][ ســـؤال بـخـصـوص فـيـزا مـسـبـقـه الـدفـع ٍ][

[مريش]

السلام عليكم ورحمه الله وبركاته

الموضوع واضح ياشباب

من يفيدني في بنك توجد به فيزا مسبقه الدفع
احط فيه فلوسي وانا مرتاح وبدون طبعا حسابي عندهم

بنك الدوحه كان فيه هالشي وتم الغائه

وتنصحوني فيها


واسمحولي لو الموضوع مكان غلط لكن مانبي ننلدغ
من البنوك الي فيني كافيني :(

[مالي ومال الناس]

اعتقد مصرف الريان يالغالي

تأكد منهم اخوي

تفضل رقمهم 4253333

[اهل قطر]

المجموعه

[yousef545]

مصرف قطر الاسلامي عندهم اتصل عليهم واسئل

عندهم بطاقة عشان تشتري من النت وتعبيها بالمبلغ الي تبيه وبعدين اتقطها

[MP3]

الدولي الاسلامي

[الشمالي111]

المصرف الاسلامي

انا مسويها عندهم

افتح لك حساب توفير وقدم عليها فيزاء وحط المبلغ اللي تبيه ويحجزونه وكل ماسحبت منها خصمو

واتمنى اني كفيت واجبت على اسالتك

[ام السعف]

مصرف قطر الإسلامي اصدر بطاقات جديدة اسمها هديتي
اقل فئة 100 ريال
اعلى فئة 5000 ريال ،،

للحين خلصت بطاقتين ام 500 ريال

ممكن تستخدم البطاقات هذي في النت و المحلات المختلفة
بس ما تقدر تسحب كاش ،،

بصراحة قمة في الروعة ممكن تعطي ولدك مثلا كرت 100 ريال
يعبي له العاب في الستيم ،،

[ANONYMOUS]

المصرف كما ذكروا الاخوان

تشتريها مثلا بو 500 ريال.. فيها 500 ريال

.. بس ماتقدر تعبيها مره اخرى.. تشتري غيرها .. ومن غير رسوم اضافيه

[مريش]

جزاكم الله خير ورحم الله والديكم

بتأكد من مصرف الريان بالأول

اما المصرف الاسلامي حلوه ومب حلوه
لان افتح حساب توفير !! او اشتري بطاقه بدون فتح حساب

لكن الاغلبيه اتفقو على شراء بطاقه ام 5000