لو صار لك هذا الموقف

[bo_s3ood]

السلام عليكم ورحمة الله وبركاته


مثل ماهوو في العنوااان

من اشوويات كنت مع اهلي رايحين محل اقريب من البيت

وطبعا في مسااحه عند كل محل وبعدها في باركانات السيارات وفي مساحه لو حد يبي يسولف

انا شفة راعي محل ومعااه 2 كانوو يسولفون عند محل ومسكرين المكاان ورحت من اهلي من ورى السيارات

بس وانا راجع

كلمتهم وقلت لهم لو سمحتوو يعني تسولفون يعني هنا وتخلون الحريم يمرون من هذا الطريق كلامي مافيه شي غلط

ويجيك رد من واحد كبير في السن على كلامه يقول لك احنا راعين محلات والحريم ينطمون ويقعدون في البيت ومايطلعوون

انت ولا انتي شنو ودك تسووي لو كنت في مثل هذا الموقف

وياريت حد يفيدني لاني رديت عليه انا بس من بعيد ولا سمعني بس من القهر وكاانت الكلمه على الساني وحشمة نفسي لانا اهلي معااي

ياريت اعرف ارائكم في الي صاار ولا شنوو الحل لو انت كنت مكااني :(

[سارا.]

بنسبة لي مثل هنوعية من الناس ارفع نفسي من الرد عليهم
لن مهما قلت هم بيردون رد ماييقولة الا السفية هم كذا السفهاء
واطين وكلامهم واطي مثلهم

[monatee]

مايستحي الصراحه

زين انك حشمت نفسك عنه

[كركم]

العقل زينة ياخوي...وانت الربحان صدقني
انت اثبت لنفسك انك انسان ذرب وهو اثبت لنفسه انه انسان واطـ ......وطواط اخو الخفاش

[hemoud123]

صحيح اخلاق الناس تغيرت , ولا ادري ايش السبب
سبحان لله لو هذا الموقف صار قبل 15 سنه كان فتحوا لك الطريق بدون ما تتكلم ولا بعد بيصدون الجهه الثانيه لين تمر انت مع اهلك , وانت بتمر عليهم وبتلقي عليهم السلام وانت رايح
على العموم يا خوي ناس تحشمهم وناس تحشم نفسك عنهم , تصرفك سليم مئه في المئه وحكيم خاصة ان اهلك معاك , احسن لك تعين من الله خير وترجع بيتك وتفتح اللابتوب وتكتب لنا الموضوع وتكبر الوساده :) احسن من انك تتمشكل معاه ومراكز شرطه وسين وجيم

[bo_s3ood]

تسلمون على الردود الطيبه

بس نفس ماقلتوو خلوه

بكره حد بيجي وبيقول حق اهله

ويقوول انه راعي المحل يوم سالت لا عنده محل ولا شي

بس لاتجادل سفيها

مشكورين على ردودكم الطيبه انا بس الي قهرني في الي صاار انه عمره حول 55 واكبر

[alrheeb2020]

قمة القهر والله ..

حقك يوم القيامه مابيضيع ان شاء الله عند الواحد القهار ..


الله يوفقك ويسر لك امرك ان شاء الله

[العضو الماسي]

على العموم يا خوي ناس تحشمهم وناس تحشم نفسك عنهم . صدقت ياأخوي . قالها لك أخونا 123 .

[الحبتور]

تعوذ من هالوجيه البارده

[سمو انسان]

بصراحه انا ادعي ربي اني ما انحط فهذي المواقف

لاني اذا تنرفزت اتسرع وماعرف امسك نفسي

[هذلان]

السلام عليكم


غريبه انه يرد رد مثل هذا و انت ماقلت غير الي ذكرت .. مع احترامي لك هو الي سواه انه غلط على اهلك غلط مباشر .. طبعا عين العقل الي سويته .

بالنسبه لي احييك قبل كل شي و الحليم هو الي يمسك نفسه عند الغضب . و الموضوع الغريب ان عمره مثل ماذكرت ٥٥ كيف يبدر منه هذا الكلام و العمر له اعتبار كبير في مثل هذي المواقف .

يمكن لو اني بمكانك بقوله الحشمه لي و للشيب الي تارس وجهك .

هذا اكثر شي ممكن ينقال لشخص تصرف مثل هالتصرف و يكون شي يبرد الخاطر .

و ان قلت له مشكور و جزاك الله خير بتكون انت الكبير :victory:

[bo_s3ood]

و الموضوع الغريب ان عمره مثل ماذكرت ٥٥ كيف يبدر منه هذا الكلام و العمر له اعتبار كبير في مثل هذي المواقف .

عشاان كذى مسكت نفسي

ولا لو كان صغير يمكن صدق اتهوور معااه

والله يعطيكم العافيه ولا يحطكم في مثل هذي المواقف

[hamoor4ever]

شخص مايمثل الا نفسه وتربيته صحيح انه كبير بالسن لكن يدل ان عقله حده بو 9 سنين

[بو الجوري]

تبي الصراحه :.. أنا تنرفزت وأنا أقرا الموضوع :.. وكان ودي أكون مكانك :..

كان خليته يعرف معنى القعده فالبيت :..
:anger1:

والله إنه قليل حيا :.. وما يستحي :.. وإنت الصراحه غلطان تهده وتروح :..:rolleyes2:

[ALI5566]

هاذي يسمونها شجاعه لانك مسكت اعصابك وتعوذت من ابليس

[بنت ابوها 19]

احشم نفسي

لانه لو سكت عنه ومشيت راح يحس بالفشيله
لكن ان رديت عليه راح يحس انه قهرك وانه شي جدام الي واقف معاه

[هبوب الكوس]

كبير السن نمشيله حتى في الشارع يلف عليك مرات انطنش لاكن اذا كان شاب قال هذا الكلام طبعا بيكون الرد غير خلك طبيعي