الباترول مظلوم في أكسسوارته ,, كلنا نتمنى و نحلم في توفيرها !!

[آهـات خـالـد]

السلام عليكم ورحمة الله وبركاته

أخواني وأحبائي أعضاء ومشرفين أسعد الله أوقاتكم بكل خير وفرح وسرور

حقيقه ملاك الباترول مظلومين كثير أنا قلت كذا لأني راعي فـتـك وعارف

كلامي عن الأكسسوارات المتوفره للموتر قليله جدا ونادر اللي يوفرها

مثال أكسسوارات الكروزر موجوده في كل محل زينه بقطر والخليج

وفي ناس توفرهم ومعروفين في منتدانا وبكل صراحه ونعم فيهم

أما الباترول ماله شي الأشياء المهمه اللي نحتاجها مانلقاها

لازم نرووح الوكاله ونشتريها بالسعر الفلاني حرآم قسم

أتمنى في شي شخص يوفر لنا أكسسوارت ( الباترول

مثل الخطوط + لحية الصدام + غطا الكفر الأسبير

عددات السوبر سفاري + البوصله + الـزنـون

قبضات الأبـواب الـكـروم + العلامات كامله

هالأشياء الكل يدورها مطلوبه بشكل كبير

و الزباين موجودين وراح بشتروون

أهم شي الأسعار مناسبه حيل !!

عطوني رأيكم يا أهل الباترول

أتمنى تفاعلكم وياي

:)

[آهـات خـالـد]

::

::

[نيساني]

صدقت والله

وجزاك الله خير

[آهـات خـالـد]

تسلم لي أخوي نيساني

:)

[خــطــافــ]

السوق له احكامه اخوي ..

[آهـات خـالـد]

تسلم لي أخوي خطاف بس مافهمت وش تقصد بالظبط ؟

:)

[المترجم]

السوق له احكامه اخوي ..

[G0LD]

صدقت الكثير من الإكسسوارات ناقصه

ولاشك السوق له أحكامه لأن التويوتا بكثره عندنا من كذا تجد التركيز للتويوتا

شكرا لك 0

[آهـات خـالـد]

تسلمون لي حبايب قلبي ،، بس المفروض يصير عدل بين الموترين دام الناس تستخدم الأثنين وأكيد الكروزر شعبيته أكثر عندكم

:)

[آهـات خـالـد]

شكل ملاك الباترول عاجبهم الوضع اللي نعيشه ولا كيف ؟

:)

[gxr o.z]

تستاهلون كل خير
!

وان شاءالله مايصير خاطرك الا طيب

الحين مع بداية انتشار الباترول 2010 اتوقع

الأهتمام فيه راح يزيد واكسسوارات الباترول الجديد والقديم راح تزيد

واخي العزيز لو في خاطري شي قول ان شاءالله الشباب في المنتدى ماراح يقصرون معاك :)
بالتوفيق

[آهـات خـالـد]

تستاهل الطيب فديتك ،، وماقصرت على هالكلام الطيب اللي يريح الخاطر

وأن شاء الله نشوف كل خير والشباب فيهم الخير والبركه

:)

[قلب شاعر]

يا خوي البترول والنيسان بشكل عام قطع غياره ناااار ومحد راح يركب تجاري ع موتره ....لكن ميزه التويوتا قطع غيارها رخيصه وتقدر تجيب حركات اصليه وتبيعها في السوق ....لكن النيسان مين راح يشتري خطوط اصليه ب 3000 ...انا بدل باب كامل مع خطوط وصبغ الوكاله كله تبديل مافي سمكلره ب 1700 للجي


اعتقد غلاء الأسعر اللي مطيح سوق أكسسوارات

[آهـات خـالـد]

في هذي صدقت يالغالي ,, بس القطع موجوده في الإمارات برخص ولله الحمد

يعني لو أحد يجيب لنا كميه بسيطه يسوي فيها تجربه على وعسى

أنا صراحه سعودي وأعاني من غلاء الغطع و ندورتها ..

:)

[عبد الرحمن77]

:nea: مظلوم بسعره الغالي، لو كان سعر الممتاز حول 200ألف ريال وأقل للعادي لأصبح منافس للسيارات الباقية وليس التويوتا فقط ...............

[آهـات خـالـد]

أخوي الأسعار كلها غاليه الحين ,, وأنا أتكلم عن الـ 2009 وتحت معروفه أسعارهم رخيصه

:)

[عبد الرحمن77]

:) صحيح كلامك أخي آهـات خـالـد بس لاحظت أن أسعار النيسان الجديد 2010 وارد السعودية أسعاره أقل عن أسعار قطر طبعاً المواصفات أقل ولكن مع فرق العملة الشراء من السعودية أفضل.

:rolleyes2: السؤال المحير هل في ضمان خليجي لشركة النيسان قرأت أن لها مقر في دبي والشركة تحاول تحسين خدماتها في المنطقة !!!!.

:) هل هذا صحيح أخي خالد ؟

[آهـات خـالـد]

صحيح كلامك أخوي الـ 2010 في السعوديه أرخص بس مواصفاته تعبانه

بالنسبه للضمان ,, أنا سمعت أنه ضمان نيسان يشمل كل الخليج

أن شاء الله هالشي صحيح كذا نقدر نشتري بكل رآحه

:)

[عبد الرحمن77]

:nice: مشكور أخي خالد وماقصرت وجزاك الله خيراً............

[آهـات خـالـد]

لاشكر على واجب حبيب قلبي

:)

[عبـد الله]

اهات خالد

يعطيك العافيه يالغالي

وكلآمك عين الصواب

[آهـات خـالـد]

الله يعافيك أخوي عبدالله شاكر لك على التواجد

:)