أبـي أفـضـفـض ... تـعـبـت وٍضـآ‘ق صـدرٍي ... وٍكـل الأبـوٍآ’ب مسـكرٍه بوٍجهـي

[ممنوع اللمس]

السـلآ’م عليـكم وٍرٍحمـة اللّـه وٍبـرٍكـآ’تـهـ....

كتبـت هالمـوضـوع من القهـر اللـي فيني :weeping:

العمـر يمشي وأحـس إنـي مآ أسوي شي لنفسـي,,
يمكن هالشعـوٍرٍ يرآودني ويرآود أكثـر النـآس
موضوعـي ...
انا موظـف قـطرٍي... مع الأسـف عســكرٍي... قبـل كنـت أقـوٍل العسكـريـه والعسكـريـه بس الحيـن ابي الخلـآـص منهـآ’...
كآن خآطـري من زمـآن أكمل درآستـي الجآمعيـه بس بسبـب ظـروف الحيآه قلت بشتغـل وبكمـل بنفس الوقت..
مثل ما انتم عآرفين ان الانتسآب ممنوع وهالشي اهو اللي موقف مستقبلي ومستقبل الكثير الكثير الكثير من الموظفين القطرين والغير موظفين...
الدوآم مستحيل يعطيك تفرغ للدرآسه ويقول لك لو تبي اخذ من اجازتك الرسميه وسافر قبل الدراسه بشهرين علشان موضوع الحضور... والاجازه لو تحسبها ما بتوصل 45 يوم فالسنه والواحد فالسنه يحتاج لسفرتين... يعني أنســــى... بالعربي مآفي درآسه خلك كذا..
قآلو كلية مجتـمع قطـر وفرحـت يوم سمعت بالإسم هذا وكلمتهم وقالو بنسوي جدول خآص للموظفين ان كانو ثابت صباح أو شفتات..
بس انصدمت يوم المعـرض المهني بتغييـر قرآرهـم وقآلو ان الموظفـين لآآزم يجيبون تفـرغ حتـى يدخلـون هالكليـه :( وآخر شمعه الوآحـد حآط أمله فيها طفـوهآ...
السؤال اللي يجول في خآطري...
ليش الإنتسـآب ممنـــوع؟؟؟

المـوضوع فضفضـه من القهـر اللي فينـي
والسمـوحه عالإطآلـه :weeping:

[شويهينــه]

الله يعينك اخوي

بس عندي اقتراح مدري اذا جربته او لا واذا جهة عملك عندها هالنظام او لا

الاقتراح هو انك تكمل في احدى الجامعات الموجوده في البلاد عن طريق جهة العمل

وبما انك عسكري يمكن كليه احمد بن محمد تناسب شغلك

هذا اقتراح وعندك الاخبار

[الجني]

اخوي

انت في اي مجال تعمل في العسكرية؟
كم عمرك؟
هل متزوج؟

ارسل لي على :

qatarinquiry@yahoo.com

الله يوفقك

[ممنوع اللمس]

كل الشكر لكم عالطرح وكل المحاولات فشلت مع الاسف :(

[الاسمر]

ليش الانتساب ممنوع، أسل فقهاء النظام التعليمي في قطر،والذين كانوا من ضمن هيئة التدريس في وزارة التربية والتعليم(سابقاً)،وبقدرة قادر صاروا خبراء و يقيمون الجامعات في العالم، ويقوم بجولات في بلدان ،ويضعون المعايير،المترجمة من اللغة الإنجليزية(الامريكية طبعا إلى العربية.،وإذا لقيت جواب،مثل مايقولوا قابلني................................؟؟؟؟؟؟؟؟؟؟؟؟ ؟؟؟ّّّّّّّّّّّّّّّّّّ!!!!!!!!!!!!!!!!!!!!!!!!!!!!! !!!!!!

[هدهد سليمان]

اذا عندك واسطه كل شي يمشي ياخوك ..

[أم المهند]

اخوي

انت في اي مجال تعمل في العسكرية؟
كم عمرك؟
هل متزوج؟

ارسل لي على :

qatarinquiry@yahoo.com

الله يوفقك

لييييييييه تقول كل المحاولات فشلت ؟؟؟!!!:omen2:

هذا الجني بيشغل لك مصباح علاء الدين ويحل لك القضية .. :victory:

يالجني .. بيض الله وجهك ولا حرمك أجره ..:nice:

[القطــــــرية]

الله يوفقك ان شاء الله

[ممنوع اللمس]

مشكورين كلكم عالردود
وهدهد لو عندي واسطه من زمان اموري انحلت
والجني ماقصر بس... في عقد بيني وبين مكان عملي 5 سنين :(
والله يوفقكم جميعا وماقصرتو عالردود :(

[هاب الريح]

لا تنقهر و لا شيء ......

تبي الحل اللي ما فيه حيله ........

سو مثلي .....


ما فيه حد مايضيق .... انا لحد ضيق خلقي بكلام وصار كلام جامد من ناس أعزهم وأحترمهم

وسودت الدنيا وضاق الخلق ........ دعسة وحدة في السيارة من البيت الى البحرين او

الامارات ........ وما تنفك الضيقة الا بسفرة بالبر و لا تودي أحد معاك

وغير جو ولرجعت بتلقى اللي زعل رضا والمشكله اللي تقولها أول ما ترجع

فكر فيها وحاول تحلها انت بنفسك لأن ما راح أحد يحلها لك اذا انت مبادرت تحلها .

اذا تناسبك سوها واذا ما تناسبك انساها .....

بس هذي تجربة اسويها .


وتحياتي .

[ممنوع اللمس]

هاي الريح ههههههههههههه قسم بالله ضحكتني وانا بعز ضيقي
شكلك ما قريت الموضوع مشيت على العنوان ههههههههههههههه
الله يفتحها عليك يشيخ

[ذوق]

قصه من واقع عايشته مع أحد الموظفيــن الطموحيــن الذي كنت أعمل معهم ، فقد كـان يحكي لي عن قصة حياته وكـنت أتـابع أحداثه عن قرب ، وكـان في حال يأس شديد بسبب عدم الرد عليه بخصوص إكمال دراسته بالخـارج التــى مضى به العمر للعقد ال3 وكـان فعلآ لا يعلم السبب الرئيسي لسوء حظه فقرر قرارآ أن يفكر بطريقة مختلفه تمامآ ...

نعــم إكتشف الشئ الذي أخره سنين وأخر حظـه .. نعم إنه (( العلاقة مع الله )) ، لا أقول لك إنه لا يصلي ولكن كـانت علاقته بربه سطحية نوعـآ ما ، غافـل بإختصار ,

وأكد على ذلك عندمـا بدأ يلتزم بصلاه الفجر قبل الصلوات الأخرى ، لا يؤجل ولا صلاه في المسجد ، أكثر من الأستغفار ، لازم المصحف ، أقام الليل

وأقسم بالله لازلت أذكـر كيف كنت ألحظ ذلك التحسن والنقله النوعيه في حياته ، رأيت ذل بأم عيني لم أسمع من أحد أخر ، رأيت كيف تم قبوله في وظيفه مرموقه وبراتب خيالي وببعثه خارجيه إلى أمريكــا

نــعـم :

إن كنت تريد أن ترى قدرك عند الله // فإنظر إلى قدر الله في قلبــــك ..

لا تعتمد فقط على العبادات المفروضه ,, بل إكثر من الصدقات أكثر من كل ما يقرب إلى اللـه وأكثر من الدعاء ولو بركعه واحده في جوف الليــل ، أعن نفسك وجاهدها فإن لم تستطع ذلك فإعلم أنك لن تكون مخولآ لكي تتحمل مسؤولية الدراسه وما شابه ذلك فذلك هو التحدي الحقيقي ... !!

والله ولي التوفيق

اختك في الله

ذوق

[غريم قطر]

شي غريب الصراحه نص ربعنا جاتهم موافقات من مكتب البعثات بالداخليه انتساب جامعه القاهره وتروح قبل الامتحانات بشهر تدرس وتقدم امتحاناتك وترجع .....!!!! شلون تقول مافيه انتساب تأكد بس من ادارتك وموفق انشالله

[سهوم المنايا]

يارجال الله يعينك

انا نسبتي 88,5% وعسكري وحاولت اني ادرس على حساب الدولة لكن مافيه واسطه

واخر شي دخلت انتساب في القاهرة هالسنه وقدمت اجازة شهرين قبل الامتحانات مع العلم اني ماعندي موافقه على اجازة الامتحانات لكن بصراحه ماقدرت اواصل بسبب امووووور ماليه ورجعت من القاهره قبل بدء الامتحانات بثلاث اسابيع تقريبا

وفقدت الامل بصراحه

مع العلم اني خذيت الثانويه مرتين بس حبا للدراسة لكن ما اقدر اقول الا حسبي الله ونعم الوكيل

ان كان لي رزق في التعليم ان شاء الله بيحصل لي وان كان مالي نصيب فلاحول ولاقوة الا بالله


الله يوفقك اخووي

[mnmn172]

الله يعينك ويوفقك لما يحبه و يرضاه وما فيه خير لك

[The Blade]

مرحبا ياخوي
بالعكس العساكر لهم شهرين في السنة للدراسة في الخارج وبراتب كامل ..
يعني تجمع فيها السنوية تضهر لك اجازه حلووه للدراسة واعرف شباب وايد عساكر يدرسون خارج البلاد ومعتمدين على الشهرين والاجازه السنوية :)

وتقدر تسأل وانا متأكد من كلامي والله يوفقك ويوفق الجميع

[قطرية فذة]

التعليم مستهدف

تابع الموضوع بتوقيعي

من وجهة نظري اختر التخصص الذي تجد نفسك به حتى وان كان انتساب وواصل

ان تتعلم وتكون متعلم افضل من ان لاتكون بدون رؤيه

ثم ان بعد تخرجك ان شاءا لله ستجد القابليه

هنالك من هم بمثل وضعك وأكثر

فمادمت رجلاً فالفرص امامك

وفقك الله

[سهوم المنايا]

مرحبا ياخوي
بالعكس العساكر لهم شهرين في السنة للدراسة في الخارج وبراتب كامل ..
يعني تجمع فيها السنوية تضهر لك اجازه حلووه للدراسة واعرف شباب وايد عساكر يدرسون خارج البلاد ومعتمدين على الشهرين والاجازه السنوية :)

وتقدر تسأل وانا متأكد من كلامي والله يوفقك ويوفق الجميع

ابوي انت غلطان اللي له شهرين هم الضباط فقط

اما صف الضباط مالهم الا خمس ايام قبل الامتحانات ويومين بعد الامتحانات

[ممنوع اللمس]

كل الشكر لكم عالردود وماقصرتو والله يعطيكم العافيه والله يعين وانا ادري هذا حال اكثر الناس
واللي جاتهم موافقه اكيد شغلو الواسطه
جزاكم الله خير جميعا عالردود

[ممنوع اللمس]

اخوي اللي ذكر في اجازه شهرين؟ اول مره اسمع في هالكلام اللي اعرفه سنويتك لا وتقدم عليها 5000 مره وتتصل مليون مره علشان بس يوافقون عليها

[BIG-VEGA]

للي يحللون او يحرمون من يتعلم ومن مايتعلم
يمكن تفيدهم هاي الايه

{ قل أرأيتم ما أنزل الله لكم من رزق فجعلتم منه حراما وحلالا قل آلله أذن لكم أم على الله تفترون ( 59 ) وما ظن الذين يفترون على الله الكذب يوم القيامة إن الله لذو فضل على الناس ولكن أكثرهم لا يشكرون ( 60 )} سورة يونس

[ممنوع اللمس]

جزاك الله خير اخوي عالرد