حـــــصــــــــــري ( تـــلـــفـــيق المرور للمخالفات المرورية )

[al-bake2002]

السلام عليكم ورحمة الله وبركاته

يا جماعة الخير الي صار يوم السبت 24-4-2010 وتحديدا فالكورنيش في مسيرة فوز نادي الغرافة بكاس ولي العهد طبعا الكل يدري ان الدوريات محاوطين الكورنيش. الي صار اني كنت مع واحد من الربع فالموتر وشوي الا شرطي يقولي البس الحزام عاد انا كملت سواقتي لاني فالاساس كنت رابطه شوي الا شفته يسجل الرقم على الدفتر عاد انا طنشت للموضوع المهم اليوم ادخل موقع وزارة الداخلية واشوف المخالفة نازلة لي لا وملفقين لي المكان بعد..... الظاهر المرور وصل لمرحلة الوعي ان الشعب ما يفهم ويدفع وهو مغمض وما قام يراعي اذا الفلوس حلال ولا حرام والمشكلة ان حاطين الساعة 11 فليل يعني معرووف كل اهل قطر فالكورنيش ذيك الحزة اخليكم مع الصورة .....

http://www6.0zz0.com/2010/04/26/08/706116538.jpg

[airbus]

ربي يكون في عونك ممكن الشرطي كان عرباوي !!!

[بيانو]

الله يعينك ويعنا على المخالفات

الله كريم ويعوضك ويعوضنا خير

[ماريسا]

كنت المفروض لحظتها ورجيته و فهمته إنك لابس الحزام قبل لا يسجل رقم السيارة و يخالفك
الله المستعان

[قطر دزاين]

الله يستر انا كل يوم امر عليهم مع الدريول ولا احط احزام الامان بس الدريول حاطه:)

[واحد ثقة]

هذا ماحدث معي بالضبط يا أخي الفاضل يوم الخميس الماضي ،،

فقد كان الشرطي متخفياً ويتصيّد للسائقين قبل أحد الدوارات بـ 100 متر تقريباً ، وقد شاهدته ولكن متأخراً وقد سجل رقم سيارتي ،،

واليوم وصلتي رسالة مطراش بأن علي مخالفة ، وعندما دخلت موقع الداخلية وجدت المخالفة في نفس التاريخ والوقت ولكن في منطقة مختلفة تماماً لم ادخلها ولم تطأها سيارتي منذ شهور !!!


يعني الحزام مخالفة مع أنه حرية شخصية مشيناها ، والتصيّد للسائقين بغرض جمع أكبر قدر ممكن من المخالفات مشّيناها أيضاً ، ولكن تلفيق المكان أيضاً بهذه الطريقة التعسفيّة الظالمة السّخيفة هذا هو الأمر الذي لايجب السكوت عنه !

[حمد بن خالد]

ربي يكون في عونك ممكن الشرطي كان عرباوي !!!

ههههههههه على لساني

الشرطي شكله عرباوي

اخوي مايهم المكان دام انك ماربطت وتخالفت

لكن تقدر انك تمسكها عليهم وتحاججهم بها وانها خطأ

والله يعينك

واربط حزام الأمان لأنه أمان

وربي يحفظك

:)

[al-bake2002]

كنت المفروض لحظتها ورجيته و فهمته إنك لابس الحزام قبل لا يسجل رقم السيارة و يخالفك
الله المستعان

دانتيل شرايك بعد اخذه معاي فالموتر اوديه ستاربكس , انتي تتكلمين عن يوم المسيرة والشارع مليياااان سيارات من فاضي حق من وانا فالاساس كنت بعيد عنه.. عموما شكرا على مرورك

[جنوب الدوحه]

اليوم اتصل شخص وطني الحبيب .. يقول انا صاف في مواقف "الباركنق المخصص للسيارات" الي في المحكمه وخالفوني الشرطه .. ويحلف على انه صاف في باركنت صحيح واحذاه سيارات ايضا يمينا ويسارا ..


يقول انا قطري راتبي 3500 ريال .. وما اقدر على مثل هذي المخالفات ويتكلم بحرقه .. ويقول انا ادور شغل حق بنتي الي عندها اعيال في الشركات الخاصه والدوام من 8 الين 5 ما يصير وهم اهل قطر ..

لازم يكون هناك لفت نظر للموظوع .. يعني هو دفتر ولازم مع نهايه الدوام يخلص؟؟ سؤال يطرح نفسه

[ســـهم]

ههههههههه على لساني

الشرطي شكله عرباوي

اخوي مايهم المكان دام انك ماربطت وتخالفت

لكن تقدر انك تمسكها عليهم وتحاججهم بها وانها خطأ

والله يعينك

واربط حزام الأمان لأنه أمان

وربي يحفظك

:)


المكان مهم جدا جدا

لو حدث شي في هذا المكان وفي نفس الوقت تقريبا راح يسحبونك

لذلك تحديد المكان الصحيح واجب وضروري .

[بلاهويـــــة]

تقريباً يومياً على الساعة تسع صباحا في المحاكم قاعد الشرطي يلصق المخالفات المشكلة مافي مواقف وين المراجعين والموظفين يروحون يحطون سيايرهم...كأنه الشرطي حالف يخلص دفتر المخالفات اللي عنده

[جنوب الدوحه]

في خاطري اشوف حصيله هذي الحمله الشرسه على عموم الناس كم بتكون ؟؟ :)

[جرح الزمان]

يا اخوان الرجال في مسيره الكورنيش

يعني كم ممكن تكون سرعة السيارة 5 كم ولا 10 كم

روح مكتب الشكاوي في مدينة خليفه

[الصحراء]

السلام عليكم ورحمة الله وبركاته

يا جماعة الخير الي صار يوم السبت 24-4-2010 وتحديدا فالكورنيش في مسيرة فوز نادي الغرافة بكاس ولي العهد طبعا الكل يدري ان الدوريات محاوطين الكورنيش. الي صار اني كنت مع واحد من الربع فالموتر وشوي الا شرطي يقولي البس الحزام عاد انا كملت سواقتي لاني فالاساس كنت رابطه شوي الا شفته يسجل الرقم على الدفتر عاد انا طنشت للموضوع المهم اليوم ادخل موقع وزارة الداخلية واشوف المخالفة نازلة لي لا وملفقين لي المكان بعد..... الظاهر المرور وصل لمرحلة الوعي ان الشعب ما يفهم ويدفع وهو مغمض وما قام يراعي اذا الفلوس حلال ولا حرام والمشكلة ان حاطين الساعة 11 فليل يعني معرووف كل اهل قطر فالكورنيش ذيك الحزة اخليكم مع الصورة .....

http://www6.0zz0.com/2010/04/26/08/706116538.jpg

يمكن هذي المخالفة ارتكبتها فعلاً في هذه المنطقة ومخالفة الكورنيش يمكن لين الحين ما نزلت على السيستم بعدين بقولك ان اهل قطر كلهم على الكورنيش اعتقد بروحها يبغيلها مخالفه عليك هههههههههههه :(

[جنوب الدوحه]

الحمله الي شالينها اكثر شي على الحزام واستعمال الهاتف النقال والوقوف في اماكن غير مخصصه ,,

[بيانو]

حمله شرسه فعلاً

[جنوب الدوحه]

يمكن هذسي المخالفة ارتكبتها فعلاً في هذه المنطقة ومخالفة الكورنيش يمكن لين الحين ما نزلت على السيستم بعدين بقولك ان اهل قطر كلهم على الكورنيش اعتقد بروحها يبغيلها مخالفه عليك هههههههههههه :(

مخالفه تجمهر قصدك ^_^

[وطن]

وشوي الا شرطي يقولي البس الحزام عاد انا كملت سواقتي لاني فالاساس كنت رابطه شوي الا شفته يسجل الرقم على الدفتر

اخوي المفروض في لحظتها ترويه الحزام
انت سمعته أو شفته وهو ينبهك يعني تقدر ترد عليه تقول له الحزام مربووط !!!

اما بخصوص المكان اللي محدد في المخالفه
يمكن مغلطين اللي يدخلون البيانات

[الصحراء]

مخالفه تجمهر قصدك ^_^

كل شئ يصير هذي الايام ما فيه اشارة ولا باركنج الا وعندها شرطي في كل مكان تلقاهم حتى في الليل شكلهم ينامون عند الاشارات هههههههه

[abdulla999]

اخوي انا نفس الشئي
راجعتهم اليوم قالوا ( الخليفات ومسمير ) يعني الفرع الي مخالفك في المعورة مش مدينة خليفة
حبيت اوضح والله يعينك

[technical]

لازم الدوله تحط اليه لأثبات ان المخالف كان مش لابس الحزام ! سالفه ان الشرطي شافه غير كافيه . اذكر قبل ثلاثه ايام شرطي يكتب رقم سياره , يجوز سيارتي ويجوز سياره غيري . اذا كتب رقم سيارتي بأي حق ياخذون هذه الفلوس ؟ يا رب يا مالك الخلايق جرجر هذا المال الحرام في بطونهم في جهنم. اللهم امين .

[al-bake2002]

المكان مهم جدا جدا

لو حدث شي في هذا المكان وفي نفس الوقت تقريبا راح يسحبونك

لذلك تحديد المكان الصحيح واجب وضروري .

كلامك عين الصواب اخوي سهم
والي يلفق لك المكان يلفق لك التهمة بكبرها

تسلم عالمرور

[al-bake2002]

يا اخوان الرجال في مسيره الكورنيش

يعني كم ممكن تكون سرعة السيارة 5 كم ولا 10 كم

روح مكتب الشكاوي في مدينة خليفه

تسلم اخوي جرح الزمن عالمرور

والله ان الموتر على ريس المكينه وانت تدري جو المسيرة شلون الشباب فالمواتر حذاي طالعين من الجامات والي مولع الدنجر والي يهرن وهذا ما جاني الا انا شكله زهق من كثر ما الدفتر في ايده قال خلني اخلصه على الي اشوفه قدامي.

[al-bake2002]

يمكن هذي المخالفة ارتكبتها فعلاً في هذه المنطقة ومخالفة الكورنيش يمكن لين الحين ما نزلت على السيستم بعدين بقولك ان اهل قطر كلهم على الكورنيش اعتقد بروحها يبغيلها مخالفه عليك هههههههههههه :(

اخوي الصحراء مشكور على المرور يعني اكثر من هالمعلومات شبغيت تاريخ 24-4 والساعة 11 بالليل شيى واضح ومعروف انه فالمسيرة وفالكورنيش ولو بتقول ان انها مخالفة صحيحة تهقى المرور بيهد الكورنيش ولا استاذ السد وبيروح يخالف في مسمير هالوقت ....؟؟؟

واكيد اغلب اهل قطر مسيرتهم فالكورنيش عيل وين تبيهم يسوون مسيرة فالصناعية ؟؟

[بدوي]

بكل صراحة اقولها اذا كان الشرطي قطري والله انه مب كفو

يعني تدري بحال الناس واوضاعها تجي وتزيد من الطين بلّه

المشكلة خاااااااااااطري اشوف أجنبي أشقر يشتكي من دوريات المرور !!

تدرون ليه ؟؟ لأن بعض الشرطيين يمكن لايجيدون اللغة ويقول وش لك بالطويلة وسفارته تدخل في الموضوع ومادري شنو ، فـ يمشي موضوعهم :anger1:

لكن على أهل قطر مفتلين عضلاتهم ، بالذات اللي عند الدواوير

انا ذاك اليوم فتحت درج الطبلون :eek5: طلعلي شرطي وخالفني :anger1:

[al-bake2002]

اخوي المفروض في لحظتها ترويه الحزام
انت سمعته أو شفته وهو ينبهك يعني تقدر ترد عليه تقول له الحزام مربووط !!!

اما بخصوص المكان اللي محدد في المخالفه
يمكن مغلطين اللي يدخلون البيانات

والله انتو يالبنات يحليلكم تحاولون تحلون مثل هالامور بشكل ودي يعني تهقين لو قلت له الحزام مربوط بيتردد انه يطلع مني ومن غيري راتبه ؟؟

لازم تفهمون ان الموضوع صار اكبر من محافظة على ارواح الناس ولازم الناس تعرف الي لها والي عليها مهب كل من هب ودب قام يشفط من فلوس المواطن .

وبعدين اختي لازم تعرفين ان في قوانين عالمية متعارف عليها في مرور اي دولة مو مثل السبهللة الي صايرة هني . انا من شهرين جاي من امريكا والشرطي يوم جا بيخالفني اول شيى قالي عطني الليسن والاستمارة بعدين سالني ( تدري ليش انا وقفتك ) قلت له لا قالي لانك تجاوزت السرعة الازمة وبعدين سالني اذا انا جاي سياحة ولا قاعد هناك واخر شيى عطاني الليسن وهو مبتسم وقالي خلاص لا تسرع مرة ثانية ولا مخالفة ولا هم يحزنون.. يا ليت الي عندنا يتعلمون

[captana]

والله صدقت ياخوي انه تلفيق وتجني على العالم... الاسبوع اللي طاف مخالفين سواق الشركة عندي بمخالفة عجيبة :
المخالفات
4:55 م عدم التزام سائق مركبة بالسير قرب الحافة اليمني لنهر الطريق في الحالا ت المحددة في القانون
السد النقاط 1 مبلغ الغرامة 500 ر.ق
وقفهم الشرطي وقال لهم عليكم مخالفة.. ويوم سأله المدير ليش وأنه هالسواق معاشه 1000 ريال وهالمخالفة اللي بدون داعي هو اللي بيدفعها قال له الشرطي :واذا ماحركت الحين بيصيرون مخالفتين !!! منتهى الانسانية والرقي في التعامل.

[$الملياردير$]

الله يمسيكم بالخير جميع يالربع مب بس انتم معظم الربع تخالفوا ايام 23/24/25/ وانا واحد منهم جاني مسج يوم امس مخالفة حزام دوار المرخية في يوم الجمعة الساعة 2.50 عز القايله يعني لو من 100 متر بشوفه و انا والله ماشفت حد ولا حد كلمني ....مالكم في الطويله عازه والحل معهم...او السوال اللي يطرح نفسه مدى قانونية المخالفة .....تدرون كنت في دبي و بالتحديد بالممشى the walk وكان خوي السواق حاط حزام وانا لا وقفنا وقال اخوي عارف خطأك قلت له نعم طال عمرك قالي خذ بطاقتك و تفضل والله اسلوبه راقي ...

[ممنوع اللمس]

اخوي والله انا مثلك انقهرت قسم بالله احس ان حرام نفرح؟
وربي استغربت وين المسيره الساعه 12 وشوي ولا سياره فالكورنيش؟ الكل نزل لرابح صقر واكثر الناس رجعت البيت والسبب الشرطه وربي كل دقيقه يوقف جنبي واحد يتكلم بحسره وقهر
اشوف كل واحد ماسك دفتر ويسجل في ارقام هالشباب ؟ يعني مسيره وخير ووناسه لازم تنكدون علينا مسيره ولابس حزام ليش ؟ والله قهر قسم بالله الواحد يدور نهائي في الامارات والا اي بلد علشان يروح هناك يطربها صح لا مخالفات ولا شي
خخخ تحس انهم مسوين اجتماع وقايلين مانبي ولا شاب مستانس نبي نكد نبي حرب نبي قهر بعيونهم خخخ اما مسيره هاا مباراه هاا الوعد فالكورنيش خخخخ

[ممنوع اللمس]

بكل صراحة اقولها اذا كان الشرطي قطري والله انه مب كفو

يعني تدري بحال الناس واوضاعها تجي وتزيد من الطين بلّه

المشكلة خاااااااااااطري اشوف أجنبي أشقر يشتكي من دوريات المرور !!

تدرون ليه ؟؟ لأن بعض الشرطيين يمكن لايجيدون اللغة ويقول وش لك بالطويلة وسفارته تدخل في الموضوع ومادري شنو ، فـ يمشي موضوعهم :anger1:

لكن على أهل قطر مفتلين عضلاتهم ، بالذات اللي عند الدواوير

انا ذاك اليوم فتحت درج الطبلون :eek5: طلعلي شرطي وخالفني :anger1:
صآدق يالغآلي من غير حلفآن :secret:

[hma]

بكل صراحة اقولها اذا كان الشرطي قطري والله انه مب كفو

يعني تدري بحال الناس واوضاعها تجي وتزيد من الطين بلّه

المشكلة خاااااااااااطري اشوف أجنبي أشقر يشتكي من دوريات المرور !!

تدرون ليه ؟؟ لأن بعض الشرطيين يمكن لايجيدون اللغة ويقول وش لك بالطويلة وسفارته تدخل في الموضوع ومادري شنو ، فـ يمشي موضوعهم :anger1:

لكن على أهل قطر مفتلين عضلاتهم ، بالذات اللي عند الدواوير

انا ذاك اليوم فتحت درج الطبلون :eek5: طلعلي شرطي وخالفني :anger1:

ههههههههههههههههههه

والله المرور ملعوزين خلق الله في هالحزام

احسلهم يلاقوا حل للزحمة في الشوارع أحسن من هالكلام الفاضي

وبعدين لازم اللي بخالف سيارة يوقف راعيها مش أضرب واهرب :anger1:

[الموضوعي]

من يدفع رواتب الشرطة

[GENIUS]

الله المستعان على هالأسلوب الجديد في الجباية وكأن لسان الحال يقول تبي تطوف إدفع.

سؤال للمتابعين : هل الوضع سيكون كذلك لو كانت المسيرة إحتفالا بفوز السد ؟؟؟؟

[ممنوع اللمس]

اتوقع بعد كم شهر بتسير زياده للشرطه
علاوة اجتماعيه مادري كم واخر شي مكتوب علاوة حزام خخخ 4000 ريال
شكلي بنقل للشرطه من الحين وألحق :(
ومع مر السنين بتزيد القوانين
الحزام.. عليه 100 جلده وتصدير السياره والحبس 3 سنوات
الرادار 5 سنوات
الاشاره اعدام
:(

[s4qatar]

حمله شرسه فعلاً


بإسلوب غير حضاري

[رذاذ]

نفسك توني منته انا مخالفه اذكرها وعطاني وصل بشارع عن دوار البدع والحين مخالفة ثانية علي بيوم ثاني ولا عطاني وصل ..

http://www.qatarshares.com/vb/attachment.php?attachmentid=62512&stc=1&d=1272279715

[rayyani4ever]

اليوم اتصل شخص وطني الحبيب .. يقول انا صاف في مواقف "الباركنق المخصص للسيارات" الي في المحكمه وخالفوني الشرطه .. ويحلف على انه صاف في باركنت صحيح واحذاه سيارات ايضا يمينا ويسارا ..


يقول انا قطري راتبي 3500 ريال .. وما اقدر على مثل هذي المخالفات ويتكلم بحرقه .. ويقول انا ادور شغل حق بنتي الي عندها اعيال في الشركات الخاصه والدوام من 8 الين 5 ما يصير وهم اهل قطر ..

لازم يكون هناك لفت نظر للموظوع .. يعني هو دفتر ولازم مع نهايه الدوام يخلص؟؟ سؤال يطرح نفسه



يالغالي للتوضيح.. هو ما قال انه قطري.. قال "انا اجنبي و راتبي 3500 بس الاخت اللي متصله قبلي تقول كل الاجانب رواتبهم عاليه"..


وجب التنويه:nice:

[بدوي]

الله يصلحهم ويهديهم

[بلا حدود!]

للأسف وهذا ماحصل معاي ....

مخالفة يوم السبت الساعه 6ونص صباحا ...مع العلم ان هذا الوقت كنت في المنزل
ولم اخرج الا بعد الساعة 10 في نفس اليوم ..!!!

للأسف يجب ان يكون هناكــ اجراء حازم لبعض أفراد المرور من الاداره نفسها , بدأ من قفز بعض شرطه المرور بين
السيارات عند الاشارات خصوصا ..بحثا عن اي مخالفه للحزام ..وكأن هذه المخالفه لم تكن لردع المخالفين ..!

[واحد في حاله]

http://www.qatarshares.com/vb/attachment.php?attachmentid=62513&stc=1&d=1272286458


توني مشيك شوفو شطلع معاي :eek5:

شكلهم شرطيين في نفس المكان والزمان ونفس الانقضاض على نفس المخالفه

ما العمل :rolleyes2:

والمخالفه شمعناتها :omen2:

[ماريسا]

http://www.qatarshares.com/vb/attachment.php?attachmentid=62513&stc=1&d=1272286458


توني مشيك شوفو شطلع معاي :eek5:

شكلهم شرطيين في نفس المكان والزمان ونفس الانقضاض على نفس المخالفه

ما العمل :rolleyes2:

والمخالفه شمعناتها :omen2:

.. :omen2:
بعد ياريت يحددون المخالفة ايش بالظبط

[التيما]

صارت لي مره صافه عند اللاند وانا تخالفت وسيارتين قدامي ووراي ماتخالفوا واصور السياره والمخالفه في الباركن ورويته الضابط قال ايش يمكن بنات يعرفوني في الدوريات يبون يسوون فيني مقلب !!! بذمتكم هاي حجي ؟؟؟ وطبعا شالوا المخالفه .. ونصيحه صوروا اي مخالفه لو جاتكم وانتوا في مكان مب مخالف ودقوا عالدوريه وخلوها تشوف السياره واعرفوا سبب المخالفه ..

[مريش]

مالوم عيل الشباب في البلاك بيري لما يوصلون لمرحله العداء !!

وايضا ماننسى اليوم محمد عبداللطيف حرق المرور بكاركتير رهيب

لاحول ولاقوه الا بالله

[هدهد سليمان]

اخواني الافاضل هناك قسم جديد للشكاوى والتظلم في مرور مدينة خليفه اللي عنده اي تظلم يتفضل هناك ..

[ســـهم]

http://up.3ros.net/get-4-2010-w1ncytww.JPG (http://up.3ros.net)

توهم شاخليني ومصفيني مابقى الا الحديده وعقب اخذ وعطي خلوها لي :(

[jajassim]

اخواني الافاضل هناك قسم جديد للشكاوى والتظلم في مرور مدينة خليفه اللي عنده اي تظلم يتفضل هناك ..


للحين قلبك خضر ،، :swoon::swoon:

[فارس قطر333]

بصراحه مافي اسلوب ولا وعي باللي تسويه اداره المرور

وشو هالاسلوب اللي ما تردي من يطلع لك الشرطي ويخالف ومن زود البياخه عقب ما يخالفك

ينصحك شلون مادري

[السكين]

المكان مهم جدا جدا

لو حدث شي في هذا المكان وفي نفس الوقت تقريبا راح يسحبونك

لذلك تحديد المكان الصحيح واجب وضروري .

أحسنت ..

[غريم قطر]

الصرااحه نوووووووووووو كومنت وصلت لهدرجه مااااااصدق

الله يستر منهم

[Night KNight]

لازم الدوله تحط اليه لأثبات ان المخالف كان مش لابس الحزام ! سالفه ان الشرطي شافه غير كافيه . اذكر قبل ثلاثه ايام شرطي يكتب رقم سياره , يجوز سيارتي ويجوز سياره غيري . اذا كتب رقم سيارتي بأي حق ياخذون هذه الفلوس ؟ يا رب يا مالك الخلايق جرجر هذا المال الحرام في بطونهم في جهنم. اللهم امين .

اميـــــــــــــــــــــــــــــــــــــــــــــــ ــــــــــــــــــــــــــــــــــــــــــن

[حرقطر]

يارجال عادي في ذمتهم ان شاءالله لين يوم الدين

انا طالع من المعرض وتوني داش الدوار مايمديني احط لحزام ويشكني العسكري قلت
ياخوي نبهني قال لا اسف انت مخالف قلت له نعم بس نبهني قالي انت مخالف قلت له
ياخي اشلون تخالفني وانت لحد الان ماقلت لي اربط لحزام ؟؟؟؟؟؟؟؟ بس شاطرين في المخالفات

[حقيقه]

الصراحه هاليومين مللونا المرور كل اشوي ناط قدامك شرطي ويسجل بهالارقام:anger1:

انا قبل محد يصكني مخالفات بس للاسف شكلي صكيت عمري عين :anger1::(

[حليتان*]

في هالحزة كان عندهم استنفار ..شلون خالفوك في مسيمير!

[بوالفاروق]

اخواني الافاضل هناك قسم جديد للشكاوى والتظلم في مرور مدينة خليفه اللي عنده اي تظلم يتفضل هناك ..

ما اجذب عليك اخوي الكريم انه واحد من الشباب معطينه مخالفة وهو يصير لي
ورفيج اخوي في الجامعة يقول صكوني مخالفة ويقول صدقني اني قاعد مع اخوك
وقت الدوام ..

يقولي رحت للقسم ..

وكلمت الشرطي كيت وكيت وابي اشتكي .. رد عليه الشرطي : السيارة ميكانيكية :rolleyes2:

قاله اشلون يعني !! قال يمكن حد خذ موترك ..

قاله اشلون وموتري في الجامعة تحت الطبيلة

سأل الشرطي قاله وين موترك .. قاله صاف في المواقف

قال للشرطي يعني لو رحت للمواقف عادي ما تحصل سياراتك

رد الشرطي اي

شهالاسلوب !! انا استغربت الصراحة من كلامه ..

كيف يكون هناك قسم للتظلم والشكاوي والبعض يتبع هالاسلوب

يعني تطلعون رووح الواحد وهم مظلوم :anger1:

[الحبتور]

اللهم لا اعتراض ..

[حقيقه]

http://www.m5zn.com/uploads/2010/4/26/photo/0426101504194euau5t2j2pp2zrh71p.bmp

:swoon::swoon::swoon::swoon::swoon::swoon:


الرادارات ماعترضنا عليها بس الرادار المتحرك هو اللي يقهر :anger1:


اما هالاسبوعين بتكون مخالفات الحزام والهاتف هم اكبر مشكله بعد
ياويل قلبي
:swoon::swoon::nop::nop:

[أم جود]

الله يعينكم
بس انا اشوفهم مشددين هالايام
الحمدلله ماعلي ولامخالفة

لأني ما اسوق :)

[الموضوعي]

مشكلة المرور ان في ناس من خارج وزارة الداخلية تقوم بإدارته

[Darco]

ياجماعة نبي نعرف .. هم زادوا مكافأت الشرطي على كل مخالفة؟ الجماعة ترا مشتطين وتحس انهم من نفسهم يعني مهب تعليمات.. الشطّة اللي فيهم والتخشش وحركات أنطر الزلّة واختراع مخالفات يمكن مدير المرور نفسه نسى أنها موجودة.. حتى قبل من بين كل 4 شرطة يجونك 3 محترمين وينبهونك أنك مهب رابط الحزام بدون مخالفة, الحين أبد مافيه ليكون فنشوهم وصفوا على الشين :rolleyes2: !

شي ثاني , مادري إذا هالشرطي مر عليكم ولا لا .. عنده نسيان أكستيررا مادري أكسيرا أسود أعتقد أنه يدخل على المرور 5 مليون شهرياً يعرف وين يحط راداره المتحرك.. يوم الخميس المغرب يصف -كنه مبنجر- على خط مسيعيد, وأيام على خط سلوى في الشارع اللي بعد دوار قطر للديكور (على أساس ان الشارع اللي من قطر للديكور لين الخميس والجمعة السرعة 100 والشارع اللي بعد بين قطر للديكور وجسر العسيري السرعة 80 .. يعني يصيد الناس بالحيلة).. ينقي الشوارع اللي تبين كأنها خطوط سريعة وحد السرعة للحين غير متلائم مع طبيعة الشارع !

[Sharshooooor]

انا كنت طالع من المهرجان البحري والا قدامي شرطي على دوار الانتر

سيارتي مميزة شوي وقام الشرطي يأشر بيده ويضحك لي ويسلم علي

سلمت علية واعتبرت الموضوع عادي كل الناس تأشر لي وتسلم علي كأني المقنع :nice:

والا بعد يومين واصلني مسج مخالفة حزام :anger1:

صج نذالة :weeping:

[ولد النصر]

قسم بالله انا نفس الشي صادني ونفس المكان وانا ماخبر اني مريت ذاك الصوب او اني شفت شرطي يعني صحيح الواحد مرات ينسى لكن الحمد لله لو شرطي سجل لي مخالفة او شفتة يخالفني كان قلت معلية لكن هذة استغربت منها لكن الواحد شنو يقدر يقول غير لاحول ولاقوة إلا بالله


http://www.gulfup.com/lives/12723476351.bmp

[al-bake2002]

والله صدقت ياخوي انه تلفيق وتجني على العالم... الاسبوع اللي طاف مخالفين سواق الشركة عندي بمخالفة عجيبة :
المخالفات
4:55 م عدم التزام سائق مركبة بالسير قرب الحافة اليمني لنهر الطريق في الحالا ت المحددة في القانون
السد النقاط 1 مبلغ الغرامة 500 ر.ق
وقفهم الشرطي وقال لهم عليكم مخالفة.. ويوم سأله المدير ليش وأنه هالسواق معاشه 1000 ريال وهالمخالفة اللي بدون داعي هو اللي بيدفعها قال له الشرطي :واذا ماحركت الحين بيصيرون مخالفتين !!! منتهى الانسانية والرقي في التعامل.

تسلم captana على مرورك وفعلا شرطة المرور يبيلهم دورات فن وتعامل واخلاق مع الناس مهب يجيك واحد ما عنده ابتدائي ويكلمك بقمة الوقاحة وخياس النفس ويحذف الليسن عليك هذا اذا وقفك من الاساس وما سجل المخالفة ولفقها لك ...

[al-bake2002]

الله يمسيكم بالخير جميع يالربع مب بس انتم معظم الربع تخالفوا ايام 23/24/25/ وانا واحد منهم جاني مسج يوم امس مخالفة حزام دوار المرخية في يوم الجمعة الساعة 2.50 عز القايله يعني لو من 100 متر بشوفه و انا والله ماشفت حد ولا حد كلمني ....مالكم في الطويله عازه والحل معهم...او السوال اللي يطرح نفسه مدى قانونية المخالفة .....تدرون كنت في دبي و بالتحديد بالممشى the walk وكان خوي السواق حاط حزام وانا لا وقفنا وقال اخوي عارف خطأك قلت له نعم طال عمرك قالي خذ بطاقتك و تفضل والله اسلوبه راقي ...

تسلم اخوي الملياردير على المرور وفعلا مخالفة المرور العالمية لها قوانين يجب الالتزام بها بس الي مستغرب منها فقطر الناس مساكين ما يعرفون حقوقهم القانونية ولو طالبو فيها انكل حقهم او راكضو بالمحاكم لمدة لا تقل عن زمن وقدره ...

والظاهر ان بنتبع مع رجال المرور اسلوب حلو بنصورهم بكميرا فيديو وهم منخشين بين الاشارات ولا بنصور الرادارات الي يخشونها ورى السيارات المبنجرة وبنحطه فاليو تيوب نوري العالم لاي درجة من التقدم والحضارو وصلنا لها ...

[al-bake2002]

اخوي والله انا مثلك انقهرت قسم بالله احس ان حرام نفرح؟
وربي استغربت وين المسيره الساعه 12 وشوي ولا سياره فالكورنيش؟ الكل نزل لرابح صقر واكثر الناس رجعت البيت والسبب الشرطه وربي كل دقيقه يوقف جنبي واحد يتكلم بحسره وقهر
اشوف كل واحد ماسك دفتر ويسجل في ارقام هالشباب ؟ يعني مسيره وخير ووناسه لازم تنكدون علينا مسيره ولابس حزام ليش ؟ والله قهر قسم بالله الواحد يدور نهائي في الامارات والا اي بلد علشان يروح هناك يطربها صح لا مخالفات ولا شي
خخخ تحس انهم مسوين اجتماع وقايلين مانبي ولا شاب مستانس نبي نكد نبي حرب نبي قهر بعيونهم خخخ اما مسيره هاا مباراه هاا الوعد فالكورنيش خخخخ

المشكلة اخوي ممنوع اللمس ان الشباب ضاقت بهم الوسيعة من كثر الملل وما صدقو يحصلون شيى يتونسون فيه وطلعو الكورنيش شوي الا غرقوهم مخالفات وياليت بسبب شيى يسوى بس تدري شلون الظاهر خل مبارياتهم وكؤؤسهم لهم لا راح نسوي مسيرة مرة ثانية ولا شيى خل مذيع قناة الكاس يقعد فالكورنيش مرة ثانية يكش ذباان ,,,,

[al-bake2002]

[QUOTE=worldboss;5781089]ههههههههههههههههههه

والله المرور ملعوزين خلق الله في هالحزام

احسلهم يلاقوا حل للزحمة في الشوارع أحسن من هالكلام الفاضي

وبعدين لازم اللي بخالف سيارة يوقف راعيها مش أضرب واهرب :anger1:[/QUOTE

اي والله صادق اخوي worldboss

احنا محصلينها من المرور ومخالفاتهم ولا من التحويلات الي تسويها اشغال ولا من الشوارع المكسرة الي عورت مواترنا ,, بس انا ودي اعرف المرور شلون يطبق قوانينه في شوارع غير صالحة للاستخدام البشري من كثر ما هي مكسرة ؟؟؟؟ وفي بعض الشوارع الخطوط الي عليه تختفي عقب 3 شهور من عقب ما يحطونها من كثر ما الصبغ مغشوش !!!

واذا على سالفة الحزام يحمي ارواح الناس خلهم يروحون خط الشمال ويشوفون كل يوم حالة وفاة بسبب التنظيم المحترم من مرور دولة قطر الي يخاف على ارواح الشعب يا بلفيت وصدقووني خلهم يقارنون بين نسبة الحوادث سنة 2006 ونسبة الحوادث سنة 2010 ما اظن تغيرت فالنسبة شيى الا يمكن زادت الطينة بلة والدليل ان حتى شركات التامين حاولت توقف تعطي تامين لكثير من السيارات بسبب كثرة الحوادث لين ما قامو يعطون تامين ل 50 شخص فقط فاليوم هذا بعد اذا مب اقل ..

[الصحراء]

انا كنت طالع من المهرجان البحري والا قدامي شرطي على دوار الانتر

سيارتي مميزة شوي وقام الشرطي يأشر بيده ويضحك لي ويسلم علي

سلمت علية واعتبرت الموضوع عادي كل الناس تأشر لي وتسلم علي كأني المقنع :nice:

والا بعد يومين واصلني مسج مخالفة حزام :anger1:

صج نذالة :weeping:

يعني شنو مميزة ايش فيها يمكن رولز علشان كذا خالفك الشرطي هههههههههههههههه :anger1:

[al-bake2002]

اتوقع بعد كم شهر بتسير زياده للشرطه
علاوة اجتماعيه مادري كم واخر شي مكتوب علاوة حزام خخخ 4000 ريال
شكلي بنقل للشرطه من الحين وألحق :(
ومع مر السنين بتزيد القوانين
الحزام.. عليه 100 جلده وتصدير السياره والحبس 3 سنوات
الرادار 5 سنوات
الاشاره اعدام
:(


والله يا اخوي خل تزيد القوانين صرامة بس عالاقل يتم التعامل معاها باسلوب حضاري ومن غير تظلم وتلفيق اما اذا كان تفكير العساكر او بالاحرى الضباط المثقفين يا بلفيت عبارة عن عقاب ب 100 جلدة وحبس 3 سنوات ورادار 5 سنوات فما اظن بيتم قطري ما بيدخل السجن وبعدين يخوك ترى مب صداام حسين الي حاكمنا حتى يتم التعامل مع المواطن من قبل العساكر بهالطريقة !!!

[Sharshooooor]

يعني شنو مميزة ايش فيها يمكن رولز علشان كذا خالفك الشرطي هههههههههههههههه :anger1:

لا ياحبيبي الرولز هاليومين ماتعتبر سيارة مميزة :nice:

[الصحراء]

لا ياحبيبي الرولز هاليومين ماتعتبر سيارة مميزة :nice:

الله يهديك سيارة بالملايين تقول ما هي بمميزة اجل وش المميز يمكن بو حوض هههههههههه
او يمكن رقم سيارتك رباعي مخربط هههههههه :anger1:

[al-bake2002]

صارت لي مره صافه عند اللاند وانا تخالفت وسيارتين قدامي ووراي ماتخالفوا واصور السياره والمخالفه في الباركن ورويته الضابط قال ايش يمكن بنات يعرفوني في الدوريات يبون يسوون فيني مقلب !!! بذمتكم هاي حجي ؟؟؟ وطبعا شالوا المخالفه .. ونصيحه صوروا اي مخالفه لو جاتكم وانتوا في مكان مب مخالف ودقوا عالدوريه وخلوها تشوف السياره واعرفوا سبب المخالفه ..

والله اختي التيما مب غريبة تحصل مثل هالامور دام ان المخالفات تنزل من غير حسيب ولا رقيب ومراجعة والظاهر بنركب في كل سيارة كميرا فيديو ويوم يوقفنا شرطي المرور بنصوره وبنصور اسلوب التعامل الي راح يتعامل معانا فيه واذا هل البلاد ما قدرو يعلمون هالعساكر طريقة التعامل فانا انصح انهم يجيبون مسؤولين اجانب من دول متقدمة واوروبية يعلمون الي عندنا طريقة الاحترام والحشيمة في التعامل مع السواقين ,,

[al-bake2002]

للحين قلبك خضر ،، :swoon::swoon:

جاجاسم وينك اشوفك ساكت في موضوعي ؟؟ وين حميتك على اهل بلادك ترى كلنا 200 الف والي ما فيه خير في ولد بلاده ما فيه خير في نفسه.

[al-bake2002]

يارجال عادي في ذمتهم ان شاءالله لين يوم الدين

انا طالع من المعرض وتوني داش الدوار مايمديني احط لحزام ويشكني العسكري قلت
ياخوي نبهني قال لا اسف انت مخالف قلت له نعم بس نبهني قالي انت مخالف قلت له
ياخي اشلون تخالفني وانت لحد الان ماقلت لي اربط لحزام ؟؟؟؟؟؟؟؟ بس شاطرين في المخالفات

اي يخوي حر قطر في ذمتهم في ذمتهم ما اختلفنا بس يا اخي الوضع صار استفزازي اكثر من ما هو في مصلحة الدولة ؟؟

انت لو تدري شصاير الحين كل بيت قطري لا تقل مخالفاته عن 10 الاف فالشهرين الي راحو ما بين سيارات الاخوان وسيارة الدريول ليش ليكون احنا نصرف على المرور واحنا ما ندري ولا من كثر الراتب ؟ يا اخي الوضع مفتلت في هالديرة لا حسيب ولا رقيب وبعدين يخوك هذي فلوس راح تسال عنها مرتين في قبرك ( من أين اكتسبه وفيما أنفقه)...

[al-bake2002]

في هالحزة كان عندهم استنفار ..شلون خالفوك في مسيمير!


والله يا اخوك الظاهر في دفاتر زايدة عندهم فالمرور قالو خلنا نخلصها بااي طريقة

[al-bake2002]

ما اجذب عليك اخوي الكريم انه واحد من الشباب معطينه مخالفة وهو يصير لي
ورفيج اخوي في الجامعة يقول صكوني مخالفة ويقول صدقني اني قاعد مع اخوك
وقت الدوام ..

يقولي رحت للقسم ..

وكلمت الشرطي كيت وكيت وابي اشتكي .. رد عليه الشرطي : السيارة ميكانيكية :rolleyes2:

قاله اشلون يعني !! قال يمكن حد خذ موترك ..

قاله اشلون وموتري في الجامعة تحت الطبيلة

سأل الشرطي قاله وين موترك .. قاله صاف في المواقف

قال للشرطي يعني لو رحت للمواقف عادي ما تحصل سياراتك

رد الشرطي اي

شهالاسلوب !! انا استغربت الصراحة من كلامه ..

كيف يكون هناك قسم للتظلم والشكاوي والبعض يتبع هالاسلوب

يعني تطلعون رووح الواحد وهم مظلوم :anger1:

لا هم الفاهمين والدارسين طال عمرك واحنا شعب مقطوع من شجرة ما درسنا ولا تعلمنا ولا نعرف حقوقنا بس رجال المرور الدولة سخرتهم عشان يعلمونا الاحترام والواجب واغلبهم ما عندهم ابتدائي.

[al-bake2002]

ياجماعة نبي نعرف .. هم زادوا مكافأت الشرطي على كل مخالفة؟ الجماعة ترا مشتطين وتحس انهم من نفسهم يعني مهب تعليمات.. الشطّة اللي فيهم والتخشش وحركات أنطر الزلّة واختراع مخالفات يمكن مدير المرور نفسه نسى أنها موجودة.. حتى قبل من بين كل 4 شرطة يجونك 3 محترمين وينبهونك أنك مهب رابط الحزام بدون مخالفة, الحين أبد مافيه ليكون فنشوهم وصفوا على الشين :rolleyes2: !

شي ثاني , مادري إذا هالشرطي مر عليكم ولا لا .. عنده نسيان أكستيررا مادري أكسيرا أسود أعتقد أنه يدخل على المرور 5 مليون شهرياً يعرف وين يحط راداره المتحرك.. يوم الخميس المغرب يصف -كنه مبنجر- على خط مسيعيد, وأيام على خط سلوى في الشارع اللي بعد دوار قطر للديكور (على أساس ان الشارع اللي من قطر للديكور لين الخميس والجمعة السرعة 100 والشارع اللي بعد بين قطر للديكور وجسر العسيري السرعة 80 .. يعني يصيد الناس بالحيلة).. ينقي الشوارع اللي تبين كأنها خطوط سريعة وحد السرعة للحين غير متلائم مع طبيعة الشارع !

تدري ليش اخوي Darco لان الناس ما قامت تدل طرق المحاكم لو تم رفع دعوى قضائية على كل شرطي يخالف بشكل شخصي كان الممسوك بيعلم السايب شلون يحترم ويواجه السواقين مرة ثانية بس دام ان الشعب مطأطأ الراس وكله متعود على حب الخشوم والتذلل لا وبعد يا ليتها عشان شيى يسوى عشان ( يشيل مخالفة ولا ما يتخالف ) فما اظن ان هالحلم راح يتحقق ...

[bo_hamad]

عندي واحد من الربع مخالفينه وسيارته في الامارات صار له اكثر من 5 شهور

ورقم سيارته 271781

عدم استعمال سائق المركبة ومن يركب بجواره لحزام الأ مان أثناء سير المركبة علي الطريق بتاريخ 22/04/2010م

يا افراد المرور ارجو منكم عدم كتابة المخالفة الا بعد التاكد من رقم السيارة

وتقبلوا تحياااتي يا ادارة المرور وصباحكم عسل

[jajassim]

جاجاسم وينك اشوفك ساكت في موضوعي ؟؟ وين حميتك على اهل بلادك ترى كلنا 200 الف والي ما فيه خير في ولد بلاده ما فيه خير في نفسه.

الحال من بعضه ، بالرغم من المحاولات الجادة لإيجاد الحلول :rolleyes2:

[al-bake2002]

اخــــــــــــــر التـــطـــورات الي صــــــارت ...

امس بالليل رحت مرور مسيمير لمراجعة الضابط المناوب بخصوص المخالفة وهذا ما حدث بالتفصيل ؟

عند دخولي مكتب التحقيق طبعا ما لقيت الا شرطي واحد فقط وكان قاعد عالكرسي ويكلمني والزقارة في حلجه والطابور لين اخر الباب يوم جيت اكلمه حصل الحوار التالي ؟

الشيخ ممكن اعرف وين الظابط المناوب ؟

الشرطي : نعم شبغيت , شالموضوع الي جاي عشانه

انا جاي هني بخصوص مخالفة نزلة لي بشكل غلط وبغيت اشيلها

الشرطي : من قالك ان المخالفة بتنشال مراح تنشال

لا حول ولا قوة الا بالله , انت بس عطني اسم الضابط المناوب خلني اكلمه

الشرطي :ما في ظابط مناوب هني انا الي ماسك كل شيى فالقسم الحين

انزين اقدر اراجع من في هالموضوع

الشرطي : ما تقدر تشيل مخالفات هني , روح مدينة خليفة

انزين اروح عند من في هالموضوع

الشرطي : اقولك محد راح يشيلها ( ويوم توهق) طالعني وقالي روح عند عبدالله بن ناصر

طالعته وقلت له عبدالله بن ناصر هذا انت تروح له عشان يرفع لك رتبتك ومشيت

الختام

اســــــــــــلــــــــــــــوب ولا احـــــــــــــــــــلـــــــــــى والى الامام يا مرور دولة قطر

[OTOsan]

شي ثاني , مادري إذا هالشرطي مر عليكم ولا لا .. عنده نسيان أكستيررا مادري أكسيرا أسود أعتقد أنه يدخل على المرور 5 مليون شهرياً يعرف وين يحط راداره المتحرك.. ![/font][/size]


رفيجه الشرطي راعي الاكستريل الكحلي صار رفيجي من كثر ما مر عليه ويتبع نفس الطريقة .. وعلى ما (يقال) انهم تابعين للخويا مب للمرور :)
ذكرت نقطة مهمه بالفعل .. انهم يختارون الطريق الطويل واللي سرعته 80 لانهم يدرون ان السيطرة على السرعة في هالشوارع بالذات صعبة !!

كنت ادافع عن الرادارات من قبل لاعتقادي بانها حرص على تطبيق انظمة الوقاية من الحوادث في الطرق .. ولكن هذه النقطة جعلتني اظن (وبعض الظن اثم ) انها عبارة عن (تصيّد) لايمت للوقاية من الحوادث بصلة !!

[راعي البيرق]

اخوي في الدول المجاورة الامارات مثلا لايلزم وجود شرطي لكي تتم المخالفة
فمجرد ما تصورك الكاميرات الموجودة بالشوارع وياكثرها عندهم تتم المخالفة (( هذا طبعا انت كنت في وضع مخالف مثل عدم ربط الحزام او استخدام الجوال وغيرها )) اما بالسعوديه فالوضع مختلف السرعه الزايدة
مافي لها الا السجن لمدة 3ايام مع حجز الموتر وان تكرر الوضع فيتحول الموضوع للقضاء مع احتمال تعرض المتهور للجلد فشرايكم باللي عندنا

[Sharshooooor]

الله يهديك سيارة بالملايين تقول ما هي بمميزة اجل وش المميز يمكن بو حوض هههههههههه
او يمكن رقم سيارتك رباعي مخربط هههههههه :anger1:

هههههههههههه

وانت الصاج بوحوض وردي

صدقني اوقف موتري والرولز شوف اي موتر يتصورون معاه ويعطونه اهتمام

والمواتر مو بالاسعار

واكبر دليل المقنع رفيجك سيارته ماتسوى والعالم تراكض وراة عشان صورة :nice:

[CH Engineer]

http://www.qatarshares.com/vb/attachment.php?attachmentid=62513&stc=1&d=1272286458


توني مشيك شوفو شطلع معاي :eek5:

شكلهم شرطيين في نفس المكان والزمان ونفس الانقضاض على نفس المخالفه

ما العمل :rolleyes2:

والمخالفه شمعناتها :omen2:

ههههههههههههههه تدبلت المخالفه عليك شكله العسكري احول

[عذب الكلام 1]

اللي يخلص دفترين له اجازه يوم ومكافئه ماليه ماتبيهم يشتغلون كل وقت الله يسامح من كان السبب

[bo_hamad]

الحال من بعضه ، بالرغم من المحاولات الجادة لإيجاد الحلول :rolleyes2:


عندي واحد من الربع مخالفينه وسيارته في الامارات صار له اكثر من 5 شهور

ورقم سيارته 271781

عدم استعمال سائق المركبة ومن يركب بجواره لحزام الأ مان أثناء سير المركبة علي الطريق بتاريخ 22/04/2010م

يا افراد المرور ارجو منكم عدم كتابة المخالفة الا بعد التاكد من رقم السيارة

وتقبلوا تحياااتي يا ادارة المرور وصباحكم عسل

[كازانوفا]

والله قهر

كرهت الطلعه والسبه هالمرور والردارات

[M!ss Q6R]

ههههههههههههههههههههههه والله شر البلية مايضحك..
صج صج شادين حيلهم من قلب .. ولا هالشهرين..رادارات في كل مكان..
تخيل انا ما غير ماسكه البلاك بيري واطرش للعالم.. ومايبط الجبد الا راعي البيكم
الا على خط الخور.. يامال العافيه<< مب من قلب.. ما عنده شغل ابد.. كل يوم وحيااااااتكم
اما بالنسبة للتلفيق.. انا فتحت الموقع اشووف..
http://store0.up-00.com/Apr10/PpH72990.jpg (http://www.up-00.com/)

واللي يقول لك السياره ما طلعت من قطر من سنه ولا طبت الامارات...؟.. شلوووووووووووون.. والمخالفه الاولى بعد رادار متحرك لا بارك الله فيهم..

[بـن عدوان]

الشيخ انت اليوم كنت في المرور عند الملازم الكعبي ؟

[qatari-vip]

والله زودوهاا المرور

انا ماايرفع ضغطي الا الشرطي اللي ينخش بين السيارات لا باارك الله فيههم

[واحد في حاله]

ههههههههههههههه تدبلت المخالفه عليك شكله العسكري احول


المشكله اني مب متذكر المخالفه ولا شفت الشرطي ولا اعرف شمعناة المخالفه اصلآ

للحين مافضيت اراجعهم

اخاف يخالفوني اذا قلت لهم انتو مغلطين