أستفسار لو سمحتوا ....... عن شيك الضمان من المقاول

[المعنى88]

القصة ياجماعة لما راجعت مع المقاول العقد بشروطه مع الدفعات اللي حددتها
وبشروط الأستشاري ........... أختلفت معاه وشرط أنه ماراح يعمل شيك ضمان
بقيمة الدفعة الأولى ... وقت مايتم التوقيع وأستلام الدفعة الأولى ...........
فرفض البند وقالي راح ألتزم وماراح أترك الشغل في الموقع .... وأنا أقوله
شلون أضمن كلامك ........... فأرجوا أفادتي بخبرتكم لازم شيك ضمان ولا
المقاول يبغي يتلاعب وهو جاد حسب خبرته 15 سنة أنه بيكمل الشغل ومايتلاعب
في المواصفات .

[بويوسف]

والله يا اخي اذا رافض انه رايي تشوف غيره .. المقاولين وايد هالايام ..

[الســـهم]

لو انه جاد وضامن شغله وواثق من نفسه , المفروض يعطيك شيك الضمان وهو يضحك ..

انا اقول انك تشوف مقاول غيره وتسكر هالباب من البداية ..

[بوحمد2]

القصة ياجماعة لما راجعت مع المقاول العقد بشروطه مع الدفعات اللي حددتها
وبشروط الأستشاري ........... أختلفت معاه وشرط أنه ماراح يعمل شيك ضمان
بقيمة الدفعة الأولى ... وقت مايتم التوقيع وأستلام الدفعة الأولى ...........
فرفض البند وقالي راح ألتزم وماراح أترك الشغل في الموقع .... وأنا أقوله
شلون أضمن كلامك ........... فأرجوا أفادتي بخبرتكم لازم شيك ضمان ولا
المقاول يبغي يتلاعب وهو جاد حسب خبرته 15 سنة أنه بيكمل الشغل ومايتلاعب
في المواصفات .

متى ماافتكيت منه خبرني عندي لك مقاول ممتاز يخاف الله وشقله ماعليه كلام ومصنف بعد

[المعنى88]

والله يا اخي اذا رافض انه رايي تشوف غيره .. المقاولين وايد هالايام ..
كلامك صحيح يأخ بويوسف ............. وهاي اللي أفكر فيه عقب ما شفته يماطل أكثر من مرة

لو انه جاد وضامن شغله وواثق من نفسه , المفروض يعطيك شيك الضمان وهو يضحك ..

كلام صحيح ........... لكنه يخاف عشان يضمن نفسه في أي مشكلة تأخير يأخر البنيان

انا اقول انك تشوف مقاول غيره وتسكر هالباب من البداية ..

قاعد أفكر و أدور أشوف غيره ..... بس وين ألقى الزين ولا كلهم نفس الشي

[المعنى88]

متى ماافتكيت منه خبرني عندي لك مقاول ممتاز يخاف الله وشقله ماعليه كلام ومصنف بعد

لحد الآن ماسويت عقد معاه ........... ياليت ياخوي تعرفني عنه وعن شغله
واسم الشركة وعنوانهم

[auto body]

ياخوي معليك منه
واذا اصر خله
وعندى لك مقاول ممتاز ويخاف الله اكثر شغله مناقصات جامدة

[المعنى88]

ياخوي معليك منه
واذا اصر خله
وعندى لك مقاول ممتاز ويخاف الله اكثر شغله مناقصات جامدة

مشكور ياخوي ........... ياليت تعطيني عنوانه وأسم الشركة وأكون شاكرلك

[شموخ دائم]

,


,


دائما بين المقاول والمالك في مسئلتين مهمين

المالك يخاف يعطي الدفعه الاولى وما يشتغل فيها المقاول
والمقاول يخاف من الدفعه الاخيره المالك ما يدفعها في الاخير

الحل

خله يكتب شيك ضمان بقيمه الدفعه الاولى ويتركه في (مكتب الاستشاري) ويرجع الشيك للمقاول بعد الانتهاء من (صب الدور الثاني )

اذا هو واثق من التزامه راح يوافق ان شاء الله

واذا ما وافق لك الحق في البحث عن غيره

بالتوفيق لك


,

,




اخوك


شموخ دائم

[المعنى88]

,


,


دائما بين المقاول والمالك في مسئلتين مهمين

المالك يخاف يعطي الدفعه الاولى وما يشتغل فيها المقاول
والمقاول يخاف من الدفعه الاخيره المالك ما يدفعها في الاخير

الحل

خله يكتب شيك ضمان بقيمه الدفعه الاولى ويتركه في (مكتب الاستشاري) ويرجع الشيك للمقاول بعد الانتهاء من (صب الدور الثاني )

اذا هو واثق من التزامه راح يوافق ان شاء الله

واذا ما وافق لك الحق في البحث عن غيره

بالتوفيق لك


,

,




اخوك


شموخ دائم

هلا أخوي ...... يامرحبا بك ......... شي طبيعي قايله الشيك بيكون عند الأستشاري
وعقدي معاه تسليم مفتاح .... يعني لين أنتهاء النشطيب بعدها يستلم شيك الضمان
مع شيك الدفعة الأخيرة وأستلم منه شيك ضمان الدفعة الأخيرة ................
لكنه رافض شيك ضمان الدفعة الأولى ... وموافق على شيك ضمان الدفعة الأخيرة
أهني الشي الغريب ... يعني ممكن يترك الشغل في أي لحظة .

[vip-30003]

السلام عليكم ...

والله مب مهم الشيك المهم العقد يكون من 3 نسخ ويكون موثق من وزارة العدل ..

ويكون العقد واضح وباشراف المكتب الاستشاري وحقك ما يضيع ..

انا مقاول .... ومب مصنف ولا معروف .. وبنيت حق واحد وكانت اول دفعة 600 الف ريال 4فلل بدون شيك

بس والله العظيم المالك هو اللي لوع جبدي وجنني ومثقل الدم حده ...

دايما اتقولون الحق على المقاول والله في بعض الناس ما تدفع وتتاخر وتطلب اضافات ولا تدفع ولا تحسب
مدة اضافيه ,,,

اهم شىء العقد واضح واستشاري حقاني وامين ... واهم شىء المالك يدفع ... :)