مابي واحد فيكم يقول.......؟!

[amoree]

سؤال ليه اقتصر التوظيف للموظفات فقط المدارس واي مدارس المدارس المستقلة
ليه كل مكان صار اختلاط
ليه
جد شو الفايدة من الاختلاط عطوني رد
انا موظفة في مدرسة مستقلة
ومن كثر الضغط والتعب والابتسامة اللي في الوجه اللي موب لازم اتفارق ويهك
مافي كلمة شكر
بل بالعكس انتقاد لتسعى اكثر
وناس يييلسسون ماعندهم الا التحفر والنبش والتبلي
ولو انك سهيت بعمل غصبن عليك جابوك ناقشوك علني كانك واقف في محكمة
ليه
ليه التدمير النفسي
اوكاي احنا ماشكينا عن ضغط العمل اورجعة البيت متأخر عن اعيالنا وعايلتنا ماشكينا
الا دور الضغط النفسي والتدمير الذاتي اللي شغالين فيه الهيئة الادارية العليا
الواحد يجي مبتسم ويقول يالله بستر ماتخلي دعاء ماتقولة كانك داخل على ناس ماعندهم الا الظلم
ممكن حد يجاوب لي على سؤالي ليه انا واي وحده مثلي ماتبي الاختلاط اتكون بس المدارس لها ولا تقعد في البيت ...اوكاي بتعقد في البيت واللي عليها دين واللي عندها اهل تصرف عليهم واللي عندها زوج مايشتغل واللي واللي ....الخ هذولا شيسون النفسية في الحضيض


كل مارحنا مكان خاص بنساء قالوا اكتفاء بعد كم يوم اتلاقونهم اموظفين ليه يعني لازم الواسطه في جيبك عشان اتوظف

وليه الشهادة الجامعية والخبرة الكبيرة صارت ماتنفع

جد درت ودرنا...انا والكثير من البنات واللي لسه يدورون على وظيفة خاصة بقسم نساء
ماعينا


ابي حد يقولوي شنسوي ووين نروح
بس لاتقولو لي صبري تراحنا صبرنا وايد وايد
دخيل الله ودخيلكم قولونا شنسوي ووين انروح انقدم ويوافقون علينا

[ام خليفة]

الحال من بعضه

انا صار لي 3 سنين ادور وظيفه

ماقولج مالقيت ابدا لا لقيت بس في بنوك ربويه ومختلطه ،، ومن ترك شيئا لله عوضه الله خير منه ..

قدمت في الوزارات في اقسام للبنات ، مثل المالية ، الخارجية ، الديوان ، الثقافه ،الاوقاف ، القاصرين ،

وطبعا محد فيهم كلمني ولاطلبني حق مقابله حتى لان السالفه معروفه عندك واسطه تتوظف ماعندك ارتاح في البيت .
والمدارس انا شايلتها من بالي الصراحه مافكر فيها على اللي اسمعه عنها ...

الله يوفقج ياختي وتلقين الوظيفه اللي تناسبج وتفرح قلبج ..

[amoree]

تسلمين ياقلبي
يا ام خليفة

وان شاء الله انا وانتِ وغيرنا نحصل على الوظايف المحترمة

ان شاء الله


أسأل الله العلي القدير التوفيق للجميع

[amoree]

للرفع

[العقيد]

لو كان عليكم كان الامر عادي اغلب البنات عندهم الي يصرف عليهم لكن شتقولين في الشباب الي يبون يفتحون بيوت ويأمنون مستقبلهم ومستقبل عيالهم ومب محصلين شغل!!

[pink]

والله زمان ياالمدارس الحكومية والله زمان يا وزارة التربية والتعليم مانعرف قديرك لين جربنا غيرك

الله يكوت بعونكم يامدرسات ومدرسي المستغلة فعلا يستغلون الموظف المسكين .

[خليفـة]

الله يكون في عونج اختي
وانا معج قلباً وقالباً

الله يفرجها عليكم ان شاء الله

[amoree]

الله المستعان

ربي يوفق

الله كريم


يصير خير ان شاء الله


هاذيلة الكلمات اللي وين اتروحين اتقدمين مكان اتعينينها


وبعدين


والله تعبنا


لاحول ولا قوة الابالله
وحسبي الله ونعم الوكيل

[noony]

صج وين انروح
الله يرحم ايام الوزاة التربية والتعليم على الاقل لين الموجهة تحضر اتقول الله يعطيج العافية
اما الحين اذبحي نفسك وهم انتي ماتشتغلين وانتي ماتسوين وع شنو هاي
ولا الي يبط الجبد ان انتي اكثر خبرة منهم وهم ولا يعرفون شي ويتحكمون فينا
تدرين اختي دستي على الجرح
حسبي الله ونعم الوكيل في اللي وصلونا الى هذا الحال