تكلفة بناء غرفه وحمام

[اهل قطر]

المساحه تقريبا الغرفه 5×7 والحمام الله يعزكم 2 ×2.5
ابغي ابنيه والسقف تشينكو ما ادري اسبست
كم يكلف
وحد عنده بناي يسوي بسرعه وسعره زين

[المزن الرياني]

الاسبستوس ماده مسرطنه وتم منعها بشكل كامل

[eXpert*]

انا بنيت عندي في الاستراحة :
مجلس 6×4
غرفة 4×4
حمام 2×2.5

طبعاً من غير أساسات ومن فوق كيربيّ وتقريباً كلفني 45 ألف

[بويوسف]

فعلا لايوجد بناء بالاسبستوس لمنعه .. موجود بالكيربي .. ان شالله الاخوان يفيدونك اكثر ..

[خليفـة]

والله يا خوي ان بغيت نصيحتي
لا تغامر وتسوي كيربي

الفرقية بين الصبية وبين الكيربي شيء لا يُذكر
وما تستاهل الواحد يوفرها

دامك نويت تبني بهالحجم البسيط .. سوا شغل عدل
واستغل الفرصة الحين دام أغلب مواد البناء لم ترتفع بشكل كبير

على كل حال .. اكتب لي على الخاص يالغالي
وين المنطقة الي ناوي تبني فيها
وان شاء الله بعطيك رقم مقاول شغله نظيف
وسعره طيب

بالتوفيق ان شاء الله
:)

[BuFaisal]

والله يا خوي ان بغيت نصيحتي
لا تغامر وتسوي كيربي

الفرقية بين الصبية وبين الكيربي شيء لا يُذكر
وما تستاهل الواحد يوفرها

دامك نويت تبني بهالحجم البسيط .. سوا شغل عدل
واستغل الفرصة الحين دام أغلب مواد البناء لم ترتفع بشكل كبير

اتفق معك تماما
الكيربي ما وراه الا المشاكل وتسرب المياه

[خليفـة]

اتفق معك تماما
الكيربي ما وراه الا المشاكل وتسرب المياه

وازيدك ياخوي بوفيصل من الشعر أبيات :
تسرب مياة
حرارة
صوت وازعاج
غبار
يحتاج لصيانه من وقت لآخر

[abdel azim]

يوجد مقاول زين واسعاره وايد زينه وسريع ماشاء الله ممكن اعطيك رقمه اذا حابب وهو مهندس رقمه بالتوفيق ان شاء الله

[السد]

عليك بالصبية افضل اخوي

[الزيبق]

انت خذ المقاول واتفق معها عظم وبلاستر بيقولك المتر بكذا وبعدين على حسب اكانياتك تقدر اتشطب عادي او ديلوكس او سوب ديلوكس وخلك على الصب احسن