قروبات سيحايةالى تركيا . تايلند..ماليزيا .جزر القمر

[كركم]

الصيف قرب والسفر حان طاريه :nice:

الله يسلمكم ..بغيت اخذ رايكم بفكرة تجارية بحته وقسم السياحة افضل مكان لطرح الفكرة..

شرايكم بفكرة القروبات السياحية لدولة من الدول اللي ذكرتها وخلنا ناخذ على سبيل المثال تركيا....يعني مثل انك تدفع مبلغ مقابل تغطية كل تكاليف السفر من اقامة في الفندق( خمس نجوماو حسب الطلب) وجولات سياحية ومرشد سياحي وتنقل من والي المطار ويكون المبلغ مثلا 2000 ريال للشخص والأقامة لمدة اسبوع..والتنقل طبعا بيكون بواسطة باص حديث ومكيف...ولكن مع اشخاص آخرين ممكن من نفس الدولة اللي انت طلعت منها وممكن من دول عربية ثانية...
والأشتراك في القروبات السياحية...له ايجابيات كثيرة اذكر منها : -

1 - ممكن اكثر من اسرة يشتركون في نفس القروب وتكون تنقلاتهم مع بعض.
2- تستفيد من خبرة المرشد السياحي في السؤال عن كل شي وممكن بخبرته يحميك من نصب بعض المحلات والمطاعم.
3- توفر على نفسك عناء استئجار سيارة وانت ما ادل او استئجار باص مع سائق يشفط كل الي في جيبك ويحاسبك بالساعه.
4- يكون عندك جدول تمشي عليه احسن ما تضيع وقتك في الذهاب لأماكن تكتشف عقب انها ممله.


ان شاء الله وضحت الصورة؟؟ :discuss:

وانا كاتب هالموضوع وابي اخذ رايكم في الفكرة وهل ممكن تلاقي نجاح بين القطريين؟؟
لأني بصدد التنسيق لأنشاء مؤسسة للسياحة والسفر بأسعار معقولة وفي الأغلب الدول بتكون
( تركيا - ماليزيا - تايلند - جزر القمر )

[كلاسيك قطر]

كركم اشكرك اخوي ع الاقتراح يالغالي

بس محد يوافق ع هاي الشي

لانه مصاريف واذا ع احسابك وله شي يالله

[كركم]

كركم اشكرك اخوي ع الاقتراح يالغالي

بس محد يوافق ع هاي الشي

لانه مصاريف واذا ع احسابك وله شي يالله

هلا اخوي...والعفوا...بس انا بغيت اعرف اذا متقبلين الفكرة او لا..والمصاريف اقل من انك تروح بروحك بالاضافة للأيجابيات الثانية اللي ذكرتها في موضوعي...

[da422]

بالتوفيق اخوي

انا ناويه اروح تركيا وادور لي مكتب يسويلي رحلة سياحية كاملة ماحصلت
لازم احجز من تركيا

الفكره حلوه والله يوفقك والسنه الجاية بأذن الله باحجز عندك

[كركم]

بالتوفيق اخوي

انا ناويه اروح تركيا وادور لي مكتب يسويلي رحلة سياحية كاملة ماحصلت
لازم احجز من تركيا

الفكره حلوه والله يوفقك والسنه الجاية بأذن الله باحجز عندك

هلا اختي

رحلة موفقة ان شاء الله...بس ما جاوبتيني هل لو كنتي ضمن قروب سياحي بتاخذين راحتج؟؟ ولا تفضلين تتنقلين بروحج او مع الأسرة الكريمة

[روح الاطلس]

القروبات حلوة ومو حلوة

انا جربتها في العمرة مع قروب حلوه من ناحية نروح مع بعض ونجي مع بعض وفيه ناس تنسق لنا كل شي ويعطونا المواعيد ونروح وبس

ومو حلوة لان شوي فيها احراج وعدم خصوصية وخاصة لما يكونون حريم ورجال يركبون مع بعض بنفس الباص وجايين مع بعض من الدوحه يعني مدري احسها احراج وغير هذا مثلا لو احد دفع وبعدين ماعجبه الفندق المحجوز لهم هنا تصير مشاكل لو حابب ياخذ فلوسه ويغير الفندق صاحب القروب بيرفض يرجع له الفلوس

[هدهد سليمان]

يعطيك العافيه اخوي كركم .. فكره رائعه وان شاء الله تلاقي نجاح .. لكن كل شي في بدايته صعب ولازم انك تتابع الموضوع بداية والذهاب انت بنفسك والاتفاق مع الفنادق والباصات حتى تستطيع فهم كل صغيره وكبيره .. وبما انها 5 ستار اذا الموضوع ليس سهل والمبلغ اللي قلته اتوقع 2000 دولار افضل لان 2000 ريال اقولك قفل المكتب .. اهم شي في الموضوع كله المصداقيه في التعامل والمواعيد .. واي استفسار اخوك حاضر موفق يا كركم

[bo ahmed]

شوف اخوي قبل كانت ايام ثمانينات في مكاتب سياحيه اتودي قروبات لليونان و قبرص و بلغاريا بس كله شباب و مافيه عوايل و مااستمرات وايد ممكن سنتين وعقب وقفو اخوي انا مابي احبطك بس في قطر ماتنفع لان اغلبيت اهل قطر مايحبون الاختلاط بس في الكويت منتشره القروبات و ناجحه عندهم عادي الاختلاط

[المعنى88]

تاخذها ........ قروب من سوريا أرخص كعيلة .......... ولا أفراد.......... وماهي ناجحة عندنا للخصوصية

[al-buainain]

كفكرة حلوة

بالنسبة لي لا ما اصتصيغ القروبات افضل ان اكون مع هلي بروحنا ما خذين راحتنا وعلى هوانا

بالتوفيق يا الشيخ

[كركم]

يعطيكم العافية على الأراء الطيبة...وانا كنت متوقع هذه الردود وفعلا موضوع الخصوصية هو ماقد يسبب فشل هذه الفكره .

[رذاذ]

فكره ممتازة 100%

وحبذا لو تعرف مكاتب سياحيه في البلاد الى بتعاقد معها ..

[وحيد-الشوق]

فكرة ممتازة اذا كانت سفره شبابية

اما عوايل ماتنفع كلش لأنه مافي خصوصية

:)

[كركم]

يعني تهقون ان المشروع ممكن يعتمد على قروبات الشباب فقط؟ الظاهر لازم اتعاقد مع شركة تسويق قبل ما ابدأ بالمشروع ..على العموم يعطيكم العافية

[Dana’1]

اغلبيت اهل قطر مايحبون الاختلاط بس في الكويت منتشره القروبات و ناجحه عندهم عادي الاختلاط
اذكر يوم كنا في تركيا وفي طريق العودة كان معنا كوتيين عوائل قروبات وردو معنا عالقطرية وعقب على الكويت وتحسهم مندمجين مع بعض بس في عايلة منهم ما لحقو على طيارتهم الي متجهة لكويت على ما اذكر
ومشاءلله عليهم يقولون انهم قبل هالرحلة كانو مع بعض بعد في رحلة لاوربا يعني الامر سهلات عندهم
المهم
انها ممكن ما تنجح في قطر خصوصا لوكانت عوائل الا اذا اختصت بالعرب المقيمين في قطر يمكن
وممكن تنجح ليش لا التوفيق من الله والله يسهل لك

بس انا عن نفسي ما حب اروح مع قروب افضل اروح مع زوجي وبنتي
او مع زوجي واهلة او اهلي قروب عائلي افضل مثل ما كانت في رحلة تركيا انا وزوجي وهلي واخر وناسة

انت اذا تبغى تبدأ ومعزم على هالشي خلها شباب افضل وشوف اذا الوضع اوك او لا وعقب فكر بالعوائل
وبالتوفيق لك

[كركم]

اذكر يوم كنا في تركيا وفي طريق العودة كان معنا كوتيين عوائل قروبات وردو معنا عالقطرية وعقب على الكويت وتحسهم مندمجين مع بعض بس في عايلة منهم ما لحقو على طيارتهم الي متجهة لكويت على ما اذكر
ومشاءلله عليهم يقولون انهم قبل هالرحلة كانو مع بعض بعد في رحلة لاوربا يعني الامر سهلات عندهم
المهم
انها ممكن ما تنجح في قطر خصوصا لوكانت عوائل الا اذا اختصت بالعرب المقيمين في قطر يمكن
وممكن تنجح ليش لا التوفيق من الله والله يسهل لك

بس انا عن نفسي ما حب اروح مع قروب افضل اروح مع زوجي وبنتي
او مع زوجي واهلة او اهلي قروب عائلي افضل مثل ما كانت في رحلة تركيا انا وزوجي وهلي واخر وناسة

انت اذا تبغى تبدأ ومعزم على هالشي خلها شباب افضل وشوف اذا الوضع اوك او لا وعقب فكر بالعوائل
وبالتوفيق لك

الله يخليكم لبعض ...ومشكورة على النصيحة الطيبة

[بولينجر]

موضوع الخصوصية راح يسبب مشكلة.... شخصيا لا أحب الذهاب في قروبات سياحية..... ولا أعتقد أن الفكرة بتلقى نجاح.... يمكن لو تسويها قروبات شبابية بتنفع.....

[الدرع]

مرحبا اخوي المشروع ناجح ولكن لن تستطيع الجمع بين العائلات في قروب واحد لان المجتمع القطري عاداته وتقاليده لاتسمح بذلك الاانه يمكن لهذا المشروع النجاح في حالة اعتماد العائلة الواحدة وكذلك قروب الشباب هنا اقول نعم سيكون ناجحا اذاتوافرفيه الاخلاص والامانة والاسعار التنافسية والخدمات ال ( 5 ) نجوم نعم سيكون ناجحا بكل المقاييس وعليك بالبحث عن شريك ممول واعتقد ستجد ذلك الممول لان فكرتك تعتبر الاولى في قطر فلديك الفرصة بان يكون مشروعك المشروع الاول في قطر والله الموفق.