لثام المرأه موضه ام تدين [الأرشيف] - منتديات شبكة الأسهم القطرية

مشاهدة النسخة كاملة : لثام المرأه موضه ام تدين

مارشلاجو

26-04-2010, 10:53 AM

لثام المرأه سلاح ذو حدين
اللثمة هل هو اسلامي , ام هو تماشياً مع عادات وتقاليد ترسبت لدى مجتمع ما , وهل الوجه عورة؟.. ولماذا اللثام؟.. وهل أنت مقتنعة بشرعيته أم هي العادة والعرف الاجتماعي؟.. وأي النساء أكثر عرضة للمضايقة والتحرش الملثمه أم الكاشفه للوجه؟..وما حقيقة استثمار بعض النساء اللثام في الجانب اللاأخلاقي والإثارة وإنتاج الفتنة؟..وهل هو تقليد اجتماعي ملزم.
بطبيعة الحال لا اود ان اخوض في شرعية اللثام ولن اخرج من قطر فالوضع فعلا" يحتاج الى تمعن وتفكير فالنساء منذ ان خلقهم الله وهم في عراك مع الرجل في الخفاء والدهاء مع ان الله خلق النساء منا نحن الرجال (الضلع الاعوج) وكنا سبب لوجودهم في هذه الدنيا ولكن نكباتهم لنا ومشاكلهم تعدت كل الحدود .........والعجيب اننا نحن الرجال نسعى للنساء في مأكلهم ومشربهم وملبسهم ونخاف عليهم ونحتويهم ونقاتل ونموت من اجلهم ولكن لا يضمر ذلك فيهم شعرة نمله......... وما اود ان اصل اليه ان النساء بما خلقهم الله وبما فضل بعضهم عن بعض في الدين او النسب او الجمال او المال تجد قليل منهم من الشاكرين....... وسانتقل بعيدا" جدا" الى عصرنا هذا والى وقتنا الحالي فالمرأه المسلمه المحتشمه سواء كانت تلبس الحجاب او النقاب او اللثام تبقى محتشمه في كل ما تلبس وهم بصراحه كُُثر ومنهم الموظفات اللواتي يفخر بهم كل من يراهم في سلوكياتهم وحشمتهم وروعة ادائهم ولكن ساتحدث عن الفئه الضاله التي تسئ الى المجتمع القطري سواء من القطريات او من الغير..... فلا يمكن لمن تسكن هذه الدار (قطر) ان تلبس العبايه المخنصره والحجاب المزركش وفي الاخير تلبس اللثام بطريقه مثيره للشهوه وخادشه للحياء وتضع تحت العين وعاليها كل انواع المكياج والتركيبات والعدسات وتقول انها محتشمه وتتنكر على الشباب التعدي عليهم .....فهي بهذا العمل لم تغدو بالنسبة لها حريه شخصيه فقد اصبحت ملكا" عاما" يتحرش بها من يشاء .وما الهدف من هذا كله غير انها حاله نفسيه تعاني منها صاحبة هذا اللثام التي اتوقع انها 99% ليست جميله ولكن مع هذه الاضافات التي تجعل من البقره غزال تستطيع ان تقنع بعض مرضى الشهوات من الرجال من جرهم الى وحل الغباء والدنائه .....إن بعض من ينقصهن الوازع الديني يقمن باستغلال اللثام في إشباع نزواتهن ورغباتهن, أو في عرض بعض الحركات الصبيانية المثيرة للشهوة والخادشة للحياء, وربما تقليداً لبعض الفضائيات.....والسؤال الاخر كيف ترضى هذه الفتاه ان تكون سلعه لمن شاء من الرجال من مختلف جنسياتهم البتان والهنود وغيرهم من ان يتغزل بجسدها وبغباءها ........... اين العفه اين العادات اين التقاليد اين الدين الذي يعصمك من هذا كله ..... اليس الاجدر بك ان تنظري الى اللواتي لبسن اللثام بحشمه ووقار بعفه وطهاره بكرامه وشجاعه .. انهم القوه التي يحاربون فيها ضعاف النفوس...اجعلي اللثام وسيلة وحماية وطريقاً آمناً......
لا اريد ان اطيل ولكن رأيكم يهمني جدا" في هذا الموضوع.............

جنوب الدوحه

26-04-2010, 11:05 AM

والله لي وجه نظر في اللثمه او اللثام .. حن نفسي ما احبذه حتى لو بنيه طيبه ..!

رمــش الغلا

26-04-2010, 11:08 AM

بعضهم ايشوفه موضة والبعض تدين

بـــــــنت النوخـّــــذه

26-04-2010, 11:16 AM

المبرمج صلاح

26-04-2010, 11:23 AM

العضو الماسي

26-04-2010, 11:25 AM

أنا الي اعرفه أن العجايز يلبسون بطوله . والبنات شيله وبرقع او غشوه . أما اذا بتركب لها على خيل وبتلثم تصير الفارس الملثم هذا شئ ثاني .

بـــــــنت النوخـّــــذه

26-04-2010, 11:36 AM

أنا الي اعرفه أن العجايز يلبسون بطوله . والبنات شيله وبرقع او غشوه . أما اذا بتركب لها على خيل وبتلثم تصير الفارس الملثم هذا شئ ثاني .

صحيح كلامك هذا بالنسبه للزي الخليجي 000ولكن بالنسبه للدول العربيه والاوروبيه هل نقدر نصدر الاحكام منيه والدرب على نسائهم بدون مانعرف من المستخدمه للثام وماهي الطريقه والاسباب :)؟؟؟؟؟؟؟؟؟؟؟

العضو الماسي

26-04-2010, 11:40 AM

أنا كلامي على الزي القطري . ماخبرت أشوف بين بنات أهل قطر هاللثمه . أخبر الشيله . البرقع . البطوله . وهذا ماتعودناه من أهلنا جميع .

موظف بالبورصه

26-04-2010, 11:56 AM

على حسب الي بتلبسه اذا بتتبع تعاليم الشرع بعدم لفت الانتباه /اوالتبرج

لكن سؤال لو سمحتو : هل اللبس مقياس لتدين الشخص ^_^

في النهاية الي مابتجعل الله اهون النظارين لها اكيد بتمشي فالسليم واستخدامها لاي شي بيكون في السليم ومافي اي اشكاليه :)

نعم مقياس لتدين الشخص فمن لبسها تعرفين ماهي ...

ولاحد يقول حريه شخصيه ومادري ايش .. الي نعرفه والكل يعرفه حتى البنات

انه البنت من الضروري تكون محتشمه ... مش لثام والكحل واصل لي نص الخد !!

ومش عابيه فيها نقطه سوده والباقي الوان !!

مارشلاجو

26-04-2010, 12:00 PM

شكل اغلب اللي ردو من البنات وشكلهم معارضين جدا.................

جنوب الدوحه

26-04-2010, 12:05 PM

معارضت البنات خوفاً من عنجهيت الشباب ^_^ الديمقراطيه حلوه !!

غيمة مطر

26-04-2010, 12:10 PM

اللثام

البطوله

الغشوه

النقاب

وايد تكلمنا فيهم وووايد قلنا ....

بتتكلم بالدين والتدين ... بقول لك مب حرام ولكن اجمع العلماء ان وجه المرأه فتنه ويجب تغطيته عشان لاتتعرض للمضايقات ولاتفتن اللي حولها ... ولم يتم تحديد باي طريقه سواء نقاب غشوه ... اهم شي تغطيه .. ونفس ماقلنا مب حرام لكن فتنه

بتتكلم عادات وتقاليد ... هي العادات الموروثه من زمن قديم من الشعب نفسه والشعب القطري وجداتنا وامهاتنا خبرنا بهم

بخنق .. بوشيه او غشوه ... بطوله

ماكان موجود النقاب او اللثام......

في ناس للاسف اذا شافو بنت كاشفه ذمو اخلاقها مع انها بنت قمه بالاخلاق وبدون مكياج وعبايه ساده
قالو شعرفها بالسنع .. ولا وين امها عنها ... !!!!!!!!!

واذا شافو منقبه مهما كانت قالو والنعم ....!!!!!

طيب
المنقبات واللي كاشفات كلهم بنات ناس وعوايل ... ليش هالهجوم مثل مافي بنات يسيئون للكاشفات
بعد في بنات يسيئون للمنقبات

مدري ليش مسوييين النقاب وكشف الوجه قضيه .....

خليتو العبايات الضيقه والملونه والكلام بصوت عالي والكحل الممدو والبودره والعطور والضحكه العاليه والهياته لين تالي الليالي

وقفنا على موضوع نقاب وغيره

من راقب الناس مات هما ... كل واحد يسوي اللي مقتنع فيه دامه حلال ...

بـــــــنت النوخـّــــذه

26-04-2010, 12:13 PM

اتمنى معشر الشباب المتحمسين يفهمون معنى كلامي ^_^ ماله داعي اقول انا البس نقاب وملتزمه بشرع الله صح ولكن الشخص يعلق بمنظور عقلي ومنطقي000

انا شفت اوروبيات ومن دول عربيه يلبسون لثام ساتر ونفس لون الخمار وبدون كحل وخربطه هل في هذي الحاله نعمم انقول انهم مهب متدينات او اخلاقياتهم غير سويه ^_^

وبعد ارد واقول يعتمد اي لبس على الي بتلبسه فقط من تكون وماهي الاخلاقياتها ومبادئها000 اي نسيت اقول انا ضد الي بتلبسه بشي يخالف الستر المطلوب والمشروع للمرأه في الاسلام

ملاحظه : يا قوم 00ترى الستيره بتكون ستيره سواء بنقاب ولا لثام ولا بطوله ولا شيله اهم شي الزي الاسلامي المحترم

:)

موظف بالبورصه

26-04-2010, 12:17 PM

يالله الستر والسلامه :)

ع.م

26-04-2010, 12:20 PM

أنا من أنصار الغشوة :)

أحس أولاً إحنا يا هل قطر ربينا عليها.. النقاب جا عقب..

و ثانياً.. الغشوة تعطي البنت حياء أكثر لأن ماتجي عينها في عين الرياجيل.. تخليها تطالع الأرض عشان تشوف رجولها وهي ماشية وماتطيح..

بس مشكلتها تعور العين لأن ماتطالعين عدل..

بالنسبة حق اللثام إذا انلبس بطريقة ساترة ممكن يكون شكله محترم.. يعني ماتطلع الجبهة والحواجب.. تسكر من فوق بالشيلة..

جوال 11

26-04-2010, 12:22 PM

اللثام فتنة العصر لما فيه من أبراز مفاتن المرأة من كحل في العيون وألوان على الخدود وأبراز الوجنتين والأفضل كما قال تعالى : {يا أيها النبي قل لأزواجك وبناتك ونساء المؤمنين يدنينّ عليهنّ من جلابيبهنّ ذلك أدنى أن يُعرفنّ فلا يؤذينّ}

جرح الزمان

26-04-2010, 12:23 PM

شكل اغلب اللي ردو من البنات وشكلهم معارضين جدا.................

شقصدك ؟؟

بـــــــنت النوخـّــــذه

26-04-2010, 12:35 PM

شكل اغلب اللي ردو من البنات وشكلهم معارضين جدا.................

اهي ماتسمى معارضه تسمى انصاف بحق الدول الاخرى والنساء الاخريات الي يعتبر اللثام زي محتشم لنسائهم ^_^ (اذا كان محتشم وبدون تبرج )

حلو الانسانه لما الله عطاها نعمه الستر والاحتشام بلبسها انها بعد تنظر للامور الاخرى نظره عقليه حتى لو ماكانت من الي يلبسون لثام :)

لكن ان تعودنا في المنتديات تعميم الظاهره والسلوك السلبي على الجميع 0000بدون مراعاه الننساء الاخريات 0000

اذا بنتكلم وبنحدد الموضوع وبنقول : نساء كاسيات عاريات متبرجات+ لثام

اهنيه ممكن يكون تعليقي بالرفض تماما للثام:nice: 00اما بشكل عام معناته لابد الفصل مابين وبين<<<:)

%حورية قطر%

26-04-2010, 12:40 PM

قطر501

26-04-2010, 01:23 PM

اللثمه فتنة جديدة يخترعونها البنات

حياة

26-04-2010, 01:26 PM

انا ضد اللثمه ...

مارشلاجو

26-04-2010, 01:38 PM

شقصدك ؟؟

انتو غير محايدين في الردود

ظبي قطري

26-04-2010, 02:08 PM

شوف اخوي اللثام مب انه موضه او شي الوحده اذا بغت تستر نفسها بتستر باي طريقه شوف اغلب المبرقعات مب الكل شاخطين ذاك الكحل ولابسين العدسات اي ستر هذا قولي الا اغراء ولفت نظر عيل شالفايده من البرقع بس انا عن نفسي اللبس اللثام لما اسوق لانه مريح وااايد وكل وحده ونيتها

حقيقه

26-04-2010, 02:38 PM

خلو اللثمه اطيح وبتشوفون بلاوي البعض طبعاً :p

اغلبية اللي يستخدمونه نيتهم الكشخه ولفت الانتباه

العقل المدمر

26-04-2010, 03:01 PM

يعتمد عالطريقه اللي بتحط اللثام فيها
في ناس من اهلي حريم كبار ومتزوجين وعندهم عيال ويلبسون لثام بدون ميك اب
بعد هذول يبون يفتنون الناس ويلفتون النظر ؟!
مب كل وحده بتلبس لثام يعني بتحط كحل وميك اب :)

الشقيان

26-04-2010, 03:07 PM

لا موضه ولا تدين :rolleyes2::rolleyes2:

الا شي ثااني ماابي اقوووول احترااما حق الموجوودين :anger1::anger1:

اهل قطر

26-04-2010, 03:08 PM

لا حول ولا قوة الا بالله
انتهت مواضيع الدنيا ما بقى الا هالمواضيع كم موضوع في المجلس كله نفس السالفه
الي بتتستر تركوها في حالها
والله اعلم بالنوايا

الأصيلة

26-04-2010, 03:12 PM

لا حول ولا قوة الا بالله
انتهت مواضيع الدنيا ما بقى الا هالمواضيع كم موضوع في المجلس كله نفس السالفه
الي بتتستر تركوها في حالها
والله اعلم بالنوايا

سالفة اللبس والستر الكل بنيته...
وحتى مرات من الشكل الخارجي تتضح النية..
لكن فيه مواضويع اهم بكثير للمناقشه..
ولا تنسون الكل عنده بنات واخوات وماندري يمكن هالتعليقات في يوم من الأيام تنقلب علينا ...
ومن عيب استعاب...

ماريسا

26-04-2010, 03:53 PM

أعتقد اللي بتلبسه زيادة في الدين ببين عليها
و اللي بتلبسه موضة و للفت الأنظار ببين عليها
و اللي بتلبسه عشان العادات ببين عليها

و بث

خليفـة

26-04-2010, 03:57 PM

الله يصلح حال بنات المسلمين
قولوا آمين
http://up.souqaldoha.com/get-4-2010-h41zo1p1.jpg (http://up.souqaldoha.com)

خفوشه

26-04-2010, 04:05 PM

اللثمه فــ هاي الزمن ... موضــــه ...

صراحه أنا أجوف بعض البنات ..

اللثمه والنقاب موضه بس جي... أهم شي متكحله....

دلة الرسلان

26-04-2010, 05:45 PM

اذا كان مثل اللي شفته امس مثلث كبر الكف ياما زلق لين تحت الخشم ياما رفعته البنت شكلها

توهقت فيه فهذا لاهوب موضة ولا تدين .

البيان

26-04-2010, 06:42 PM

نعم مقياس لتدين الشخص فمن لبسها تعرفين ماهي ...

ولاحد يقول حريه شخصيه ومادري ايش .. الي نعرفه والكل يعرفه حتى البنات

انه البنت من الضروري تكون محتشمه ... مش لثام والكحل واصل لي نص الخد !!

ومش عابيه فيها نقطه سوده والباقي الوان !!

كفيت وفيت

فلتة زمانها

26-04-2010, 07:33 PM

جات عاللثام يعني الحين حتى العباه والشيله مب حق التدين والحشمه حق الكشخه والا المتحجبه ومطلعه نص شعرها وحاطه قوطي روب في راسها شنو يعني تدين ولا ستر !!!!!!

ام سلطون

27-04-2010, 08:50 AM

افكار بنت النوخذة تطابق افكاري 100%

s o s o

27-04-2010, 08:52 AM

اللثام من وجهة نظري فتنه

بـــــــنت النوخـّــــذه

27-04-2010, 09:05 AM

افكار بنت النوخذة تطابق افكاري 100%

اخيرا" حصلت نصفي الثاني <<<اشدخل

عموما الانسان لازم يكون منصف بنظرته للامور 000 مشكله مجتمعنا كل ماكثرتي من كلمه حرام وتعميم السلوك السلبي ونقد الكل كل ماكنتي متدينه ^_^ ماعندهم شي اسمه حالات استثنائيه/ ظروف/ اسباب/عادات دول لازم نفصلهم عن المتبرجات باللثام :)

موظف بالبورصه

27-04-2010, 09:11 AM

نستثني البنت الملثمه المتبرجه لانه ممكن تكون عادتها وتقاليدها يسمحون بذلك !!!

الدين واضح وليس فيه استثنائات .. عجيب امرهم والله !!!

بـــــــنت النوخـّــــذه

27-04-2010, 09:24 AM

نستثني البنت الملثمه المتبرجه لانه ممكن تكون عادتها وتقاليدها يسمحون بذلك !!!

الدين واضح وليس فيه استثنائات .. عجيب امرهم والله !!!

يالله صباح خير 000
اكيد تقصد ردي اخوي بارك الله فيك اقرى كلامي كذا مره وافهمه 000انا اقصد بالاستشناء ان ناخذ هالظاهره على جنب (المتبرجات باللثام) واهنيه اصدر التحريم

اما الحالات الثانيه اللثام في بعض الدول يعتبر من ضمن التدين اسمحولي مضطره انزل صوره لجل اخونا يقتنع:

مثال لاستخدامه عند الاوروبيات المسلمات وغيرهم من العرب 0000هل هذا بنظرتك تبرج
فعشان جذيه لازم نفصل انشوف شنهي الطريقه اذا خالفت الشرع نقول حرام ماخالفت معناه نستثني هالحلات من الستر 0000:)

http://www.bbc.co.uk/worldservice/assets/images/2010/01/26/100126123521_veiledwoman_226x170_nocredit.jpg

وهذي في اندونيسيا :
http://4photos.net/photo/www_4photos_net_1194965501.jpg

انا ما اقف مع اللثام انا اقف مع الانسانه (المحتشمه الي مطبقه الشرع في لبسها )

موظف بالبورصه

27-04-2010, 09:27 AM

بنت النوخذه كلامنا عن اللثام الي يلبسونه بنات هالايام ...

اما الصور الي حطيتها لاغبار عليها ومحد تكلم عنها !!

بـــــــنت النوخـّــــذه

27-04-2010, 09:36 AM

بنت النوخذه كلامنا عن اللثام الي يلبسونه بنات هالايام ...

اما الصور الي حطيتها لاغبار عليها ومحد تكلم عنها !!

حلو معناته متفق معي الحين انت بنفسك استثنيت 000

000000000ان اللثام ممكن يكون تدين وممكن يكون تبرج ويعتمد على اخلاقيات الي بتلبسه لان بعض الردود عممو انه سلوك سلبي (على الكل)

ام سلطون

27-04-2010, 09:45 AM

انا معاج يا بنت النوخذه قلبا وقالبا :fight:

حنان الدنيا

27-04-2010, 10:03 AM

وجه نظري انه مريح شوي ومافيه ربط يشد مثل النقاب

بس المشكله انه ملفت والبنات قاموا يتفننون بالكحله والخرابيط

انا معارضه وبشده

ANONYMOUS

27-04-2010, 11:52 AM

اللثام أغراء

وانا واحد لو اشوف وحده متلثمه اتحرول وماعرف امشي احس اني بطيح

ف رجاءا خفوا على الشباب وبلاش فتنه

موظف بالبورصه

27-04-2010, 11:19 PM

حلو معناته متفق معي الحين انت بنفسك استثنيت 000

000000000ان اللثام ممكن يكون تدين وممكن يكون تبرج ويعتمد على اخلاقيات الي بتلبسه لان بعض الردود عممو انه سلوك سلبي (على الكل)

مش الحين متفق من زمان بخصوص الصور الي حطيتها ماعليها غبار ..

الكلام عن الي نشوفه هني عندنا اللثمه الي يلبسونها البنات حاليا !!