وين الدوريات عن هالشــارع ؟؟؟

[مــــلاك]

وين الدوريات ولا الخويا ...عن الشارع الجديد الي بين مركز الغرافه الصحي
وازغوى ,,,؟؟؟؟

اقل مايقال عنه انه سباق للسيارااات ...خاصه بعد الساعه 7 ونص او 8
الله يستر علي شبابنا ويحفظهم ...

بيوتنا على هالشارع والله نخاف بيوم احد يدخل بسياره البيت !!!
اقصد بحادث لا سمح الله ...

اتمنى تتواجد الدوريات في هالمكان ...او تعطوني رقم اقدر اكلم احد
يشوف المصخره الي حاصله هناك ....

حتى الي يفكر بيمشي على الشارع ماظن يقدر لانه بعض السيارات
شفتهم يروحون ويردون على نفس الشارع 4 او 5 مرات
طبعا بسباق .

الله يستر علينا وعلى شبابنا ....

[كاتم الاسرار]

الله يحفظهم يالغاليه بس نسيت اقولج الحين مش فاضين لانهم منخشين بين الاشارات او في المواقف حق المخالفات الحزام وغيره الله يعينا لين فضوا ان شاءالله بييييييييييون الشارع

[إينشتاين]

الحبايب مشغولين ،، يجمعون فلوس المخالفات ،،،

قوليلهم فيه ناس في هالشارع مايربطون حزام الأمان ويكلمون تلفون تلقينهم طوابير على هالشارع ،،،،،،،،

[بوحارب]

اوف بلغت علينا :omg:


امس كنت هونيك بس ماسويت شي

مجرد متفرج :D

لا بالفعل الشباب مصخوها على هالخط والمشكلة يدزون مجموعة مواتر مب موترين او 3

يعني لو اول واحد ينقلب الباقي وراه على طولة

الشارع ما يشجع للدعس لأنه ضيق

وبعلم عليج عند الشباب ملاك لأنج بلغتي عليهم :anger1:

والله يهدي الشبيبة ويحفظهم :)

[بو فهد]

الحبايب مشغولين ،، يجمعون فلوس المخالفات ،،،

قوليلهم فيه ناس في هالشارع مايربطون حزام الأمان ويكلمون تلفون تلقينهم طوابير على هالشارع ،،،،،،،،

اخوى انت غلطان دوريات المرور

تحصلهم قاعدين على خط سلوى وخط الشمال يخالفون الشاحنات المتجاوزة

:tease:

[مستر بن]

الحبايب مشغولين ،، يجمعون فلوس المخالفات ،،،

قوليلهم فيه ناس في هالشارع مايربطون حزام الأمان ويكلمون تلفون تلقينهم طوابير على هالشارع ،،،،،،،،



هههههههههه

[مــــلاك]

الله يهديهم ويتركونكم في حالكم تسرعون وتتكلمون بالجوال :telephone:...وتسون الي تبووونه :victory:



بس في المقابل ترى كل هالقوانين عشانكم لاتنسوووون :nice:



تكفوون هدوووهم ولاتحاسبونهم على كل شي وتعالوا فريجنا شوفوا الي يصير
الله يستر علينا ويكفينا جنونهم .:anger1:

[الذيب1]

كلامك صحيح كنت مار اليوم من هالطريق واستغربت من سرعة السيارات فيه

[باراكودا]

أنا امر عليه مرتين يوميا شارع جميل وهادىء ومايحتاج دوريات وشرطة
لانه فاضي تقريبا مافيه سيارات .

[وطن]

اطلبوا يحطون لكم مطبات فيه

وبتنحل المشكلة

:)

[monatee]

اكيييد الدوريات مشغولين بمخالفات خلق الله

[Night KNight]

اختي مايحتاج اتوصين

هاذي الشوارع كلها تحريات
عطيهم شهر بس والشباب بيشوفون لهم شارع ثاني

الله يهدي الجميـع ان شاء الله

[مضاد]

الحبايب مشغولين ،، يجمعون فلوس المخالفات ،،،

قوليلهم فيه ناس في هالشارع مايربطون حزام الأمان ويكلمون تلفون تلقينهم طوابير على هالشارع ،،،،،،،،

:funny:



http://raya.com/mritems/images/2010/4/26/2_526239_1_209.jpg

[مــــلاك]

أنا امر عليه مرتين يوميا شارع جميل وهادىء ومايحتاج دوريات وشرطة
لانه فاضي تقريبا مافيه سيارات .


متأكد انه مايحتاج شرطه ودوريااات :eek5:...؟؟؟؟

عيل ماجيته في الليل خاصه بعد الساعه 8 ...

احنا من سكان المنطقه وادرى فيها ....

[إينشتاين]

الله يهديهم ويتركونكم في حالكم تسرعون وتتكلمون بالجوال :telephone:...وتسون الي تبووونه :victory:



بس في المقابل ترى كل هالقوانين عشانكم لاتنسوووون :nice:



تكفوون هدوووهم ولاتحاسبونهم على كل شي وتعالوا فريجنا شوفوا الي يصير
الله يستر علينا ويكفينا جنونهم .:anger1:


يخالفوني وانا ادور موقف في سوق واقف لأني موب رابط حزام الأمان ،،

وسرعة السيارة مابين 0 و 5 كم/الساعة !!!

يعني لو كل شوي داعم موتر ماصار لي شي ،،

وفي الأخير تقولين هالمخالفات عشان سلامتنا ؟؟؟

[عديـل الـروح]

انا يوميا وبمختلف الاوقات اجبرهم على تخفيض السرعه

لاني اقفل عليهم الشارع على الناحيتين

وعند ابلاغي عنهم في خلال 5 دقائق التحريات ملغمه الشارع

ومره لحقت عراوي ودخلته خلف مسجد النور وبغى ينقلب لولا رحمه ربك الين ما فكيت عنه

والله يستر عليهم ويعين اهاليهم عليهم ..

[هام السحاب]

انا يوميا وبمختلف الاوقات اجبرهم على تخفيض السرعه

لاني اقفل عليهم الشارع على الناحيتين

وعند ابلاغي عنهم في خلال 5 دقائق التحريات ملغمه الشارع

ومره لحقت عراوي ودخلته خلف مسجد النور وبغى ينقلب لولا رحمه ربك الين ما فكيت عنه

والله يستر عليهم ويعين اهاليهم عليهم ..

ممنوع الدوريه تطرد ورى سياره الا بأذن رسمي من ضابط
شلون انت تلحقه و على اي اساس ولو صاده شي لاسمح الله السالفه بتنقلب عليك
اخذ رقم سيارته و روح اشتك عليه
:omen2:

[مــــلاك]

يخالفوني وانا ادور موقف في سوق واقف لأني موب رابط حزام الأمان ،،

وسرعة السيارة مابين 0 و 5 كم/الساعة !!!

يعني لو كل شوي داعم موتر ماصار لي شي ،،

وفي الأخير تقولين هالمخالفات عشان سلامتنا ؟؟؟


اخوي حزام الامان شي لازم مانتناقش فيه لانه امر مفروغ منه ...ولا ماوضع عبث هالحزام
وبعدين لما انت تدور موقف ليش مب رابط الحزام ؟؟؟ هذا معناته انك جيت من الشارع العام وانت مب رابطه من الاساس ؟؟؟ <<< هذا الي يدور في بال الشرطي ....!!
ووايد مكبرين موضوع الحزام وهو من ضروريات قياده السياره

ليش في الدول الاجنبيه مانلقى معارضات بخصوص الحزام ....


كل هذا وماتبون سلامتكم ....؟؟؟؟؟ :discuss:








انا يوميا وبمختلف الاوقات اجبرهم على تخفيض السرعه

لاني اقفل عليهم الشارع على الناحيتين

وعند ابلاغي عنهم في خلال 5 دقائق التحريات ملغمه الشارع

ومره لحقت عراوي ودخلته خلف مسجد النور وبغى ينقلب لولا رحمه ربك الين ما فكيت عنه

والله يستر عليهم ويعين اهاليهم عليهم ..


انا مع اخوي هام السحب ..لاتطاردهم ويصيدم شي وعقب بتكون انت السبب
مافي الا احد يبلغ عنهم