كراك في السقف

[هدوء العاصفة]

بعد الصب لاحظت وجود كراك في اماكن متفرقة ؟ مع العلم ان الاستشاري ماقال شي :( هل هالشي عادي والا لا ؟ ارجو من الخبراء الافادة :anger1:

[naklan]

اخوي هدوء العاصفة نبي توضيح الكراك في الصبيه من تحت او من فوق

يعني ضهر المبنى او السقف من الداخل

يعني تنظر له الى الاعلى او الى الاسفل وان شاء الله نعطيك الافاده

[هدوء العاصفة]

اخوي هدوء العاصفة نبي توضيح الكراك في الصبيه من تحت او من فوق

يعني ضهر المبنى او السقف من الداخل

يعني تنظر له الى الاعلى او الى الاسفل وان شاء الله نعطيك الافاده

هو الصب صار له يومين .. واليوم رحت فوق وشفت فيه كراكات في اماكن مختلفة يعني من فوق من تحت طبعا لي الحين الخشب موجود

[naklan]

اخوي العزيز هدوء العاصفه الموظوع بسيط ان شاء الله

التشققات الخارجيه لا تتعدى 1 او 2 سنتي وتكون سطحيه وهي طبيعييه وفي كل المباني

وباقي الصبه مافيها شي يعني لو الصبيه عندك 17 سنتي والتشقق في 2 عندك 15 سليم

والشركات المحترفه والخبيره شغلها غير ونادر ما يكون فيه تشقق و يكاد لا يرى
لا تترك الصبيه تنشف وتتشقق العمال فوق على طول بعد الصب ويعملون بالتخشينه الى ان تكون الخرسانه صلبه ويمشون عليها وكذا ما يطلع فيها تشققات

اوصيك وصاه غرق السقف بالماء صبح وليل 10 ايام بعد الصبه

اتمنى اكون افدتك

اخوك / naklan

[محيّر الانظار]

انصحك تخلي المقاول يعبي الكراك بمادة الابوكسي

[بوفصول]

السلام عليكم

الله يهداهم بعض المقاولين . مايستخدم هزاز عند الصب .

في مادة خاصة تلحم التشققات الخرسانية .

بالتوفيق

[السندان]

للرفع

[Chambray]

للرفع

؟
ليش للرفع في شئ مب واضح لك ؟:secret:
الشباب ماقصروا وشرحوا !؟

[الوعد2016]

خل المقاول يسويلك روبه اذا التشققات بسيطه وهي بسبب انا الصبيه ممتازه 30 نيوتن ولا تخاف التشققات عاديه جدا وتحتاج لروبه وبعدها اعمل عواجز على اطراف السطح وخل الماء ناقع على طهر السطح لمدة 10 او اقل او اكثر فقط
يمكن يطلع عندك تسريب من الدور الثاني للارضي من خلال دورات المياه بس بيكون خفيف لانه الصبيه متوسطه والتسريب بيكون من خلال البيبات الكهربائيه لا تخاف راح يكون هناك عازل وصبيه وبلاط ودفان
وبالتوفيق لك

[وهم قطر]

عزيزي الموضوع جدا عادي وكل بيت يسير له هالشي هذا يسمونه ترييحه الصبيه

اتركه منك ولا تحاتيه اهم شي اختيارك للعازل الحراري يكون ممتاز شغله وعطنا خبر اذا خلصت

وعساه بالمبارك