شبابنا ...ياتلفزيون قطر

[فيزيائية]

السلام عليكم ورحمة الله وبركاته


كثر الحديث عن الشباب والشابات
اصحاب الشعور الطويلة
وصاحبات القنابيع (حجاب بو نفخة)
الناعمين منهم
والمسترجلات منهن
الذين لاهدف لهم في الحياة
واللاتي شغلهن الشاغل . ماركة الشنطة !!
في الوقت الذي تعمل القنوات لاستقطاب المفكرين والتربويين وأولو الاهتمام والاختصاص...
لتقديم برامج موجهه للشباب والشابات...
وتدفع المراكز المبالغ من اجل (شباب) واعي محترم مثقف ...وتطرح الدورات..والمحاضرات
يطالعنا تلفزيون قطر ....<<غير معروف الهوية
ضيع هويته وبيضيع هويه شبابنا !!:rolleyes2:
ببرنامج اسمه (شبابنا)...
مقدميه شابان ممثل وممثلة الله يستر عليهم
ومستضيفين شباب وشابات
وطارحين مواضيع ...
متعبين نفسهم...بصراحة...
تسائلت ..
هل هذه القدوة المرجوة من شبابنا ؟؟
وهل من افواه (...) يأخذون القدوة ويتتخذونها؟؟
يعني خلت البلاد من ناس متخصصة؟؟
كلللش ماعندنا ناس فاهمة ولا شباب متفوقين ولا قدوات ناجحة؟؟
وضاقت الدنيا عشان التي تنصح بناتنا نص شعرها طالع؟؟واللي يكلمهم ممثل مبتديء؟؟
أدري بتقولون زين منه تلفزيونا مسوي للشباب برنامج؟؟؟
بس باقولكم فروا عالبحرين وشوفوا برنامج الثويني عن الشباب....
قسم بالله قهرررر
نربي من صوب والعالم تهدم بصوب...
برامج محترمة مافيه وان سووا خربوا الدنيا
لا اعداد ولا تنفيذ ولا ناس عدله تقدم....

الله يهداهم بس <<<:omen2:

[Charisma]

في قناه اسمها قطر؟

اخبر اخر مرة شفتها في عام 1993 افتح ياسمسم كان ايي العصر الساعه ثلاث ونص

من بعدها سمعت ان القناه صارت ملطشة ومسحتها :(

[فيزيائية]

في قناه اسمها قطر؟

اخبر اخر مرة شفتها في عام 1993 افتح ياسمسم كان ايي العصر الساعه ثلاث ونص

من بعدها سمعت ان القناه صارت ملطشة ومسحتها :(

سعيكم مشكووووور :weeping:

[ابو ضمير]

هههه ايه والله جبتيها على الجرح برنامج فاااااااشل ما ادري ايش يبغا لا صراحه تعبوا نفوسهم الاداء بايخ ومواضيعه مواضيع جهال وناس ما ادري من وين جابوهم لا دين ولا ثقافه
تخيلوا انهم جابو موضوع عن الدرجات الناريه وجابو مجموعه من الشباب والشابات والقهر ان البنات يقولون انهم ركبوا الدراجه وانها تشجع البنات على ركوبها
قم الوقاحه

[بوطويشم]

السلام عليكم

اشوف القناة اتنرفز و نقهر

وين ايام البرامج الحلوة

مشكورة على الموضوع

[فيزيائية]

هههه ايه والله جبتيها على الجرح برنامج فاااااااشل ما ادري ايش يبغا لا صراحه تعبوا نفوسهم الاداء بايخ ومواضيعه مواضيع جهال وناس ما ادري من وين جابوهم لا دين ولا ثقافه
تخيلوا انهم جابو موضوع عن الدرجات الناريه وجابو مجموعه من الشباب والشابات والقهر ان البنات يقولون انهم ركبوا الدراجه وانها تشجع البنات على ركوبها
قم الوقاحه
الله يعينا على الحلقات الجاية :rolleyes2:

[فيزيائية]

السلام عليكم

اشوف القناة اتنرفز و نقهر

وين ايام البرامج الحلوة

مشكورة على الموضوع

عليكم السلام...
البرامج الحلوة يبيلها اعداد حلو وناس حلوة :eek5:

[العقل المدمر]

اشوه انا صار لي شهور ما فتحت التلفزيون ولا ادري عنه :shy:

[خفوشه]

الصراحه قناه قطر.... قبل احلى بمليون مره من ألحين...


ألحين يسمونها قناه مصريه<< مسلسلاتهم..


حتى الكرتون ولاشي ... وين ايام المحقق كونان.. عهد الاصدقاء.. .............. الخ.

راحوا في مهب الريح..


الله يرحم زمن اول...

[الأصيلة]

التلفزيون القطري صارت برامجه تافهه جدا وتخبط في إعدادها...
وين أيام زمان ...والبرامج المفيدة الواعية...
يجب ان يكون هناك حل سريع لإنقاذ مايمكن إنقاذه...

[الاستثمار]

الله يرحم ايام تلفزيون قطر اول اما الحين الله يعين وما نقول الا الله يصلحهم

[الشمريه]

والله عمره ماراح يعجبكم شي :(

طيب الي مو عاجبه البرنامج مايكتب بالمنتدى على طول يروح مبنى الاذاعه والتلفزيون ويقدم شكوته

لكن مو حل نقعد نكتب بالمنتدى وكلن يدخل ويزيد الطين بله

يعني الحين التلفزيون كله من برامج ومنوعاااااااااااااااااااااات غفلنا عنه وركزنا على هالبرنامج

يمكن كان مجهود بس مالله وفقهم

الي حاب يوصل فكره وصوته مو عن طريق المنتدى اسهل شي يزور المكان ويتواجهه مع الناس المسؤؤؤله

[الشمريه]

برنامج «حياة القلوب» الذي يقدمه عايض القحطاني

برنامج قطوف اجتماعية الذي يقدمه الدكتور إبراهيم بوبشيت

برنامج صباح الدوحة الذي يذاع في فترة الصباح ويهتم أكثر بالقضايا الاسرية وقضايا المرأة

برنامج «الدار»

«بابا لنجا دنيا الاطفال».

كل هالبرامج والتلفزيون فاشل و و و و و و و

الي يقول ان التلفزيون فاشل يطرح هو الفكره والرنامج الي يشوفه هادف للمجتمع والشباب


نشوووف همتكم :)

[غريم قطر]

الصراحه شي يضحك والله يستر على الكل انشالله

[صمت القلوب]

اختي العزيزه الشمريه احنا ماعارضنا ضهور برامج حواريه ... الناس عارضت على منظر اللي يحاورون
الحين احنا نحارب البنات المتبرجات واللي مسوين نفخات وووو وهم حاطين بنات متبرجات ويتكلمون بمواضيع تخص الشباب ... الحين اشدخل البنات بركوب الدراجات ... الحين هذا موضوع ... يعني خلصت المواضيع .... وشي ثاني ... ليش مايجيبون من الشباب الرجال نفسهم المعارض والمؤيد ... يعني قروب مؤيد وقروب معارض ويتم الحوار بامور الدراجات والتفحيط وووو اللي تخص الشباب ... اهنيه ممكن نطلع بنتيجه وباراء مختلفه ... والبنات ممكن يظهرون احسن من جذيه ... من غير نفخات ومن غيرتبرج ... وكل واحد يكسب احترامه بمظهره واسلوبه .... او يوم يسون نفس الشي مع البنات ويطرحون مواضيع تخص البنات ويتحاورون فيها ....
انا مااراح احكم عالبرنامج من الحين واقول انه فاشل ... يمكن الجميع قاعد يحاول فيه ويطرحون مواضيع تخص الشباب ... لكن المفروض يلاقون الطريقه الصح لوصول الموضوع والنصيحه للمتفرجين وخاصه من جيل الشباب والمراهقين ....

[حليتان*]

من الي يشوف تلفزون قطر الحين !


في الميالس الدوري والكاس او الجزيرة

والبيت مسلسلات كورية وتركية



خلو التلفزون على راحتهم ناادرين الي يشوفون تلفزون قطر

احلى وقت اتابع فيه القطرية في رمضان قبل اذان المغرب لما يحطون العريفي

[حليتان*]

اختي العزيزه الشمريه احنا ماعارضنا ضهور برامج حواريه ... الناس عارضت على منظر اللي يحاورون
الحين احنا نحارب البنات المتبرجات واللي مسوين نفخات وووو وهم حاطين بنات متبرجات ويتكلمون بمواضيع تخص الشباب ... الحين اشدخل البنات بركوب الدراجات ... الحين هذا موضوع ... يعني خلصت المواضيع .... وشي ثاني ... ليش مايجيبون من الشباب الرجال نفسهم المعارض والمؤيد ... يعني قروب مؤيد وقروب معارض ويتم الحوار بامور الدراجات والتفحيط وووو اللي تخص الشباب ... اهنيه ممكن نطلع بنتيجه وباراء مختلفه ... والبنات ممكن يظهرون احسن من جذيه ... من غير نفخات ومن غيرتبرج ... وكل واحد يكسب احترامه بمظهره واسلوبه .... او يوم يسون نفس الشي مع البنات ويطرحون مواضيع تخص البنات ويتحاورون فيها ....
انا مااراح احكم عالبرنامج من الحين واقول انه فاشل ... يمكن الجميع قاعد يحاول فيه ويطرحون مواضيع تخص الشباب ... لكن المفروض يلاقون الطريقه الصح لوصول الموضوع والنصيحه للمتفرجين وخاصه من جيل الشباب والمراهقين ....

شسم هالبرنامج ؟

ووقته ؟خل نشوفه

[سمو انسان]

بصراحه انا كنت بتكلم عن الموضوع من قبل بس ترددت

البرنامج كفكره ممتاز لكن اللي نشوفه بصراحه لا تعليق

ليش ما يستعينون بناس عندها الكفاءه على سبيل المثال حسن الساعي، او محمد سعدون الكواري بحكم ان برامجهم السابقه مع قناة قطر كانت اقرب للشباب

ليش ما يستضيفون ناس عندهم خلفيه في هذا الشي (اي توعيت الشباب) مثل الدكتور ايوب الايوب او الاستاذ عبدالعزيز ال محمود والخ
واذا بس يبغون شباب فالبرنامج ،ليش ما يجيبون شباب ثقافتهم عاليه او على الاقل يجيبون هل قطر، مب ناس والله ما نسمع منهم جمله مفيده (كلها كسور وحرقات على كيف كيفك)

كله كوم واللي يسون معاهم مقابلات كوم ،انا ما شفت الا حلقه وحده اخبر مقابلين شباب وبنات من دوله عربيه، يسؤلونهم عن كيفيت اختيار الاصدقاء، عاد وانت اسمع الاجابات اللي تبط الكبد، لا ولا كيف تقضي وقت فراغك، فالمجمعات والخرابيط و الخ

[فيزيائية]

جزاكم الله خير على اثراء الموضوع

وانا عن نفسي متابعة لحياة القلوب والعريفي والدار...

وانتقادي كما ذكر الاخوان ليس علىى فكرة البرنامج بالعكس نحن محتاجين بشدة لبرامج تخاطب عقول الشباب بس من الذي يوجه الخطاب وماهو الخطاب اصلا؟؟
اما عن عرض الموضوع بالمنتدى فالغرض منه وصول الموضوع للمعنيين...
والا ماكان شفنا اي موضوع لاي جهة ..لا في جرايد ولا منتديات


وتقبلوا تحيتي,,,

[dream~qa]

أحييج أختي أم النونية

وبالعكس أنا مع طرح المواضيع في المنتديات لسرعة وصولها للمسؤولين لأنج لو وصلتيها لهم مباشرة ماراح يهتمون بها مثل لو أنها انطرحت في منتدى والكل يدلي بدلوه في الموضوع لوصول أكبر عدد من الأراء للمسؤولين .

أما عن الشباب فالحمدلله عندنا شباب مثقفين وواعين بس التقصير من التلفزيون .

أذكر قناة الجزيرة للأطفال كانت تتفق مع المدارس المستقلة لاختيار الطلاب المتفوقين عندها للاشتراك في برامجها .

المفروض التلفزيون يشكل فريق يبحث عن الشباب اللي يمثل البلد خير تمثيل بالتعاون مع المدارس ويتم تدريبهم للظهور في مثل هالبرامج .

أما بالنسبة لسالفة العباية والشيلة للمذيعات الصراحة أنا أشوف أن التلفزيون لازم يوقف وقفة مع هالموضوع لأن السالفة أمصخت ما خلصنا من عبايات نورة لين العبايات واللوك الغريب اللي يطلعون به المذيعات .. يعني ما يصير قاعدين يقدمون برامج توعوية ودينية وفي المقابل يشجعون البنات على اللبس المتبرج والمكياج الأوفر .

ومثل ما قلتوا أحنا قاعدين نبني من جهة والتلفزيون يهدم من جهة .

[رمــش الغلا]

ولا عاد هاذي المذيعة اللي اتسوي دعايات على العبايات والشيل منرفزة جداااااااا

:anger1:

[أجودية]

تحياتي للجميع...... لكل دولة قناة تطل بها على العالم تعكس حضارة ورقي وتطور كل بلد ..بما تحمله من برامج ومواضيع تثري ثقافة المشاهد وتعكس صور البلد الجميلة والتراث الماضي الجميل ,باسلوب راقي وتخطيط جيد يعتمد على اعداد البرامج والاخراج وتدريب المذيعين من الجنسين على الظهور الذي يليق بهم .
واتمنى لتلفزيون قطر الرقي والاقتداء بقنوات دولة الامارات وقنوات دول الخليج .
واقولهم : خلاص شبعنا من تكرار المواضيع التراثية ....ومافية عندنا الا سوالف لول .

[wolf qtr]

برنامج شبابنا وهو لا يعكس شباب قطر ولا بنات قطر...شلة شباب وبنات مادري من وين مجمعينهم وصار برنامج شباب قطر غصب..

شبابنا والشله بناطلين وبناتنا و ركوب الدراجه ايش هالكلام الفاضي ... وايضا لي تحفظ على المذيعه انها ليش ما تلبس لبس المراه القطريه المسلمه دامها تمثل بنات قطر ..
......لاكن اقول الشرهه على من جمعهم وسوى لهم برنامج

[فيزيائية]

أثريتوا الموضوع بمداخلاتكم....

ويبقى سؤال في ذهني:
مدير تلفزيون قطر...هل يتابع برامج تلفزيونه؟؟