هل واجـهـت احدكم من قبل ؟ ( مشكلة اهتزاز المقود ) !

[ابو مشعل]

السلام عليكم ..

استفسار صغير من بعد اذنكم
امتلك نيسان التيما 2006

لكن المشكله هي اهتزاز المقود
عند السير على الطرق غير المعبده
مع صوت واضح للاهتزاز

هل واجهت احدكم هذه المشكله من قبل ؟

يعطيكم العافيه
:telephone:

[لاجئ عاطفي]

يا من التواير منتهيه ويبي لها تبديل او ميزانية للتواير

[بن درويش]

جيك على ميزانيت التواير واذا مارحت الهزه
جيك على عامور الرود الامامي

[ابو مشعل]

لاجئ -الميزانيه 100%

بن درويش -عندك فكره كم بيكلف التصليح
ان كان لتبديل ما ذكرت ؟


يعطيكم العافيه :)

[ابو مشعل]

وهل من كراج معين بالصناعيه تنصحون بالتعامل معه ؟
:)

[الـخـور]

اذا مع البريك تحس الهزه يعني السفايف او الدرامويلات

واذا الهزه تجي وانت ماشي شيك على ميزانية التواير او على الرودات

[سهم طايح]

روح كراج بروسلي على خط سلوى
بيبدل لك ربلات الرود
او بيكبس لك الرود
التكلفة ماتزيد عن 150 ريال في نص ساعة

[ابو مشعل]

لي عودة
:)

[قناص 787]

كلا لم تواجهني هذه المشكله لعل المشكله من السياره بأكملها يجب عليك تغير السياره خخخخخخخ

اتغشمر معاك شيك التواير يالغالي 100% من التواير

[نيساني]

روح كراج بروسلي على خط سلوى
بيبدل لك ربلات الرود
او بيكبس لك الرود
التكلفة ماتزيد عن 150 ريال في نص ساعة



نفس ماقال اخوي سهم طايح وان شاء الله موضوعك خالص:)