ممكن اعرف معنى هالمخالفه !

[Realistic]

السلام عليكم ورحمة الله وبركاته

وصلني مسج اليوم من مطراش ان علي مخالفه بقيمة 500 ريال ..

لكن مب مكتوب نوع المخالفه ..

فدخلت على موقع الداخليه وشفت مكتوب لي نوع المخالفة :

عدم اتباع الا رشادات الموضحة علي أي علا مة مقامـة أو منقوشـة علي الطريق بواسطة السلطة المرخصة :eek5:



ممكن اعرف معنى هالمخالفه ؟ :shy:

[البدع]

سلملي على الثانوية العامة

رواتبانا بيد يهالوووو

[Realistic]

سلملي على الثانوية العامة

رواتبانا بيد يهالوووو



لا لا اخوي من صجي والله ابي اعرف شنو معنى هالمخالفه :eek5:
تكفون حد يرد علي :shy:

[Ussop]

الله يستر، شكلك مرتكب فعل مخل في وضح النهار :p

نصيحة، روح اشتك، لأنها مبهمة، ومب موضح فيها أي تعليمات طريق مقصودة قمت بمخالفتها.

[بو خليفه 123]

معناها عندك متفجرات بالسياره و أنت مطلوب للعداله :p (نمزح)


اخوي عندك خيارين :

تم انشاء مكتب للشكاوي والاقتراحات يخص المرور والمخالفات تحديداً , بأمكانك اللجوء اليهم و معرفة معنى المخالفه .

او انك تكون realistic و تدفع المخالفه .. و كان الله غفور رحيم . :)

القهر انه الارشادات الموضحه من قبل السلطه كلها شاطبين عليها نظراً لأغلاق معظم الشوارع .. شي يحيّر

الله يعوضك خير ان شاء الله .

:)

[Realistic]

الله يستر، شكلك مرتكب فعل مخل في وضح النهار :p

نصيحة، روح اشتك، لأنها مبهمة، ومب موضح فيها أي تعليمات طريق مقصودة قمت بمخالفتها.


فعل مخل مره وحده :omg:


المشكله ان مكان ارتكاب المخالفة هو : المطار العتيق << يعني فريجنا !! :eek5:

ماخبر إن لي افعال مخله في الفريج :tease:


طيب وين اروح اشتكي؟ وعند من ؟

[Realistic]

معناها عندك متفجرات بالسياره و أنت مطلوب للعداله :p (نمزح)


اخوي عندك خيارين :

تم انشاء مكتب للشكاوي والاقتراحات يخص المرور والمخالفات تحديداً , بأمكانك اللجوء اليهم و معرفة معنى المخالفه .

او انك تكون realistic و تدفع المخالفه .. و كان الله غفور رحيم . :)

القهر انه الارشادات الموضحه من قبل السلطه كلها شاطبين عليها نظراً لأغلاق معظم الشوارع .. شي يحيّر

الله يعوضك خير ان شاء الله .

:)


والله شكله الخيار الثاني هو الاقرب والي بيصير ..

طيب بخصوص مكتب الشكاوي.. لازم انا اروح لهم بنفسي ؟ وله ممكن اتواصل معاهم بالايميل ؟

[PathFinder]

اخوي العلامة واضحة ومنقوشة نقش على القار
والنقش هو النقش على الحجر كالعلم في الصغر وتم استخدام منقوشة هنا للدلاله على النقش وهو كل شئ نحت على الصخر أو اي جسم صلب.
وعدم اتباع النقش يسبب مخالفات
اتمنى اني شرحت لك معنى المخالفة

[Realistic]

اخوي العلامة واضحة ومنقوشة نقش على القار
والنقش هو النقش على الحجر كالعلم في الصغر وتم استخدام منقوشة هنا للدلاله على النقش وهو كل شئ نحت على الصخر أو اي جسم صلب.
وعدم اتباع النقش يسبب مخالفات
اتمنى اني شرحت لك معنى المخالفة

اهااااا ايه صح صح اوكي مشكور اخوي :rolleyes2:

[airbus]

فعل مخل مره وحده :omg:


المشكله ان مكان ارتكاب المخالفة هو : المطار العتيق << يعني فريجنا !! :eek5:

ماخبر إن لي افعال مخله في الفريج :tease:


طيب وين اروح اشتكي؟ وعند من ؟

اوكي انا عرفت شنوا المخالفة

لان ساكن نفس فريجي <<<<اشدخل


شوف الصورة وبتعرف :tease::tease::tease:<<<<ومتأكد بعد

http://img.skitch.com/20100505-t8wnqgmw8ysypq6w9p1a57nwbp.jpg


صورة لاشارات المطار وانت قاطع من الصوب الي رايحين المطار وانت رحت اشارت المانع

[airbus]

ههههههه

انا الحين حصلت المخالفة مساكين كانوا اش كترررررر السيارات الي راحوا معاي تخيل الشرطي بعد اسبوع قدر يدخلهم للسستم من المخالفات

http://img.skitch.com/20100505-jmu67hq4y6in6ttktpir118g3t.jpg

[Realistic]

اوكي انا عرفت شنوا المخالفة

لان ساكن نفس فريجي <<<<اشدخل


شوف الصورة وبتعرف :tease::tease::tease:<<<<ومتأكد بعد

http://img.skitch.com/20100505-t8wnqgmw8ysypq6w9p1a57nwbp.jpg


صورة لاشارات المطار وانت قاطع من الصوب الي رايحين المطار وانت رحت اشارت المانع


ايه والله انا وايد اسوي هالحركه :shy:

انزين اكتبوا في نوع المخالفه : انت واقف مكان الي يروحون سيده روحت يسار << عشان الواحد يفهم :tease:

مشكور اخوي على التوضيح :shy:

[شويهينــه]

بشركم الله بالخير

يعني في مخالفه عالطريج

[airbus]

ايه والله انا وايد اسوي هالحركه :shy:

انزين اكتبوا في نوع المخالفه : انت واقف مكان الي يروحون سيده روحت يسار << عشان الواحد يفهم :tease:

مشكور اخوي على التوضيح :shy:

والله اصراحه بروح للمرور او البلدية لانه الشارع غلط وادا يبوا يسوا حل انا عندي الحل لزحمه الي تصير هناك

[العرفـج]

ههههههه

انا الحين حصلت المخالفة مساكين كانوا اش كترررررر السيارات الي راحوا معاي تخيل الشرطي بعد اسبوع قدر يدخلهم للسستم من المخالفات

http://img.skitch.com/20100505-jmu67hq4y6in6ttktpir118g3t.jpg


جاتني نفس المخالفة ومادري ايش معناها
رحت اراجع قالوا لي ادفع وبعدين ناقش

مادري شسالفة

من سمع مصيبة غيره هانت عليه مصيبته

كان في واحد في نفس المكتب كان قاعد ويصارخ مع الشرطي ويقول (( صارت مخالفة اذا الواحد يشرب شاي في قهوة النعيمي ؟؟؟ المخالفة (( حجز الموتر اسبوع )) وبعد ما يسلم السيارة يراجع مدير مكتب نائب مدير المرور .

وماخفي كان أعظم

شوفوا طريقة رجال المرور في شوارعنا ، والله يلعبون لعبة ومحد قدهم
ينخشون ورا لوحات الاعلانات واشارات المرور ويسجلون ارقام السيارات ويحطون المخالفات بشكل عشوائي اهم شي يخلص الدفتر اللي عنده عشان هدف عظيم الا وهي مكافأة حلوه صراحة وهي ( اجازة في ثاني يوم )) .

الله يعين الواحد ما يقول الا حسبي الله ونعم الوكيل
سلموا دفاتر ومخالفات لبزران وجهال ما يعرفون قيمة اللفلوس والقانون في صفهم .

خلوها على الله ، ادفع وانت :secret:

[airbus]

واليوم شرطي المرور موجود بعد !!!! مخالفات بالجملة !!

[Ussop]

واليوم شرطي المرور موجود بعد !!!! مخالفات بالجملة !!

شفته بعد، بس الي برد على قلبي إنه قام يخالف الأجانب!

::

إذا ارتكبت هالمخالفة، وشفت الشرطي في وجهك يسجل رقم موترك، توجه له بحركة بسيطة لطيفة كأنك تبي تدعمه

بصراحة المرور مسوين شغل هاليومين، صار الواحد ما يتجرأ يطلع من بيته إلا والحزام مسموت :p

[برشلوني قطر]

فعل مخل مره وحده :omg:


المشكله ان مكان ارتكاب المخالفة هو : المطار العتيق << يعني فريجنا !! :eek5:

ماخبر إن لي افعال مخله في الفريج :tease:


طيب وين اروح اشتكي؟ وعند من ؟


يمكن المخالفه انك واقف عند بيتكم ومادخلت السياره داخل ومتعدي ع املاك الدوله :rolleyes2:

[ولد قحطان]

هذي اسهل مخالفة يقدر الشرطي يصكك فيها
واذا حاججته يقولك انت لفيت يمين او يسار بدون ما تلتزم بالخطوط الارضية او العلامات المرورية

مفروض ما تلف يسار هالشارع اللي انت فيه ممنوع الاستدارة او الالتفاف يعني فقط اماااااااام سر

[almaf1a]

الحمدلله طلعت 500 ريال
خرعوني الشباب البارحه يقولون 3000 ريال

[بوحارب]

يمكن كنت تسوق وانت تكرك o-O

[ممنوع اللمس]

اخوي.. أعترف بالجريمه اللي ارتكتبتها؟ لا تخلينا نستخدم معاك اسلوب ثاني..
خيوط الجريمه واضحه...
القانون قانون
خخخخخخخخخخخخخخخخخـ
وربي المرور صار رعب
فديت الفزعه ولخويا عالدعسه

[أسير الأحلام]

جاتني نفس المخالفة ومادري ايش معناها
رحت اراجع قالوا لي ادفع وبعدين ناقش

مادري شسالفة

من سمع مصيبة غيره هانت عليه مصيبته

كان في واحد في نفس المكتب كان قاعد ويصارخ مع الشرطي ويقول (( صارت مخالفة اذا الواحد يشرب شاي في قهوة النعيمي ؟؟؟ المخالفة (( حجز الموتر اسبوع )) وبعد ما يسلم السيارة يراجع مدير مكتب نائب مدير المرور .

وماخفي كان أعظم

شوفوا طريقة رجال المرور في شوارعنا ، والله يلعبون لعبة ومحد قدهم
ينخشون ورا لوحات الاعلانات واشارات المرور ويسجلون ارقام السيارات ويحطون المخالفات بشكل عشوائي اهم شي يخلص الدفتر اللي عنده عشان هدف عظيم الا وهي مكافأة حلوه صراحة وهي ( اجازة في ثاني يوم )) .

الله يعين الواحد ما يقول الا حسبي الله ونعم الوكيل
سلموا دفاتر ومخالفات لبزران وجهال ما يعرفون قيمة اللفلوس والقانون في صفهم .

خلوها على الله ، ادفع وانت :secret:


و ما خفي كان اعظم .. اهل قطر لازم يتخالفون من اكثر من جهة من نفس الوزارة

ابغي اعرف شنو القصد من الرادار المتحرك والمخفي .. ( طبعا الجملة المعتادة .. حفاظاً على أرواح الناس )

ما القصد من إخفاء الدورية ونزول الشرطي منها وانتظار الأشارة الحمراء لمخالفة الناس

[ولد قحطان]

يقول المثل

لاتبوق ولاتخاف

[مساهم عادي]

امس كنا قاعدين مع احد المحامين .. وكلمناه بخصوص المخالفات الغيابية هذه التي يتفاجأ بها الناس بمسجات تاتيهم على جوالاتهم .. وقال انه يمكن الطعن في هذه المخالفات ام محكمة المرور ........ وقال ايضا ان محكمة المرور الغت عدد من المخالفات ...