ذكريات من الماضي الجميل [الأرشيف] - منتديات شبكة الأسهم القطرية

مشاهدة النسخة كاملة : ذكريات من الماضي الجميل

الوجبه

28-04-2010, 08:50 AM

السلام عليكم

هناك اشخاص في حياتنا ممكن لهم لمسات من الحزن في الماضي او الفرح وهؤلاء

الصراحه في فتره من الفترات اكيد الكل منكم بكى لهم وفرح لهم والاكيد في ناس تضررو منهم

او تغيرت شخصيتهم ..

نقول بسم الله :)

طبعا اول شخصيه هو ( جونقر البطل )

http://www.picamatic.com/show/2009/05/18/07/50/3679679_640x480.jpg

سبحان الله جونقر هذا كان يجيك في اي وقت والاكيد الكل كان يتمنى عنده شخص مثل

جونقر وخاصه اللي في المدارس وقتها و حاسين بعزله او كل يوم ينضربون ..

المهم مره كنا جالسين ونتابع المسلسل (الله يذكره بالخير فلان) في منصب ولين الحين

(يعري) خخخخ المهم طلع من عندنا فوق سطح البيت الا نسمع صراخه بنادي جونقر

الحححححححق ما تلحق ما في فايده ما جاه جونقر ويحذف نفسه الا هو والقار واحد ..

سلامات يا فلان .. :)

المهم تكسر الرجال وقتها .. بس لا يشوف الموضوع تصيده حاله نفسيه ..

كان جونقر وقتها رمز للقوه حق (الضعيف) اللي يشوف نفسه كل يوم مضروب ..

بس والله حزنت عليه يوم مات :) .

...

نجي على شخصيه مغامره من الشخصيات الجميله الصراحه والممتعه .. مع انه كان

(معمم) واتحس انه شيعي .. لكن سبحان الله ما كنا انفرق وقتها بين شيعي وسني

وهذي الشخصيه :

http://www.alhsa.com/forum/imgcache2/171111.gif

السندباد ..

كان مغامر بمعنى الكلمه وتعلمنا منه الصراحه امور كثيره تشوفه في البحر وفي البر

وفي الجو .. صبور ومجتهد ما يتعب ابدا .. يساعد المحتاجين والفقراء .. كان مثال

للقوه والتحمل .. بس كانت خاتمته طيبه :)

....

معليش هنا .. ويسمحون لي المراقبين :)

الليدي اوسكار :weeping: الله يرحمها

http://www.arab-x.com/up/uploads/images/www_arab-x_com_9b9ea05e03.jpg

نموذج للمراه الجميله والقويه والمتسلطه .. حلم من الاحلام .. فقط في الخيال ..

جسم ورشاقه وقوه .. ما اعتقد في احد من الشباب ذيك الفتره ما حبها :) (عيني بعينك)

واما عتقد في بنت ما احلمت تكون مثلها .. نموذج للكمال الانثوي .. اذا حبت حبت

واذا غضبت غضبت واذا صادقت صادقت واذا ابتعدت ابتعدت .. يلا الكل ياخذ نصيبه خخخ

.....

نفيخه :)

http://michelesworld.net/dmm2/lulu/puzzle1.jpg

هذا نفيخه يا اخوان كان نموذج لكل شخص بدين ومرح في المدرسه .. يعني بسبب

نفيخه هذا صار كل واحد في المدرسه (متين) الواحد ممكن يتغشمر معاه او يمازحه ..

عاد جينا نطبق القاعده في واحد في الصف كان (متين) قلنا نفس التفكير ممكن يضحك

او ياخذها بمزح .. الله وكيلكم .. انا ومعاي 3 من الشباب اصابات بليغه بس قلنا له

كلمه نفيخه .. الحمدلله عدت على خير .. بس واحد منا لين اليوم الضربه واضحه في جبهته ..

و(المتين) لين الحين يهدد :eek5:

.......

جيرندايزر ..

http://www.jeddahbikers.com/grendizer/pictures/grend/3.jpg

شخصيه قويه .. ما عنده اي مشكله في دقايق يقضي على خصومه .. انتشرت العابه

في قطر وقتها بشكل كبير من مجسمات وغيرها .. وكان فيه استغلال (بشع) من المحلات

للاطفال برفع الاسعار .. بس الصراحه قوي :nice:

....

اما هذا الصراحه عجيب .. يعني كان (قدوه) في نشاطه وحركته .. ما تمت شجره ما طلعناها

وكل بيوت المنطقه مرينا على سطحها ..

http://vb.ihsac.com/imgcache/13443.imgcache.jpg

يعني جاتنا لياقه من هذا الساسوكي .. المشكله ان ايام كنا نرمي بعض بطريقه خطره

مثل ما يرمي اسلحته .. والله سلم .. الحمدلله على السلامه (فلان) شلون ظهرك :secret:

........

ماجد لعبه خشبيه ..

http://www.kaizuland.com/vb/attachment.php?attachmentid=14871&stc=1&d=1258699753

ما كنا نفكر كيف الجسد (الخشبي) اصبح به حياه .. ابدا

فقط انه الانسان لا يجوز انه يكذب .. يعني التركيز على حاجه ايجابيه وعدم التفكير

في اي امور سلبيه .. حتى الدوله او الاعلام او غيرها ما تشوف اي (حجر) منع

بان هذا حلال او حرام او ما يجوز مع انه في الاصل انه (حرام) كيف الروح وصلت

للجسد الخشبي .. ولكن ما يشغلون الناس في هذي الامور .. و الاستفاده

كانت ان الكذب ما يجوز ..

بس تكسر في الاخير خخخخ ..

.....

http://maxtoons.com/cap776.jpg

عدنان ولينا ..

مع ان في شخصيات كثيره في هذا العمل الممتع .. ولكن بركز على (العاطفه) الموجوده

بين الاثنين وكيف ان الرجل (يضحي) ويبذل الغالي والنفيس عشان يوصل لحبيبته ..

تعلمو الرومانسيه والحب مش جالس تقص على البنت بكلمتين وتطلع فيها بطل .. شوف

عدنان كيف يطلع الجبل بصبع رجله ولينا على ظهره وسلاح بيده

.. ايش قاصرك :omen2:

...

السنافر

http://www.alatheer.cc/up/up_down/6101smurfs.jpg

تعلم التعاون وكيف الناس تكون على يد وحده .. الله يقويهم السنافر :nice:

...

ابطال الملاعب ..

بس الصراحه اللي عاجبني كان (رياض) روووووووح يابوحنج

http://arabicgt.com/upload/uploads/1241334619.jpg

تبهدلنا من حركاته.. نحاول انطبقها في النادي ما قدرنا .. يمين يسار .. صارت اصابات عندنا

بس عليه قول اسمها شوته (البيض المفيوح) تضرب في العارضه وتتم تدور الكوره

يعني سالفه .. ما اطول عليكم فيها.. صعب تطبيقها الا لين تشوف رياض بو حنج .. الله يرجه

بهدلنا ونزل مستوانا خخخخ .

......

جزيره الكنز ..

http://www.maktoobblog.com/wp-content/blogs.dir/126258/files/2009/07/1234459195.jpg

لعبت باعصابنا يا سلفر .. الله يسامحك .. ما ادري لهذي الدرجه الماده اتهمك ..

بس قوي .. شخصيته عجيبه .. ومعاه حق .. انت شخصيتك اقوى من الجماعه .. هم

صحيح عندهم المال بس حرام انت تكون خادم عندهم بدون منصب :)

الله يوفقك يا سلفر :victory:.

...

....

:nice:

كازانوفا

28-04-2010, 08:56 AM

ولا زلت اتابعها على mbc3
او السبيس تووووون

رجعتنا سنين لوراااااااااا
اشكرك وتقبل مروري

جنوب الدوحه

28-04-2010, 09:14 AM

الله ايام يا الوجبه :(

الوجبه

28-04-2010, 09:17 AM

:weeping:

الامتياز

28-04-2010, 09:22 AM

ذكريات رائعة تسلم اخوي

أ التميمي

28-04-2010, 09:45 AM

تسلم يالغاليه ذكرتني باول بس للحين اشوف هالكارتون وخاصه عدنان ولينا

OTOsan

28-04-2010, 09:50 AM

اضيف الى ماذكرت ..

سالي ..

شعرت بالمرارة عندما رأيتها تبيع اعواد الثقاب في الشوارع .. مع هطول الثلج !
وشعرت بالغصة عندما تصدق عليها ذلك الولد بنقود .. للصدقة وليس لشراء عود الكبريت !

اليست مرارة انها كانت في اوج عزها ..كسليلة لاسرة تمتلك من الاموال مالا تعد ولا تحصى ، وتتفاجأ بين يوم وليلة بأنها اصبحت تحت خط الفقر ، ومن طالبة (تُخدم) .. الى (خادمة) !

ما اعجبني كثيرا في سالي ليس شكلها .. فانا كنت اعشق (لافينيا) .. ولكن مبادئ سالي في التعامل مع الناس .. قبل الانهيار .. واثناؤه ..وبعده هي التي اعجبتني كثيرا !!

الانسة مينشن .. واختها :

مثال للتضاد في الاسرة الواحدة ، ووجود الخير والشر معا بالرغم من تشابه المنشأ ..
لا زلت اشاهد الانسة مينشن بمنتهى ( الكره ) .. فانقلاب المشاعر الى العكس بمجرد زوال المادة .. وحساب التعامل مع الآخرين بمنطق المال .. طبع شنيع !

بيتر ..

اعتبره الجندي المجهول لسالي .. ولا ادري مانهاية كل هذا .. ولكنني اتوقع ان سالي تزوجت بيتر ..بمجرد بلوغهما سن الزواج :)

شكرا جزيلا يالوجبة .. لاستعادة الذكريات وتمييز معانيها بعد ان اصبحنا نستطيع التمييز !

اذا تذكرت المزيد .. فلي عودة :)

كاريرا

28-04-2010, 09:56 AM

:( الحين انت تطري جونقر الصجي

ولا تعني جونقر المنتدى!

^>لأنه حونقر المنتدى حي ما مات بس خبرك مايعود الى مع الحشره
اذا مالقاله عرس وردحه مايجي

مشكورين على صور الابطال المغبره

سهم بن سهم

28-04-2010, 09:57 AM

الوجبه صبحك الله بالخير

أتذكر يوم كنا صغار نجلس يوم الجمعة نشوف مسلسل ( طرزان ) :nice:

ويوم الخميس كانو يحطون مسلسل ( أرض العمالقة ) :nice:

كنا عيال الفريج نتابع هالمسلسلين :)

وكنا كل يوم نجتمع في بيت واحد في الفريج وهذا البيت كان البيت الوحيد في الفريج اللي فيه تلفزيون وكنا نشوف صور متحركه ( سوبرمان والوطواط وزورو وباباي وميكي ماوس ) والمشكلة يوم اليهال يسوون ازعاج كانو يطردونا من البيت ويحرمونا من التلفزيون :nice:

الحين في البيت مقرر عليك تشوف أم بي سي 3 وديزني والتلفزيون في البيت صار مو لك :anger1:

نبي نشوف الاخبار والجزيرة يقول لك ولدك بابا روح المجلس شوف التلفزيون :):(

Darco

28-04-2010, 10:04 AM

ROSE

28-04-2010, 10:09 AM

ليدي اوسكار :shy: كانت شخصيتي المفضله ومنبهره في قوة شخصيتها وجمالها

الله يذكر ذيك الايام ههههههههههههههه:secret:

اما عدنان ولينا والسندباد ليومك ذي اتهاوش مع عيالي

عشانهم هم يبون يشوفون شي وانا ابي اشوفهم :secret:

وعندي اشرطة فيديو وسيديهات فماشبع منهم

ووين توم اند جيري :(

ساسوكي غيروا اسمه صار مب شي :(

ووين الرجل الحديدي :tease:

OTOsan

28-04-2010, 10:20 AM

يخي الحين تستغرب كيف كان بعض الكرتون كله حزن وظلم وجوع وعوار قلب .. مثل سالي ومثل حكايات عالميّة (خاصة قصة جان فالجان "البؤساء") :( ..

اعتقد ياداركو ان المسألة مسألة ادراك وتمييز !

هل تعتقد بأننا في طفولتنا كنا نعرف جليا .. ماهو الحزن ولماذا نحزن..؟

اعتقد اننا كنا نشعر بالحزن فقط .. عندما نحرم من مشاهدة المسلسلات .. ولكن ماهية هذه المسلسلات لم تكن لتهمنا بقدر ما تهمنا اثارتها وتشويقها !

اعترف لك بأنني تأثرت بمأساة (سالي) عندما شاهدته وأنا كبير في العمر .. أكثر من تأثري به في الصغر .. فباعتقادي ان التمييز والادراك له دور كبير في هذا :)

اهداء للجميع من تأليفي .. طلعته من الارشيف واعتذر مسبقا لاخوي الوجبة عن هالمداخله .. :

يا (توم) يابن (سوير) لاتنشــــد الحـــــال .. راحت معاك ايام حلوه جميلـــــــه
و(ماجد) و(ببيرو) رجاجيل وابطــــــــــــال .. و(الكبتن الهداف) مافيه حيلـــــــه
و(سالي) تعاطفنا معاها بالاهــــــــــــــوال .. يوم(ن) ابوها مات وامست ذليلـــه
ونا اشهد ان (عدنان) نشمي ورجـــــــــال .. و(عبسي) خويه مايلاقي بديلــــــه
شعب( السنافر) مابهم اي محتــــــــــــــال .. هم علقوا (هرهور) من طرْف ذيله
و(السندباد) اللي في البلادين رحــــــــــال .. خذ(ياسمينه) فوق كتفه دليلــــــــــه
وحبي (لبنت اوسكار) اردده مـــــــــــــوال .. واحب( شهلا )ام العيون الكحيلـــه
والوحش (مازنجر) مع قوله افعــــــــــال .. يسجن عدوه ثم يخلي سبيلـــــــــــه
و(الليث الابيض) حاكم(ن) كل الادغــــال .. و(نيلز ) قصة من الف ليله وليلـــه
(سنان) .. احبه لو له ضروس(ن) طوال .. ماهي فشيله صدْق ماهي فشيلـــــه
بن عمي (ايكوسان) وبكل الاحـــــــــوال .. لزم(ن) علي ذكراه لوهي ثقيـــــــله
(فلونه) و (تاوتاو) يطرون عالبــــــــــال ..ولبيبه بمعلومات .. جهلك تزيلــــــه
و(نصف بطل ) غطى على كل الابطال .. و(دامبي) براس مدوره .. مثـــل تيلـــــه

بدالكم يا(توم)..( ابطال ديجيتـــــــــــــال) .. لكن ذكراكم بقلبـــــي جميلـــــــــــــه

الوجبه

28-04-2010, 10:26 AM

رقم 3 من جونقر المنتدى خخخ .. ممكن ترسل لي اسمه (فضول) لان في بالي جونقر بس مش متاكد ..

....

رقم 3 .. اترك عنك جونقر ..

شوف سوسن تذكر نفسك يوم كنت مراهق

http://www.onlyshojo.com/Immagini/Lulu/luludvd1.JPG

روووووح يالشقار :)

.....

هذي بسمه وعبدو .. داخل محل محل زعتر

http://4.bp.blogspot.com/_mDnuP6vdHRg/R5Gkr61tcgI/AAAAAAAAAzs/ytA5OJ7G0R0/s400/%D8%A8%D8%B3%D9%85%D8%A9+%D9%88%D8%B9%D8%A8%D8%AF% D9%88.jpg

....

الوجبه

28-04-2010, 10:28 AM

صح يور لسان اوتو

اهداء للجميع من تأليفي .. طلعته من الارشيف واعتذر مسبقا لاخوي الوجبة عن هالمداخله .. :

يا (توم) يابن (سوير) لاتنشــــد الحـــــال .. راحت معاك ايام حلوه جميلـــــــه
و(ماجد) و(ببيرو) رجاجيل وابطــــــــــــال .. و(الكبتن الهداف) مافيه حيلـــــــه
و(سالي) تعاطفنا معاها بالاهــــــــــــــوال .. يوم(ن) ابوها مات وامست ذليلـــه
ونا اشهد ان (عدنان) نشمي ورجـــــــــال .. و(عبسي) خويه مايلاقي بديلــــــه
شعب( السنافر) مابهم اي محتــــــــــــــال .. هم علقوا (هرهور) من طرْف ذيله
و(السندباد) اللي في البلادين رحــــــــــال .. خذ(ياسمينه) فوق كتفه دليلــــــــــه
وحبي (لبنت اوسكار) اردده مـــــــــــــوال .. واحب( شهلا )ام العيون الكحيلـــه
والوحش (مازنجر) مع قوله افعــــــــــال .. يسجن عدوه ثم يخلي سبيلـــــــــــه
و(الليث الابيض) حاكم(ن) كل الادغــــال .. و(نيلز ) قصة من الف ليله وليلـــه
(سنان) .. احبه لو له ضروس(ن) طوال .. ماهي فشيله صدْق ماهي فشيلـــــه
بن عمي (ايكوسان) وبكل الاحـــــــــوال .. لزم(ن) علي ذكراه لوهي ثقيـــــــله
(فلونه) و (تاوتاو) يطرون عالبــــــــــال ..ولبيبه بمعلومات .. جهلك تزيلــــــه
و(نصف بطل ) غطى على كل الابطال .. و(دامبي) براس مدوره .. مثـــل تيلـــــه

بدالكم يا(توم)..( ابطال ديجيتـــــــــــــال) .. لكن ذكراكم بقلبـــــي جميلـــــــــــــه

:::::

روز اختي اسمحيلنا حاطين صور (بنات) صديقاتنا (الافتراضيات) :)

كاريرا

28-04-2010, 10:36 AM

من غيره لا تلخبط هم اثنين جونقر ومازنجر

جونقر دايماً يجيك فوق حصان بوني

ومازنجر نفس راعيه كوجي كابوتو زقرت الاول

>مين هالبنت اول مره اشوفها

انت الصراحه تهين ذوقي اذا كنت اعتبر ذي حلوه:(

العين ترغب بالمغشاي ،، وتعوف كل مكشوف;)

اشكر حياتك وشهو قديم انت!!!

مين ذول زعتر وعبله! اول مره اسمع ابهم

الوجبه

28-04-2010, 10:44 AM

هذي حق سهم بن سهم .. كان يتابعها كثير .. شوف الذوق انت .. في ذمتك سهم ما حبيت ملعقه .. كان ما يرضى عليها .. خخخ

http://4.bp.blogspot.com/_mDnuP6vdHRg/R5Gm461tcjI/AAAAAAAAA0E/XBYVRuyLKGs/s400/%D8%B3%D9%8A%D8%AF%D8%A9+%D9%85%D9%84%D8%B9%D9%82% D8%A9.jpg

رايق

28-04-2010, 10:56 AM

الوجبه

28-04-2010, 11:07 AM

سكنهم في مساكنهم

http://www.aljsad.net/members/14528-albums627-picture5842.jpg

OTOsan

28-04-2010, 11:16 AM

رقم 3 من جونقر المنتدى خخخ .. ممكن ترسل لي اسمه (فضول) لان في بالي جونقر بس مش متاكد ..

.. عن نفسي انا يسموني بوكيمون المنتدى :victory:

يعني يالوجبه قط الكورة .. واطلع منها واسوي لك اللي تبيه كع كع كااااااااااااااااااااااااااااااااااااااااااااك

، بس ماعجبني اللقب لان المسلسل مب من جيلي !!:omen2:

لاينقلب الموضوع نغزات ..ترى بيروح في ارشيف المسلسلات:secret:

بوحمد111

28-04-2010, 11:27 AM

يعطيك العافيه اخوي صاحب الموضوع ولفت انتباهي شي واحد او نقدر نقول عنه مسلسل فيه احلى رموز العاطفه الا وهو زينه ونحول من متى ونحول يدور امه وضحى بحياته اكثر من مره علشان الغاليه نحول وبكل صراحه فاتتني الحلقات اللي لقى فيها امه وما زلت ابحث عنها

عساكم على القوه

سلامي عليكم

28-04-2010, 11:43 AM

السلام عليكم....
اشكرك على الطرح الجيد واشكرك على تناول موضوع كانت ناسيته الاذهان على الاقل الرسوم المتحركه القديمه كانت افضل من الجديد اللي لايوجد فيها الا السخافات حتى اولياء الامور مايقدرون يشوفونها مع ابنائهم ..طبعا من سخافتها

الوجبه

28-04-2010, 11:45 AM

والله بو حمد خايف احط لك رابط الجزء الاخير تعمل لنا مناحه هنا :)

OTOsan

28-04-2010, 12:31 PM

عودة ..

اردت ان اقف مع مسلسل (عدنان ولينا ) قليلا .. ومع شخصياته :

عدنان ..

اسهب الكل في وصف عدنان وشجاعته وشهامته .. ولا ادل على شهامته الا تعريض نفسه للخطر من اجل لينا التي اظن ان السبب الاكبر فيه انها خطفت بينما كانت تعتبر نفسها تحت حمايته !

عبسي ..

نجد في عبسي وعدنان مثالا حيا لمقولة .. مامحبة الا بعد عداوة !

فمن العداء الواضح بين الاثنين في البداية ..ولدت صداقتهما التي استمرت الى نهاية المسلسل ، وعندما تصادق الاثنان .. اعطى كل منهما المشاهد في ماهية الصداقة وجوهرها وهي قبول الصديق بكل مايعيبه مع محاولة النصح !
نرى ان عبسي نقيض عدنان في التصرفات .. فهو ليس بشجاعته ولا بشدته .. كما ان عبسي كما يظهر في احد اللقطات ( محشش) بينما عدنان لم يكن كذلك ،، ولكن هذا لم يمنع الاثنان من استمرار صداقتهما بكل مايحملانه من اختلاف !

نامق :

بظني ان نامق رجل يحمل المرض الذي يقال عنه (المراهقة المتأخرة ) .. فهو يحاول بشتى السبل الوصول الى قلب فتاة بعمر اصغر بناته (كما يبدو من فارق السن ) .. ولم يكتف برفضها بل حاول اخذها بالشدة !
ولكننا لا ننسى انه عاد الى جادة الصواب بعد ذلك .. وشفي من هذا المرض !

سميرة :

باعتقادي ان سميرة تمثل المرأة العاملة في ذلك المسلسل .. فهي شديدة الملامح ، ومواصفاتها خالية من الانوثة في البداية ، وهو دليل حرصها على عملها وبذل المستحيل من اجل انجازه ،، ومن يريد ان يتأكد فليشاهد الفرق بين شخصيتها في بداية المسلسل ونهايته .. وخاصة اللقطة التي تظهر بلبس النساء بعد ان تركت العمل !!

من باقي بعد ..؟؟؟

GENIUS

28-04-2010, 12:35 PM

أيام و ذكريات .

ايام زمان كنت متولع في الرجل الحديدي وخاصة لما تتحول الصورة من رسوم متحركة إلى مجسمات وصراع مع الديناصورات.

اما سالفة ابطار الملاعب وكيفية تصويب الكرة نحو المرمى فصرنا نحاول ونحاول بشتى الطرق لكرة العنيدة مو راضية تلف وتنطعج.

فعلا ايام من الماضي الجميل ذكرتنا فيه يالوجبة الله يذكرك بالشهادة .

الرويـس

28-04-2010, 12:42 PM

شكثر عندي مسلسلات وذكريات
بس ما أعرف أصيغ مثل صياغتكم
:unsure:
ما ادري أعتبر الميزة هذه نعمة والا نغمة

الداهية

28-04-2010, 12:49 PM

الله

اما السندباد كان و مازال في غاية الروعة

بوحمد111

28-04-2010, 01:07 PM

والله بو حمد خايف احط لك رابط الجزء الاخير تعمل لنا مناحه هنا :)

اخوي الوجبه

ما عندي مشكله بس ودي اعرف نحول حصل امه او لا وابشرك لو عطيتني المقطع بشوفه بروحي بدون لا اسوي مناحه

كايد الوكره

28-04-2010, 01:38 PM

من باقي بعد ..؟؟؟

باقي ( علام - دكتور رامي - نمرو - فارس - عمروس )

الله يذكرك بالخير يا صاحب الموضوع

قبل كنا نعيش مع المسلسلات الكرتونيه وكانها قصص حقيقيه

( فلونه ) بعد ان غرقت السفينه المتجه إلى استراليا وعاشوا في جزيره ,

( جورجي ) تربت مع اخوين ( ايبل - ارثر ) وهما ليس اخويها , وتهرب مع الفتى الجميل ليويل من مكان إلى مكان ,

( جزيره الكنز ) خمسه عشر رجلاّ ماتوا من اجل صندوق

( صاحب الظل الطويل ) افضل قصه بالنسبه لي , فتاه يتيمه في ملجى للايتام , يتبناها رجل لتكمل تعليمها في احدى الجامعات وفي النهايه يتزوجها

LOLOO

28-04-2010, 02:43 PM

اهداء للجميع من تأليفي .. طلعته من الارشيف واعتذر مسبقا لاخوي الوجبة عن هالمداخله .. :

يا (توم) يابن (سوير) لاتنشــــد الحـــــال .. راحت معاك ايام حلوه جميلـــــــه
و(ماجد) و(ببيرو) رجاجيل وابطــــــــــــال .. و(الكبتن الهداف) مافيه حيلـــــــه
و(سالي) تعاطفنا معاها بالاهــــــــــــــوال .. يوم(ن) ابوها مات وامست ذليلـــه
ونا اشهد ان (عدنان) نشمي ورجـــــــــال .. و(عبسي) خويه مايلاقي بديلــــــه
شعب( السنافر) مابهم اي محتــــــــــــــال .. هم علقوا (هرهور) من طرْف ذيله
و(السندباد) اللي في البلادين رحــــــــــال .. خذ(ياسمينه) فوق كتفه دليلــــــــــه
وحبي (لبنت اوسكار) اردده مـــــــــــــوال .. واحب( شهلا )ام العيون الكحيلـــه
والوحش (مازنجر) مع قوله افعــــــــــال .. يسجن عدوه ثم يخلي سبيلـــــــــــه
و(الليث الابيض) حاكم(ن) كل الادغــــال .. و(نيلز ) قصة من الف ليله وليلـــه
(سنان) .. احبه لو له ضروس(ن) طوال .. ماهي فشيله صدْق ماهي فشيلـــــه
بن عمي (ايكوسان) وبكل الاحـــــــــوال .. لزم(ن) علي ذكراه لوهي ثقيـــــــله
(فلونه) و (تاوتاو) يطرون عالبــــــــــال ..ولبيبه بمعلومات .. جهلك تزيلــــــه
و(نصف بطل ) غطى على كل الابطال .. و(دامبي) براس مدوره .. مثـــل تيلـــــه

بدالكم يا(توم)..( ابطال ديجيتـــــــــــــال) .. لكن ذكراكم بقلبـــــي جميلـــــــــــــه

[/color]

.ونا اشهد ان (عدنان) نشمي ورجـــــــــال .. و(عبسي) خويه مايلاقي بديلــــــه.

صح لسانك....

لكن بصراحة بذيك الفترة روايات عبير ادخلت بالخط واغتالت البراءة..
انا ماكنت اقراها كنت اقرا لاجاثا كرستي...

ROSE

28-04-2010, 04:00 PM

نسيتوا ساندي بل

http://www.mayyar.com/album/data/media/43/sandibel.jpg

وجورجي

http://gallery.7oob.net/data/media/12/Georgie159.jpg

كاريرا

28-04-2010, 05:34 PM

انزين تتذكر هاي ولا قدك شيبت ومالحقت عليه:(

http://thunderbaseball.files.wordpress.com/2009/06/thundercats.jpg

انا حره

28-04-2010, 07:43 PM

:weeping:

الله على ايام البراءه والمسلسلات الحلوه ايام ماكن نجتمع اخوان وجيران ونتسدح قدام التلفزيون ننطر المسلسلات الي نحبها اذكر قناه البحرين بعد صلاه العصر اول شي

توم وجيري وعقب هالمسلسلات الحلووه

الي دايما احبه مسلسل نيلز

http://img88.imageshack.us/img88/4268/7113qj2.gif

وتذكرون هالبرنامج التعليمي اظن اسمه المناهل صدق مفيد

http://www.elcinema.com/photo/photolist/3809120/50060083303441730.jpg

رهج السنابك

28-04-2010, 08:28 PM

؛

ياهي فعلا ذكريات جميلة

انا كنت احب الرسوم المتحركة واندمج معها واتقمص شخصياتها واعيش احلام اليقظة ( لحد الان على فكرة بس على اشياء ثانيه ^.^ )

كنت احب عبقرينو

والمحقق كونان

وطمطوووم

ونحووول ( سوار العسل ) كنت احزن في كل حلقة لما تنتهي وما يحصل امه

كنت اعيش جو رومانسي مع ريمي ( اللي يشيل قيثارة على ظهره ويدور على امه ) شخصيته هادئة وحالمه

http://www.shbakawy.net/main/images/products/560234.jpg

http://www.noos.org/anime/nostalgie/remi/remi27.jpg

كنت احب ماوكلي واحب عصاته اللولبية تروح وترجع له كنت احاول اسوي نفسه وامسك عصا مقوسه وارميها ابيها ترجع لي بس للأسف ماترجع هههه

كنت احاول اني اطير ( لاتضحكون ) لما اشوف اللي في الكرتون لهم شراع ويطيرون رحت اخذت شرشف وربطته بظهري وقعدت اطمر من فوق السرير على بالي بطير .. وكنت اقول في نفسي نفس ما عباس بن فرناس حاول عدة مرات ونجح اكيد انا لو تدربت اكثر وكل يوم حاولت اطير بطير << مدري شنو هالعقل كان علي

كنت احب أليس في بلاد العجائب واعيش معها الجو بس كنت اكره همتي دمتي

واممممم اش بعد

رامي الصياد الصغير وكل يوم صايد سمكة اش كبرها احسن شي اللي يدبلج الصوت كان ( حمد ) زوج جواهر

تقريبا مافي كرتون ماشفته

كنت اشوف فلونه بس كرهتها لان اذكر لما كانت تنعرض جاني العنقز وقتها وغبت عن المدرسة :(

والسيدة ملعقة

و موروكو

وبومبو السيارة العجيبة

و الكابتن رابح

قرية التوت

مخلص صديق الحيوان

<< قاعده تعصر ذاكرتها

ونساء صغيرات هههههه كنا انا وخواتي لما نشوف كارتون فيه بنات لازم كل وحده تحجز لها وحده وتقول هذي انا .. في نساء صغيرات كنت حاجزة اصغر وحده ^.^

وشهلاء

وايد شفت الصراحه وكانت فعلا احلى اياااام .. كلها براءة وطفولة ياليتها ترجع بس

؛

http://www.pls48.net/upload/upload/2010/2/28022010/5.jpg

http://www.tbeeb.com/ph/files/1/anime/oqlat.jpg

http://re1.jeeran.com/resoom/gazulaneedle2.gif

الوجبه

28-04-2010, 08:41 PM

الاستقراطيه .. لحد يطلع بالشرشف (ينسى) .. اي رومانسيه الله يهديج الا رعب خخخخ

..

http://vb.arabseyes.com/uploaded/23447_1168130331.jpg

في قناه لين الحين تعرض هذا .. ما ادري المخرج مبسوط شكله