★★★★★استـــــــــشارة في تصميم فيلا★★★★★

[lwsail]

السلام عليكم ورحمة الله وبركاته.....اخواني لدي تصميم لفيلا واريد ارائكم ونصائحكم في توزيع الغرف والفراغات ....وللعلم هي تصاميم مبدأية وتلاحظون عدم تحديد النوافذ على سبيل المثال....وبخصوص مساحة مسطح الدور الارضي تقريبا حوالي 350 الى 450 مع الليوان (الترس) ومااذكر لانه تصميم اولي ....والدور الاول نفس المساحة والبنتاهاوس تقريبا من 30 الى 50 متر.............الخلاصة المساحة الكلية قريب الـ980 متر مربع علماً مساحة الارض 1616 متر مربع.....وشكرا لكم.

http://img85.imageshack.us/img85/1985/15129179.th.jpg (http://img85.imageshack.us/i/15129179.jpg/) http://img42.imageshack.us/img42/4555/18015258.th.jpg (http://img42.imageshack.us/i/18015258.jpg/) http://img163.imageshack.us/img163/8931/19570247.th.jpg (http://img163.imageshack.us/i/19570247.jpg/)

[QATAR2010]

والله يارينت افيدك

[بويوسف]

أولا نتمنى لك بناء بيت يتعمر بالخير والطاعة .. اما عن التصميم فبودي ان استفسر عن الليون هل هو جزء من الحوش والا عبارة عن جزء داخلي ؟ هل ممكن تعطينيا شرح عنه ؟

هل المجلس عبارة عن صالة ؟ لأن الدخول يكون مباشرة الى المجلس

البانتري مفتوح والا مغلق ؟

البيت على مساحته الكبيرة الا انه مغلق واعتقد بهذا المساحة الكبيرة والواسعة تستطيع ان تعمل تصميم مريح بشكل اكبر ..

اطلب من الاستشاري تصاميم اخرى فهذا افضل في توسيع خياراتك ..

[اشدعوه]

في نظري ،، تصميم جميل و مرتب
وانصحك بموقع اسمه مستشارك للبناء http://www.homekw.com/bet/
وبالتحديد قسم مكتب التصميم ،، اعرض تصميمك عليهم وهم بيناقشونه معاك بالتفصيل الممل
ليس انتقاصا من هذا المنتدى ولكن بحكم ان ذلك المنتدى قائم على هذه الفكره

ومنزل مبارك مقدما ،،

[المخفي]

التصميم يجب ان يراعي حاجاتك الحالية و المستقبلية و يعتمد على عدد سكان المنزل

اعتقد الليوان ما له حاجة خل المجلس و المقلط مكانه عشان الصالة التحتية و الفوقية تتوسع عندك اكثر

كتصميم الافضل الحمامات تكون فوق بعض لتوصيل البيبات

اعتقد الاصنصير ماله حاجة بتوفر 100 الف اذا كنسلته

المفروض المطبخ ما يكون مباشر على الصالة عشان الروايح

كنسل المطبخ التحضيري ما منه فايدة

ما يحتاج غرفة للكهربة كلها كبت للوحة التوزيع

التصميم تعبان كله كسرات من الافضل تغيره

[lwsail]

والله يارينت افيدك

مشكور ياخوي والبركة بالاخوان مايقصرون.

[lwsail]

أولا نتمنى لك بناء بيت يتعمر بالخير والطاعة .. اما عن التصميم فبودي ان استفسر عن الليون هل هو جزء من الحوش والا عبارة عن جزء داخلي ؟ هل ممكن تعطينيا شرح عنه ؟

هل المجلس عبارة عن صالة ؟ لأن الدخول يكون مباشرة الى المجلس

البانتري مفتوح والا مغلق ؟

البيت على مساحته الكبيرة الا انه مغلق واعتقد بهذا المساحة الكبيرة والواسعة تستطيع ان تعمل تصميم مريح بشكل اكبر ..

اطلب من الاستشاري تصاميم اخرى فهذا افضل في توسيع خياراتك ..

مرحبا وجزاك الله خير على الرد ...(1) بخصوص الليوان بيكون جزء من البيت بس مفتوح على الحوش باقواس او اعمده وطبعا فوقه بيكون الطابق الاول وبالضبط غرفة الماستر .

(2) بخصوص المجلس نعم بيكون صاله مفتوحه على المدخل وعلى غرفة الاكل وداريش الصالة وبابها بتطل على الليوان .

(3) بخصوص البانتري بيكون مفتوح بس بيكون للاشياء الاساسيه(مغسله -ثلاجه-غلايه-ميكروويف ) وجزء منها طاولة اكل ومافيه طبخ واحتمال يتغير التصميم الى غرفه تحضير صغيره .

(4) البيت على مساحته الكبيرة الا انه مغلق واعتقد بهذا المساحة الكبيرة والواسعة تستطيع ان تعمل تصميم مريح بشكل اكبر .. ممكن توضح لي اخوي ولا عليك امر؟؟؟ لان الطابق الارضي شبه مفتوح والاول في وسطه فتحه والروف فيه فتحه :)

بخصوص التصميم ياخوي عاجبني وحطيت فيها متطلباتي واحتياجاتي والمهندس حط لي كم تصميم بس ماعجبني وحاليا ادور على تصاميم ثانيه قريبه من اللي حطيته او اني اغير واطور التصميم اللي عارضه لكم.

وجزاك الله خير ياخوي وسامحني على الاطاله.

[lwsail]

في نظري ،، تصميم جميل و مرتب
وانصحك بموقع اسمه مستشارك للبناء http://www.homekw.com/bet/
وبالتحديد قسم مكتب التصميم ،، اعرض تصميمك عليهم وهم بيناقشونه معاك بالتفصيل الممل
ليس انتقاصا من هذا المنتدى ولكن بحكم ان ذلك المنتدى قائم على هذه الفكره

ومنزل مبارك مقدما ،،

مشكور ياخوي وجزاك الله الف خير .

[lwsail]

مرحبا وجزاك الله خير على الرد


التصميم يجب ان يراعي حاجاتك الحالية و المستقبلية و يعتمد على عدد سكان المنزل

والله ياخوي حاولت قدر الامكان ارعي هذي الاحتياجات .

اعتقد الليوان ما له حاجة خل المجلس و المقلط مكانه عشان الصالة التحتية و الفوقية تتوسع عندك اكثر

بخصوص الليوان بيكون حاليا للقعدات الخارجيه ولانه بيطل على حديقه وبيكون مستقبلا صالة لو دعت الحاجه مستقبلاً وحاليا كافي الصاله الاساسيه ولو تلاحظ فوق الليوان بتكون على طوله غرفة الماستر.


كتصميم الافضل الحمامات تكون فوق بعض لتوصيل البيبات

بخصوص الحمامات الله يكرمك ملاحظاتك في محلها .

اعتقد الاصنصير ماله حاجة بتوفر 100 الف اذا كنسلته

الاصانصير في محل دراسة بس تحتاجه مستقبلا اذا عجزنا(شيبنا) اذا الله عطانا طولة العمر واحتمال يتنفذ ويبقى خالي ويتركب مستقبلاً.

المفروض المطبخ ما يكون مباشر على الصالة عشان الروايح

المطبخ بيكون مسكر بباب وماتقصر مراوح الشفط هو بس للتحضير وجزء منه للتخزين.

كنسل المطبخ التحضيري ما منه فايدة

المطبخ التحضيري احتاج له وهو اتجاه عصري وغير مألوف علينا بس بيكون بدون طبخ وهو محل دراسه.

ما يحتاج غرفة للكهربة كلها كبت للوحة التوزيع

سويت الغرفه عشان اجمع فيها كهرباء البيت وبدالة الهاتف وموزع لشبكة الانترنت السلكية وهو كذلك محل دراسة من حيث التطبيق او عدمه.

التصميم تعبان كله كسرات من الافضل تغيره

والله ياخوي هذا رأيك وعلى عيني وراسي بس القلب وما يهوى :)

[المخفي]

بخصوص الليوان اذا البيت على ارض كبيرة و مقابله حديقة بيطلع حلو

الغرفتين الي جمب بعض في الدور الاول مب حلوة تدخل غرفة الملابس عشان تروح الغرفة ممكن تخلي غرفة الملابس مدخل مقوس دام انها مب غرفة رئيسية

غرفة الجلوس الي فوق افتحها على الصالة بتكون اشرح

المطبخ التحضيري الي فوق ماله حاجة كلها ضغطة زر و انت تحت عند المطبخ اذا بتحط اصنصير عندنا واحد و ما نستخدمه و الزمن هذا التعب كلها على الشغالات

[خالد_]

الحمام اللي في البينت هاوس او السطح ليش حاطه في النص اشووف حطه على حد السطح

[r07]

اخوي رسمت لك شي بسيط على البينت ان شاء الله يعجبك ...اللي سويته اني غيرت توزيع بعض الاماكن واماكن الأبواب ...بالنسبه لي اهم شي انه اهل البيت يستمتعون بمنظر الحديقه واللي شفته في مخططك ان الضيوف هم اللي راح يستمتعون بها...مب اهل البيت..واسمح لي ترى ما غيرت الا في الأرضي..وبالتوفيق..

http://img249.imageshack.us/img249/8828/lwsailvillamodification.jpg

[r07]

عندي اقتراح ثاني...اشوف ان الدرج وفتحة السقف ماكلين من مساحة البيت والافضل انك تجمعهم في تصميم واحد...وتقدر تحط لك مكان الدرج الحالي غرفه اضافيه مع حمامها خصوصا ان ما عندك الا الماستر +3غرف وتحت تقدر تزيد غرفه بعد....ومكان المصعد يكون نفس مكان البانتري اللي فوق...وسلامتك

[الكتاروني]

السلام عليكم .... أنا عجبني التصميم لسبب إنة تصميم غير تقليدي... خاصة فكرة الليوان جميلة و الأجمل إنك إستفدت بالمساحة في الدور العلوي ... لا تقلق من مشكلة توزيع الحمامات فهي بسيطة جدا ... فقط المدخل واسع جدا بدون داعي 520 سم ... يمكن تصغيرة 1 م ليكون 420 و بالتالي عرض المجلس يكون أكبر 640 بدلا من 540 سم. و بالتوفيق.

[السندان]

توزيع حلو ماشاء الله .. بس الحمامات لو تخليها فوق بعض بيكون افضل لك مستقبلا وخاصة البنت هاوس اعتقد اسهل تقدر تغير مكانه

بالتوفيق

[lwsail]

مرحبا اخوي اسعدني مرورك واسف تأخرت بالرد

بخصوص الليوان اذا البيت على ارض كبيرة و مقابله حديقة بيطلع حلو

الارض كبيره طال عمرك وعلى هالاساس تم الاخذ بفكرة تصميم الليوان المطل على حديقة.

الغرفتين الي جمب بعض في الدور الاول مب حلوة تدخل غرفة الملابس عشان تروح الغرفة ممكن تخلي غرفة الملابس مدخل مقوس دام انها مب غرفة رئيسية

فعلاً فكرتك سليمه وجاري تنفيذها جزاك الله خير.

غرفة الجلوس الي فوق افتحها على الصالة بتكون اشرح

جاري دراستها.

المطبخ التحضيري الي فوق ماله حاجة كلها ضغطة زر و انت تحت عند المطبخ اذا بتحط اصنصير عندنا واحد و ما نستخدمه و الزمن هذا التعب كلها على الشغالات

والله ياخوي التحضيري محتاج له للاشياء البسيطه وهو كفكره جديده علينا لكنها حلوه واللفت ممكن اسويه بس مااركبه الا مستقبلاً .

[lwsail]

الحمام اللي في البينت هاوس او السطح ليش حاطه في النص اشووف حطه على حد السطح

والله ياخوي تصميم البنتاهاوس وحمامه مبدأي وجاري تغييره وجزاك الله خير على الملاحظه.

[lwsail]

اخوي رسمت لك شي بسيط على البينت ان شاء الله يعجبك ...اللي سويته اني غيرت توزيع بعض الاماكن واماكن الأبواب ...بالنسبه لي اهم شي انه اهل البيت يستمتعون بمنظر الحديقه واللي شفته في مخططك ان الضيوف هم اللي راح يستمتعون بها...مب اهل البيت..واسمح لي ترى ما غيرت الا في الأرضي..وبالتوفيق..

http://img249.imageshack.us/img249/8828/lwsailvillamodification.jpg

جزاك الله خير ياخوي على الرد والله يعطيك العافيه على الرسم وفعلاً التوزيع حلو وجاري دراسته.


عندي اقتراح ثاني...اشوف ان الدرج وفتحة السقف ماكلين من مساحة البيت والافضل انك تجمعهم في تصميم واحد...وتقدر تحط لك مكان الدرج الحالي غرفه اضافيه مع حمامها خصوصا ان ما عندك الا الماستر +3غرف وتحت تقدر تزيد غرفه بعد....ومكان المصعد يكون نفس مكان البانتري اللي فوق...وسلامتك

ماشاء الله افكارك حلوه واحتمال اطبقها:) ....والله فكرت ياخوي بأنه اللفت يكون بوسط البيت ويطل على فتحة السقف مباشرة...فما هو رأيك؟

[lwsail]

السلام عليكم .... أنا عجبني التصميم لسبب إنة تصميم غير تقليدي... خاصة فكرة الليوان جميلة و الأجمل إنك إستفدت بالمساحة في الدور العلوي ... لا تقلق من مشكلة توزيع الحمامات فهي بسيطة جدا ... فقط المدخل واسع جدا بدون داعي 520 سم ... يمكن تصغيرة 1 م ليكون 420 و بالتالي عرض المجلس يكون أكبر 640 بدلا من 540 سم. و بالتوفيق.


جزاك الله خير وشكراً ياخوي هذا ذوقك الحلو...واشوف رأيك في محله وجاري دراسته بعنايه.

[lwsail]

توزيع حلو ماشاء الله .. بس الحمامات لو تخليها فوق بعض بيكون افضل لك مستقبلا وخاصة البنت هاوس اعتقد اسهل تقدر تغير مكانه

بالتوفيق

جزاك الله خير اخوي ورأيك محل تقدير ودراسه.

[r07]

مرحبا اخوي لوسيل...الحمدلله ان الأفكار عجبتك...بالنسبة لفكرتي الأساسيه بأن المصعد يكون مكان البانتري اللي فوق فهي مب في محلها لأن المصعد راح ينزل في الغرفه اللي تحت لذلك اشوف ان فكرتك بوجود المصعد عند الفتحه حلوه وعمليه. لأن بتوفر مساحه وبعد ممكن تستغل بيت المصعد اللي بيكون على ارتفاع دورين او ثلاثه وترسم على الجهه اللي تطل على الفتحه ...والدرج بعد مب ضروري يكون بطريقه مربعه ..ممكن تخلي فيه انحناءات....رسمت لك رسمه ثانيه على البينت بعد...وبتلاحظ اني اقترحت ان تكبر ارضية الفتحه حتى يكون في مجال اكبر تحط الدرج اللي في بالك...بس اهم شي ان الدرج ما يحجب نظر الناس عن بيت المصعد اول ما يدشون من المدخل لأن برأيي باذن الله واذا تم معالجته بطريقه حلوه بالاضافه الى تناسق ألالوان في الاماكن اللي تطل عليه راح يكون غريب وحلو في نفس الوقت ...
http://img153.imageshack.us/i/lwsail2ndmodification.jpg/

[lwsail]

مرحبا اخوي لوسيل...الحمدلله ان الأفكار عجبتك...بالنسبة لفكرتي الأساسيه بأن المصعد يكون مكان البانتري اللي فوق فهي مب في محلها لأن المصعد راح ينزل في الغرفه اللي تحت لذلك اشوف ان فكرتك بوجود المصعد عند الفتحه حلوه وعمليه. لأن بتوفر مساحه وبعد ممكن تستغل بيت المصعد اللي بيكون على ارتفاع دورين او ثلاثه وترسم على الجهه اللي تطل على الفتحه ...والدرج بعد مب ضروري يكون بطريقه مربعه ..ممكن تخلي فيه انحناءات....رسمت لك رسمه ثانيه على البينت بعد...وبتلاحظ اني اقترحت ان تكبر ارضية الفتحه حتى يكون في مجال اكبر تحط الدرج اللي في بالك...بس اهم شي ان الدرج ما يحجب نظر الناس عن بيت المصعد اول ما يدشون من المدخل لأن برأيي باذن الله واذا تم معالجته بطريقه حلوه بالاضافه الى تناسق ألالوان في الاماكن اللي تطل عليه راح يكون غريب وحلو في نفس الوقت ...
http://img153.imageshack.us/i/lwsail2ndmodification.jpg/

جزاك الله الف خير على المساعده والمتابعه وعلى الرسم وفعلاً كلامك صحيح ما شاء الله....افكر ياخوي ان السلم يتم مكانه بس طبعاً تصغر المساحه اللي يشغلها بعد نقل اللفت الى موقع الفتحه ....والله يعطيك العافيه اخوي.

[الـخـور]

نصيحة نصيحة
لاتخلي المطبخ داخل البيت

انت اتقول ان مروحة الشفط بتادي الغرض .. لكن صدقني مافي احسن من ان المطبخ يكون خارج البيت

[lwsail]

نصيحة نصيحة
لاتخلي المطبخ داخل البيت

انت اتقول ان مروحة الشفط بتادي الغرض .. لكن صدقني مافي احسن من ان المطبخ يكون خارج البيت

مشكور جزاك الله خير على النصيحه.