المساعد الشخصي الرقمي

مشاهدة النسخة كاملة : :::...التطبيل...والتمجيد...للي له سلطه...عندنا...:::...احم


The Master
26-04-2010, 07:12 PM
احم احم...ثم احم...


اليوم عندي موضوع ثاني...ونقطه ثانيه...طبعا بعيده عن الموضوع السابق...

شي بصراحه...ينرفزني...واقولها لكم بملئ الفم...ان هالناس اللي باتكلم عنهم...وبرأيي انا الشخصي...مايعجبوني...واشوفهم ناس مصطنعين...ويمثلون...ويقصون على اعمارهم...وعايشين في خيالهم...


التمجيد والتطبيل للي عنده افلوس...كان تاجر...او مريش...او عنده " ُسلطه"...

في ناس تعاملوا مع هالاشخاص وساعدوهم....فا يعزونهم...وطبعا القليل منهم من يساعد في هالوقت بدون مقابل...

او ناس مثلا تعاملوا معاهم واعجبتهم طيبتهم...فا مافي مانع اعجابه بهم...


لكن اللي انا اتكلم عنهم...هالفئه اللي من كلماتها...
"فدييييييته"
"امووووووت علييييييه"
"ياريتني اتزوجه"
"يجنننننننن"
"يهبل"
"يموت...؟؟!!!"

هذول قلنا الجنس الناعم...
لكن يجيك الشنب...هذا اذا كان اللي عليه شنب اصلا...

" ياخي احبك"
" انا فدا لك "
" تراني تحت امرك "
" يالبى قلبه...؟؟!!!...احم"

وطبعا في منهم من يقول مايقولونه هالنسوان...


ماعلينا من اللي يقولونه...

اللي بغيت اوصله...او افهمه...

هالناس...اللي مغتره بهم...وش اسباب التمجيد والتطبيل...

مع ان ماقد شافوهم...ولا كلموهم...ولا حتى كان بينهم اي اتصال مباشر او غير مباشر...
فا ليه هذا كله؟؟!!!

وطالعين لي فيها منها ب القاب... راعين الفزعات...شيوخ الشباب...حارسين الامه...وغيره رغيره من الالقاب...

مع ان لو تجي للواقع...هذول ماسوو اي شي يذكر...غير انهم يطلعون في التلفزيون...ويمكن شكلهم زين...ولا رايحين رحلة قنص ومصورين...وغيرها من النشاطات اليوميه اللي يسويها اي شخص عادي...
لو قلنا يمثلون يمكن...عشان تمثيله زين...لكن هذا وينه وين التمثيل...


واللي ينرفزني بزياده...اللي يحط لي صورهم في كل مكان...كان توقيع...ولا معلق الصوره...ولا حاطها في موتره...


هل لهالدرجه الناس سطحيين؟؟!!...ويدورون اي شي عشان يعبرون عنه بحبهم؟؟!!!
يا اخي اذا تحب...حب ابوك...امك...ناس فيهم خير وصلاح للامه...
يا اخي حب رسولك الكريم...على الاقل منها اجر ومنها صفات اتعلمها وتكون خير لك...

مب تختار لي ناس...مالهم مكان في الاعراب...اللهم ان عندهم فلوس وغيره من الامور...والمشكله يسووونهم ناس قمه...وهم ماسوو شي يذكر...

انا تكلمت عن المظاهر اللي صايره...وماتكلمت عن اللي يبغون من وراها بفايده...هذا عالم ثاني...اللي يتملحسون...هذول اللي يبعدنا عنهم...عادي يبيع اخوه عشان منصب...


انا اهتمامي للي يسوون الاشيا بدون مقابل...او بدون هدف...يعني كذا اي شي...


طبعا اولياء الامور على العين والراس...هذا واجب عليك وحق عليك...

انا اتكلم عن الباقي...اللي مالهم شي يذكر...

في النهايه هذي حريه شخصيه...للجميع...يسوي اللي يعجبه...حتى وان رسم وجه واحد من هالشخصيات على جبهته...براحته...

لكن شي منرفزني وحبيت افضفض...

واشوف من يوافقني ومن يخالفني الراي...

فا وش قولكم يا اعضاء...

مع او ضد ؟؟!!!
هدهد سليمان
26-04-2010, 07:16 PM
يعطيك العافيه اخوي المساتر .. لكن هل ناقشت الاداره واقنعتهم بوجهة نظرك عند حذف موضوعك ؟ الادارة صدرها رحب جدا وتتقبل النقاش .. يعطيك العافيه .. اما موضوعك الحالي .. ان شاء الله لي عوده بالرد ..
اسعاف
26-04-2010, 07:16 PM
مبروك على اول حذف لك بعد التكريم !

انا اكره واحد عندي

الّّي يرز وجهه في مجلس المسؤول كل يوم

ويوم يشيتون هذا المسؤول ترى هذا المنافق ما يدل المجلس مرة ثانية
اسعاف
26-04-2010, 07:19 PM
احم احم...ثم احم...

انا حزين...عقب حذف موضوعي الامسي...حتى ماتهنيت فيه...ولا رديت على الاعضاء اللي شاركوا فيه...ولا حتى قدرت اوصل النقطه او الهدف اللي كان من الموضوع...او الطرح...لكن الواحد مايقول الا خيره...

!!!

هذا الكلام ممنوع قوله امام الناس

عندك شكوى ارسل الى الأدارة على طول

لهذا السبب يمكن موضوعك ينحذف بعد !!
The Master
26-04-2010, 07:19 PM
يعطيك العافيه اخوي المساتر .. لكن هل ناقشت الاداره واقنعتهم بوجهة نظرك عند حذف موضوعك ؟ الادارة صدرها رحب جدا وتتقبل النقاش .. يعطيك العافيه .. اما موضوعك الحالي .. ان شاء الله لي عوده بالرد ..

ويعافيك خيو...

وضحت وجهة نظري...لكن من امس لين اليوم للحين مافي رد...ننتظر..
ماعلينا...

ننتظر عودتك...
The Master
26-04-2010, 07:22 PM
مبروك على اول حذف لك بعد التكريم !

انا اكره واحد عندي

الّّي يرز وجهه في مجلس المسؤول كل يوم

ويوم يشيتون هذا المسؤول ترى هذا المنافق ما يدل المجلس مرة ثانية

اكيد هذول تبع المصالح...

لكن اللي يعلق صور...وكل ماحطوا هالشخصيه في التلفزيون فز له ويمدح فيها ويتفداه...
وش رايك فيهم؟؟؟

وتم تعديل الموضوع...احم
اهم شي الحذف...
The Master
26-04-2010, 07:37 PM
هذا الكلام ممنوع قوله امام الناس

عندك شكوى ارسل الى الأدارة على طول

لهذا السبب يمكن موضوعك ينحذف بعد !!

تم التعديل...
بـــــــنت النوخـّــــذه
26-04-2010, 08:03 PM
اخوي الماستر في موضوعك السابق انا كنت معك من ناحيه المبدأ000

اما هذا صراحه مهب معك اسمحلي يعني 000
محبه الله ثم رسوله ثم الوالدين والاقربون

يعني حب الله /الرسول/الوالدين هذا واجب وقصبن عن الكل وفرض مهب لازم شعارات وادله لحبهم 0000
000 صار مجتمعنا كلن ينتقد الاخر انا مستغربه صراحه شصاير في الديره 00000 ومن حق كل مواطن يعتز بشخصيات تمثل بلده على الاقل افضل من صور مايكل جاكسون ولا هتلر ولا الصوره الي متولعين بها الشباب في المنتديات والسيارات وهو جفيارا 000
خل الناس يعلقون الي يعلقونه دام هالصوره تمثل ناس شرفاء وتمثل بلدهم ومايهم شقدمو حتى لو ماقدمو بنظرك بس يكفي الحب والولاء 00000000000000000000

انا ضدك في هذا الطرح واعتقد مصير موضوعك الحذف 0000

والله يالماستر تمتلك اسلوب جذب حلو ولبق في التعبير ولكن احيانا ينقصك الاختيار الصح للمواضيع 00الحين هديت المواضيع الاهم وقمت اتركز على صور ناس محترمين ليش احنا ننتظر من حد شي يقدمه عشان انعلق صورته ؟؟؟؟؟000اتمنى تتطرح لنا موضوع يتكلم عن السلبيات الاخلاقيه في مجتمعنا وكيف نستطيع تقويم هالسلبيات:nice: 000

ترى موضوع الصور والي تقصدهم ابرك من كمن بيت شعر حب وغرام وارقام تلفونات مرززه في جامه السياره ورى <<<رأي شخصي

اتمنى كنت حددت الموضوع يعني كتبت:
شخصبه غير سويه ومنافق = تطبيل وتهليل من المجتمع اهنيه ممكن اتفق معك اما بصوره عامه اختلف معك

انزين سؤال عطنا مثال على الصور الي استنكرتها ؟؟؟
غزلان
26-04-2010, 08:35 PM
اخوي كل انسان يمثل نفسه سواء سلوك ايجابي او سلبي
في تصرفات نستغرب كيف الشخص يسمح لنفسه بها كيف يرضى ان يقلل من عزته لسبب دنيوي او لمصلحه شخصيه أرجع السبب اولا لقناعته وهدف يسعى لتحقيقه بدون ان تهمه الوسيله وان لك منها مباديء لها درجات يمكن المعنيين بالموضوع لايملكون بعض منها.
The Master
26-04-2010, 08:44 PM
اخوي الماستر في موضوعك السابق انا كنت معك من ناحيه المبدأ000

اما هذا صراحه مهب معك اسمحلي يعني 000
محبه الله ثم رسوله ثم الوالدين والاقربون

يعني حب الله /الرسول/الوالدين هذا واجب وقصبن عن الكل وفرض مهب لازم شعارات وادله لحبهم 0000
000 صار مجتمعنا كلن ينتقد الاخر انا مستغربه صراحه شصاير في الديره 00000 ومن حق كل مواطن يعتز بشخصيات تمثل بلده على الاقل افضل من صور مايكل جاكسون ولا هتلر ولا الصوره الي متولعين بها الشباب في المنتديات والسيارات وهو جفيارا 000
خل الناس يعلقون الي يعلقونه دام هالصوره تمثل ناس شرفاء وتمثل بلدهم ومايهم شقدمو حتى لو ماقدمو بنظرك بس يكفي الحب والولاء 00000000000000000000

انا ضدك في هذا الطرح واعتقد مصير موضوعك الحذف 0000

والله يالماستر تمتلك اسلوب جذب حلو ولبق في التعبير ولكن احيانا ينقصك الاختيار الصح للمواضيع 00الحين هديت المواضيع الاهم وقمت اتركز على صور ناس محترمين ليش احنا ننتظر من حد شي يقدمه عشان انعلق صورته ؟؟؟؟؟000اتمنى تتطرح لنا موضوع يتكلم عن السلبيات الاخلاقيه في مجتمعنا وكيف نستطيع تقويم هالسلبيات:nice: 000

ترى موضوع الصور والي تقصدهم ابرك من كمن بيت شعر حب وغرام وارقام تلفونات مرززه في جامه السياره ورى <<<رأي شخصي

اتمنى كنت حددت الموضوع يعني كتبت:
شخصبه غير سويه ومنافق = تطبيل وتهليل من المجتمع اهنيه ممكن اتفق معك اما بصوره عامه اختلف معك

انزين سؤال عطنا مثال على الصور الي استنكرتها ؟؟؟


تصدقين كل مره احاول ارد عليج في موضوع علي...القى الموضوع محذوف...فا الله يستر

لكن انا الحين لظروف ماقدر ارد بشكل كامل عليك...لكن تيقني اني ما اطرح موضوع ويكون الهدف منه شي سخيف او عادي...
ترا هالموضوع سلبيه وكبيره عندنا...يمكن انتي ملاحظتيها...لكن انتظريني بكره ويجيك العلم...

واشكرك على ماذكرتي...ورايك في عين الاعتبار دائما يا بنت النوخذه...
بس عشان تفكرين...
في ردك ترا عالجتي الغلط بالغلط...
فكري في هالجمله...وهي في ردك...
The Master
26-04-2010, 08:47 PM
اخوي كل انسان يمثل نفسه سواء سلوك ايجابي او سلبي
في تصرفات نستغرب كيف الشخص يسمح لنفسه بها كيف يرضى ان يقلل من عزته لسبب دنيوي او لمصلحه شخصيه أرجع السبب اولا لقناعته وهدف يسعى لتحقيقه بدون ان تهمه الوسيله وان لك منها مباديء لها درجات يمكن المعنيين بالموضوع لايملكون بعض منها.






كلام جميل وعقلاني اختي
لكن اللي مايكون له هدف او مقصد من اللي يسويه...هذا وش مكانه من الاعراب؟!
The Master
26-04-2010, 08:59 PM
على اساس الموضوع يمكن يروح منا ولا منا

نقطه الموضوع هي...

شيئين

القدوه

حال قطر قبل وبعد الظهور في الاعلام...

هذي زبده موضوعي...

في انتظار الاراء
كركم
26-04-2010, 09:15 PM
مستر ماستر...تيكت ايزي

طبيعة الناس ينجذبون للأشخاص اللي تكون عليهم الأضواء..خذ عندك مثال المطربات...تجيك وحده لاصوت ولا صورة..ويتبناها رجل اعمال وينزل لها شريط وتسوي فيديو كليب وانواع عمليات التجميل والميك اب و الفوتوشوب الخ الخ...وبقدرة قادر تصير بين يوم وليلة فنانة معروفة...الشباب يتولعون فيها والبنات ياخذوها مثل اعلى....خلل نفسي الله يبعده عنا وعن السامعين ...

وبعد لا ننسى ترى ممكن بعد الخلل يكون وراثي...يعني يشوف هله وكل اللي حواليه...يمدحون ويمجدون فلان الفلاني بدون اي سبب واضح...بس لان ولد فلان ..ولا هامورمن الهوامير ...ولا له منصب في الدولة..يتبرمج الياهل على تعظيم العظماء بدون معرفة سبب عظمتهم..

مثل الياهل اللي يدلعونه البابا والماما وايد...ابوه يقوله ترى ان انت مافي مثلك ان ولد الحمايل وباقي الناس تحتك دوس الي تقدر ادوسه واللي ماتقدر ادوسه اشرد منه ليدوسك!!!...والماما تقوله انت مالك شبيه اذكى واحد وورايك انت صح وباقي الناس غلط انت الناجح وهم الفاشلين انت اللي فوق وهم اللي تحت...عاد يكبر الياهل وهو مصدق عمره ويعيش الدور ويغتر بنفسه..وتطلع لنا عينات من البشر..تشوف لها امثلة في المنتدى يدخل وما تشوف منه الا الكلام اللي يغث ويقط نغزات يمين ويسار...ويستفز هذا وذاك...تحسه يبي يقول حق اللي في المنتدى ترى كلكم ما تسوون ظفري بس خايف يتسنع...بس ما نقول الا الحمد لله والشكر والشرهه على البابا والماما..

جني شطحت عن الموضوع !!!

معليه ..بس اللي ابي اقوله ان التربية هي الأساس لا تعلمون عيالكم على النفاق...اذا بغيت ولدك يحب فلان ولا علان قوله لأنه سوى كذا وكذا...عشان لا يكبر ولدك ويتعلق بصورة واحد رايح المقناص وهو ما يعرف ليش متعلق فيه....وعقب يتكدر ذا ماستر ويجي يفضفض لنا في المنتدى ويسندرنا....<<< شفيه اللي خذ عليه

على العموم يعطيك العافية وسلم لي على كنغري

ملاحظة : المفروض ما نرد على مواضيعك الا عقب ما تمر 24 ساعه ملينا وحنا نعلق عقب ينحذف الموضوع امس ما مداني انزل الرد الا والموضوع محذوف شي يقهر بصراحه
The Master
26-04-2010, 11:54 PM
احييك لى ردك كركم...لي عوده للتعقيب
بس فكر لو كان هالشخصيه فيه سلبيات انت ماتلاحظها...
خاصه دينيه...هل بيكون تيكيت ايزي!!!
ولا ان كان بتتبع هالشخصيات...ستاندرد او اساسيات عادات وتقاليد تغيرت هل بيكون تيكيت ايزي!!!
خاصه لما نشوف مراهقينا وتصرفاتهم...

ما اقصد شخصيات معينه بحد ذاتها...لكن كا شي باين للعيان
الأصيلة
27-04-2010, 12:15 AM
ها الأيام صعب تجبر الناس يحبون ويمجدون ذوي الشان العظيم من
كبار الشخصيات والعظماء
واهل الدين والعلم...
المهم يمجدون اللي يمجدونه بس
مايكون كافر أو فاجر او من
اهل الفساد والكفر...
وكيفهم يمدحون اللي يمدحونه
ويذمون اللي يذمونه..وهناك ناس هكذا تكون طبيعتهم وقد تربوا على هذا الأمر...
Ussop
27-04-2010, 12:33 AM
أتحداك يا ماصطر إنك تلقى واحد من هالعينات صاحي، أو غير مهزوز الشخصية... مستحيل.
لذلك البلشتيه موجودين بكل زمان ومكان، وشبتقدر تسوي فيهم.
ويمكن يكون الإعلام له دخل، لكن مهما صار إعجاب هالفئة بشخص تافه، ما راح يقدم ولا يآخر، فلا تشيل هم، وخلك طبيعي.
naklan
27-04-2010, 12:50 AM
اخوي The Master الموضوع طبيعي اخي العزيز اذا كان صاحب الشخصيه صاحب ايادي بيضاء مثل سمو الامير او الشيخ زايد رحمه الله او اي شخص قدوه ويشهد له عند كل الناس ويكون من وضع صورته محب لهذه الشخصيه

ويكون مرض بعيد الشر عنكم اذا كان الشخص يمجد بلا مجد :omg: او يكون رئيس ومجرم وقاتل في شعبه ومتسبب في مجاعه مثلاً ويمجده اصحاب العاهات والسفهاء ويا كثرهم في عالمنا العربي

الاعتماد على شخصيه الانسان نفسه واصابعك ما هيب سوى

وتقبل تحياتي ومروري
موضي قطر
27-04-2010, 07:52 AM
اخوي الماستر في موضوعك السابق انا كنت معك من ناحيه المبدأ000

اما هذا صراحه مهب معك اسمحلي يعني 000
محبه الله ثم رسوله ثم الوالدين والاقربون

يعني حب الله /الرسول/الوالدين هذا واجب وقصبن عن الكل وفرض مهب لازم شعارات وادله لحبهم 0000
000 صار مجتمعنا كلن ينتقد الاخر انا مستغربه صراحه شصاير في الديره 00000 ومن حق كل مواطن يعتز بشخصيات تمثل بلده على الاقل افضل من صور مايكل جاكسون ولا هتلر ولا الصوره الي متولعين بها الشباب في المنتديات والسيارات وهو جفيارا 000
خل الناس يعلقون الي يعلقونه دام هالصوره تمثل ناس شرفاء وتمثل بلدهم ومايهم شقدمو حتى لو ماقدمو بنظرك بس يكفي الحب والولاء 00000000000000000000

انا ضدك في هذا الطرح واعتقد مصير موضوعك الحذف 0000

والله يالماستر تمتلك اسلوب جذب حلو ولبق في التعبير ولكن احيانا ينقصك الاختيار الصح للمواضيع 00الحين هديت المواضيع الاهم وقمت اتركز على صور ناس محترمين ليش احنا ننتظر من حد شي يقدمه عشان انعلق صورته ؟؟؟؟؟000اتمنى تتطرح لنا موضوع يتكلم عن السلبيات الاخلاقيه في مجتمعنا وكيف نستطيع تقويم هالسلبيات:nice: 000

ترى موضوع الصور والي تقصدهم ابرك من كمن بيت شعر حب وغرام وارقام تلفونات مرززه في جامه السياره ورى <<<رأي شخصي

اتمنى كنت حددت الموضوع يعني كتبت:
شخصبه غير سويه ومنافق = تطبيل وتهليل من المجتمع اهنيه ممكن اتفق معك اما بصوره عامه اختلف معك

انزين سؤال عطنا مثال على الصور الي استنكرتها ؟؟؟



اسمح لي اخوي الماستر على الرد وهذا يعبر عن وجهة نظري

اتوقع اختي بنت النوخذه انه يقصد بعض الشخصيات اللي ( فرضت علينا اما طيب او غصب )

وصار لهم ناس يساهمون في ( البروبغندا ) اللي حولهم وتكبير الهالة حول شخصياتهم وهي

يمكن تكون شخصيات ضعيفة بس ( الحظ وليس غيره ) لعب دوره معاهم فا لما نشوف اللي

اللي صاير للناس انهم يتبعونهم بدون هدف ولا منطق نفس اللي حاصل الحين قطر كلها صارت

تشجع ( نادي معروف ) بس علشان ناس معينين مع انهم قبل ماكانوا من مشجعيه

بس الهالة اللي ساهم فيها الاعلام حولهم مانقدر ننكرها والعالم طايحين فديت فلان وبعد عمري فلان
s o s o
27-04-2010, 07:58 AM
في النهايه هذي حريه شخصيه...للجميع...يسوي اللي يعجبه...حتى وان رسم وجه واحد من هالشخصيات على جبهته...براحته...



فا وش قولكم يا اعضاء...

مع او ضد ؟؟!!!


اتذكر مره قريت خبر في المجلات الفنيه مفاده ان تامر حسني
يأجر بنات يمثلون دور المعجبات ويصارخون اول ما يطلع ع المسرح
هل تعتقد ان ممكن بعض وركز على بعض هذه ان اللي يسون الحركات اللي ذكرتها اعلاه مأجورين ؟
كركم
27-04-2010, 12:30 PM
اتذكر مره قريت خبر في المجلات الفنيه مفاده ان تامر حسني
يأجر بنات يمثلون دور المعجبات ويصارخون اول ما يطلع ع المسرح
هل تعتقد ان ممكن بعض وركز على بعض هذه ان اللي يسون الحركات اللي ذكرتها اعلاه مأجورين ؟

تامرحسني هذا اللي يغني كل مرة اشوفك فيها يبقه نفسي أ أ .... الله ياخذه..
بس الي يتكلم عنهم مستر ماستر ما يحتاج يأجرون احد ..في ناس قايمين بهالخدمة بدون مقابل :)

انا عن نفسي ماانجذب وما امدح الا في اللي يستاهل المدح...مثلا شخص نقل ديرته نقله نوعية من اليوم اللي مسك فيه الحكم لليومك هذا ومواقفه السياسية الخارجية ترفع الراس..شلون ما احترمه واحبه؟....بغض النظر عن اي شخص ثاني
The Master
27-04-2010, 06:34 PM
وتستمر الاسطوره....
لازم شي يطلع عرض يخرب...احم

السموحه لكن ماراح اقدر اكون متواصل معاكم في هالموضوع...خلال الايام الجايه...لظروف خاصه...

فا نخليه على الهولد hold لين نخلص من اللي حنا فيه...ونرجع للموضوع...

لاهنتوا على مشاركاتكم الطيبه...بصراحه كلها اثراء...وشي جميل سماع باقي الاراء...

والسموحه على الطرح...وعدم اكماله...

ولنا عوده اذا ربي اراد...
سلام
The Master
10-05-2010, 02:44 AM
لنا عوده ان شاء الله...
نرفع الموضوع للاستكمال المناقشه...
(الفيصل)
10-05-2010, 02:54 AM
يُحشر المرء مع من أحب
(فلتختاروا من تحبون) :)
The Master
22-05-2010, 04:40 PM
يُحشر المرء مع من أحب
(فلتختاروا من تحبون) :)


كلام جميل اخوي الفيصل...

لكن اللي انا اقصده...هنا...هو تأثير هالشخصيات علينا...واثرها في مجتمعاتنا...

انت ركز معاي...كيف كنا وكيف صرنا...

من خلال 10 اسنين...

وكيف الاعلام رفع في ناس ووصلهم السما...


انتظر رايك...

وللحديث بقيه بشكل مفصل...