استفسار عن اليوكن

[bonn]

السلام عليكم










حبيت اسأل عن اليوكن ، هل موتر يعتمد عليه ومريح؟؟؟ ، واشلون مكيفه والحراره؟؟؟

وهل الدبل ماله تمام ولا بس منظر ؟؟؟؟ وصرفية البترول معقوله؟ واي نوع يتعبى عادي ولا سوبر؟؟؟ طبعا اقصد موديل يوكن 2009 قصير

وشكرااااااااااا

[MLAAS]

من ايام سايق واحد جديد .. الصراحه ماعليه كلام وسيع ومريح بس ينفع حق البيت اكثر

ومن ناحيه البترول صرفيته عاديه بس الامبير ساعات تحصله يقص عليك يعني يقولك الموتر يمشيك 40 كيلو شوي والا تحصله 15 كيلو يتم له فتره وينزل مره وحده وفي الشفر نفس الشي والمكيف والله ماعندي له خبر

[qatar-uae]

هلا اخوي

اليوكن زين ونا اشتريت واحد وستعملته وااايد حلو استعماله ومكيفه بارد وصرفية البترول ما يصرف لاكن مايقارن بالتويوتا التويوتا افضل بكثير وما اعتقد اشتريه مره ثانيه ونصحك ب الجي اكس لو يمكن الفرق يكون بسيط في السعر وهذا كل الى اعرفه تحياتي qatar-uae

[bonn]

شاكر لكم يا اخوان اهتمامكم والرد

وننتظر باقي الاعضاء

[بن درويش]

عندن واحد من الربع موديل 2008 ماشا الله عليه مايشتكى من شي فيه والدبل عادى يوديك وييبيك بالرمل بس مال روحات عاديه وييات وصرفيته حلوه وخدمات الشركه حلوه بس جنه بيتغير شكله 2011
وسعره شوي ينزل اكثر من اليابانى وقت البيع

[قطر501]

موتر ماعليه كلام عائلي اكثر من شبابي مريح صرفية البترول على حسب الدعسه مكيف بارد لكن التويوتا هي الاخير الافضل وانا عندي الاثنين

[بوعمير]

اليوكن ممتاز بشكل عام من جهة البترول والراحة والسعة، ويعيبة المكيف خصوصا في الصيف تحتاج لتركيب مخفي او عازل، ايضا دخول الروائح من فتحة المكيف حتى لو كانت مغلقة.

[khalid-_-999]

اخوي بالنسبة لليوكن والله موتر ما عليه كلام كان عندي كروزر vxr بس بعته ونصحوني الشباب اجرب اليوكن

وجربته وسافرت فيه على الاردن ثلاث مرات و ما اشتكي من اي شي و بالنسبة للراحة الجمس اريح من الكروزر
واتحدى اي واحد ينكر هالكلام , وبالنسبة للبترول هو يصرف اقل من الكروزر , ليشش ؟؟؟؟
عشان يشتغل الموتر على 4 سلندر و6 سلندر و 8 سلندر , كيف ؟؟ يعني لما تمشي لين 80 كم يمشي على الاربع سلندر ولما تمشي فوق ال80 يفتح 6 سلندر ولما تسرع كمان شوي يفتح 8 سلندر ( اكيد فهمت )

وطبعاً مكينته اقوى من مكينه الvxr ويروح عنه بالراحة

بس مشكلته اذا انت شاريه عشان تاجر فيه ما يصلح , لان سعر السيارات الامريكي ينزل بسرعة عند البيع
اما اذا انت شاريه حق الاستعمال فانا انصحك فيه
( ترى عمي كان عندى كروزر وبعد ما جرب سيارتنا والله راح وشرى واحد )

واذا في اي استفسار انا حاضر

اخوك : خالد

[مستثمر 999]

بعد كل هذي الاطراءات الي ذكروها الشباب عن اليوكن

انا عندي 2009 ذهبي فاتح ماشي 40 الف دبل وبسعر معقول

اذا لك خاطر ارجو الرد على الخاص