ما هي افضل طريقة لمحاسبة بنك قطري او رفع قضية عليه

[KhalidQ]

ياشباب ابي اشتكي على بنك قطري

على قرض ربوي لأحدى الاصدقاء

حيث اخذ مليون ونص وبعد مرور ثلاث سنوات

رجع المبلغ كامل و البنك ما احتسب الاقساط

حيث المبلغ الي دفعه قرابت 450 الف ريال

هل ارفع دعوئ او اروح البنك المركزي

اللي عنده خبره الله لا يهينه يقولي

[jajassim]

ارفع دعوى ،، وجرب حظك

مثل ماصار في الكويت مواطن رفع دعوى واكتسبها باسقاط الفوائد الربويه فقط


والله يوفقك اخوى ،،

[mr. abdulla]

السلام اخوي خالد ممكن تعطينا معلومات اكثر عن العملية.. هل ال450 اللي اندفعت على الثلاث سنين كانت للانترست فقط او الانترست و البرنسبل.. في بعض البنوك تضمن الانترست اول يعني اول كم سنة و انت تدفع قرض شهري يروح كله للانترست و مبلغ القرض ما تحرك.. بعد سداد الانترست الكامل لمدت القرض يقوم البنك بسداد قيمة القرض بالاقساط الشهرية...

[eXpert*]

اعتقد وقتها كانت الفوائد ارتفعت

[Gh2o]

اكيد تغيرت الفايده اذا تبي في طريقه مجربها اخوي كان عليه قسط سياره ببنك الدوحه وتفاجاء ان المبلغ عقب كمن سنه للحين مثل ما هو قام طنشهم ولا دفع شي راحوا اشتكوا عليه بالمحكمه طبعا القرض الي البنك يطالبه ٩٠ الف بس بالمحكمه صار المبلغ ٢١ بسسسسسس

[mr. abdulla]

Gh2o اللحين ما اعتقد ان اخوك راح يقدر ياخد قرض من اي بنك في قطر .. الى اذا البنك ياخد عليه فوائد اكثر من الفائد اللي موجودة بالسوق او مبلغ اضافي لتأمين القرض و طبعا بيطلبون منه ان يرهن بيت او ارض كتأمين على القرض... انا غير متأكد لكن البنوك بينهم و بين بعض يتداولون اسامي العملاء اللي يتعثرون من سداد قروض سابقة.. يعني بلاك لست..

[KhalidQ]

اكيد تغيرت الفايده اذا تبي في طريقه مجربها اخوي كان عليه قسط سياره ببنك الدوحه وتفاجاء ان المبلغ عقب كمن سنه للحين مثل ما هو قام طنشهم ولا دفع شي راحوا اشتكوا عليه بالمحكمه طبعا القرض الي البنك يطالبه ٩٠ الف بس بالمحكمه صار المبلغ ٢١ بسسسسسس

ممكن اسم مكتب المحامه الله لا يهينك

[بو نايف]

درب المحاكم طويل ,,, :(

في قسم للشكاوي بمصرف قطر المركزي ,, اذا لك حق ما يضيع عندهم ,,

[KhalidQ]

درب المحاكم طويل ,,, :(

في قسم للشكاوي بمصرف قطر المركزي ,, اذا لك حق ما يضيع عندهم ,,

بمر عليهم ان شاء الله

[وارث العز]

ارفع دعوى ،، وجرب حظك

مثل ماصار في الكويت مواطن رفع دعوى واكتسبها باسقاط الفوائد الربويه فقط


والله يوفقك اخوى ،،

هي في القانون اسمها فوائد قانونية و لا يجد مسمى في القانون المدني القطري للفوائد

الربوية اخوي جاسم

[السهم الثابت]

اخوي واللة نصيحة انت ارفع قضية ولا توكل محامي ولا شي تقدر تروح لاي مكتب محاماة او احد القضاة القطريين وهم بيوجهونك انت قطري وفي بلدك شالي يمانع انك ماتترافع بقضيتك بنفسك
وبخصوص العقد الي بينك وبين بنك قطر الوطني ان الفائدة غير ثابتة اتوقع ذالك وكان الفترة الي تسدد فيها تروح فقط للفائدة وهاي سيارة البنك لكي تظيق علي العميل عدم التغيير لاي بنك اخر واذا غيرت لبنك اخر هم خذوا الفائدة مسبقة بس انا متاكد مية في المية ان عقدهم فية ثغرات وغير قانوني واي محامي او شخص عادي يقدر يصيبهم فية

انت توكل علي اللة وارفع قضية ما راح تخسر بالعكس بتطلع باقل شي نص المبلغ وارجوك لاتتكيسل

اللة يوفقك

[jfal]

اخوي بارك الله فيك
اذا تقبل نصيحتي ارفع عليهم دعوى وان خسرت الدعوى
اقل شيء انك بتحدد مبلغ القرض بالحكم وبتعرف اللي لك واللي عليك
انما حاليا رافع دعوى مشابها من شهر 7 / 2009 بس دعوتي ايجارة منتهية بالتملك وهي في حقيقتها قرض
ولله الحمد لين الحين الدعوى ماشية صح والقاضي ندب فيها خبير حسابي .. وهذا شيء جيد في القضية
ونشوف ماذا يسفر عنه تقرير الخبير هل في صالحي او صالح البنك .. دعواتك
واذا بتصبر لين تشوف وش بيسفر عن حكم المحكمة بعد وضع الخبير تقريره
فهذا شيء ما انصح به لأن موضوعوعي له حيثياته .. ويمكن يختلف الحكم من قاض لقاضي أخر
وصدقني ان من اسباب رفعي الدعوى هو وضع حد لتصرفات البنوك الاستغلالي للأشخاص الذين لايعرفون كيفية ايقاف هذه الأستغلال من البنوك
وان اشأالله في حالة كسبي الدعوى سوف تكون سابقة قضائية سوف تستفيد منها القضايا المشابهة
ولا اخفيك ان الدعوى اللي رافعا قمت بها بنفسي لاني متختصص ولا احتاج الى محامي
وهذا القضايا يبيلها وقت قد تأخذ سنة واكثر وفيها استئناف ايضا قد يأخذ وقت بس الغالب انه اقل من الدعوى الابتدائية ..وفي الخير الحكم هو اللي بيكون الفيصل في اللي لك واللي عليك

[دولة قطر.]

اخواني هل نسبة الارباح للبنوك تتغير يعني الللى خذ قرض 2003 وكانت نسبة الارباخ 11% بالمية وكانت السلفة حول 300 الف كم بيكون ربحهم مع ان القسط 3700 ومبلغ السلفة ما يتغير الى 2010 واذا سال صاحب القرض قالو له هذي ارباح