه]

متابعه معاكم بس الصبح في الليل {نو وي}

ونا المشكله ماكتب الاحداث الا في الليل

وقلت لكم السبب همس

:weeping:

[أمير المحبه]

تعبت وأنا أنتظر أمير

يلا نبي نعرف وش صار

اسمحيلي الجوهره

بس قطعت عنكم يوم الصراحه ماقصرتو فيني طحتو فيني تخرررع

لين ماقمت اتخيل الكنبه تتحرك فالليل :weeping:

وصارة وايد احداث والله العضيم

بس مراعاة لشعوركم

الاحداث اللي بكتبها بختصرها وبخليها الاخيره :(

[أمير المحبه]

وينك يا امير وييييييييييييييينك

موجوووووود والله

اليوم بكمل لكم الاحداث

:)

[أمير المحبه]

:unsure::unsure:

ننتظر التكمله


وانت لحين مابطلت سهر :rolleyes2:

ابشرج الحين قمت اسهر الين الساعه 2 3 الظهر

شويهينه :weeping:

تخيلي الين الحين بس راقد 4 ساعات :(

والله احاول ارقد بس ماقدر خلاص تعوت

[أمير المحبه]

نعتذر عن انقطاع البث من المصدر :)

نعتذر لان الخلل من المصدر

و نتضرورنا اليوم

في خبر عاجل :(

[أمير المحبه]

اليوم انشالله فالليل بحاول اقولكم الاحداث بس قبل الساعه 1

مراعاة لشعوركم ياخواني وخواتي

وبحاول اخلص لكم القصه والاحداث عشان انصكر

هالباب لان ماوراه الا اعوار الراس

(وشلك في البحر وهواله مدام رزق الله على السيف)

والله هالمثل اللي بيتبعه بيفلح في حياته

وتابعونا وفالكم طيب

[أمير المحبه]

هالموضوع اذا فتحتوه وفكرتو فيه بينطبق عليكم هالمثل

(ان ركست أكلني السمك وان طفحت أكلني الطير)

يعني بتتلعوزون لا محاله

[أمير المحبه]

بعطيكم ارقام المشايخ اللي يعالجون بالرقيه الشرعيه

1- الشيخ عبدالرحيم
5216965

2-عبدالعزيز
5276775

3-محمد
5249087

4-محمد كمال شعبان
5249087

5-هشام محمد الكدش
5365785

6- فوزي احمد النعيمي
5411042

واي شي ثاني انا حاضر وبالشوفه :shy:

[findi]

حالتك صعبه يا امير

كل هذا خوف من الجن ! :rolleyes2:

اخوي امير صدقني مايقدرون يضرونك بشي او يسوون لك شي الا باذن الله

وطول ما انت محافظ على هالثلاث اشياء ( صلاتك + اذكار الصباح والمساء + قراءة القرآن ) صدقني ماراح يضرونك بشي

انا احب اقرا قصص عن الجن واحب اسولف عنهم والحمدلله ولا مره حسيت بشي او صادني شي :victory:

[أمير المحبه]

حالتك صعبه يا امير

كل هذا خوف من الجن ! :rolleyes2:

اخوي امير صدقني مايقدرون يضرونك بشي او يسوون لك شي الا باذن الله

وطول ما انت محافظ على هالثلاث اشياء ( صلاتك + اذكار الصباح والمساء + قراءة القرآن ) صدقني ماراح يضرونك بشي

انا احب اقرا قصص عن الجن واحب اسولف عنهم والحمدلله ولا مره حسيت بشي او صادني شي :victory:


ماشالله عليج امبين انج وايد مدينه و24 ساعه استغفار وتسبحين

واذكاار بس والله انا ماقص عليج انا مب مثلج

شوي مقصر والله

عيل انا نزلت تكملة القصه ابموضوع جديد حياج اختي الغاليه :)

[أمير المحبه]

تاااااااااااااااااااابعو التكمله في الموضوع الجديد اللي سويته