ســــــــــؤال عن الحظانات للاطفال

[Qatar_Pearl]

السلام عليكم ..


ممكن تفيدوني عن حظانات ممتازه للاطفال من عمر سنتين والرضع


اريد تكتبون تجاربكم عن الحظانات مع اولادكم (سواء كانت عربيه ولا اجنبيه ) وماهي نوع الاداره ( هل فيها تعليم دين ولا لا )( اذا الطفل مايتكلم ولا يعرف الحمام (يعني مارمى الحفاظه ) هل تنصحون يدخل حظانه )؟
ممكن ذكر التفاصيل

وهل تنصحون بالحظانات لاقل من سنتين ممكن تجاربكم ؟ ولو اكبر من سنتين ؟ واذا 3 شهور وطالع يعني رضيع؟

الرجاء الافاده

لكم جزيل الشكر

:nice:

[النهار]

انشألله الاخوان مايقصروا

[ام ابراهيم]

بصراحة يكسرون خاطري اليهال

وماحب ادخلهم الا لما يكونون في عمر الروضة يعني 4 سنين

اصغر من كذا بالنسبة لي لا وألف لا

[كروشيه]

اختي الطفل طبعا ما في شئ يعوضه عن اهتمام امه مهما كان ، بس اذا ظروفج ما تسمح انج تتفرغين لولدج وما عندج حد من أهلج تخلينه عنده وديه الحضانه احسن الف مره من انه تخلينه مع خادمه بس اهم شئ اختاري الحضانه المناسبه وعادة الحضانات اللي تهتم بهذا العمر يكونون غلايه شويه ، وهم يهتمون بنظافة الطفل وكل شئ وبنظري احسن من ترك الطفل مع الخادمه ، بس اذا ظروفج تسمح انج تتفرغين لولدج افضل شئ لانه اهتمام الأم بالذات في هالمرحله من العمر جدا مهمه ومؤثره في تربيته وتوى بدري على الحضانه انا أويد الحضانه من عمر 3 سنوات وطالع لانه هو العمر الفعلي اللي يستوعب فيه الطفل تعلم اسماء الاشياء والحروف وغيرها ، بس اقل من جذي يكون الحضانه بالنسبه للطفل لعب واهتمام فقط وان شاء الله يلاقي الحنان ، والله يحفظ لج اعيالج واعيال المسلمين اجمعين