الفزعة يا إخوان طالبكم طلب "Black Berry"

[Abo Ahmed]

هلا يا ملاك ومستخدمي الـ Black Berry...

يا جماعة أدور على البراغي إلي تثبت الجهاز بالكفر.

الجهاز Black Berry Bold 9000، عدد البراغي 6. رحت أمس على النجادة وما حصلت.

ممكن حد يفيدني من وين ممكن أحصل وأكون شاكر له.

أخوكم

Abo Ahmed

[al-kaid]

لله يكون في عونك ..


وان شاءالله يفيدونك الاخوان

[Amigo]

هلا اخوي
في محل جنب مطعم الشاطر عباس الي في السد
ناسي اسمه والله
المحل مال اكسسوارات التلفونات
بتحصل عنده بأذن الله

[spy_king]

شيك على المجرة في شارع النصر او محل اسرار في الغرافة

[Abo Ahmed]

هلا بالشباب...

لسى قاعد أدور على البراغي وما حصلت.

أفيدونا أفادكم الله.

أخوكم

Abo Ahmed

[آلصآحب آلجديد]

ابو احمد الله يوفقكـ .. واذا ماخاب ظني طلبك موجود في محلات الغرافه بس يبي لكـ تروح لهم وانت فاضي مب مشغول وعندك حول 20 محل

[Abo Ahmed]

شباب...

أبلغكم إني رحت على الغرافة وما حصلت البراغي.

شدعوة تلفون صار مشهور وعليه طلب بالهبل وما في براغي له لا في الوكيل ولا أي مكان.

الصراحة لا تعليق.

واحد من الإخوان في المنتدى قالي إنه من المحتمل يكون عنده بس أنا طرشتله على الخاص والموبايل ولكنه ما رد علي.

الله كريم

أخوكم

Abo Ahmed

[يحفظك ربي]

ليش وين براغيك؟
الله يكون بعونك

[قطر77]

ستار لنك

[Abo Ahmed]

يا إخوان...

البراغي ضاعت لما غيرت الكور ماله.

ستارلينك صرفني على محل ثاني وقالي حنا ماعندنا. شهالمسخرة هاي وكيل ويقول ماعندي. يعني وكيل وما عنده سيرفس سنتر.

على أي حال أنا ما أبغي أزعج الكل معاي و إنشاء الله بحل الموضوع بطرقي الخاصة وما أبي مذلة المحلات إلي هني في الدوحة علشان خاطر برغي ما يسوى ريالين بس الشغلة يبيلها شوية وقت.

شاكر لكم وقفتكم معاي وآسفيين على إزعاجكم.

أخوكم

Abo Ahmed

[بوخلـي]

والله انا دورت فـ قطر ماحصلت

لكن حصلتهم فـ الامارات الواحد بـ 10 دراهم

الله يعينك وانشاء الله تحصل

[آلصآحب آلجديد]

ابو احمد . اذا تبي البراغي من الامارات راسلني على الخاص واحد من الربع في الامارات
بالتوفيق.. ان شاء الله

[BeYoNd]

اخوي اسال تاجر قطر يمكن عنده البراغي لانه هو عنده كل شي للبلاك بيري

[badboss]

ابو احمد . اذا تبي البراغي من الامارات راسلني على الخاص واحد من الربع في الامارات
بالتوفيق.. ان شاء الله

هلا اخوي

انا ابي 6 براغي لكن ما حصلتهم بالدوحه اذا ممكن او ما عليك امر تطلبلي 6 من الامارات

وتسلم اخوي

[neww]

بالتوفيق إن شاء الله