تسلم حبيبي ( يا اخي حبك قرد ) قول امين

[hemoud123]

اولا العذر والسموحه على العنوان , ومع اني ما تعودت اكتب مواضيع من قبيل شفت وسمعت , الا ان ظاهره غريبه بدات تنتشر حتى انها وصلت الى صفحات المنتدى .
تسلم حبيبي , شكرا فديتك , عبارات نلاحظ يستخدمها البعض في مشاركاتهم ويكون كلا من المتحدث والمخاطب رجلا . والحقيقه استخدامها بين الرجال فيها نوع من ال...... ما ادري ايش اسميه ولكن في كل الاحوال تخلو من الذرابه .
وللامانه كما اسلفت هي ليست حكرا على المنتدى ولكن حتى في الحياه اليوميه بدات تتردد كثيرا سواءا في الاتصالات الهاتفيه او حتى المحادثات المباشره
تسلم اخوي , شكرا يالطيب , ما قصرت طال عمرك , هذي عبارات اعتدنا عليها وتفي بالغرض ولا تحتاج نزيدها نعومه

والا ايش رايكم

[Arab!an]

انا ماني متقبل (حبيبي) اللي هابين فيها العالم

وفديتك من شماليها

[cristal]

وتحصل مرته عمرها ماسمعت منه هالكلمة
استغفر الله
الحمد الله اللى عافانا

[جنوب الدوحه]

انا ما احب اقول مثل هذي الكلمات ... ^_^ ما تطلع

[ماريسا]

فعلاً أنا أحس هالكلام بين البنات عادي بس الرياييل نووو احسه غير مقبول

[برق لمع]

على التربية

[qatari911]

يعني كل واحد ورده ماتقدر تقول له لاتقول هالكلمه
لان فيه ناس تتكلم على نياتها بس لا اكثر ولا اقل
تسلم ياقلبي على هالطرح المميز مع اني ما اشوف فيها عيب دامك عارف الشخص الي يكلمك
(وجهة نظر )
اتمنى ماتزعل من كلامي
تحيااااتي لك
qatari911

[الوجبه]

انزين اعرف واحد دايما يقول (فديت خشمك) (فديتك انت ) وهو رجال متزوج ومنصب بعد ..

لكن هذي حياتهم يعني والدته تقولها او الاهل تربى عليها ..

وعندنا واحد هنا في المنتدى دايما يقول (حبيبي) هذا للرجل ما ادري المره ششيقول لها خخخخ

معليه تقبل الموضوع .. اذا احد قال لك (حبيبي) لا نخاف :)

[موظف بالبورصه]

انزين يالحبيب تفرق عن حبيبي ولا نفس الشي ؟؟

[ثرية]

انا ماحب استخدم هالعبااااااااااااااااارات الايحائية مع الرجال في الدوام على وجهه الخصوص لان ممكن الشخص او الطرف الاخررررر يااخذها بمحمل الجدد وتبنى عليها افكار بلا حدود وبعد ما احبها تنقال في المنتديات بس شنسوي كلام عابر في المنتدى يعني صفحه وبتنطوي

[OTOsan]

طيب .. اشلون (عزيزي) معاك ياحمود .؟؟ :)

انا الصراحه (حبيبي) هذي ماقريتها من قبل ..! .. ممكن امثله يالربع ..؟

[Arab!an]

طيب .. اشلون (عزيزي) معاك ياحمود .؟؟ :)

انا الصراحه (حبيبي) هذي ماقريتها من قبل ..! .. ممكن امثله يالربع ..؟


هلا حبيبي

شكرا فديتك ماتقصر

[سهم صعب]

انا اشوفها شي راجع لتربيه الاهل يعني كلمه متداوله في البيت
وكما اسلف احد الاعضاء هي على النيه
يعني اللي مايحبها لايقولها

[OTOsan]

هلا حبيبي

شكرا فديتك ماتقصر


تبي الصراحه ..

الجملة صج .. تخـّوف:rolleyes2:

انا قصدت امثلة سابقة .. لاني ماقريت شي من هالقبيل سابقا------> اشرايك بالقبيل ذي ..؟

[أسير الأحلام]

اولا العذر والسموحه على العنوان , ومع اني ما تعودت اكتب مواضيع من قبيل شفت وسمعت , الا ان ظاهره غريبه بدات تنتشر حتى انها وصلت الى صفحات المنتدى .
تسلم حبيبي , شكرا فديتك , عبارات نلاحظ يستخدمها البعض في مشاركاتهم ويكون كلا من المتحدث والمخاطب رجلا . والحقيقه استخدامها بين الرجال فيها نوع من ال...... ما ادري ايش اسميه ولكن في كل الاحوال تخلو من الذرابه .
وللامانه كما اسلفت هي ليست حكرا على المنتدى ولكن حتى في الحياه اليوميه بدات تتردد كثيرا سواءا في الاتصالات الهاتفيه او حتى المحادثات المباشره
تسلم اخوي , شكرا يالطيب , ما قصرت طال عمرك , هذي عبارات اعتدنا عليها وتفي بالغرض ولا تحتاج نزيدها نعومه

والا ايش رايكم


الصراحة انا معاك في كل ما تفضلت به اخوي العزيز .. كفاية علينا هالكلمات ( تسلم اخوي - تسلم الشيخ - شكرا يالطيب - ما قصرت طال عمرك )

[hemoud123]

وتحصل مرته عمرها ماسمعت منه هالكلمة
استغفر الله
الحمد الله اللى عافانا

:):)


انا ماني متقبل (حبيبي) اللي هابين فيها العالم

وفديتك من شماليها

والله انك صادق , ما تركب رجال يتفدى رجال ؟ احسها كلمه مايله ومب في مكانها

[Arab!an]

تبي الصراحه ..

الجملة صج .. تخـّوف:rolleyes2:

انا قصدت امثلة سابقة .. لاني ماقريت شي من هالقبيل سابقا------> اشرايك بالقبيل ذي ..؟





يا كثرها الامثلة السابقه


قبيل

خلاص قدك مثقف =)

[hemoud123]

انا ما احب اقول مثل هذي الكلمات ... ^_^ ما تطلع

لان الواحد ما تعود عليها وبالتاكيد وانا متاكد ان استخدامها شاذ ومشين في اعلب الثقافات


فعلاً أنا أحس هالكلام بين البنات عادي بس الرياييل نووو احسه غير مقبول

اتفق معاك 100%


يعني كل واحد ورده ماتقدر تقول له لاتقول هالكلمه
لان فيه ناس تتكلم على نياتها بس لا اكثر ولا اقل
تسلم ياقلبي على هالطرح المميز مع اني ما اشوف فيها عيب دامك عارف الشخص الي يكلمك
(وجهة نظر )
اتمنى ماتزعل من كلامي
تحيااااتي لك
qatari911

كلامك ما يزعل وهذا رايك واحترمه
لكن بعد ( تسلم ياقلبي ) اشوفها من شلتهم وغير مناسبه بين الرجال سواءا اعرفه والا ما اعرفه نفس الشيء
وتسلم على المرور العطر


انزين اعرف واحد دايما يقول (فديت خشمك) (فديتك انت ) وهو رجال متزوج ومنصب بعد ..

لكن هذي حياتهم يعني والدته تقولها او الاهل تربى عليها ..

وعندنا واحد هنا في المنتدى دايما يقول (حبيبي) هذا للرجل ما ادري المره ششيقول لها خخخخ

معليه تقبل الموضوع .. اذا احد قال لك (حبيبي) لا نخاف :)

يعني فديت خشمك يمكن اهون شوي , ( فديتك انت ) لا والله مو مقبوله كلشششششششش)
لا لا تخاف على اللي بيقولي حبيبي بحط له رابط الموضوع وبهديه العنوان :)

[سوق واقف]

أخاف أرد تزعلون مني :secret:

[كازانوفا]

صحيح بين الرجال احسها مش حلوه بالمره
بس بين الحريم عاديه جدا

[hemoud123]

انا اشوفها شي راجع لتربيه الاهل يعني كلمه متدواله في البيت
وكما اسلف احد الاعضاء هي على النيه
يعني اللي مايحبها لايقولها

يمكن معاك حق , والواحد ما راح يقولها لكن المشكله انه يسمعها او تنقال له وهذي مالها حل

[نمر بن عدوان]

اخوي اسمحلي ماعندك سالفه للاسف :

حب الرجل للرجل لايعني كحب الرجل للمره الغريبه كما ان حب الرجل للمرأه ليس كحبه لامه وحبه لابوه وابنه.

ايش رايك في من يقول لابوه انا احبك او يقول لولده انا احبك او الولد يقول لابوه انا احبك .

طيب اش رايك في الرجل يقول للرجل (احبك في الله) .

طيب اش رايك في قول رسول الله سبعه يضلهم الله بضله يوم لاضل الا ضله .. ومنهم ( رجلان تحابا في الله اجتمعا عليه وتفرقا عليه ).

اذا الحب بين الرجلين امر طبيعي والحب في الاساس معنى جميل واحساس ايماني ولكن لوثه البعض بتفسيرهم له تفسيرات اخرى .

[hemoud123]

طيب .. اشلون (عزيزي) معاك ياحمود .؟؟ :)

انا الصراحه (حبيبي) هذي ماقريتها من قبل ..! .. ممكن امثله يالربع ..؟

عزيزي ممكن تكون اهون شوي ومقبوله ,يمكن لاننا نسمعها تتردد كثيرا ,وانا عن نفسي احيانا اقولها
اما ( حبيبي ) خذ لفه على المواضيع وبتشوف امثله كثيره

[hemoud123]

اخوي اسمحلي ماعندك سالفه للاسف :

حب الرجل للرجل لايعني كحب الرجل للمره الغريبه كما ان حب الرجل للمرأه ليس كحبه لامه وحبه لابوه وابنه.

ايش رايك في من يقول لابوه انا احبك او يقول لولده انا احبك او الولد يقول لابوه انا احبك .

طيب اش رايك في الرجل يقول للرجل (احبك في الله) .

طيب اش رايك في قول رسول الله سبعه يضلهم الله بضله يوم لاضل الا ضله .. ومنهم ( رجلان تحابا في الله اجتمعا عليه وتفرقا عليه ).

اذا الحب بين الرجلين امر طبيعي والحب في الاساس معنى جميل واحساس ايماني ولكن لوثه البعض بتفسيرهم له تفسيرات اخرى .
الحقيقه يا اخي اذا انت تشوف ان ما عندي سالفه فهذا رايك ومحل تقدير
ولا ادري من جبت انت كلمة( انا احبك ) اللي بنيت عليها ردك ؟
شوف اخوي الامثله اللي انا سقتها وين وردك وين ؟
اما بالنسبه لسؤالك عن رايي في ان يقول الرجل للرجل ابو او اخو او صديقه او كائنا من كان ( احبك في الله ) ؟ اشوفها كلمه لطيفه ومقبوله ولا اتحسس من قولها او سماعها
لكن سؤالي لك اخي الفاضل
لو قدم لك الوالد العزيز او احد الاخوان او صديق خدمة مثلا , هل ترى ان كلمة (شكرا حبيبي , او تسلم عيوني ) مناسبه ؟

[قطرية7]

هههههههههههههههههههههههااااااااااي:)
والله جاتني الضحكة تسلم عالتنبيه:eek5: اكتب للشباب فقط:secret::omg:

[مالي ومال الناس]

فيه كلمات تنبلع ومتداولة مثل , شحالك نفداك , يفداك اللاش , (فديت خشمك) احياناً ومب كل مناسبة :) , اذا ناداه من يعز عليه رد (لبيه) , لبيت في منى .

هالكلمات اشوفها عادية وذربه

لكن بالأسلوب المكتوب تسلم حبيبي , تسلم عيوني , تسلم فديتك , احس انها ميوعه وما هي بذربه :)

وجهة نظر :nice:

[مطيع الله]

نفيديك بأرواحنا يا رسول الله
بأبي أنت وأمي يا رسول الله
نفديك بالمال والولد
روحي دون روحك ومالي دون مالك
نفسي دون نفسك
والله لا يصلون إليك وفي عرق ينبض

والله إني أحبك، أحبك الله الذي أحببتني فيه


تحابا في الله اجتمعا عليه وتفرقا عليه

أرصد الله على مدرجته ملكاً...


فديت النشاما

[Al- noor]

من وجهة نظرى ،، انها عاديه دامها بدون مشاعر شاذه .. تسلم يالحبيب (حبيبي )ماتقصر ، مشكور فديتك
بس برسميه بدون اشياء كذا وكذا............
اما اذا واحد له حركات "مربيه"عزك الله ف قوله حبك قرد وبالمرة صكه باقرب نعال خل يتادب ويصير رجال :shy: وبس سورى على العنف بس هذا اللي ينفع مع هالاشكال :nice: ،

[بوحارب]

مافيه احلى من


تسلم ,, لاهنت ,, بيض الله وجهك ,, الله يرحم والديك ,, الله يجزاك خير ... الخ

اما حبيبي وفديتك وقلبونتي ودبونتي وكتكوتي هذي خلها للكتاكيت خخخخخخخخ

يسلمو حمود على الطرح الحلو

[hemoud123]

فيه كلمات تنبلع ومتداولة مثل , شحالك نفداك , يفداك اللاش , (فديت خشمك) احياناً ومب كل مناسبة :) , اذا ناداه من يعز عليه رد (لبيه) , لبيت في منى .

هالكلمات اشوفها عادية وذربه

لكن بالأسلوب المكتوب تسلم حبيبي , تسلم عيوني , تسلم فديتك , احس انها ميوعه وما هي بذربه :)

وجهة نظر :nice:

وجهة نظر سليمه ومحل تقدير
وشكرا على المرور

[The End Qtr]

والله كلمة فديتك .. على حسب الشخص المتلقي

يعني لو رجال كبير ( شيبه ) عادي اقوله فديت خشمك .. وانا معكم ان استخدامها يقلل من الرجوله .. لكن كلمة حبيبي هذي لا تعليق

[نمر بن عدوان]

الحقيقه يا اخي اذا انت تشوف ان ما عندي سالفه فهذا رايك ومحل تقدير
ولا ادري من جبت انت كلمة( انا احبك ) اللي بنيت عليها ردك ؟
شوف اخوي الامثله اللي انا سقتها وين وردك وين ؟
اما بالنسبه لسؤالك عن رايي في ان يقول الرجل للرجل ابو او اخو او صديقه او كائنا من كان ( احبك في الله ) ؟ اشوفها كلمه لطيفه ومقبوله ولا اتحسس من قولها او سماعها
لكن سؤالي لك اخي الفاضل
لو قدم لك الوالد العزيز او احد الاخوان او صديق خدمة مثلا , هل ترى ان كلمة (شكرا حبيبي , او تسلم عيوني ) مناسبه ؟

اي والله مافيها شي الا بالعكس تزيد الالفه والموده بين الاصدقاء تسلم حبيبي كلمه طيبه ياخوي بس اهم شي التفسير ومن يقول الكلمه .

[مالي ومال الناس]

اي والله مافيها شي الا بالعكس تزيد الالفه والموده بين الاصدقاء تسلم حبيبي كلمه طيبه ياخوي بس اهم شي التفسير ومن يقول الكلمه .

يعني اذا في مجلس وبحضور رجال , بتقول للضيف شحالك حبيبي ؟ :)

بغض النظر عن تفسير الكلمة

[alrheeb2020]

حبيبي = حبيبي في الله ..

وين العيب اذا احسنه النيه ؟

[Darco]

الشيء بالشيء يذكر .. سلام الخد أنا شخصيّاً اشوفه غلط وماله أصل بين الرجال !!

وفديتك وغيره ماله داعي .. إذا استثنيت "فديت خشمك", وعادة ماتنقال إلا لعزيز ..

[qatari911]

الشيء بالشيء يذكر .. سلام الخد أنا شخصيّاً اشوفه غلط وماله أصل بين الرجال !!

وفديتك وغيره ماله داعي .. إذا استثنيت "فديت خشمك", وعادة ماتنقال إلا لعزيز ..

يعني افهم من كلامك انك اذا بتسلم على خوالك او عمامك وعيال عمامك وخوالك من بعيد:eek5: ؟!!!!
احنا المراة انسلم عليها من بعيد الا قرايبنا
وخوالي وعمامي خد وعيال عمامي وخوالي نفس الشي
وربعنا نفس الحاله
؟؟؟؟؟؟؟؟؟؟؟؟؟ّ!!!!

[hemoud123]

مافيه احلى من


تسلم ,, لاهنت ,, بيض الله وجهك ,, الله يرحم والديك ,, الله يجزاك خير ... الخ

اما حبيبي وفديتك وقلبونتي ودبونتي وكتكوتي هذي خلها للكتاكيت خخخخخخخخ

يسلمو حمود على الطرح الحلو

والله انك ضحكتني مع اني احاتي المباراه اليوم :)
لا واحيانا ( حبي , قلبووو) حياك الله

[hemoud123]

والله كلمة فديتك .. على حسب الشخص المتلقي

يعني لو رجال كبير ( شيبه ) عادي اقوله فديت خشمك .. وانا معكم ان استخدامها يقلل من الرجوله .. لكن كلمة حبيبي هذي لا تعليق

صح كلامك , كلمة فديت خشمك مقبوله نسمعها , لكن كلمة فديتك حاف ما لها داعي الصراحه

[hemoud123]

يعني اذا في مجلس وبحضور رجال , بتقول للضيف شحالك حبيبي ؟ :)

بغض النظر عن تفسير الكلمة

والله انك صادق يا رمز الوفا , بصرف النظر عن التفسير , الكلمه في حد ذاتها شاذه وغير مقبوله بين رجلين مهما كانت درجة القرابه او الصداقه

[نمر بن عدوان]

يعني اذا في مجلس وبحضور رجال , بتقول للضيف شحالك حبيبي ؟ :)

بغض النظر عن تفسير الكلمة


اقوله وشحالك حبيبي وعمري بعد اذا كان انسان عزيز علي :)

[لاجل QT]

انا قريت العنوان قلت هوشة داخل خلنى ادخل اشوف شسالفة

بالنسبة للموضوع اشوف مافيها شي ويعتمد على النية ..والدليل احنا الحريم نقولها مع بعض ..ليش الرجال مايقولونها دام النية صافية ؟؟؟عادي :nice:

[وحيد-الشوق]

اممممم حبيبي ممكن تنبلع ولو اني قبل كنت استغرب من تدوال الكلمة بين الشباب بس احس الموضوع صار عادي خخخ

بس في كلمة مو حلوة تنقال بين الشباب مثلا الكثير منهم يقولها مثل فديتك انت او حبيب قلبي اخبر كان معانا واحد في الدوام كانت دايم الكلمة على لسانه اي واحد يسلم عليه يقوله تسلملي حبيب قلبي هههههههههه

انا اتفق معاك قليلا لكن لاتنسى كل شيء يعتمد عالنية :)

وشكرا عالطرح

[hemoud123]

حبيبي = حبيبي في الله ..

وين العيب اذا احسنه النيه ؟

اذا احسن يكملها ويقول حبيبي في الله , وان شاء الله النوايا طيبهوتسلم يالرهيب

[مالي ومال الناس]

اقوله وشحالك حبيبي وعمري بعد اذا كان انسان عزيز علي :)

اذا كان عزيز عليك شي بينك وبينه بروحكم , مب كل المجلس يعرفون معزته عندك :)

وتقدر توضح له معزته بكلمات اوافعال اخرى مستحسنه اكثر :nice:

وجهة نظر احترمها ويامرحبا بك يا نمر بن عدوان , على فكره نمر بن عدوان مايقول فديتك ههههه :nice:

[بويعقوب]

اذا محد سمعكم ان شاء الله مافي مشكله


بس المصيبه اذا علني يمكن البعض يسيئ التفكير


مثل قصة البدوي والدكتور المصري :)

[hemoud123]

انا قريت العنوان قلت هوشة داخل خلنى ادخل اشوف شسالفة

بالنسبة للموضوع اشوف مافيها شي ويعتمد على النية ..والدليل احنا الحريم نقولها مع بعض ..ليش الرجال مايقولونها دام النية صافية ؟؟؟عادي :nice:

لا ان شاء الله ما فيه هواش
ان شاء الله النيه دايما صافيه لكن بعض الكلمات بين الرجال غير مرغوب فيها
وشكرا على المرور

[لاجل QT]

اذا محد سمعكم ان شاء الله مافي مشكله


بس المصيبه اذا علني يمكن البعض يسيئ التفكير


مثل قصة البدوي والدكتور المصري :)


ايش سالفة البدوي والدكتور المصري ...؟؟اشفيهم ؟؟

[بويعقوب]

ايش سالفة البدوي والدكتور المصري ...؟؟اشفيهم ؟؟

الدكتور أساء الفهم وبس :shy:

[لاجل QT]

الدكتور أساء الفهم وبس :shy:

مدري والله اول مرة اسمع عن هالسالفة ..بالاول فكرتك تقصد نكتة ..:shy:

[بويعقوب]

مدري والله اول مرة اسمع عن هالسالفة ..بالاول فكرتك تقصد نكتة ..:shy:

يمكن نكته لأنها تضحك

[لاجل QT]

يمكن نكته لأنها تضحك

خخخخ اهم شي الامور طيبة والنية صافية:)

[بويعقوب]

خخخخ اهم شي الامور طيبة والنية صافية:)

أهم شئ :nice:

ورجاءَ لاحد يقولي (( حبيبي ))

تراني ازعل :anger1:

[Darco]

يعني افهم من كلامك انك اذا بتسلم على خوالك او عمامك وعيال عمامك وخوالك من بعيد:eek5: ؟!!!!
احنا المراة انسلم عليها من بعيد الا قرايبنا
وخوالي وعمامي خد وعيال عمامي وخوالي نفس الشي
وربعنا نفس الحاله
؟؟؟؟؟؟؟؟؟؟؟؟؟ّ!!!!



عمي / خالي واللي في منزلتهم أحبه على راسه ولا خشمه. أنا أقصد السلام بين الأشخاص المفروض يكون خشم :).

[Q.N.B]

وإذا قلت تسلم جونم :nice:

فيها شي ياحمود :)

[barod]

مافيه احلى من


تسلم ,, لاهنت ,, بيض الله وجهك ,, الله يرحم والديك ,, الله يجزاك خير ... الخ

اما حبيبي وفديتك وقلبونتي ودبونتي وكتكوتي هذي خلها للكتاكيت خخخخخخخخ

يسلمو حمود على الطرح الحلو

انا مع بو حارب في كلامه تسلم وجزاك الله خير اشوفها تكفي

[alshaikh]

اولا العذر والسموحه على العنوان , ومع اني ما تعودت اكتب مواضيع من قبيل شفت وسمعت , الا ان ظاهره غريبه بدات تنتشر حتى انها وصلت الى صفحات المنتدى .
تسلم حبيبي , شكرا فديتك , عبارات نلاحظ يستخدمها البعض في مشاركاتهم ويكون كلا من المتحدث والمخاطب رجلا . والحقيقه استخدامها بين الرجال فيها نوع من ال...... ما ادري ايش اسميه ولكن في كل الاحوال تخلو من الذرابه .
وللامانه كما اسلفت هي ليست حكرا على المنتدى ولكن حتى في الحياه اليوميه بدات تتردد كثيرا سواءا في الاتصالات الهاتفيه او حتى المحادثات المباشره
تسلم اخوي , شكرا يالطيب , ما قصرت طال عمرك , هذي عبارات اعتدنا عليها وتفي بالغرض ولا تحتاج نزيدها نعومه

والا ايش رايكم

ولا عذر ولا سموحة وانت صادق في اللي قلته ، في بعض المشاركات هنيه في المنتدى مره شكرني واحد وهو أخو وعزيز وبينا معرفه خارج المنتدى وقال لي فديتك واغتظت وسويت له تلفون وقلت له اشلون تقول فديتك، قال آنا قلت قلته نعم ارجع شوف وبعدين قال والله ما اقصد قلتها هالشكل بدون ما ادقق على الكلام وقعد يتعذر لي ، اقول يمكن اللي يقولها أحيانا ما يقصد معناها ، والا ما فيه رجال يقول للثاني فديتك ، وتسلم على الموضوع.

[الحـ قطر ــب]

تسلم حبيبي على الموضوع الرائع وفديتك وفديت قلبك وخشمك وحتى سكسوكتك

ها جي زين

[hemoud123]

ولا عذر ولا سموحة وانت صادق في اللي قلته ، في بعض المشاركات هنيه في المنتدى مره شكرني واحد وهو أخو وعزيز وبينا معرفه خارج المنتدى وقال لي فديتك واغتظت وسويت له تلفون وقلت له اشلون تقول فديتك، قال آنا قلت قلته نعم ارجع شوف وبعدين قال والله ما اقصد قلتها هالشكل بدون ما ادقق على الكلام وقعد يتعذر لي ، اقول يمكن اللي يقولها أحيانا ما يقصد معناها ، والا ما فيه رجال يقول للثاني فديتك ، وتسلم على الموضوع.

صدقت . صعب يخاطب رجال رجال مثله بهالكلام
تسلم على المرور

[هدهد سليمان]

وين المشكله في كلمة فديتك ؟
اذا الشخص شاك بنفسه اعتقد هذا شي ثاني !!
وعندك بعد كلمة حبيبي حسب موضعها يا اخ حمود .. يعني مثلا ..
تعال هني يالطيب .. الثاني يرد يا شيخ روح يا حبيبي وهو معصب ؟ هنا حبيبي استهزاء .. اتوقع اعادة النظر في الكلمات حسب موضعها .. وتبقى وجهة نظر !

[هداف]

كلمة حبيبي بنقول شي جديد وماتعودنا نسمعها وتنقال بين الرجال !!

اما الفداء بين الرجال هذا قمة الاحترام والتقدير والمعزه والولاء ايضا كما في حالة
(( صاحب السمو امير البلاد المفدى )) عندك اعتراض على هذه العباره قدم شكوى للديوان !!

يعني المعنى واحد المفدى او فديتك او انا افداك او انا افدا خشمك
الخ هذه لغتنا ولهجة القبائل على وجه الخصوص وناس تنطقها فديتك ( الحضر ) ! وبالنسبه لنا نقول انا فداك او
انا افدا خشمك تقال عندما تلح بالعزيمه على شخص غالي او تتحفى شخص غالي جدا وتبين له قدره
الكبير عندك انك تفداه بروحك في الملمات . مثل مقولة يفداك حالي ومالي يالذيب اطلب عزك ؟


الاخ حمود راجع نفسك تراك ماتدري وين الله حاطك مرات !

[سوق واقف]

أخي العزيز حمود

ماذا تريد أن نقول لك أذا ؟

بدون زعل موضوعك لا يتناسب مع هذا الصرح

[hemoud123]

[QUOTE=هداف;5811632]كلمة حبيبي بنقول شي جديد وماتعودنا نسمعها وتنقال بين الرجال !!
QUOTE]
:secret::secret:

[hemoud123]

أخي العزيز حمود

ماذا تريد أن نقول لك أذا ؟

بدون زعل موضوعك لا يتناسب مع هذا الصرح

كلامك ما يزعل ورايك محل تقدير بس ياريت تشرح لي من اي ناحيه ما يتناسب واكون لك شاكر اخي الكريم

[الاستاندر]

فديتك حبيبي تسلم على الموضوع

[هدهد سليمان]

فديتك حبيبي تسلم على الموضوع
:eek5: :eek5:

[هداف]

[QUOTE=هداف;5811632]كلمة حبيبي بنقول شي جديد وماتعودنا نسمعها وتنقال بين الرجال !!
QUOTE]
:secret::secret:

حنا رجال الحـرب حنـا رعدهـا ,,,,,,,دون الوطن يا شيخ مابه معاذيـر


يا قايد القـوة أرجالـك وعدهـا,,,,,,,,,,,على مثل ذي يازبـون المناعيـر


أول جيوشـك بالجزيـرة مددهـا ,,,,,,,,وأكثر جيوشك في بلادك طوابيـر

شاعر الوطن فالح العجلان الهاجري




شفيك مستغرب ؟

اول مره تسمع كلمة الرجال كاجمع بدل الريايل او الرجاجيل او الرياجيل !!


فيك شكه انت !:rolleyes2:

[hemoud123]

وانت صاج يا هداف انا اول مره اسمع ان كلمة حبيبي تنقال بين الرجال
شكلك تهبد في الـ......
واضح ان الموضوع اجعك ولا ادري ويش السبب,

[هداف]

وانت صاج يا هداف انا اول مره اسمع ان كلمة حبيبي تنقال بين الرجال
شكلك تهبد في الـ......
واضح ان الموضوع اجعك ولا ادري ويش السبب,

نعم كلمة حبيبي ماتنقال بين الرجال

اما التفدي والفدا في تحفا الرجال الخ هذي ماتوفقت فيها وقمت اتعجن وتعصد في الــ ...

الله يصلحك

[فلتة زمانها]

هههههههههههههه اما ريال ويقول حبيبي قويه بس احنا البنات بين بعضنا عادي

[الحـ قطر ــب]

وإذا قلت تسلم جونم :nice:

فيها شي ياحمود :)

ازيزم يالغالي قربون دِلُوت :shy:

[قناص الخليج]

يمكن من زود الحب