حفلة طيور الجنة ...عفوا اقصد حفلة كيوتل ؟؟؟؟؟؟

[بنت الاول]

صراحة اول مرة عيالي يروحون حفلة وما أقدر اوصف لكم فرحتهم انهم بيشفون نجوم طيور الجنة وراحو المعلب الساعة 5 العصر علشان يحجزون مكان قريب ...و المفاجاة ....ان كيوتل الرعي الرسمي للحفل " ان شاء الله ما تعدها"" وزعت عشر تذاكر مجاني لكل الموظفين فئة vip>>,....وما بقى أحد من الجاليات هو وخادمته وعيال الجيران الاا وهم داخل المعلب ...واحنا الي دفعنا أفلوس ما شافوا عيالنا شي ........؟؟؟؟ هاي غير انه ما فية شاشات كبيرة تعرض المطربين .. بس شاقول حسبي الله عليهم ونعم الوكيل ....يعلهم ما يتهنون بالفلوس ... عن شالله تطلع عليهم أكثر من بيع السوق ...

[غير البشر]

بصراحه اختي انا ماخذ تذاكر عاديه
ومعاي واحد يقرب لي ماخذين اعيالنا

المهم

كنا قاعدين على المدرج ويوم شفنا الخربطه الي صارت
والامن يدخلون بعض الحريم مع اليهال
دخلنا اعيالنا الاصغار بروحهم
ورحنا من بوابه vip قلنا لهم اعيالنا مايصير انخليهم بروحهم ودخلونا

كنا بنلتزم با لمكان المخصص
لكن يوم شفنا الخربطه الي صارت
ومعظمهم الــــ vip من اخونا العرب :)

قلنا الحرب خدعه :nice:

وقعدنا اعيالنا عند المسرح في الصف الاول :shy:

[hamoor4ever]

شنو المشكله اختي ؟؟ انا وصلتني تذاكر بس مارحت عموما شي طبيعي توزع بعض الاماكن بعض التذاكر على موظفينها مفروض ماتشترين صراحه وتروح بو مال بلاش احسن :)

[Doha Sun]

نقلا عن كلام صديقتي :
الحفلة فاشلة والتنظيم ( ... ) ، ولا قدرت هي وبناتها يشوفون شي وطلعت ولا كملت الحفله ، وغير التاخيراللي حصل حتى الكبير يتملل منه ..
والله يسامح كيوتل ..

[كازانوفا]

ما دام عارفين ان كيوتل هي اللى منظمه ليش ما عاتبتيهم على الاهتمام القوي قصدي على اللا مبالاه

[احب قطر]

ياجماعة الخير ، كيوتل الراعي الرسمي وليس هم المنظمين . وبحكم المبلغ اللي دافعته الشركة للرعاية من حقها عدد من الاماكن المخصصة للشركة واللي خصصتها لموظفين الشركة وهاي من حق الشركة انها تهتم بموظفينها وتوفر لهم برامج مختلفة.

[سهم صعب]

والله كنت باروح بس اللي خلاني اتردد وقت الحفلة
الساعه ثمانيه اشدعوه واحنا دوامات نروح الساعه 8ومتى بنخلص انشالله 12
وفي اخر لحظه صادني ظرف وماوديت اليهال
بس بعد هالكلام زين مارحنا
وماعليش ياكيوتل تعيشين وتنظمين غيرها
هههههههه

[بنت الاول]

شنو المشكله اختي ؟؟ انا وصلتني تذاكر بس مارحت عموما شي طبيعي توزع بعض الاماكن بعض التذاكر على موظفينها مفروض ماتشترين صراحه وتروح بو مال بلاش احسن :)


شنو المشكلة بعض الاماكن لبعض الموظفين مب كل الاماكن الامامية لهم واكيد بو بلاش احسن محد مأكلها إلا أنتهم ؟؟؟؟؟

[همس1]

السلام عليكم
الصراحه انا كنت راح اكتب موضوع فيهم بس لله الحمد ان في احد قبلي كتب عن هالموضوع
الصراحه كانت الحفله فاشله في التنظيم والمستوى...
الي صار ان عيالي صار لهم عشرة ايام مساكين ماخذين تذاكر ... وكانو مستانسين وما تتصورون شلون كانو ينطرون اليوم الي بيشوفون فيه طيور الجنه .... لما رحنا وقطعنا التذاكر سالت اذا كانت التذاكر عباره عن درجات... قالو لي لا.. التذاكر وحده لكل الجمهور

يوم وصلنا الملعب الساعه 7 ونص تقريبا ووقفنا في طابور طويل وعريض.... الا يقولنا الشخص الي هناك ان تذكرتكم مش مكتوب عليها vip فبالتالي لازم تروح من الباب الثاني ...
قلنا يالله مو مشكله .... وتوقعت انه الvip بيكونون قدامنا بامتار
واذ نكتشف انهم حاطين الي دافع الفلوس المسكين على مدرج مزدحم جدا.... والحفله والمغنييين في نهاااااااااااااااااااايه الملعب من جهه المنصه الرئيسيه... يعني يبيلنا دربيل عشان نشوفهم ... والله ثم والله كنت اسال ولدي ( يبه ... اتشوف الي يغني ؟؟ ... يقولي وينه ... اقووووله هنااااااااااااااااااااااااك الي مثل النمله ؟) مسكييييييين انكسر قلبه وتم ساكت ..وجاته النودة. وما يقدر يسمعهم اصلا من الازعاج الي صار هناك ...
ولا كانو حاطين على الاقل شاشات الواحد يقدر يستحمل بلي يشوفه
والقهر انه تحت في الملعب حاطين كراسي قريبه وتحرسها مجموعه من امن الملاعب والسكيورتي وقريبه جدا من الحدث الاكبر وهو غناء طيور الجنه .... واحنا مساااااكين ما نقدر نشوف شي....
زوجي راح وتهاوش مع المنظمين وقاله افتح الباب للاطفال مساااكين ما يشوفون شي ... قال ما يصير .... التذاكر الي تحت هي عباره عن دعوه خاصه من كيوتل !!!!!!!!!!!!
حتى للاطفال واسطه سبحان الله ......

ويوم تجادل زوجي مع المنظم .. وقال له افتح الباب .... قاله اذا فتحت الباب راح تصير حالات دهس للاطفال .. ويمكن يدوسونك اليهال..... زوجي ضحك عليه وقاله له شدعوه حفله تامر حسني وانا مادري ... والقهر ان لولا جهود امن الملاعب الي كانو يمشون اليهال بالخش ويدخلونهم داخل كان محد شاف شي...
واخرتها زوجي دخل وتم واقف طول الحفله مع اليهال .....وكنا على قرب 30 متر من المسرح لكن على الاقل استانسو اليهال...
والله حرام صراحه الي صار .. وخصوصا في حق كيوتل .... قصونا علينا واحنا نضحك :)
وحسبي الله ونعم الوكيل ....

[بوخالد911]

يبييلهم مكان أكبررر
وأوووسع

[ماريسا]

الله يعوض عليكم ان شالله

[abdulla889]

للاسف مافي تنظيم انا رحت ووديت اليهال بس انصدمت لم شفت الكراسي كلها بنفس المستوى مانقدر نشوف شي حتى واحنا في الصفوف الاولى لان الكل واقفين على الكراسي وفي ناس افترشو الارض بالقرب من المسرح

[JN000N]

فاااااااااااشل بكل ماتحتويه معنى كلمة فاشل من معنى

ولاشي عدل صار

[نمر بن عدوان]

طيور الجنه ورانا ورانا . طيور الجنه للاسف اصبحوا طيور الاستغلال المادي تذاكر غاليه .ارسل smsعشان تختار اغنيتك المفضله الي يسمع يقول الاغنيه ماتنعرض فاليوم 50مره . واخيرا شامبوهات وعطورات بأسم طيور الجنه .