سيارة مقلوبة بوسط الشارع !!!!!!!!!!!!!!!!!!!!! سترك يا رب

[ماريسا]

توني واصلة البيت شفت سيارة ذهبية اللون مقلووووووووووووووووبة بوسط الشارع عند الدوار اللي قبل المدينة التعليمية بالريان احد يقولنا شسالفة و شلون جذي سيارة مقلوبة بوسط الشارع مب هاي واي يعني عشان يكون في مجال تنقلب لا حول ولا قوة الا بالله اتمنى مافي مصابين

[كركم]

السرعة الزايدة تقلب السيارة لو في الباركنج...وان شاء الله محد تعور

[ماريسا]

شكراً كركم على مرورك
معقولة محد يعرف اي شي عن ذاك الحادث
الله يحفظ الجميع

[البيان]

الشباب كلهم يداومون في نص الدوحة علشان كذا محد عارف سالفته وأنتي شكلك أداومين في مؤسسة قطر - الله يحفظ الرجال وقومه بالسلامه

[الدولـي]

الله يحفظ الجميع ان شاء الله

[ريان]

الله يحفظ الجميع ان شاء الله

آمــيــن

[العقل المدمر]

السرعة الزايدة تقلب السيارة لو في الباركنج...وان شاء الله محد تعور


شلون جي بعد :eek5:

الله يحفظ الجميع

[مرحوم قطر]

الله يستر ابستره و يشافي المتعور و يرح التوفي

سيده فاول

[وحيد-الشوق]

اكيد السيارة المقلوبة

كروزر او نيسان مافي غيرهم

الله يحفظه ويقومه بالسلامة

[أم نوره]

الله يحفظ الي كانوا بالسيارة

[ماريسا]

اكيد السيارة المقلوبة

كروزر او نيسان مافي غيرهم

الله يحفظه ويقومه بالسلامة

كروزر :omen2:

والله كان منظر غريب و الشارع كامل مصكر بس والله شاغلة بالي شلووووون انقلبت هالشكل!!!

[إينشتاين]

ارجوا انكم تقبلون كلامي بدون زعل ،،

النوع من هالمواضيع يثير الفزع في قلوب بعض الناس ،، فعلى سبيل المثال لو انا اخوي أو حد من هلي عنده سيارة ذهبية ، ويشتغل أو بيته قريب من المنطقة المذكوره ،، إيش راح يكون أول مافكر فيه ،،،

مجرد نصيحة

[جرح الزمان]

ارجوا انكم تقبلون كلامي بدون زعل ،،

النوع من هالمواضيع يثير الفزع في قلوب بعض الناس ،، فعلى سبيل المثال لو انا اخوي أو حد من هلي عنده سيارة ذهبية ، ويشتغل أو بيته قريب من المنطقة المذكوره ،، إيش راح يكون أول مافكر فيه ،،،

مجرد نصيحة

كلامك صحيح ....... بس قبل زمن ال بي بي

الحين وهو قاعد يتقلب وقبل ما يثبت يكون الخبر انتشر وبالصور

الله يحفظ اللي بالسيارة

[إينشتاين]

كلامك صحيح ....... بس قبل زمن ال بي بي

الحين وهو قاعد يتقلب وقبل ما يثبت يكون الخبر انتشر وبالصور

الله يحفظ اللي بالسيارة


النصيحة هذي موجهه لكتاب المنتدى ولكتاب البي بي ،،،،،

[المرحب]

الله يستر على خلقه

[جرح الزمان]

النصيحة هذي موجهه لكتاب المنتدى ولكتاب البي بي ،،،،،

والله يا خوي اني رديت مو تقليل في نصيحتك ... بالعكس كلامك صحيح 100%
بس الموضوع صار بالنسبه لهم ... سبق صحفي

[ماريسا]

الموضوع يهمني و يهم بعض الناس
و عبرة للمتهورين في القيادة و تنبيه لهم
و إذا مثل ماتقول أخوي إينشتاين يثير الفزع
احين لا سمح الله لو زميلتي عندها كروزر ذهبي اتصل عليها اتطمن عليها مثلاً
والا مانبي نعرف و مايهمنا يتعور اللي بيتعور و يموت اللي بيموت!!

[إينشتاين]

الموضوع يهمني و يهم بعض الناس
و عبرة للمتهورين في القيادة و تنبيه لهم
و إذا مثل ماتقول أخوي إينشتاين يثير الفزع
احين لا سمح الله لو زميلتي عندها كروزر ذهبي اتصل عليها اتطمن عليها مثلاً
والا مانبي نعرف و مايهمنا يتعور اللي بيتعور و يموت اللي بيموت!!


ان شاء الله مازعلتي من النصيحة ،، في البداية قلت بدون زعل :):)

اكيد ماتحبين تكونين ناقلة للأخبار المفجعة ،، يعني أنا لو شفت حادث لواحد اعرفه وقابلت اخوه او حد منه هله وماعنده خبر في الحادث مستحيل الخبر يوصلة مني ،،

إذا عندي بشارة أو اخبار طيبة اقول لكن مالي عازة في العلوم التي تغث يسمعونها مني،،

تحياتي

[شاهيناز]

كلام الاخوان صحيح لاني انا لما قريت الموضوع تميت افكر في سيارات قرابي الله يحفظهم ويحفظ الجميع

صراحه اغلب المواضيع الي مثل هذي تسبب لي قلق
دوم اروح حق اخر رد عشان اشوف وش صار

اتمنى لاتروعون الناس بدون قصد منكم لان النيه نعرفها
لكن ماتعرفون اثر ها المواضيع علينا

والله يحفظ الجميع من شر الحوادث يارب

[eXpert*]

أفا محد بلغني ولا كان فزعت

الله يهديكم بس

الغرب يصنع طائرات وصواريخ ............................ !!!

[ام السعف]

ارجوا انكم تقبلون كلامي بدون زعل ،،

النوع من هالمواضيع يثير الفزع في قلوب بعض الناس ،، فعلى سبيل المثال لو انا اخوي أو حد من هلي عنده سيارة ذهبية ، ويشتغل أو بيته قريب من المنطقة المذكوره ،، إيش راح يكون أول مافكر فيه ،،،

مجرد نصيحة

اتفق معاك

[ريماس الغلا]

الله يستر

[ابو حمزة1]

اولا ما كانت سيارة كان سيارة شحن تحمل حفارة وحفارة ساقطة من شحن على ارض وحسب علمي لا يوجد اصابات لاني شفت سيارات لخويا ينظفو الارض من التراب ومافي سيارة تانية مصابة وحمد لله

[Night KNight]

على حسب علمي ان الي فالسياره شباب
دعمهم واحد قلبهم وشرد هاذي الي عرفته وماحبيت
اخذ التفاصيل واهم شي مافي اصابات

والحمدالله على سلامتهم

[حليتان*]

شسالفة الحين ....كل واحد جايب خبر اغرب من الثاني !! ^^

[سداوي&مدريدي]

عسى محد تعور :omen2:

[ماريسا]

هي سيارة كروزر ذهبية أنا متأكدة من اللي شفته
وصلني خبر إن السايق كان يتسابق (عند الدوار عااد ؟؟ :s
عموماً أنا آسفة اذا سببت قلق لأي حد فيكم
أنا قلوقة أكثر و غالباً ما افتح مواضيع الا اذا في سالفة مهمة و تهمني.. و أتوقع في ناس مثلي بعد يهتمون.. بس أعتذر :)
عسى محد تعور
و الله يحفظ الجميع

[إينشتاين]

الله يحفظ شبابنا من التهور ،،

http://www13.0zz0.com/2010/04/27/07/535649407.jpg

انقذت العناية الإلهية مواطنا شابا من
الموت بأعجوبة عندما انقلبت سيارته بالقرب
من مؤسسة قطر للتربية والعلوم وتنمية
المجتمع ما تسبب في تعطل حركة المرور
لفترة طويلة.
وقع الحادث في الثالثة والنصف من مساء
امس عندما كان قائد سيارة لاند كروزر
قادما من دوار بني هاجر باتجاه الدوار المايل
ونتيجة للسرعة الزائدة اختلت عجلة القيادة
في يده ما أدى الى انقلاب السيارة، غير أن
سائقها لم يصب بسوء.
انتقلت الى مكان البلاغ إحدى الدوريات
التابعة لشرطة الفزعة ودورية تابعة لقسم
مرور الريان حيث تم اخراج السائق من
السيارة دون ان يصاب بأذى وتبين انه مواطن
شاب يبلغ من العمر ١٨ عاما.. قام تحقيق
مرور الريان بفحص الحادث لبيان اسبابه كما
تم استعدال السيارة وإعادة حركة المرور على
الطريق الى طبيعتها.

منقول من جريدة الراية

[ماريسا]

الله يحفظ شبابنا من التهور ،،

http://www13.0zz0.com/2010/04/27/07/535649407.jpg

انقذت العناية الإلهية مواطنا شابا من
الموت بأعجوبة عندما انقلبت سيارته بالقرب
من مؤسسة قطر للتربية والعلوم وتنمية
المجتمع ما تسبب في تعطل حركة المرور
لفترة طويلة.
وقع الحادث في الثالثة والنصف من مساء
امس عندما كان قائد سيارة لاند كروزر
قادما من دوار بني هاجر باتجاه الدوار المايل
ونتيجة للسرعة الزائدة اختلت عجلة القيادة
في يده ما أدى الى انقلاب السيارة، غير أن
سائقها لم يصب بسوء.
انتقلت الى مكان البلاغ إحدى الدوريات
التابعة لشرطة الفزعة ودورية تابعة لقسم
مرور الريان حيث تم اخراج السائق من
السيارة دون ان يصاب بأذى وتبين انه مواطن
شاب يبلغ من العمر ١٨ عاما.. قام تحقيق
مرور الريان بفحص الحادث لبيان اسبابه كما
تم استعدال السيارة وإعادة حركة المرور على
الطريق الى طبيعتها.

منقول من جريدة الراية

هيّ دي !!
الحمدلله على سلامة السائق
الله يحفظ الجميع من كل مكروه
أشكرك اخي اينشتاين على النقل

[كازانوفا]

لا حولة ولا قوة الا بالله كيف شكلها
ربي يحمينا ويحمي جميع المسلمين يا رب من كل مكروه