بالنسبه للعازل الحراري

[لمت داون111]

الي عنده خبره ياريت يفيدنا بكم سعره علي الفور ويل وهل هو ممنوع ولا لا وشنو انواع صنعه ووين الاحسن وايش هي المحلات وادري ثقلت عليكم بس حتي لو عندكم اجابه بسيطه اكون شاكر لكم

اخوكم لمت داون111

[عالي مستواة]

الفورويل الله يسلمك سالت عنه في المحل اللي في محطة المسيله قالوا لي بــ 2000 ريال الموتر كامل

وفيه عازل شفاف وهذا مصرح من المرور ويمنع دخول الحراره بنسبه 70%

[BURBERRY]

الموضوع جه في وقته

انا بعد ودي اركب عازل حراري و رحت امس محل اسمه الحارس الملكي في التيسير قالي 1200 ريال

[saud580]

أخوي انا مركب اليووم على جي اكس بــ1500 في المحل الي على خط سلوى اسمه العازل الحراري وقال لي انه مصرح وفي الوااان وااايد هو يعرف وشو المصرح و وشو الممنوع لأن حتى مواتر الشرطه يضربون عنده


وقالي اذا حد خالفك وشاله باركب لك ببلاش



وصح كلام اخوي عالي مستواه الي في المسيله رحت له اليوم بعد قالي بـ2250


بس انا كل اتعامل مع الي على خط سلوى اسمه العازل الشفاف اظن


المحل لافتته زرقه

[hamoor4ever]

هاهاهاها مره واحد قال لي اذا حد خالفك ارجع لي ..

ووقت الصج تروح له يقول لك انه عمره ماشافك ..

شوف اخوي هو على المزاجيه ساعات يصير ممنوع ولو تروح عند اكبر ضابط .. وساعات لو اتحط
عاكس بكل مكان .. يصير عادي

يعني حظك نصيبك .. بس اعتقد يتركب حق السيارات الكبيره بسعر بحدود 1300 ريال كامل

[المولع22]

مرحبا بك اخوي

يالطيب انا قبل فترة مركب على لكزس فورويل عند تيتانيوم بخط سلوى لوحتة فضية المحل

ركبته بـ 1500 ريال كاامل كل الجامات

وعنده انواع وايد شفاف وملون وكل شي يعني

ركبت انا اسود بنسبة 30 % وقال لي مصرح

وقبل اسبوع موقفيني التحريات ان الموتر مطلوب مخفي كامل

تفاهمت وياهم ان عازل ومدري ايش قالو لي ركب شفاف الملون ممنوع

رحت عنده ( تيتانيوم ) قلت له انت قلت مصرح ومدري ايش

غير كلامة والا يقول لا المصرح بدون الوان

يعني لاتاخذ بكلامهم ياخوي ان مصرح ومدري ايش

المصرح هو العازل الشفاف .. والله يعطيكم العافية

تحيااااتي

[saud580]

صح كلام المولع الي انا اقصده تيتانيوم

بس يا الغالي انا كنت مركب الي على عاكس يعني لو توقف حذاي ماتشوفني وقدام خفيف وقفتني الدوريه وقالو لي شله عادي شلته والله ورحت حق السوداني الي في سلوى ركب لي الاخف منه ببلاش والله مادفعت ولا ريال وانا مركب حق كم موتر بعد من عنده

[roadrunner]

الموضوع جه في وقته

انا بعد ودي اركب عازل حراري و رحت امس محل اسمه الحارس الملكي في التيسير قالي 1200 ريال


اذا ما خاب ضني ان بضاعة هالمحل صناعة هندية.


انا كنت مركب عند تيتانيوم الي على خط سلوى ... ركبت على طوارق ب 1350 ريال

[gasxxx]

مشكوريين شباب على التوضيحات,

الحين عرفنا الممنوع والغير ممنوع,

بس الي أهم من السعر شغل المحل, ايش أحسن محل من ناحية الشغل والضمان؟

[لمت داون111]

تسلمون شباب ماقصرتو والله
بس ممكن حد فيكم يجاوب علي سؤال اخوي gasxxx ورحم الله والديكم

[roadrunner]

مشكوريين شباب على التوضيحات,

الحين عرفنا الممنوع والغير ممنوع,

بس الي أهم من السعر شغل المحل, ايش أحسن محل من ناحية الشغل والضمان؟


انا ركبت عند شركتين V-cool وعند تيتانيوم .. بالنسبة عن السعر ... تيتانيوم ارخص .. وبالنسبة عن الشغل والضمان .. اثنينهم نفس الشي .. وخلال فترة الضمان اذا العوزل تشمخت او طلع فيها فقاعات او طريقة التركيب ما عجبتك .. يعني فيها عيوب من الاطراف عشان سوء التركيب .. يغيرونها لك على طول ....

[saud580]

أخوي انا ماجربت الا تيتانيوم


واشوف ان شغلهم عدل

ما اقوول لك ان هم احسن شي بس انا ماجربت غيرهم

[BURBERRY]

انزين يا جماعه

العازل كم في الميه يعزل الحراره ؟

[الشرقاوى1]

انزين يا جماعه

العازل كم في الميه يعزل الحراره ؟
حوالى 45% للشفاف

و 70% للداكن (المخفى)

الشفاف لايحتاج إلى ترخيص مرور أما الداكن لابد من ترخيص كالعاده

أجمل ما فى العازل هو أنه يمنع لذوعة الشمس (الصهد) على اليد والوجه صيفا ويحسن أداء المكيف.

[عيون قطر]

مرحبا شباب اما بخصوص العازل انا اشوف تيتانيوم شغل عدل وارخص واحد فيهم تقريبا

سؤال ليش ماتسوون تصويت للموضوع

يعني على سبيل المثال

1- تيتانيوم .
2- الحارس الملكي .
3- V-cool .
4- ............. إلخ .

احسن عشان الناس اتعرف شنو الاحسن ومشكورين

[BURBERRY]

حوالى 45% للشفاف

و 70% للداكن (المخفى)

الشفاف لايحتاج إلى ترخيص مرور أما الداكن لابد من ترخيص كالعاده

أجمل ما فى العازل هو أنه يمنع لذوعة الشمس (الصهد) على اليد والوجه صيفا ويحسن أداء المكيف.

انزين اخوي .. اذا بغيت اركب عازل داكن 70% لازم ترخيص ؟

و عشان اطلع الترخيص هل لازم تكون عندي واسطه ؟ :eek2:

[صقر بلادي]

مرحبا شباب اما بخصوص العازل انا اشوف تيتانيوم شغل عدل وارخص واحد فيهم تقريبا

سؤال ليش ماتسوون تصويت للموضوع

يعني على سبيل المثال

1- تيتانيوم .
2- الحارس الملكي .
3- V-cool .
4- ............. إلخ .

احسن عشان الناس اتعرف شنو الاحسن ومشكورين

ايه والله يكون احسن لني ابي اركب على موتري

يعطيك العافيه اخوي

[مستريح البال]

انزين اخوي .. اذا بغيت اركب عازل داكن 70% لازم ترخيص ؟

و عشان اطلع الترخيص هل لازم تكون عندي واسطه ؟ :eek2:

:con2: :con2: محد رد؟؟

[الشرقاوى1]

انزين اخوي .. اذا بغيت اركب عازل داكن 70% لازم ترخيص ؟

و عشان اطلع الترخيص هل لازم تكون عندي واسطه ؟ :eek2:
لا أعتقد هناك لزوم للواسطه

تدفع 20 ريال سنويا رسوم لاغير فى المرور (قطر)

وهذا للزجاج الجانبى الخلفى فقط ..... أما الامامى والخلفى والامامى الجانبى ممنووووووووووع

أما الانواع فكلها تتشابه فى تقديرى وفى حدود 900 للسيارات الصغيره و1200 للكبيرة

تحياتى

[المولع22]

اخوي بالنسبة لعزل الحرارة ..

بالنسبة لـ ( تيتانيوم ) العازل الملون تكون نسبه عزل الحرارة 75 %

أما بالنسبة للعازل الشفاف بنسبة 99% تقريبا

ومع التحية

[gasxxx]

مرحبا شباب اما بخصوص العازل انا اشوف تيتانيوم شغل عدل وارخص واحد فيهم تقريبا

سؤال ليش ماتسوون تصويت للموضوع

يعني على سبيل المثال

1- تيتانيوم .
2- الحارس الملكي .
3- V-cool .
4- ............. إلخ .

احسن عشان الناس اتعرف شنو الاحسن ومشكورين


تسلم عيون قطر فكر حلوة