قصيدة كتبهااا واحد متعقد من المكياج !!!!!!!

[Mr.Hamad]

قصيدة كتبهااا واحد متعقد من المكياج!!!!!!!

بنفس الوقت نصيحة للبنات ^_*

يا صانع المكياج الله يجازيك …. خليتني مخدوع في شكل خلي

الله يحرق مصنعك مع مبانيك …. والمعرض الموجود في بيكاديلي

ادعي عسى تعمى وتنشل رجليك …. هذا دعائي دوم لا جيت أصلي

خليتني اركض ورا البنت هاذيك …. واشوفها أجمل غرام ٍ حصل لي قلبي

عشقها يا(جيفنشي) توماتيك …. وان شافها قلبي يرحب يهلي

هي رحبت بي وقالت الله يحييك …. وقالت هلا باللي عشق زين شكلي

وقالت أنا أجمل بنت في اللي حواليك …. شف حسني الأخاذ وروجي العسلّي

طالعتها ثم قلت هالقلب يبغيك …. ومن شاف حسنك خلى غيرك يولي

ابغي اشوفك دون مكياج يكسيك …. وابغي اشوفك بالجمال المحلي

قالت تبيني افرك الوجه تفريك …. واشيل هالبودر وروجي وكحلي

قلت أي نعم قومي عسى الروح تفديك …. ابغي جمالك هالطبيعي يهلّي

قالت دقايق راجعه لك واراويك …. ذاك الجمال اللي لعينك يسلّي

ويوم رجعت لي شربكتني الشرابيك …. وحسيت الأرض تدور وأنا بمحلي

الخد كنه يا(جيفنشي) سيراميك …. والوجه شارع مثل شارع حولي

الوجه كنه بيت كله شبابيك …. من هالحفر في وجهها اللي

يعلّيك له سبب مكياجك الله يجازيك …. خليتني مخدوع في شكل خلي

ونصيحتي لكل شاب من غير تشكيك…. لا لا اتسرع ثم تنغش مثلي

اللي بلا مكياج خلها حواليك …. واللي تحط مكياج خلها تولي

*_^

[شموخ وبس]

ههههههههههههه ضحكتوني والله تستاهلون عشان اللي يبي البنيه يطرش هله 0000 ويجوفها النظره الشرعيه مو يتغزل بها لانها متمكيجه عقب تصيح 0000كككككك

[العثماني]

ههههههههههههه ضحكتوني والله تستاهلون عشان اللي يبي البنيه يطرش هله 0000 ويجوفها النظره الشرعيه مو يتغزل بها لانها متمكيجه عقب تصيح 0000كككككك


:omen2::omen2::omen2: حتى في النظرة الشرعية يحطون مكياج ولو هله راحو يحطون مكياج

[فلتة زمانها]

هههههههههه والله ماعرفنالكم يالرياييل اذا حطينا مكياج فل اوبشن مايعجبكم:anger1: واذا ماتمكيجنا قالوا ليش طالعه استاندر:tease:

[مستر قطر]

اللي بلا مكياج خلها حواليك …. واللي تحط مكياج خلها تولي

ههههههههههههههههاي.......اذا كذا محد يبطالع ولابيرقم البنات مافيه وحده هالايام بدون مكياج...الله يهديهم.(اقصد السواد الاعظم وليس الكل):nice::nice:

[بـــــــنت النوخـّــــذه]

انا اقترح كل شاب قبل لايتزوج يقول المهر مقابل الظهور بدون مكياج :)

شكله متعقد صاحب القصيده 000 اكيد من القهر قام يذم ويطلع عذاريب اههه:nice:

بس كني سمعت ان الحلوه بتم حلوه سواء بمكياج ولا غيره 00وعموما كل شي طبيعي حلو ولا مانع من بعض الرتوش الجماليه البسيطه على الوجه ^_^

سوالفكم ياهالشباب تذمون وبداخلكم تموتون على هذا المنظر :secret:

[شموخ وبس]

:omen2::omen2::omen2: حتى في النظرة الشرعية يحطون مكياج ولو هله راحو يحطون مكياج

غريبه اساسا مايجوز تتكشخ هالتكشخ 0000حلاته يجوف الوحده على طبيعتها الله يرحم ايامنا
حتى كحل ماحطينا :secret:

عقب الحريم فيهم شده 24 ساعه يتمكيجون 000 والله ماتنلامون يالرياييل كسرتوا خاطري:(

[Mr.Hamad]

عاد قلنا مكياج ... بس مو صبغ ^_^

تغير ملامح الوجه بالكامل

والي استغربه من البنات ... شلون الوقت يمديهم يحطون مكياج خاصة حزة الدوام الصبح

يالله الواحد بنفسه يقوم لا والنفسية خايسة بعد

والبنات ما شاء الله عادي ... شكلهم يقعدون الساعة 5 الفجر عشان يحطون مكياج

وبعض المرات أشوف بعض البنات بالطريق ينزلون منظرة الشمس الي جدامهم بالسيارة وتقعد تلطخ ^_^

عاد لحد يزعل خصوصاً البنات ... مجرد تساؤلات بسيطة خفيفة :)

[dr glp]

Mr.Hamad الله يعطيك العافيه على الاختيار بس نفس الموضوع موجود من شهر تقريبا انا منزله في المنتدى :)

البنات اهم شي يقومون من الصبح عشان يسمكروون الوووويه على الصبح بس فيه بعضهم لا عادي تقوم متاخره وعلى طول تغسل ويهها وتطلع ماعندها مشاكل لانها بنت عمليه وواثقه من نفسها ...
بس اللي تقوم من صبح وتسمكر الويه عادي طبقه الاوزووون على وييها :) وتقول لا مب حلوو ولا حلوو هذي رايحه تكشخ وتقول شووفوو انا حلووة .....بس خل المكياج يرووح عادي شوارع الصناعيه في وييها من يقدر يرقع اذا شافها على طبيعتها ...
حلات البنت بطبيعتها كشختها ومكياجها لحلالها مب للمدير ولا المسؤوول ولا للموظفين اهم شي تكون واثقه من نفسها ومتستره

شاكر لك يــــ Mr.Hamad

[ابن القدس]

انا اقترح كل شاب قبل لايتزوج يقول المهر مقابل الظهور بدون مكياج


ههههههههههههههههههههه


حلوة

[غناتي1]

هههههههههه ----

ان الله جميل يحب الجمال ---- بس ما يكون اوفر

والله البنت احلى لو ما تعودت تبالغ في المكياج

[ام بدر]

صح لسان الشاعر

المكياج وضع للرتوش وليس للاساس

بس التغيير حلو


محايده ههههههههههههههههههههه

[فراشة ناعمة]

كلمات حلووة..




عاد قلنا مكياج ... بس مو صبغ ^_^

تغير ملامح الوجه بالكامل

والي استغربه من البنات ... شلون الوقت يمديهم يحطون مكياج خاصة حزة الدوام الصبح

يالله الواحد بنفسه يقوم لا والنفسية خايسة بعد

والبنات ما شاء الله عادي ... شكلهم يقعدون الساعة 5 الفجر عشان يحطون مكياج

وبعض المرات أشوف بعض البنات بالطريق ينزلون منظرة الشمس الي جدامهم بالسيارة وتقعد تلطخ ^_^

عاد لحد يزعل خصوصاً البنات ... مجرد تساؤلات بسيطة خفيفة :)




اتفق معاك بكل كلمة..

الله يهدي الجميع..

[ZURICH]

قصيدة في غاية الروعة

وفعلا الي كتبها صادة موقف لايحسد علية

ننتظر جديدك يامستر حمد

:: وبسكم مكياج ::

[Right]

شكراً لك يا Mr.Hamad

على هالقصيدة الجملية وبنفس الوقت مضحكة وطريفة :nice:

ألاحظ أنك غايب هذه الأيام ... نتمى عودتك بجديد ننتظره

[شمس]

ههههههههه
صار المكياج مشكله بدل ما يكون حل