منع الخمور في البحرين بقرار (خارجي) + سالفه

[الوجبه]

السلام عليكم

جاني الخبر على البلاك بيري من (المجلس نفسه) في البحرين .. بس قلت يمكن يمزح

الرجال .. المهم قال لي (اخوي الخمر منعوه عندنا ) الحين القرار صدر ..

قلت من عندكم ولا من زياره الملك عبدالله الاخيره :) قال لا والله من عندنا وهذا كان يتداول

في مجلسنا من قبل والحمدلله تم اقراره ..

ما اطول عليكم ..

قبل ما احط الخبر ..

هذي سالفه من اسبوعين حصلت في فندق الانتر في اللوبي بعد صلاه المغرب ..

كنت في اجتماع مصغر وسريع مع ضيف .. المهم كان اللوبي فيه اجانب وعرب ..

(قطري) للاسف جالس في زاويه ويتكلم بصوت عالي وما يخلى احد يمر جنبه الا (سبه)

طاح سب في الكل .. حتى المسئولين بقطر ما سلمو من شتمه .. المهم صوته كان عالي

ومسموع

من الكل .. وكان يشرب بكثره .. وهذا في لوبي ومكان عام .. والكل كان يتفرج على

هذا (القطري) ويضحك .. المهم وهو جالس يسب هذا ويشتم ذاك , سقط الكاس على

الارض وانكسر وتنثر الزجاج في اللوبي مع الخمر ..

هنا حصل التدخل من الامن في اللوبي .. تم استدعاء شخص اعتقد (لبناني) ضخم وجثه

وطوول .. وقف امام القطري (الهزيل) الضعيف من الشراب .. وقال له لو سمحت

لو سمحت اتفضل معاي ؟؟؟

قال له : انا تقول لي هذا الكلام من جيب ( .....) انا جالس هنا هذا من حلالي ..

قال له اتفضل لو سمحت واللبناني حاط يده خلفه ..

والقطري جالس يدزه .. وكل هذا في لوبي اشهر فندق و اعتقد 6 نجوم الفندق المفروض يكون

راقي وما نشوف هذي الامور غير هذا بعد المغرب .. يعني لو 12 بالليل ممكن ..

المهم ..

اخذ يدفع اللبناني واللبناني ما يتحرك من مكانه (فرق اجسام) اخر حاجه عطاه كم

من الشتايم والمسبات وشتم راعي الفندق وكم شخصيه قطريه وهو طالع ..

جات البنت اللي تخدم تقول ترى ما دفع الحساب .. راحوو له ركض برى ويسحبونه

ويدخلونه الفندق (ادفع) وين رايح .. وكل هذي القصه امام الاجانب والقطريين المتواجدين

في اللوبي ..

ويدخل الفندق مره ثانيه ويطلع مبلغ ويحذفه جدامهم جدام باب الفندق .. ويقول الخير واجد ..

ناديت هذا اللبناني : قلت له ليه ما مديت يدك عليه او مسكته وهو يضربك :

قال تعليمات عندي ما امد يدي ابدا ولا المسه .. ولا اسبب ضرر ل احد بالضرب ... فقط

مسك بسيط ..


السوال هنا ::

مش ممكن هذا يتسبب بحادث سياره وهو طالع سكران ويقتل له عايله ..

مش ممكن يدعم له طفل او احد ماشي ..

وليه ما فيه تنسيق بين الامن في الفنادق والشرطه في الخارج حتى ما يعرض الناس للخطر ..

وليه يتركون شخص عقله طاير في لوبي (عام) لاسمح الله ممكن يرتكب اي جريمه او

يضر احد ..

ممكن يطلع من الفندق ويدخل اي بيت من بيوت قطر ..

ممكن يكون مسلح بمسدس او اي سلاح في جيبه ويرتكب جريمه في المكان بدون وعي ..

....

هنا الخبر من البحرين :



وافق مجلس الشورى البحريني اليوم على مشروع قانون بتعديل مواد في قانون العقوبات تمنع على المسلمين استيراد الخمور وتعاطيها وهو تعديل كان موضع جدل لفترة طويلة منذ عام 2002.
وقد وافق مجلس الشورى على المشروع المقدم من مجلس النواب الذي يهيمن عليه الإسلاميون السنة والشيعة. ويقضي التعديل المقترح في قانون العقوبات الصادر عام 1976 بمنع تناول المسكرات للمسلمين وإباحتها لغير المسلمين.
وقد أعطى التعديل الذي صادق عليه المجلس، للوزير المختص صلاحية تحديد ألاماكن التي يسمح فيها بتناول الخمور لغير المسلمين.
وكان مجلس النواب البحريني قد صادق الشهر الماضي بضغط من النواب الإسلاميين السنة على تعديل لقانون العقوبات بإضافة مادة قانون تقضي بمنع استيراد الخمر وتداوله وتعاطيه تماما في البحرين.
وأحدثت مصادقة مجلس النواب على التعديل ردود فعل واسعة في البحرين خصوصا من غرفة التجارة والصناعة وجماعات ليبرالية حذرت من أن تمرير مثل هذا القانون ستكون له عواقب سلبية على الانفتاح الذي تتميز به البحرين كما أن من شأنه الأضرار بالاقتصاد البحريني.
ومن المقرر في حال إقرار هذا التعديل نهائيا من قبل مجلسي الشورى والنواب، أن يتم رفعه إلى ملك البحرين للمصادقة عليه.

...

لكن الاسباب الخفيه في القرار .. وهذا اللي اخفاه (فلان) من البحرين ان الملك

عبدالله خلال زيارته للبحرين اخبر الملك بضروره (منع) الخمور وغيرها عن (السياح)

يوم الخميس والجمعه لانها تسببت بمشاكل كثيره في المملكه وايضا ذهاب اموال

الموظفين والمشاكل الاسريه والجرائم ..

..

وسلامتكم

[الصريحه]

مبرووووووووك والفال لنا وعلى طول
انشاء الله تطهر البلاد من كل نجس
اما قصه القطري الله ييهديه ويستر عليه
وين اهله وين ربعه
وين المسؤولين عنه ووينك انت مادورت لاحد من هله
الله يهدي الجميع واللله ماادري وش الفايده من الخمر غير الناااااااااار والمسخره وذهاب العقل اكبر مصيبه
لانك تكون عندها حيوان متكلم
ولاحول ولاقوه الا بالله

[هند88]

انا بعد جاني الخبر وكان المصدر جريده بحرينه نسيت اسمها ... واستانست وايد

اما بخصوص المب صاحي اللي في لوبي الفندق
الصرحه لو ماسكينه مكفخينه شوي عشان يعرف ان الله حق جان تسنع ويروح يسكر في بيتهم :anger1:

[ام رويشد]

الحمدالله زين سوواااا

الفال عندنا هني تطهر بلادنا من هالسم

[ام خليفه79]

أخوووي قرار منع الخمور كانوا يناقشووونه ف الشورى قبل ما يجي الملك عبدالله


ومن زمان من خمس شهور او سته بعد

مال خص بزيارة الملك عبدالله يوم كان يزور البحرين بس عشااان ياخذ سيف أجداده من البحرين اللي كانوا مهدينه الشيوخ اللي قبلهم





والحمدلله أنهم منعوووووه



الله يعطيك العافيه ع الموضوع

[كازانوفا]

صباح الخيرررر عليهم

الحين انتبهو انها مضره

لما راحت ارواح وسجنت ارواح بالسجون من وراهاااا

يالله الفال للباقي

لعله خيرررررر

[Mishari]

الله يمسع منك أن شاء الله

[قطر دزاين]

لا اعتقد انه راح يمنع في البحرين فا البحرين اقتصادها الاغلب من سياحة وهذا كلام مجالس
فا انا اشوفه صعب اتخاذ قرار مثل هذا في بلد هذا الشي فيها من عقود

[ماريسا]

ليش سامحين للقطريين بالشرب ليـــــــــــــــــــــش

[دلة الرسلان]

لكن الاسباب الخفيه في القرار .. وهذا اللي اخفاه (فلان) من البحرين ان الملك

عبدالله خلال زيارته للبحرين اخبر الملك بضروره (منع) الخمور وغيرها عن (السياح)

يوم الخميس والجمعه لانها تسببت بمشاكل كثيره في المملكه وايضا ذهاب اموال

الموظفين والمشاكل الاسريه والجرائم ..

لو كان الكلام صحيح ما نقول الا بيض الله وجهك ياعبدالله بن عبدالعزيز ونتمنى يتم المنع

عندنا قريبااااااااا

[النائب]

نحمد الله سبحانه إنه من بالهداية على المسؤولين في الشقيقه البحرين . ونتمنى من الله عز وجل أن يهدي مسؤولينا في قطر ويهدي من بيده القرار لكي يصدر أوامره بمنع الخمور في هذه الدوله الآمنه .مع الإعتقاد بأن هذا المشروع راح يدخل فيه اشرار الخلق ولن يمرر ولن توافق عليه الحكومة .

[تحداني]

.
.
ما أعرف ايش علاقه الفقره التي تقع في الوسط
لوبي .. خمر .. قطري .. انكسر الكأس .. لبناني جثه .. امام الاجانب
ما دفع الحساب

.
.
ان الملك

عبدالله خلال زيارته للبحرين اخبر الملك بضروره (منع) الخمور وغيرها عن (السياح)

يوم الخميس والجمعه لانها تسببت بمشاكل كثيره في المملكه وايضا ذهاب اموال

الموظفين والمشاكل الاسريه والجرائم ..



بيض الله وجهه .. وكتبه في ميزان حسناته ان شاء الله
والمنع هنا سيخفف .. بل سيقلل الكثير من الجرائم الاخلاقيه والدينيه
بل ستتغير نظره الجميع لمملكه البحرين


.
.
الله يحفظ شبابنا يارب .. وينور طريقهم ..
ويشغلهم بالدين .. وصلاح المجتمع

[حمد بن خالد]

[size="5"]
هنا الخبر من البحرين :



وافق مجلس الشورى البحريني اليوم على مشروع قانون بتعديل مواد في قانون العقوبات تمنع على المسلمين استيراد الخمور وتعاطيها وهو تعديل كان موضع جدل لفترة طويلة منذ عام 2002.

وهذه أول فجوة في القانون الصادر

عادي اكتب العقد باسم واحد من العمال شالمشكلة ولاحد له اي حق عندي عقب

الله المستعان

:(

[ابوالعز]

كلامك اخوي بخصوص ان الملك عبدالله هو اللي طلب منع الخمور
غير صحيح لان الشورى كانت تناقشه من مده طويله
وانا كنت متابع الجرايد والمناقشات
اما بخصوص القطري
فالله يهديه ان شاء الله
واتمنى يسكرون هالباب من الحين
والله يوفق الحكومه لكل ماهو خير للبلد

[عتيج الصوف]

http://www.akhbar-alkhaleej.com/ShowArticle.aspx?X=7A5470547554715476547C6475547E6 477642870717C717YOLO7172717WIDE71212178787E7372737 C7373737373287A5470547554715476547C6475547E647764

[مطيع الله]

الأخ الوجبة
موضوع ممتاز ومتشعب ويمكن وصفه كما يقولون:سمك-لبن-تمرهندي

أرجو أن يكون لدى القيادة في البحرين الشقيقة القدرة على تنفيذ القانون لتصفية البحرين من الفساد والخراب

أما كلام الملك عبد الله لملك البحرين فأنا أظنه غير صحيح
والسعودية لن تتدخل أبداً بهذه الصورة في البحرين، أيضاً حسب تقديري...

[بوعمير]

ما نشوف هذي الامور غير بعد المغرب .. يعني لو 12 بالليل ممكن ..


..

وسلامتكم

من مبدأ إحسان الظن بالغير أعتقد أنك لم تعي ما كتبت اعلاه،فلا يوجد عاقل يبيح شرب الخمر بعد منتصف الليل.

[بن محمود]

بعض المواطنين يسافرون الى هناك بشكل اسبوعي
حيث يعربدون ويشربون ويسكرون ....وهذه الامور لم تعد ( مستورة ) كما يظن هؤلاء السكيرين الحمقى
الذين يتعمدون عدم الشرب و السكر هنا في قطر حتى لا يتعرضوا للفضائح
فيسافرون الى هناك ( حتى يكونوا بعيدين عن عيون مجتمعهم في قطر)

[WARNING]

ان الملك

عبدالله خلال زيارته للبحرين اخبر الملك بضروره (منع) الخمور وغيرها عن (السياح)

يوم الخميس والجمعه لانها تسببت بمشاكل كثيره في المملكه وايضا ذهاب اموال

الموظفين والمشاكل الاسريه والجرائم ..




الملك عبدالله ماوده يمر صوبنا شوي:playball:

[بوعلي 78]

يعطيك العافيه على الخبر

لكن القانون كان يناقش من بداية الدوره الانتخابيه الاخيره، وحول لمجلس الشورى من كم شهر ووافق عليه المجلس، ألحين القانون يحول للحكومه (الملك) وهو بيده ان يقرر بمنعه من عدمه،،، والله العالم اذا كان رايح يمنعه او لا،،،،

الله يهدي الجميع ان شاء الله ويطهرون بلاد المسلمين من هذي الآفه،،،

وبخصوص الاخ إلي قال ان يسوي العقد يإسم واحد اجنبي، غلطان ومافهم القانون،،، القانون يقول يمنع بيعه لغير المسلمين وراح يكون في اماكن معينه لبيعه (بعض الفنادق)،،،



تحياتي

[حمد بن خالد]

وافق مجلس الشورى البحريني اليوم على مشروع قانون بتعديل مواد في قانون العقوبات تمنع على المسلمين استيراد الخمور وتعاطيها وهو تعديل كان موضع جدل لفترة طويلة منذ عام 2002.




[size="5"]


وبخصوص الاخ إلي قال ان يسوي العقد يإسم واحد اجنبي، غلطان ومافهم القانون،،، القانون يقول يمنع بيعه لغير المسلمين وراح يكون في اماكن معينه لبيعه (بعض الفنادق)،،،



تحياتي

معاها كلمة استيراد .. يعني غير التداول في استيراد

وهذا كان قصدي من ردي الأولي ..

وعن التداول مافي أي مشكلة وعندك أكبر مثال .. السعودية

يعني في السعودية يبيعونه في المنطقة اللي ماعرف شسمها وكل واحد يطرش الدريول يروح يشتري له ويات العافيه

نفهم القانون الله يسلمك

القانون راح يكون صعب شوي على ناس

لكن سهل لناس واايد

ونتمنى التوفيق لأخوانا في البحرين

وننتظر التطبيق في قطر

:)

[عضو المنتدى]

قرار جيد وان شاء الله يمنعون الخمور نهائيا قريبا

شاهد على اليوتيوب حادث خشن (( حادث جسر الملك فهد )) بسبب واحد مخمور .

http://www.************/watch?

[بوعلي 78]

معاها كلمة استيراد .. يعني غير التداول في استيراد

وهذا كان قصدي من ردي الأولي ..

وعن التداول مافي أي مشكلة وعندك أكبر مثال .. السعودية

يعني في السعودية يبيعونه في المنطقة اللي ماعرف شسمها وكل واحد يطرش الدريول يروح يشتري له ويات العافيه

نفهم القانون الله يسلمك

القانون راح يكون صعب شوي على ناس

لكن سهل لناس واايد

ونتمنى التوفيق لأخوانا في البحرين

وننتظر التطبيق في قطر

:)




ماعليك الشيخ من إلي مكتوب في الموضوع هني عندي ملف القانون كامل واذا تبي طرش لي ايميلك وبطرشه لك لأن مع الاسف مااقدر احطه في المرفقات هني لأن حجمه كبير،،،

[حمد بن خالد]

ماعليك الشيخ من إلي مكتوب في الموضوع هني عندي ملف القانون كامل واذا تبي طرش لي ايميلك وبطرشه لك لأن مع الاسف مااقدر احطه في المرفقات هني لأن حجمه كبير،،،

ارحم الله والديك يا بوعلي

ودام عندك القانون كامل اكيد انت ادرى

والسموحة عالمداخلة اللي مش في محلها

ولك مني خالص التحية والاحترام

اخوك بوخالد

:)

[basma222]

مبرووووووووك والفال لنا

[ســـهم]

الوجبه

انت تبي اللبناني يضرب القطري ؟

[روح الاطلس]

لازم الملك عبدالله يسوي لنا زياره عشان يمنعونه :)

[abdulla999]

القرار واضح بس على المسلمين يعني مش ممنوع على الاجانب يعني مسموح في البلد

[qtr.wolf]

المسلم بيروح يضبط علاقته مع شخص غير مسلم و بيشتري باسم الغير مسلم

صبه حقنه لبن ماسوينا شي

الكفار يمنعوننا من الصلاه و الاذان و احنا نسمح لهم بشراب يعدولون المزاج

[بـــــــنت النوخـّــــذه]

صراحه المفروض البحرين تتخذ هذي الخطوه من زمان الله يهداهم سمعه بلادهم (0000) من هالبلاوي مع احترامي للشعب البحريني والله مايستاهلون هالوصاخه الي تصير بديرتهم وارتبطت ببلادهم بدوافع الحريه والسياحه 000شعب طيب ومسالم وله جذور وماضي عريق واستغلو هالطيبه بالمتع المحرمه00

اتمنى من السلطات البحرينيه وغيرهم من الدول يتلاحقون على سمعه بلادهم ويحدون من ظاهره الدخلاء بدوافع المتعه المحرمه 00000


وبعد الي ناقل القصه ونشرها شموديه هالفندق ؟؟؟<<<سؤال فضول:)

اعتقد العيب على كل من دخل هالمكان وجلس به طالما شايف ناس سكارى يتطوطحون الابرك يطلع من هذا المكان ولا يتناقل قصص مخزيه 00
والله يستر على الجميع ويهديهم

[OTOsan]

تذكرت دوار محطة بترول الجزيرة ،،

كانت اول مرة اشوف (سكران يترنح) .. ونا كنت بس اسمع عنه من قبل !!

[كلاسيك قطر]

امين ورب العالمين



مافي فايده والله



بالخش

[الثاقب]

ال سعود هم الي ثبتوا اركان الدين في العصر الحديث وشيدوا اركانه وهم حماة الدين يوم كل ضيع دليله
وما هي قريبه لي جات من الملك عبدالله
اما باقي الدول الخليجيه بروه بروه بياه بياه هههههههههههههههههههههههههههه

[بوحسن22474]

السلام عليكم ورحمة الله وبركاته,,,
الاسبوع اللي طاف كنت ف البحرين وكلامك صح سالت واحد من الجماعه واكد لي الخبر لكن المشكله هي انك مجرد ماتلبس جنز وتدخل يدخلونك عادي وفي بعض الاماكن اللي ممنوع يدخلها احد الابتصريح تلقى في ناس برع موظفين من نفس المحل تدفع لهم فلوس زياده ويجيبونلك اللي تبيه يعني محد استفاد شي ,,,,
هذا والله اعلم ,,,,

[تحداني]

.
.

هذا الموضوع مليئ بالمعلومات الجدا ثمينه .. وبالخطوات الدقيقه
وبأمكان جدا مثيره .. ينفع أن يكون صفحه إعلانيه

.
.

أعتقد ان العد التنازلي له أفضل حل

[بوحارب]

بالنسبة للاخ المخمور نسأل الله له الهداية ولا تعليق اكثر

ومبروك للبحرين منع ام الخبائث وعقبال بلدنا الغالي :)

[بوعلي 78]

ارحم الله والديك يا بوعلي

ودام عندك القانون كامل اكيد انت ادرى

والسموحة عالمداخلة اللي مش في محلها

ولك مني خالص التحية والاحترام

اخوك بوخالد

:)



عزيز وغالي ياالشيخ
وانا ماكان قصدي ان اطلعك غلطان، كل القصد ان اوضح الصوره ياالغالي

[هدهد سليمان]

ان شاء الله نقلدهم :)

[هدهد سليمان]

الوجبه

انت تبي اللبناني يضرب القطري ؟

يا سهم هديت السالفه كلها .. والشخص اللي يمثل بكل تأكيد نفسه لكن للأسف بيقولون قطري .. ووقفت عند نقطة يطق القطري !!

[لطآم]

بدري يالبحرين
صراحه أنزل راسي لما
أقول البحرين دوله (خليجيه) مسلمه
الله يستر على اخوانا وربعنا من هالأمور
في برنامج أسمه ملفات محظوره يطلع
على قناة الرأي الكويتيه اتمنـى الكل يشوفه
موجود في اليوتيوب حلقه من حلقاته أسمها
حياة الليل أتمنـى الكل يشوفها ويشوف الدولتين
اللي مسببه هالمصايب فالخليج ؟

[لاجل QT]

خبر حلو..عقبالنا
الخمر ام الخبائث

[Mishari]

ال سعود هم الي ثبتوا اركان الدين في العصر الحديث وشيدوا اركانه وهم حماة الدين يوم كل ضيع دليله
وما هي قريبه لي جات من الملك عبدالله
اما باقي الدول الخليجيه بروه بروه بياه بياه هههههههههههههههههههههههههههه

اشوفهم عزو شعبهم من الفقر ولا يسرو لهم الوظايف ولا اراضي ولا بيووت والخ.........

أقول أركد بس اغنى دوله بالعالم والفقر منشر بشوارع بمجيع المدن وأكثر الشعب بدون بيووت 35% يملكوون منازل والباقي لهم الله المعلومه من اذاعه سعوديه العربيه

[المها قطر]

يارب يمنعون ( ام الخبائث) الخمور من قطر نهائيا
مايدرون ان الخمور دمرت عائلات وسببت حوادث..وشباب راحوا عن اهلهم وبلدهم خسرتهم من الخمور لابارك الله فيها...وليش الطلاق زاد في قطر الا من الشرب يجي يخطب البنت مسكينة ماتدري انة محضر لها مفاجاة غير سارة بعد الزواج لان تكتشف فيما بعد انة ...
كثير من الشباب لا احد يعلم عن ماضيهم شي الا بعد فوات الاوان
اللهم اهدي شباب المسلمين وردهم اليك ردا جميلا
اتمنى من السلطات العليا منع الخمور يارب انك على كل شيء قدير

[الأصيلة]

معقول شرب خمر في اللوبي ما اتصور
اللي اعرفه ان فيه بارات في الفنادق مخصصه للشرب
وليس لها صلة باللوبي
مثل فندق شرق فيه مكان مخصص وممنوع الدخول بالثوب والغترة...
المفروض رفع شكوى على إدارة الفندق بان تقدم مشروبات للناس في اللوبي وعلى مرأى من الجميع...
الله لا يبلانا في عيالنا ..ويكفي أهل قطر شر المسكرات ويطهرها منه

[بوعلي 78]

بدري يالبحرين
صراحه أنزل راسي لما
أقول البحرين دوله (خليجيه) مسلمه
الله يستر على اخوانا وربعنا من هالأمور
في برنامج أسمه ملفات محظوره يطلع
على قناة الرأي الكويتيه اتمنـى الكل يشوفه
موجود في اليوتيوب حلقه من حلقاته أسمها
حياة الليل أتمنـى الكل يشوفها ويشوف الدولتين
اللي مسببه هالمصايب فالخليج ؟


تنزل راسك لما يقولون البحرين دولة خليجيه؟؟؟!!!!!!!!!!

في كل بلد في بلاوي وكل بلد فيها مايخجل،،،

اتمنى مره ثانيه تفكر في إلي تبي تقوله قبل لا تكتبه،،،

[العقل الحر]

البحرين والسعودية وقطر اشقاء مهما حصل ولي الفخر بهم

[غزلان]

تصرف مؤسف من قطري ديانته الأسلام :)

اما البحرين فيستاهلون النجاه من كارثة شرب الخمر

يسلموا اخوي

[فرانسـ كوفي]

البحرين تحظر الخمور على المسلمين وتجيزها لغيرهم

عدّل مجلس الشورى البحريني قانون منع تداول وشرب الخمور "بصورة كاملة"، ليصبح منعه مقصوراً على المسلمين فقط، ومسموحاً لغيرهم في أماكن خاصة يحددها الوزير المعني.

وخلال جلسة التصويت على مشروع قانون تعديل بعض أحكام قانون العقوبات، دعا رئيس مجلس الشورى علي الصالح الأعضاء إلى "عدم التوسع في الإفتاء".

بينما لفت النائب الأول لرئيس مجلس الشورى جمال فخرو إلى أن "من يقرأ تقارير لجان مجلس النواب المرافقة للمشروع بقانون ومن يستمع إلى مداخلاتهم يجد أن الزملاء مارسوا الإفتاء ولم يمارسوا التشريع"، مشيراً إلى ان "تفكيرهم قد انصب على النظر في هذه المسألة من الناحية الدينية دون الناحية المدنية، ونسوا أو ربما تناسوا أن البحرين دولة مدنية يحكمها وينظمها دستور ومجموعة من القوانين والتشريعات، كما تحتضن كل الديانات، إلى جانب الدين الإسلامي الذي هو دين الدولة وهو أحد مصادر التشريع".

واحدثت مصادقة مجلس النواب على التعديل ردود فعل واسعة، خصوصا من غرفة التجارة والصناعة وجماعات ليبرالية حذرت من ان تمرير مثل هذا القانون ستكون له عواقب سلبية على الانفتاح الذي تتميز به البحرين كما ان من شأنه الاضرار بالاقتصاد البحريني.

فانتقد عضو مجلس الشورى خالد المؤيد "تدخل رجال الدين في الاقتصاد والسياسة، بينما تمر البحرين بمرحلة مهمة تحتاج فيها إلى الاستثمار الأجنبي، ولدينا اتفاقيات تجارة حرة والعولمة".

في المقابل، احتج رئيس لجنة الشؤون التشريعية والقانونية محمد هادي الحلواجي على ما أسماه "توريط وزير مسلم في تخصيص أماكن لشرب الخمور"، مشيراً إلى أن "المجلس الأعلى للشؤون الإسلامية أشار في رأيه إلى الأماكن الخاصة وليست المخصصة، والمعروف أن الأماكن الخاصة هي بيوتهم أو غيرها، فالنص الموجود لا يتوافق مع رأي المجلس الأعلى".

كما انتقد عضو كتلة الأصالة الإسلامية عبدالحليم مراد موقف مجلس الشورى من المشروع بقانون بشأن منع الخمور، معتبراً ان "الانفتاح الذي نراه هو انفتاح على أبواب جهنم" وفق تعبيره".

ويقضي التعديل، الذي كان موضع جدل لفترة طويلة منذ عام 2002، بمنع تناول المسكرات للمسلمين وإباحتها لغير المسلمين، فيما أعطى التعديل للوزير المختص صلاحية تحديد الأماكن، التي يسمح فيها بتناول الخمور لغير المسلمين. وبحسب مشروع القانون، فإن المادة 307 تعاقب من يخالف هذا المنع "بالحبس والغرامة التي لا تتجاوز 500 دينار أو إحدى هاتين العقوبتين. ويعاقب بالعقوبة ذاتها مستغل المحل العام الذي وقعت فيه الجريمة أو مديره المسؤول إذا ثبت علمه بالجريمة، وتضاعف العقوبة في حال العود في أي من الحالتين السابقتين".

ومن المقرر، في حال اقرار هذا التعديل نهائيا من قبل مجلسي الشورى والنواب، ان يتم رفعه الى ملك البحرين للمصادقة عليه.

[اسعاف]

لازم نمر بتجربة البحرين يعني !!!

وتزهق الأرواح وتذهب الأموال

،وتضيع الأخلاق

حتى نمنع الخمر

[مرتبش]

معقول شرب خمر في اللوبي ما اتصور
اللي اعرفه ان فيه بارات في الفنادق مخصصه للشرب
وليس لها صلة باللوبي
مثل فندق شرق فيه مكان مخصص وممنوع الدخول بالثوب والغترة...
المفروض رفع شكوى على إدارة الفندق بان تقدم مشروبات للناس في اللوبي وعلى مرأى من الجميع...
الله لا يبلانا في عيالنا ..ويكفي أهل قطر شر المسكرات ويطهرها منه

لا
الشرب في فندق شرق مسموح في اللوبي ..مرة كنت قاعد في اللوبي قلت خل اشوف المنيو ..لاعت جبدي وقمت من الطاولة..انواع واشكال من الخمر

وعن المنع في البحرين..خير وبركة سواء داخلي اجنبي خارجي المهم المنع يحصل والله يجازي بالخير كل من له يد في هالشي

[ســـهم]

يا سهم هديت السالفه كلها .. والشخص اللي يمثل بكل تأكيد نفسه لكن للأسف بيقولون قطري .. ووقفت عند نقطة يطق القطري !!

ليش عسى ماشر ان شاء الله ماضايقك تساؤلي

شرب الخمر امر مفروغ منه ومعروفه حرمته منه سواء في لوبي او كهف

ولكن انني اشجع شخص على ضرب ابن بلدي لا والله ما ارضاها ابد

بل على العكس سأتدخل لتهدئة الأمور ونصحه .

[بـــــــنت النوخـّــــذه]

ليش عسى ماشر ان شاء الله ماضايقك تساؤلي

شرب الخمر امر مفروغ منه ومعروفه حرمته منه سواء في لوبي او كهف

ولكن انني اشجع شخص على ضرب ابن بلدي لا والله ما ارضاها ابد

بل على العكس سأتدخل لتهدئة الأمور ونصحه .

اهو المفروض مانشجع احد على ضرب احد مهب على ولد بلادي 000 فقط

لكن للاسف عاد ولد البلاد شمسوي طالع من جامعه وضاربينه ولا طالع من المسجد وتهجمو عليه ؟؟؟

عموما" الي على شاكلته المفروض يسلمونه للسفاره القطريه والسفاره تتخذ الاجراءات من قبل الموجودين بقطر عشان يكون عبره 000شهالناس الي ماتشرف استغفر الله العظيم الله لايبلانا

[غزلان]

اهو المفروض مانشجع احد على ضرب احد مهب على ولد بلادي 000 فقط

لكن للاسف عاد ولد البلاد شمسوي طالع من جامعه وضاربينه ولا طالع من المسجد وتهجمو عليه ؟؟؟

عموما" الي على شاكلته المفروض يسلمونه للسفاره القطريه والسفاره تتخذ الاجراءات من قبل الموجودين بقطر عشان يكون عبره 000شهالناس الي ماتشرف استغفر الله العظيم الله لايبلانا


اختي أي سفاره الفندق بقطر:)

[بـــــــنت النوخـّــــذه]

اختي أي سفاره الفندق بقطر:)

يتكلمون عن الفندق الي بالبحرين والقطري الي شارب خمر00000000000:)

[هاب الريح]

سجل يالوجبه الوقت 9.5 مساءآ وتاريخ اليوم 4/5/2010 اذا البحرين منعت هذا الكلام


وسجلها علي .......


وبعدين الخمر عندنا في كل الفنادق من 4 نجوم ..... و 5 نجوم و 6 نجوم و في اللوبي ...... في


المطاعم....... وفي الغرف .......


في البار ........ في المراقص .......حتى عند ......... swimming pool


وبعدين ياأخي واحد ماعطها وشو تنطر منه زين ما خرب كليكم ....... meetingكم

نسأل الله العافيه


وتقبل مروري بصدر رحب

[لـبـيـه]

اهو المفروض مانشجع احد على ضرب احد مهب على ولد بلادي 000 فقط

لكن للاسف عاد ولد البلاد شمسوي طالع من جامعه وضاربينه ولا طالع من المسجد وتهجمو عليه ؟؟؟

عموما" الي على شاكلته المفروض يسلمونه للسفاره القطريه والسفاره تتخذ الاجراءات من قبل الموجودين بقطر عشان يكون عبره 000شهالناس الي ماتشرف استغفر الله العظيم الله لايبلانا

صح بوئج:victory:

[(الفيصل)]

قانوناً
من حق الشرطة ضبط هذا (القطري) طالما أثار الشغب والأزعاج بالفندق لاسيما وهو سكران ولكن يتطلب ذلك شكوى
كما لهم بالطبع -ودون شكوى- ضبطه وهو خارج الفندق وتقديمة للمحاكمة بتهمة شرب الخمر وهو مسلم الديانه سواء قاد سيارته أو لم يقودها أو ثار شغب أو لم يثير شغب أوازعاج
ولايؤثر ذلك (بالتراخيص الممنوحة للفنادق) أسأل الله الغائها في أقرب فرصة

وقد تم تقديم أعداد (هائلة) من المخمورين للمحكمات الجنائية من القطريين وغير القطريين

نسأل الله الهدايه والستر للجميع

[غزلان]

يتكلمون عن الفندق الي بالبحرين والقطري الي شارب خمر00000000000:)


اعذريني اول مره اعرف ان فندق الأنتر بالبحرين

احسب الأنتر الى بقطر من خلال كلام الوجبه :shy:

من اسبوعين حصلت في فندق الانتر في اللوبي بعد صلاه المغرب ..

كنت في اجتماع مصغر وسريع مع ضيف ..

[(الفيصل)]

يتكلمون عن الفندق الي بالبحرين والقطري الي شارب خمر00000000000:)



اعذريني اول مره اعرف ان فندق الأنتر بالبحرين

احسب الأنتر الى بقطر من خلال كلام الوجبه :shy:

من اسبوعين حصلت في فندق الانتر في اللوبي بعد صلاه المغرب ..

كنت في اجتماع مصغر وسريع مع ضيف ..


[size="5"]
ممكن يطلع من الفندق ويدخل اي بيت من بيوت قطر ..


الاقتباس اعلاه يزيل اللبس
عموماً لايؤثر أن كان بقطر أو بالبحرين
فكلتا الدولتين تقدم وتسمح بالخمور ولاحول ولاقوة الا بالله

اللهم أننا نشكو إليك ضعف قوتنا وقلة حيلتنا ، فااللهم اغثنا اغثنا أغثنا ، وأن أردت بعبادك فتنة فاقبضنا إليك غير خزايا ولامفتونين .

[فرانسـ كوفي]

اعذريني اول مره اعرف ان فندق الأنتر بالبحرين

احسب الأنتر الى بقطر من خلال كلام الوجبه :shy:

من اسبوعين حصلت في فندق الانتر في اللوبي بعد صلاه المغرب ..

كنت في اجتماع مصغر وسريع مع ضيف ..

الوجبه يقصد الانتر اللي هنيه في قطر :)

و بنت النوخذه ابحرت على المركب صوب البحرين شكلها مشتهيه الحلوى البحرينيه :nice:

[بـــــــنت النوخـّــــذه]

الوجبه يقصد الانتر اللي هنيه في قطر :)

و بنت النوخذه ابحرت على المركب صوب البحرين شكلها مشتهيه الحلوى البحرينيه :nice:

اههههههههه عيل اشله دخلتو قانون المنع في البحرين ؟؟؟؟؟؟؟

كان حطو قانون قطري عشان القصه تضبط مع القانون اكثر ^____^ لازم يعني انروح بعيد والطامه بديرتنا

وعموما الخمر موجود بكل ديره وهذا التصرف المخزي للاسف وارد بكل مكان يسمح فيه بالخمر وعن الحلوى صراحه احبها حاره لي ابردت امصخت 00

شكلكم متأثرين بقانون المرور للمخالفات 000<< رادار الاعضاء
00

[فرانسـ كوفي]

الحلوى صراحه احبها حاره لي ابردت امصخت 0000

صدقتي وهي حاره لذيذه

عاد وانتي راده من البحرين وماكله من الحلوى ويايبه ملف القضيه وياج حق القطري المخمور من البحرين ييبي وياج جم هامور من البحرين نتغدا باكر عليهم :)

[بـــــــنت النوخـّــــذه]

صدقتي وهي حاره لذيذه

عاد وانتي راده من البحرين وماكله من الحلوى ويايبه ملف القضيه وياج حق القطري المخمور من البحرين ييبي وياج جم هامور من البحرين نتغدا باكر عليهم :)

صراحه مايشرفني ملف القضيه ^_____^ وتراني في قطر بس وديتني البحرين على كيفك 000
واذا بنفتح ملفات بنطلع بلاوي اهناك

اقول بلا خروج عن الموضوع المناقش خل الحلوى لاهلها 000000:)

[منعنش للابد]

الله يعطيك العافيه ع الموضوع

[فرانسـ كوفي]

اقول بلا خروج عن الموضوع المناقش خل الحلوى لاهلها 000000:)

ان شاءالله اوامر ثانيه طال عمرج

[بـــــــنت النوخـّــــذه]

ان شاءالله اوامر ثانيه طال عمرج

لا ابد 0000000 احسنت التصرف احييك ورجاء لحد يسجل مخالفات وايد بالردود طالما الفكره تدور حول محور واحد واقدم اعتذاري اذا فهمت مكان حدوث الجريمه غلط مع ان المكان مايهم الاهم الفعل المحرم :)

[عين قطر]

انا بعد جاني الخبر وكان المصدر جريده بحرينه نسيت اسمها ... واستانست وايد

اما بخصوص المب صاحي اللي في لوبي الفندق
الصرحه لو ماسكينه مكفخينه شوي عشان يعرف ان الله حق جان تسنع ويروح يسكر في بيتهم :anger1:

===============
انا ما اؤويد الضرب ولكن يجب ان يمنع الخمر بتاتا للكل بلا استثناء
اختي هند ....
ما هقيتها منج على هالتوقيع
اولا. ما يصح ان نعلم اطفالنا على هالعنف
ثانيا.الغرافه والريان اكثر من اخوان واهل ومحبتهم حق بعض ينضرب فيها الوصف والمثل.
ثالثا. الصوره تعلم الكراهية بين الاطفال وكانهم في حرب
فارجوا تعديل التوقيع

[السياسي القطري]

القرار واضح بس على المسلمين يعني مش ممنوع على الاجانب يعني مسموح في البلد

ولماذا لا يمنع ايضاً على الأجانب ؟

لا يجوز بيع الخمور على الأجانب ، وذلك حسب الشريعة الإسلامية ، ومن يفعل ذلك ملعون كما هو معروف للجميع ،

كفانا ضعفاً في الشخصية ،

من أراد أن يزور أو يعمل في بلادنا ، يجب عليه أن يتقيد بأنظمة وقوانين البلاد ، وذلك ليسَ حداً من الحرية الشخصية ، بل هو منعاً ربانياً لا جدال حوله ،

بل من الممكن إعتباره منعاً طبياً لغير المسلمين ، مثلَ منعهم من تعاطي المخدرات ،


الحد من الحرية الشخصية ، هو ما تقومُ به أوروبا من منع الحجاب والنقاب وتعدد الزوجات في بلادهم بأسم القانون ، والتي الكثير من بنوده مستمد من ديانتيهم المسيحية واليهودية ،


والسؤال المطروح الآن هو :- هل ستتحول الدوحةِ إلى عاصمة الخمور في الخليج بعد منعهِ من البحرين ؟


ورحمَ الله الشيخ / جاسم بن محمد مؤسس دولة قطر عندما قال :-

وجونا خبيثين العمل والفعالي . . . . اليِّ عن أحكام الشريعة يحيدون

. . . . . الذكران مرد العيالي . . . . وهم للفواحش والخمر يستحلون

وسبحان الله أصبح في قطر الآن ، من إنتشار الفواحش والخمور ، ما عابَ به الشيخ / جاسم الآخرين ، ومخالف لما نَصح به في قوله :-

فإلي عرضت الدنيا علينا وديننا . . . . تركنا الدَّنِيَّة لإتباع إرضاه


خالص تحياتي .

[صوت الضمير]

تذكرت دوار محطة بترول الجزيرة ،،

كانت اول مرة اشوف (سكران يترنح) .. ونا كنت بس اسمع عنه من قبل !!

:) انا اول مره أشوف سكارى
في شاليهات الغارية
قعدت أبكي من الخوف:(

الله المستعان

[بنت^البحرين1]

بدري يالبحرين
صراحه أنزل راسي لما
أقول البحرين دوله (خليجيه) مسلمه
الله يستر على اخوانا وربعنا من هالأمور
في برنامج أسمه ملفات محظوره يطلع
على قناة الرأي الكويتيه اتمنـى الكل يشوفه
موجود في اليوتيوب حلقه من حلقاته أسمها
حياة الليل أتمنـى الكل يشوفها ويشوف الدولتين
اللي مسببه هالمصايب فالخليج ؟



عسى ماشر الشيخ ؟؟ تنزل راسك ليش؟؟ انتوا شتفرقون عنا ؟؟ ليكون بلادكم ضاربها الطوع واحنا المنحلين اللي مانعرف من الاسلام شي ؟؟الخمر اللي عندنا عندكم .. الدمار اللي عندنا عندكم .. اللعبة فالمجمعات اللي عندنا عندكم .. انت الظاهر تيي تتنطط في المواضيع وتروح .. لاهنت خذ لك لفة على المواضيع اللي تنزل كل يوم وشوف شالحاصل في بلادك بعدين تعال قول تنزل راسك وماعرف شتخربط فيه

وبدري ومابدري .. بقولك لاتكلف على نفسك .. البحرين ماتبيك أصلا تقول عنها شي .. ومن أنت عشان تنزل راسك والا ترفعه لين انذكرت البحرين ؟؟

انا والله استغرب مثل هالردود .. ماعرف طريقة التفكير اللي يفكرون فيها الناس اللي مثلك




بالنسبة للموضوع .. اعتقد انه مجرد كلام واتمنى انه يطبق .. عشان ننستر وتخف هالمشاكل .. بوعلي تذكر الخليجي من جيرانا اللي كان جاي سكران ودعم عايلة وماتت اب لعايلة أعتقد او الام والاب ؟؟ شسووا له ؟؟ كم شهر ودفع كفالة وماكمل فترة السجن ورجع يعيش حياته الطبيعية في بلاده ولاكنه صار ولا استوى.. بينما العايلة اهني تيتموا العيال وتبهدلون.. لكن لاحياة لمن تنادي.. أعتقد المتابع لجرايد البحرين اسبوعيا ان ماكان كل كم يوم حوادث والفاعل فيها سكران ..

أنا أمنيتي اول مايبدون بشارع المعارض.. صرت اخاف وانا رايحة الجامعة من منظر شفته من فترة وانا راكبة سيارتي اشوف واحد يتطوطح ويهذي بروحه، اخرتها واحد سكران !!


اتمنى ان هالقرار مايكون مثل القرارات السابقة مجرد كلام على ورق ومناقشات دون تطبيق ولاتنفيذ نفس كل مرة .. والله تعبنا واحنا نحاول نثبت للكل ان البحرين نظيفة بأهلها وشعبها.. لكن هاللي قاعد يصير هو اللي مخرب علينا وعافس بلادنا ..

اللهم اجعل البحرين بلدا امنا واحفظها من كل سوء وشر يارب العالمين

[alqtri]

مكبرين السالفه على شنو علشان خمر ؟؟؟

اول شي القطري اللي في الفندق سكران ولا يدري هو شنو يقول وشنو يسووي هذا اول شي

واللي يقول قطري وقدام الاجازب مسحبينه ويدفع فلوس ومادري شنو يعني الاجانب هامهم هالشي عندهم اللي العن منه بمليون مره

وكل كلمه قالها القطري مايتحاسب عليها لانه سكران خارج عن وعيه

والاهم من هذا كله يعني ان تم منع الخمر من قطر او من اي دوله خلاص بيوقفون العالم من الشرب وبالذات القطريين يعني ؟؟

قبل لين نروح البر او بحر نادر مانلاقي قرشة خمر طايحه بس الحين نلاقي كراتين منثره وفيها علب فاضيه وقراش

السالفه مب في منع الخمر او شي السالفه ان المسلم يمنع نفسه عن الخمر والا كل شي موجود

الخمر والزنا وكل شي محرم موجود وفي كل البلدان لكن من اللي متربي تربية الدين الاسلامي ويمنع نفسه من هالاشياء المميته

يعني تتكلمون عن خمر وقطري شارب خمر كنه الا اول قطري يسويها نسينا البلاوي اللي صارة قبل في البحرين والسبب قطريين

كل هذا يرجع للتربيه والله وثم والله لو الشخص متربي من صغره على الرجوله والدين الاسلامي وعادات وتقاليد

لو تخليه محبوس داخل بااار مافيه الا خمر مايشرب الخمر الا لين يموت مكانه وقلبه متعلق بالايمان

والله يهدي الجميع ان شاء الله ويصلحهم

[السياسي القطري]

مكبرين السالفه على شنو علشان خمر ؟؟؟

اول شي القطري اللي في الفندق سكران ولا يدري هو شنو يقول وشنو يسووي هذا اول شي

واللي يقول قطري وقدام الاجازب مسحبينه ويدفع فلوس ومادري شنو يعني الاجانب هامهم هالشي عندهم اللي العن منه بمليون مره

وكل كلمه قالها القطري مايتحاسب عليها لانه سكران خارج عن وعيه

والاهم من هذا كله يعني ان تم منع الخمر من قطر او من اي دوله خلاص بيوقفون العالم من الشرب وبالذات القطريين يعني ؟؟

قبل لين نروح البر او بحر نادر مانلاقي قرشة خمر طايحه بس الحين نلاقي كراتين منثره وفيها علب فاضيه وقراش

السالفه مب في منع الخمر او شي السالفه ان المسلم يمنع نفسه عن الخمر والا كل شي موجود

الخمر والزنا وكل شي محرم موجود وفي كل البلدان لكن من اللي متربي تربية الدين الاسلامي ويمنع نفسه من هالاشياء المميته

يعني تتكلمون عن خمر وقطري شارب خمر كنه الا اول قطري يسويها نسينا البلاوي اللي صارة قبل في البحرين والسبب قطريين

كل هذا يرجع للتربيه والله وثم والله لو الشخص متربي من صغره على الرجوله والدين الاسلامي وعادات وتقاليد

لو تخليه محبوس داخل بااار مافيه الا خمر مايشرب الخمر الا لين يموت مكانه وقلبه متعلق بالايمان

والله يهدي الجميع ان شاء الله ويصلحهم


أخي الكريم

قياساً على وجهة نظرك ، لماذا لا نسمح ببيع المخدرات أيضاً ، والذي متربي على الدين والأخلاق لن يتناولها ،

أينّ قال الله سبحانه وتعالى ؟

وأينَ قال الرسول صلى الله عليه وسلم ؟

لا يجوز شرعاً بيع الخمور في الإسلام ، وملعونٍ من يفعل ذلك ،

فهل تريد أن نكونَ مَلعونيينَ في دولة قطر ؟

خالص تحياتي .

[لطآم]

والله مالي خلق أقتبس ردود الأخوان اللي ردو علي بس يعرفون نفسهم
أي نعم انا انزل راسي لما أقول البحرين دوله مسلمه مو خليجيه بعـد
تدريون ليش لاني ماشفت بقطر والسعوديه والكويت نفس اللي أشوفه
فالبحرين مراقص وبنات وخربطه لين الفجر وين قاعدين أحنا
هذي دوله مسلمه مرقص احذاه مسجد وين صارت هذي
وبخصوص قطر انا ماقول قطر مافيها فيها بس مب مثل ابحرين
شيء علني
شوفوا الفيديو واتحدى أي واحد يقول قطر من ظمن هالدول
واذاردي سبب لكم أزمه اتمنــى تروحون تقاضون المذيعه لميس ضيف وبرنامجها ملفات محظور

لاتنســون تشوفون الفيديو كامل مع باقي الأجزاء ؟

http://www.************/watch?v=IZU3MI2rxdc

الله لايبلانا ان شاءلله ويحفضنا ويستنر علينا يارب

[al3nabi79]

الله يسمع منك إن شاء الله

[بوعلي 78]

اقول يالطام روح شوف الفنادق والشقق المفروشه في الدوحه بعدين تعال تكلم على غيرك،،،

وجان زين جات على الشرب والبنات، وسفارة اسرائيل الي في قطر، واستضافة قطر للحقير إلي رسم الرسومات عن الرسول صلى الله عليه وعلى آله، والتفصخ في الشاليهات وفي سيلين وفي حمامات السباحه في الفنادق، والحفلات الخاصه في قطر والمغربيات وغيرهم من الجنسيات إلي شغالين في الدعاره في سوق واقف وغيره من الاماكن،،،

ترى الدوحه مب احسن من البحرين في هذي الامور لكن عيب ان تتكلم على بلد خليجي ويعتبر شقيق وكل الشعب القطري عنده اهل في البحرين تتكلم عليه بهذي الطريقه،،،

لكن امثالك ماينشره عليهم،،،

يسمحولي الاعضاء ان رديت بهال اسلوب، بس هال بني آدم ماخله مكان للحشيمه في ردوده،،،


على العموم بخصوص القانون، مجلس النواب يرفض التعديلات (بأن الوزير المختص يحدد اماكن بيع وشرب الخمر وتم المطالبه بمنعه نهائيا) وعلى اساسه تم رفض القانون ورجع لمجلس الشورى، وهذا يعني يبيله بعد سنه او سنتين للمداوله في مجلس الشورى وإلي من المستحيل ان يمرره مثل مايبي مجلس النواب، ويعني لن ولم يطبق،،، والله يعين


بس احنا قلنه ياناس الحكومه ماتبي تمرر القانون، الحكومه ماتبي تمنع الخمر مب من مصلحتهم، الفنادق الكبار والصغيره والمراقص والديسكوات كلها للشيوخ، ومايبون يخسرون عيال عمهم،،، وشركة bmmi وهي المورد الاكبر للخمر في البحرين مملوكه لرئيس الوزراء، فمن يقدر يوقفها؟؟؟!!!

[قطرية مثقفة]

:omg::omg::omg::omg:

[hamoor4ever]

والله مالي خلق أقتبس ردود الأخوان اللي ردو علي بس يعرفون نفسهم
أي نعم انا انزل راسي لما أقول البحرين دوله مسلمه مو خليجيه بعـد
تدريون ليش لاني ماشفت بقطر والسعوديه والكويت نفس اللي أشوفه
فالبحرين مراقص وبنات وخربطه لين الفجر وين قاعدين أحنا
هذي دوله مسلمه مرقص احذاه مسجد وين صارت هذي
وبخصوص قطر انا ماقول قطر مافيها فيها بس مب مثل ابحرين
شيء علني
شوفوا الفيديو واتحدى أي واحد يقول قطر من ظمن هالدول
واذاردي سبب لكم أزمه اتمنــى تروحون تقاضون المذيعه لميس ضيف وبرنامجها ملفات محظور

لاتنســون تشوفون الفيديو كامل مع باقي الأجزاء ؟

http://www.************/watch?v=izu3mi2rxdc

الله لايبلانا ان شاءلله ويحفضنا ويستنر علينا يارب

اسمح لي اقول لك شكلك ماتدل بالبحرين الا شارع المعارض ولو تعرف البحرين عدل ماقلت هالكلام اعذرك بصراحه اخوي لان خلفيتك عن دوله شقيقه جنبك خلفيه بسيطه اللي هي شارع واحد

[hamoor4ever]

اقول يالطام روح شوف الفنادق والشقق المفروشه في الدوحه بعدين تعال تكلم على غيرك،،،

وجان زين جات على الشرب والبنات، وسفارة اسرائيل الي في قطر، واستضافة قطر للحقير إلي رسم الرسومات عن الرسول صلى الله عليه وعلى آله، والتفصخ في الشاليهات وفي سيلين وفي حمامات السباحه في الفنادق، والحفلات الخاصه في قطر والمغربيات وغيرهم من الجنسيات إلي شغالين في الدعاره في سوق واقف وغيره من الاماكن،،،

ترى الدوحه مب احسن من البحرين في هذي الامور لكن عيب ان تتكلم على بلد خليجي ويعتبر شقيق وكل الشعب القطري عنده اهل في البحرين تتكلم عليه بهذي الطريقه،،،

لكن امثالك ماينشره عليهم،،،

يسمحولي الاعضاء ان رديت بهال اسلوب، بس هال بني آدم ماخله مكان للحشيمه في ردوده،،،


على العموم بخصوص القانون، مجلس النواب يرفض التعديلات (بأن الوزير المختص يحدد اماكن بيع وشرب الخمر وتم المطالبه بمنعه نهائيا) وعلى اساسه تم رفض القانون ورجع لمجلس الشورى، وهذا يعني يبيله بعد سنه او سنتين للمداوله في مجلس الشورى وإلي من المستحيل ان يمرره مثل مايبي مجلس النواب، ويعني لن ولم يطبق،،، والله يعين


بس احنا قلنه ياناس الحكومه ماتبي تمرر القانون، الحكومه ماتبي تمنع الخمر مب من مصلحتهم، الفنادق الكبار والصغيره والمراقص والديسكوات كلها للشيوخ، ومايبون يخسرون عيال عمهم،،، وشركة bmmi وهي المورد الاكبر للخمر في البحرين مملوكه لرئيس الوزراء، فمن يقدر يوقفها؟؟؟!!!

مافي داعي اخوي تزعل ويتحول المسار للقذف بين دول مسلمه سواء قطر او البحرين ولاتحاتي كل بلاد فيها مقبره واللي بيدور الغلط بيحصله حتى في اطهر الاماكن الرد اللي جه من الاخ مايدعوك للزعل لانه كثير من اهل قطر مايعرفون عن البحرين الا شارع المعارض والسيف لانهم لين راحو البحرين مايزورون الا هالمكانين بحكم سكنهم بقرب الفنادق ورؤيتهم لبعض المشاهد اللي هناك لكن صدقني الجزء الثاني من اهل قطر وخاصه اللي عندهم اهالي هناك يعرفون مناطق البحرين عدل من محرق لين المنامه والحد وعراد والرفاع وغيرها من مناطق البحرين الحلوه اللي مازال اهلها محافظين على تقاليد الدين الاسلامي ومثل ماقلت كل بلاد فيها مقبره ولو واحد من اهل البحرين سكن في فنادق قطر مثل الانتر كان شاف البلاوي وتخيل ان قطر كلها جذيه فلا تحط في بالك واحنا نعرف ان البحرين فيها الخير مثل ماقطر فيها الخير

وشكرا

[الملا]

الخبرية زينة

بس ماعتقد انه الموضوع يكون خارجي حسب ما ذكرت

[بوعلي 78]

مافي داعي اخوي تزعل ويتحول المسار للقذف بين دول مسلمه سواء قطر او البحرين ولاتحاتي كل بلاد فيها مقبره واللي بيدور الغلط بيحصله حتى في اطهر الاماكن الرد اللي جه من الاخ مايدعوك للزعل لانه كثير من اهل قطر مايعرفون عن البحرين الا شارع المعارض والسيف لانهم لين راحو البحرين مايزورون الا هالمكانين بحكم سكنهم بقرب الفنادق ورؤيتهم لبعض المشاهد اللي هناك لكن صدقني الجزء الثاني من اهل قطر وخاصه اللي عندهم اهالي هناك يعرفون مناطق البحرين عدل من محرق لين المنامه والحد وعراد والرفاع وغيرها من مناطق البحرين الحلوه اللي مازال اهلها محافظين على تقاليد الدين الاسلامي ومثل ماقلت كل بلاد فيها مقبره ولو واحد من اهل البحرين سكن في فنادق قطر مثل الانتر كان شاف البلاوي وتخيل ان قطر كلها جذيه فلا تحط في بالك واحنا نعرف ان البحرين فيها الخير مثل ماقطر فيها الخير

وشكرا



عزيز وغالي اخوي

ومافي داعي للاعتذار، انا اعرف ان اهل قطر يعرفون البحرين ويعرفون اهل البحرين، وانا كان ردي موجه للطام فقط وماكان ردي في اي تعميم لأي من الاخوه الاعضاء،،،


على العموم حصل خير والله يفكنه من هال بلوه ان شاء الله، بالرغم ان القانون تم رفضه من قبل المجلس النيابي ورجع لمجلس الشورى ومنها الى الملفات المحفوظه!!!!! :weeping:

[بوعلي 78]

مافي داعي اخوي تزعل ويتحول المسار للقذف بين دول مسلمه سواء قطر او البحرين ولاتحاتي كل بلاد فيها مقبره واللي بيدور الغلط بيحصله حتى في اطهر الاماكن الرد اللي جه من الاخ مايدعوك للزعل لانه كثير من اهل قطر مايعرفون عن البحرين الا شارع المعارض والسيف لانهم لين راحو البحرين مايزورون الا هالمكانين بحكم سكنهم بقرب الفنادق ورؤيتهم لبعض المشاهد اللي هناك لكن صدقني الجزء الثاني من اهل قطر وخاصه اللي عندهم اهالي هناك يعرفون مناطق البحرين عدل من محرق لين المنامه والحد وعراد والرفاع وغيرها من مناطق البحرين الحلوه اللي مازال اهلها محافظين على تقاليد الدين الاسلامي ومثل ماقلت كل بلاد فيها مقبره ولو واحد من اهل البحرين سكن في فنادق قطر مثل الانتر كان شاف البلاوي وتخيل ان قطر كلها جذيه فلا تحط في بالك واحنا نعرف ان البحرين فيها الخير مثل ماقطر فيها الخير

وشكرا



عزيز وغالي اخوي

ومافي داعي للاعتذار، انا اعرف ان اهل قطر يعرفون البحرين ويعرفون اهل البحرين، وانا كان ردي موجه للطام فقط وماكان ردي في اي تعميم لأي من الاخوه الاعضاء،،،


على العموم حصل خير والله يفكنه من هال بلوه ان شاء الله، بالرغم ان القانون تم رفضه من قبل المجلس النيابي ورجع لمجلس الشورى ومنها الى الملفات المحفوظه!!!!! :weeping:

[M.Alkhater]

بوعلي 78

طاب في بطن اهل قطر اشوفك ؟؟

مآودي آقول شي عشان مازعلك والله ..

حسستني ان اللي قلته في قطر كلها ..

مهما يكون اهل البحرين اهلنآ :) ..

[الوجبه]

الاداره .. الموضوع منتهي :)

[STAR]

ومتى يمنعون الدعااارة؟؟

[HAYA]

ندااااااء إلى سمو أمير البلاد
الشيخ حمـــد بن خليفة آل ثاني حفظه الله تعالى

بيدكم القرار الذي يعيد لقطــــرنا الحبيبة سمعتها الطيبة كدولة مسلمة عربية محافظة على هويتها وقيمها .

وأرجو أن يكون اتخاذ القرار هذا عاجلا غير آجل .. فنحن ولله الحمد والمنة دولة غنية ، وقد وصل خيرها لأهل الشرق والغرب فلسنا بحاجة لهذه الملايين المحرمة التي تأتينا من أم الخبائث . وأعتقد بانه لو طبقنا استبيانا على أهل قطـــر لوجدنا مدى الكراهية والنفور من هذه المسكرات .. والديمقراطية الحقة تعني احترام رغبة الشعوب والأخذ بها ، مع إن منع الخمور هو أمر إلهي يعرفه كل مسلم .

أرجو أن يصل إلى سموكم صوتي وصوت كل مخلص على هذه الأرض الطيبة .. فتبادروا إلى قرار المنع التام لتعود الفرحة إلى كل بيت في قطـــر الحبيبة .

اللهم قد بلغت ، اللهم فاشهد ......

[بوعلي 78]

بوعلي 78

طاب في بطن اهل قطر اشوفك ؟؟

مآودي آقول شي عشان مازعلك والله ..

حسستني ان اللي قلته في قطر كلها ..

مهما يكون اهل البحرين اهلنآ :) ..



والله ياخوي انا ماطبيت في بطن اهل قطر،،،

اهل قطر لهم الحشيمه والاحترام انا فقط رديت على لطام إلي يخجل ان يقول البحرين بلد خليجي ومسلم وينكس راسه لما يجيبون اسم البحرين، ووضحت له ان كل بلد فيها الزين والشين بس هذي مب معناته ان نخجل ان هذي البلد مسلم او خليجي، بس الظاهر الاخ مايعرف من البحرين إلا شارع المعرض والديسكوات عشان جذي تكلم عنها بهذي الطريقه،،،

وانا وضحت ان البحرين وقطر اهل، وهذي البلدين اكثر البلدان الخليجيه إلي بينهم نسب،،،،


واذا عندك شي تبي تقوله اخوي قوله ولا تحطه في خاطرك، في نهايه كل واحد يقول إلي في قلبه،،،



وسلامتك

[Bu Rashid]

والله ياخوي انا ماطبيت في بطن اهل قطر،،،

اهل قطر لهم الحشيمه والاحترام انا فقط رديت على لطام إلي يخجل ان يقول البحرين بلد خليجي ومسلم وينكس راسه لما يجيبون اسم البحرين، ووضحت له ان كل بلد فيها الزين والشين بس هذي مب معناته ان نخجل ان هذي البلد مسلم او خليجي، بس الظاهر الاخ مايعرف من البحرين إلا شارع المعرض والديسكوات عشان جذي تكلم عنها بهذي الطريقه،،،

وانا وضحت ان البحرين وقطر اهل، وهذي البلدين اكثر البلدان الخليجيه إلي بينهم نسب،،،،


واذا عندك شي تبي تقوله اخوي قوله ولا تحطه في خاطرك، في نهايه كل واحد يقول إلي في قلبه،،،

وسلامتك



عزيز وغالي يا بوعلي
وعيال العم بالبحرين

اما بالنسبه للموضووووع اقول للجميع ... مستحيل يظهر مثل هذى القرار
واتركوا عنكم السوالف والخرابيط

[بوعلي 78]

عزيز وغالي يا بوعلي
وعيال العم بالبحرين

اما بالنسبه للموضووووع اقول للجميع ... مستحيل يظهر مثل هذى القرار
واتركوا عنكم السوالف والخرابيط



على راسي انت وعيال عمك