افضل دكتور جلديه

[قطر دزاين]

السلام عليكم


بغيت افضل دكتور جلديه


جربت اكثر من دكتور فهد الباكر ودكتوره ثانيه نسيت اسمه في ابن عمران


وانا معااي حب شباب تخف وترجع مره ثانيه بصراحه تقعدت منها

[قطرية مثقفة]

استخدم صابونه طبيعية للبشرة الدهنية والحبوب تنباع في محلات لاش اللاند مارك وإن شاء الله تحصل نتيجة حلوة ( عن تجربة وايد زينه ) ،،،،،،، وبعد عندك ماء أعشاب اسمه شاترة وايد زين يستخدمونه هل البحرين وااايد مفيد للبشرة لأن يبرد الجسم بتحصل في محل يبيع منتجات بحرينية مقابل جمعية مدينة خليفة الجنوبية :)

[alqtri]

انصحك في المنصور الطبي في مدينة خليفه مجرب صراحه دكتور احمد ادخل واطلب مقابلة دكتور الجلد

وبالسلامه ان شاء الله ماتشوف شر

[koketa]

في دكتور محي في الجلديه مستشفى حمد

[MP3]

الدكتور خالد البياري ممتاز وعن تجربه
بس ادفع

[قطر دزاين]

الدكتور خالد البياري ممتاز وعن تجربه
بس ادفع


وين مقرة

[روح الاطلس]

اخوي بالنسبة لحب الشباب لو حبيت تتخلص منه بشكل نهائي وماعاد يرجع لك ابد

لازم لازم تاخذ مضاد حيوي ( لان حب الشباب يطلع بسبب جرثومة تكون على الجلد ) ولو رحت حتى لاطباء الرميلة الجلدية بيصرفون لك المضاد الحيوي تستخدمه لمدة شهرين

لا كريمات ولا غسولات راح تنفعك مضيعه وقت وفلوس

المضاد اسمه ديورادوكس

وفيه علاج ثاني معروف ومشهور جداااا ويقضي على حب الشباب بلا رجعه لكن مشكلته الكورس طووويل لكن يخلص الواحد منه بشكل نهائي ( لكن المرأة اللي تنوي الانجاب ماتستخدمه ابدااا لكن بما انك رجل فرصة تاخذه وتفتك طول عمرك )

اسمه حبوب الروكتان والكورس والجرعه تكون على حسب الوزن لكنه علاج ممتاز بل هو افضل علاج على الاطلاق

[ولد شرق]

انصحك في المنصور الطبي في مدينة خليفه مجرب صراحه دكتور احمد ادخل واطلب مقابلة دكتور الجلد

وبالسلامه ان شاء الله ماتشوف شر

اخوي العزيز
خبرك عتيج الدكتور احمد من زمان طلع من المنصور الطبي
فعلا هو دكتور ممتاز اسمه احمد غازي لبناني قديم في قطر و محترم جدا
عيادته االخاصه في بن عمران خلف المطابخ الشعبيه

[خالد القطري]

عن تجربه

الدكتور حسن العبدالله

عليك بالحبوب راكيوتان او داكيوتان

لمدت 6 شهور

على حسب الوزن

[أخت الغالي]

أأحسن تجربة حبوب الروكوتان ...

على حسب البشرة والدكتور اذا يشوفها مناسبة ..

[Eyeliner]

الصراحه للاسف انا ماخليت عياده ماجربتها في الدوحه !
ماعندنا دكاتره جلد ممتازه

انا اعاني من نفس المشكله حالياً

[وحيد-الشوق]

وعليكم السلام

اول شيء الله يشفيك ان شاء الله

انا من فتره يعني 4 او 5 سنين تقريبا كنت اعاني من حب الشباب يروح ويرجع بس ماكان كثير يعني شيء خفيف بس الحمدلله بعد فتره اختفى من وجهي نهائيا واذكر اني استخدمت منتج اسمة برو اكتف صراحه فادني كثير

http://www.proactivsolution.de/?

اعتقد ينباع في فيوتشر في السد << انا شريته من هناك من زمان

بس بصراحه مادري ليش العالم ماتمدح فيه بس انا اقولك تجربتي وكانت جيدة

بالنسبة للمستشفيات في الدوحة ماعندي فكره بس نصيحة الرميلة لاتطبها لأن كل دكتور اغبى من الثاني عن تجربة طبعا :)

[الخفي]

(( الدكتور محمد كلداري في دبي انصح به بقوه بس غالي ))

[لوردغاليري]

دكتورة
سعاد لطفي
ف دبي
تجي الدوحه زيارات دوووووووووم
مركز علاج الطبي
يفيدونك بمواعيدها عن تجربه ممتازة

[شموع قطريه]

وليد ابوحلاوه بدون منازع وعن تجربه .. ومكانه في فريق العسيري

[حقيقه]

الدكتور عادل في مستشفى العمادي

وعليك بالمره حق الحب انقعها في ماي واغسل مكان الحبوب فيها كل يوم وبتشوف الفرق

[eXpert*]

الدكتور حسن عبدالله ممتاز مشكلة علاجه دائماً يعتمد على ادوية قوية جداً

[امير القلوب]

وليد ابوحلاوه بدون منازع وعن تجربه .. ومكانه في فريق العسيري

للاسف اخس دكتور