تجربتي مع العود ((الخشب))

[وهم السنين]

بقول لكم تجربتي مع محلات العود
انا لي سنه وانا أدور على عود أصلي (( الخشب)) أبيه يكون أصلي ميه بالميه ومو معطر.
رحت محل اجمل: والصراحه ريحته خشب محروق وحسيته مغشوش مية بالمية
رحت محل الجزيره للعطور: المره الأولى حصلت نوع التوله ب300 ريال حسيته زين بس ماشريته ولما رجعت مره ثانيه بشتريه حسيته مب ذاك الزود وكأنه مغشوش بعد.
رحت محل جنيد : وعجبني العود وايد حسيته صج أصلي بس ماشريته ولما رجعت لقيته مخلص ومن سنه وانا كله اروح لهم ويقولون لي مافي مافي مافي:rolleyes2:
بقى محل عبد الصمد القرشي: بصراحه ماجربته بس سمعت ناس يقولون انه مغشوش
وقبل كنا نطلب من هندي يجيبه من برى والله ريحته كانت روووووووووعه بس للأسف اللحين صار مايجيب.
وفي ناس هنيه في المنتدى يبيعون بس مااقدر اشتري شي قبل أشمه
خبروني عن تجاربكم مع العود ومن وين تشترون العود الأصلي الغير مغشوش(غير معطر)

[Bu Rashid]

غير اللون الله لاهينك علشان نعرف نقره ونرد :)

[وهم السنين]

غيرته اخوي

[Bu Rashid]

غيرته اخوي



سلمت يمناك ...
اخوي كل هذه المحلات عندهم العود درجات
جرت العاده اني ما اشتريه من قطر ولكن اذا اضطريت
امر على هذه المجموعه الي ذكرتهم واخذ منهم الي يعجبني

[بوحارب]

بالنسبة لي اشترية من اجمل

عود معطر

ريحته حلوة وطيبة

[نجمة سهيل]

اللي في الجزيره واجمل روعه

ويمدحون الفيصليه اللي صوب الجبر

[جنوب الدوحه]

القرشي عنده مزارع في الهند والعود الهندي اجود انواع العود .. لكن العاده اشتري العود من الباعه المتجولين تجار الشنطه واكثر الناس يشترون منهم ..

[غزلان]

ملك العود في دبي عنده عود ممتاز بس سعره غاااالي حيييل امي خذت منه كم توله تقدر تاخذ بالتوله لأن الكيلو ماينقدر عليه

[وهم قطر]

من فتره كنت اتسائل عن موضوع العود خاصه ودهن العود ومشتقات العطورات عامه

الصراحه بيكون جدا مفيد للكل وياليت اهل الخبره يطرحونها في منتدانا حتى يستفيد القارء

وحتى لايقع في غش التجار ومن ناحيتي انصح الي يشتري العود يكون الكسره الصغيره والضعيفه

لان الكسره الكبيره يقومون بحشوها بالرصاص لزياده وزنها

[الأصيلة]

في قطر مافيه عود طيب لا اتعب نفسك وادور..
مصبوغ وبسعر مايستحقه.. حاول إلا عن طريق الأشخاص..وجرب سليم اللي بسوق واقف...
لكن الجزيرة اللي الكيلو بـ 20 ألف قبل سنتين اخذت منه كان زين ربع كيلو بـ 5000 ريال...
العود الزين صراحة في الرياض قبل سنتين اخذت من محل
الصفوة هو غالي بس عود أصلي و مب خسارة فيه الفلوس لأن كانت عندي مناسبة...

[هذلان]

السلام عليكم


موضوعك مهم و على العوق .. ترى فعلا فيه عندنا مشكله في العود في الدوحه .
و المشكله اذا كان عندك ضيوف و خصوصا من كبار السن (شيبان) يعرفون العود الزين و تنحرج اذا كان العود مش ذاك الزود .

و المشكله الثانيه انه الي يبيعون العود لو بغيت تجربه ياخذ لك قطعه معينه هو يعرف ان ريحتها زينه و ان شريت منه و رحت البيت تلقاه غير . تشك بالفحم بس لا هو العود نوعه ردي .

بالنسبه لي فاكني واحد من الربع بيض الله وجهه كل فتره و فتره يهديني كميه لانه في الشغل يمرونهم هنود يعرضون عليهم . لانه في الشغل يستخدمون العود بكثره . بس شي حلو و اكيد السعر غالي .

اذا ماعندك مشكله في السعر بسئله يجيب لي رقم حد منهم اذا يعرف ارقامهم

[ماريسا]

من الامارات

[وهم السنين]

شكرا لكل اللي ردو علي وبانتظار باقي الردود
اخوي هذلان ياريت لو تعطيني رقم الهندي اللي يبيع العود ومايهمني السعر اهم شي عندي انه يكون من اعلى درجات الجوده
واذا احد يعرف رقم احد من اللي يبيع العود ومجربه يعطيني رقمه
وشكرا

[موضي قطر]

الواحد مايدري الأصلي من المغشوش

[الشاااهين]

من ريحة في دببي
احب العود بالعنبر

والعود المبخر اللي من اجمل بعد زين


لكن الخشب اخذه من مكة لي سافرت كل سنة

[هذلان]

اخوي هذلان ياريت لو تعطيني رقم الهندي اللي يبيع العود ومايهمني السعر اهم شي عندي انه يكون من اعلى درجات الجوده
واذا احد يعرف رقم احد من اللي يبيع العود ومجربه يعطيني رقمه
وشكرا

ابشر ابشر .. الرجال مسافر حاليا اول مايرجع بكلمه .

[nokia30]

اخوي اذا احدرقم احد يبيع العود زين ومجربه يعطيني رقمه ياليت عالخاااص وان شاكر لك

[مسباح عاج]

يـــاس للعطور
(الامارات)

دبي - وافي سنتر
ابوظبي - مارينا مول

[السامـي]

أنا من زمان وأنا عميل لــ أجمل.وعنده عودً زين,بس..
ما يعرضه للكل لأنه غالي،فيه نوعين عود"هندي"،واحد
بــ 18000 ريال،والثاني بـــ 20000 ريال،وأقل شيء
تأخذه ربع كيلو.

[جرح الزمان]

اعرف واحد عنده اصلي

عود ودهن عود هو بنفسه جابهم من سنغافوره

اللي يبي رقمه يرسل لي على الخاص

[koko33]

فيه محل ورى مفروشات بوكنان شمال السوق المركزي عنده عود اصل وانا جربته وسعره ناسب
انا صراحه اشتريت منه نصف كيلو بعشرة الاف ريال العام الماضي ما عليه كلام وكل من تدخن من العود يسألني من وين شاريه
(الزبارة للعود )

[naklan]

للعلم استنشاق العود اشد فتكاً بالانسان من التدخين

اخبرني احد الاصدقا انه لما كان يعالج والده في المانيا وكانو يفحصون ابوه وقال له الدكتور يجب ان والدك يترك التدخين فوراً الرئه عنده تعبانه من التدخين فقال للدكتور الوالد لا يدخن فاصر الدكتور والدك يدخن ورئته مهترءه من التدخين واصر على انه مدخن شره فقال له صديقي والدي يتدخن بالعود وعاداتنا استنشاقه فقال له الدكتور امنعه عنه فوراً :eek2:

سئلت شخص متخصص لما كنت في تايلند كيف الحصول على العود من شجر العود فقال هي شجره عاديه وان تكون العود هو مكان اصابه ومرض في جذع الشجره :anger3:

ودهن العود ايضاً من دود او بكتريا ؟؟؟ انا ما اعرف سر عشق العود مع انه يستخدم في الهند لحرق الموتا وما كان موجود مع ابائنا من الاف السنين اعتقد انه عاده حديثه ومضره :yes:

وانا واحد ما افضل العود واستخدامي له هو مجامله في المجالس ما دامني جالس

ذكرني ادمان العود بقصه طاش ماطاش والقهوه يا حصههههههههههه

تحياتي واحتراماتي escape

[Toomy]

بالعكس عود اجمل الخشب وايد زين و عندك سليم بعد في سوق واقف بعد زين بس يغش أحيانا جربه عنده و قول له اذا مب زين بارجعه و في كم محل في واقف عودهم ماعليه كلام اخبر واحد اسمه الشهواني أعتقد خذت منه من فترة وايد زين.بس ترى العود درجات اطلب احسن شي

[3beed]

الله لا يهينك روح سوق واقف .. في محل في الداعوس قبل الطريفي على اليسار اسمه (سليم) قوله يعطيك العود

بو خمسين ريال للتوله وريح بالك ..

[تحداني]

.. مشكله العود مشكله في قطر ..
تعبنا ونحن نبحث عن العود الأصلي ولكن لا جدوى ..
نجد حبه واحدف من بين 10 حبات تصلح
والباقي كله صبغ .. وغش..



غزلان غاليتي
بالفعل " ملك العود " وبالتحديد في مجمع الغرير " في دبي
ليه انواع جدا جدا مميزه .. ولكن غاليه نوعا ما
آخذ منهم دائما .. ويعجبني
وكل الحبات تضبط معاي :)


.
.جرح الزمان
ممكن بعد إذنك اسم الشخص ورقمه اذا ماكان في مانع
للتواصل مع المذكور عنه




جملكم الله برضى الرحمن

[وهم السنين]

شكرا على ردكم
وبروح لسليم وبرجع لأجمل مره ثانيه وبقوله ابي اجود نوع

[day_trading]

السلام عليكم ورحمة الله وبركاتة يا اخوان انا رجل ابيع البخور لا عندي محل ولا شي ولاكنى من هواة البخور ويوجد عندى الان 7 كيلو بخور كلمنتانو ماليزي والله ريحتة طيبة واسعاري كويسة وانا مستعد ارسلة لاى احد فى المملكة الربع كيلو على 1500 ريال اقسم بالله انه سعره مناسب وريحتة طيبة وانا على استعداد انه اذا ما اعجبة انى ارسلة فلوسة
ويرسلى البخور
day_trading@hotmail.com
096560090600
وارسلة للى فى قطر

[بويعقوب]

اطلبك ان شاء الله بتحصله في الرياض

(( سوق المعيقليه ))

سوق 3 طوابق في طابق خاص للعود ودهن العود

[حليتان*]

اخوي دايم يجيب لي عود وعجيب وين ما اروح الريحه فيني

لدرجت ان مره رحت خيمة واحد من الشباب قالي ان ريحتي تمت في الخيمة يومين :) ههههه




وهو ياخذه من اجمل وعلى كلامه ان سعر الكيلو غالي واايد

[Qtr.Girl]

السلام عليكم


موضوعك مهم و على العوق .. ترى فعلا فيه عندنا مشكله في العود في الدوحه .
و المشكله اذا كان عندك ضيوف و خصوصا من كبار السن (شيبان) يعرفون العود الزين و تنحرج اذا كان العود مش ذاك الزود .

و المشكله الثانيه انه الي يبيعون العود لو بغيت تجربه ياخذ لك قطعه معينه هو يعرف ان ريحتها زينه و ان شريت منه و رحت البيت تلقاه غير . تشك بالفحم بس لا هو العود نوعه ردي .

بالنسبه لي فاكني واحد من الربع بيض الله وجهه كل فتره و فتره يهديني كميه لانه في الشغل يمرونهم هنود يعرضون عليهم . لانه في الشغل يستخدمون العود بكثره . بس شي حلو و اكيد السعر غالي .

اذا ماعندك مشكله في السعر بسئله يجيب لي رقم حد منهم اذا يعرف ارقامهم
خوي ممكن تعطينا رقم الهندي الي يجيب العود :)

اطلبك ان شاء الله بتحصله في الرياض

(( سوق المعيقليه ))

سوق 3 طوابق في طابق خاص للعود ودهن العود

يبيله زياره هالسوق :)

موضوعك رائع وانا وحده غرامي العود والبخوور ولحد الحين ماحس حربت شي عدل

معني مجربه من كل مكان :rolleyes2:

[Sharshooooor]

انا يجيبون لي من احسن محلات بالهند ومعروفة بدون >كر اسماء

عود هندي اصلي

يقارب الربع كيلو ب 2000 ريال

وماشالله ريحته طيبة والكل يتكلم عنه لو تبخرت فيه

[ع.م]

والله موضوعكم حلووووو واستفدت منه وااايد.. باشوف سليم وأجمل انشالله تضبط معاي هالمرة..

عبدالصمد القرشي مااقتنعت فيه بصراحة اللي عندي كنه خشب محروق وأصلاً العود من شوي يطول عالفحم تصير ريحته سخيفة مادري شلون خخخ

[وطن]

وكأني اشم الريحة الحين

يازين ريحة العوووود

[00soma00]

ان شاء الله باقى الاخوان يفيدوك

[_QTR_]

يا جماعة عندنا واحد دووووم يجينا المجلس ويبيع لنا عود ودهن عووود ومسابيح كهرم

هو عنده 3 او 4 محلات في الكويت وعووووده روعه

انا دووووم اخذ لي بالربع كيلو وبالنص كيلووو

اللي له خاطر مستعد اني اعطيه رقمه وللعلم والله ان مالي فايدة من الموضوع

بس قريت الكلام وعورني قلبي ,,,, وللامانة الرجال مكلمني من 3 ايام يوم كنت في ماليزيا ويقول لي انا في الدوحة وجايب شيء طيب

اللي له خاطر ويبي رقمه يراسلني على الخاص


تقبلوووووو مروري

[جلمود]

يا جماعة عندنا واحد دووووم يجينا المجلس ويبيع لنا عود ودهن عووود ومسابيح كهرم

هو عنده 3 او 4 محلات في الكويت وعووووده روعه

انا دووووم اخذ لي بالربع كيلو وبالنص كيلووو

اللي له خاطر مستعد اني اعطيه رقمه وللعلم والله ان مالي فايدة من الموضوع

بس قريت الكلام وعورني قلبي ,,,, وللامانة الرجال مكلمني من 3 ايام يوم كنت في ماليزيا ويقول لي انا في الدوحة وجايب شيء طيب

اللي له خاطر ويبي رقمه يراسلني على الخاص


تقبلوووووو مروري



هههههههههه كني عرفته يلبس نظاره طبيه

ويظلع من رجوله (يعري ) شوي !

ومع بنته زهره صغيره ياحليلها

لايكون هو ! :telephone:

[الميزان 1969]

في واحد اسمه عبدالكريم تاجر شنطة عوووووووووووووووووووووده روووووووووووووووووووووعة بس ماعرف رقمه

[الابداع]

انا اطلب العود يجيبي لي واحد ماليزي ارسل له الفلوس ويطرش لي لو ماعجبني ارجعه ويرجع الفلوس بس ماقط رجعته لان دوم يوصلني فضيع
اللي يبي اطلب له انا حاضر عنده جميع الانواع وارخص من عندنا

[hamoor4ever]

السلام عليكم ورحمة الله وبركاتة يا اخوان انا رجل ابيع البخور لا عندي محل ولا شي ولاكنى من هواة البخور ويوجد عندى الان 7 كيلو بخور كلمنتانو ماليزي والله ريحتة طيبة واسعاري كويسة وانا مستعد ارسلة لاى احد فى المملكة الربع كيلو على 1500 ريال اقسم بالله انه سعره مناسب وريحتة طيبة وانا على استعداد انه اذا ما اعجبة انى ارسلة فلوسة
ويرسلى البخور
day_trading@hotmail.com
096560090600
وارسلة للى فى قطر

ماتشوف شر يالغالي الشباب يتكلمون عن العود الظاهر انك تبيع وماتدري الي عندك عود او بخور وهاذي بحد ذاتها مشكله او اللي عندك شي ثاني يختلف عن العود وتبي تبيعه على الشباب المهم بغيت اوضح لك ان صاحب الموضوع يتكلم عن عود اصلي وليس بخور او عود معطر او خشب معطر وهناك فرق كبير اخي الكريم . وغريب انك لك خبره في هالمجال كما تقول ولا تعرف الفرق بين البخور والعود ، الله يوفقك عموما

[Toomy]

ماتشوف شر يالغالي الشباب يتكلمون عن العود الظاهر انك تبيع وماتدري الي عندك عود او بخور وهاذي بحد ذاتها مشكله او اللي عندك شي ثاني يختلف عن العود وتبي تبيعه على الشباب المهم بغيت اوضح لك ان صاحب الموضوع يتكلم عن عود اصلي وليس بخور او عود معطر او خشب معطر وهناك فرق كبير اخي الكريم . وغريب انك لك خبره في هالمجال كما تقول ولا تعرف الفرق بين البخور والعود ، الله يوفقك عموما

ترى هو يقصد العود في بعض دول الخليج يسمون العود بخور

[hamoor4ever]

ترى هو يقصد العود في بعض دول الخليج يسمون العود بخور

كل شي جايز وممكن اختلاف اللهجات عندهم العود والبخور هو نفس النوع ، لان عندنا البخور شي والعود شي ثاني ، شاكر للتوضيح

[day_trading]

ماتشوف شر يالغالي الشباب يتكلمون عن العود الظاهر انك تبيع وماتدري الي عندك عود او بخور وهاذي بحد ذاتها مشكله او اللي عندك شي ثاني يختلف عن العود وتبي تبيعه على الشباب المهم بغيت اوضح لك ان صاحب الموضوع يتكلم عن عود اصلي وليس بخور او عود معطر او خشب معطر وهناك فرق كبير اخي الكريم . وغريب انك لك خبره في هالمجال كما تقول ولا تعرف الفرق بين البخور والعود ، الله يوفقك عموما

هلا اخى الكريم احنا بالكويت نسمي العود عود ونسميه بخور الهود العود المبخر نسمية معمول

[day_trading]

السلام عليكم ورحمة الله وبركاتة يا اخوان انا رجل ابيع البخور لا عندي محل ولا شي ولاكنى من هواة العود ويوجد عندى الان 7 كيلو بخور كلمنتانو ماليزي والله ريحتة طيبة واسعاري كويسة وانا مستعد ارسلة لاى احد فى المملكة الربع كيلو على 1500 ريال اقسم بالله انه سعره مناسب وريحتة طيبة وانا على استعداد انه اذا ما اعجبة انى ارسلة فلوسة
ويرسلى البخور
day_trading@hotmail.com
096560090600
وارسلة للى فى قطر

كل عام وانتو بخير

[جميل الصبر]

فيه محل ورى مفروشات بوكنان شمال السوق المركزي عنده عود اصل وانا جربته وسعره ناسب
انا صراحه اشتريت منه نصف كيلو بعشرة الاف ريال العام الماضي ما عليه كلام وكل من تدخن من العود يسألني من وين شاريه
(الزبارة للعود )

وانا بعد جربت العود من عنده روووعه واسعاره مناسبة ....
ودهن العود اصلي وبنص اسعار القرشي ...

[رمــش الغلا]

الابداع بكم الكيلو

ابي اشتري حق العيد

[جينير]

الشايع للعطور بالكويت جيد جداً
له محلات في الدوحة بس ماجربتها

[سوق واقف]

الي يقول محل سليم

محل سليم مغشوش مئة بالمئة

حتى عطوراته . . .

[Toomy]

الي يقول محل سليم

محل سليم مغشوش مئة بالمئة

حتى عطوراته . . .

دايماً ناخذ من عنده و الكل يسأل عنه ..ترى اذا ماعجبك رجعه يغيره هو يغش أحيانا اذا ما يعرفك .بصراحه ما عليه كلام العود عنده..

[بو راشد 1]

نصيحه عن تجربة: اذا بتشترون عود بالكليو لا تاخذون قطع كبار، لان احيانا البياعين يذوبون رصاص و يصبونة في وسط الخشب عشان يزيد الوزن.