مشكلـــه مع شركة عبدالغني

[الوفـى طبعي]

السلام عليكم ورحمة الله وبركاته


والله اكتب لكم الموضوع وانا منقهر حدي من شركة عبدالغني

اسمعوا السالفه يالربع

عندي لكزس فورويل lx570 موديل 2009 دعمت فيه دعمه خفيييفه من 7 شهور تقريباا الصدام تحرك من مكانه

المهم ووديته الشركه وعدلوا لي الدعمه ,, ومن قبل شهرين وانا راجع من الكويت على الخط طلعت لي علامة التعجب في الطبلون وتثبيت السرعه اخترب .. وسفهة لين من قبل سبوع وديته لهم قالوا لي انت داعم من قبل في الصدام وهذا هو السبب ,, قلت لهم انا مالي شغل الحين السياره عندكم صلحوها قالوا لي تصليحها بيكلف 18 الف !! قلت والضمان قالوا لا .. لو انك مب داعم من قبل كنا بنصلحه لك .. وشرايكم ياجماعه ؟؟ معنى انا مصلح الموتر عندهم !!؟ والله مدري شسوي لو حد يقدر يفيدني او يقترح علي ومشكووورين

[ولد سالم]

الله يكون بالعون
احس انه عبدالغني مب نفس قبل
انزين هم رفعو الاسعار المفروض الخدمات تصير احسن من قبل
بس انشاءالله يحسون فينا

[الوفـى طبعي]

تسلم ياشيخ على المرور

[دوحة الجميع]

بعد معاناة في الشركة في هذا الموضوع :


أبشركم حصلنا الإيميل الرسمي لمدير علاقات العملاء في تويوتا العالمية وهو ياباني كان قد زار قطر ، وأنا شفت البزنس كارد حق هالمدير والإيميل نقلته من البزنس كارد بنفسي ، ولاحد يسألني كيف حصلت البزنس كارد لأنها صدفة واستغليتها

وأنا أدعو كل من له شكوى على تويوتا في قطر أو في أي مكان في العالم أن يرسل شكواه إلى هذا الإيميل عسى أن يحصل على حقه بإذن الله تعالى ، وأدعو كل من لديه إي إيميل رسمي أن يضعه هنا للفائدة ،،

بالتوفيق للجميع ،،


ap-overseas@mail.toyota.co.jp

الموضوع مقتبس من موضوع سابق وهذا هو الرابط

http://www.qatarshares.com/vb/showthread.php?t=278008&highlight=%DA%C8%CF%C7%E1%DB%E4%ED

[WARNING]

قلـــنــــالكـــــــــم قاطعووووووهم
اخوي انا صار لي نفسك كان عندي لكزس سعودي وطلعت علامه في الطبلون pcsوتثبيت السرعه مايشتغل ويطلع في الشاشه clean rader وديتها وكاله قطر قالولي نفس كلامك تدفع 9الاف +فتح ملف 5الاف
رحت وكاله عبدالطيف جميل (الله يوفقهم) دخلته ع الضمان وصلحت بلاش مع اني ماشيكت الموتر عندهم ولا مررررره دفعوني 700ريال بس غرامه عشان اني ماشيك عندهم
صج وكالتهم سيرفس وخدمه مب عبدالغني تروح لهم كنك اطر منهم

[قطري009]

الحمدالله ان عندي هوندا اكوورد 2010
والله يعينك ويعين غيرك على عبد الغني

[الجوكر90]

السلام عليكم
مالك الا وطني الحبيب صباح الخير قول سالفتك وخل نشوف حمايه المستهلك وشو راح يسوون
والله يعينك

[بوعبدالله779]

هي تويوتا اللي انتم طايرن فيها مالك الا نيسان وبس

[بوجاسم 75]

شركة عبدالله عبدالغني مانقول لهم غير حسبى الله ونعم الوكيل 0

[A.L.I]

روح حق الدكتور ناصر في البرج

[البيت بيتك]

الحمدالله انا الله بعدني عنهم

[qatar-uae]

ونا انصحك تروح حمايه المستهلك وتحاول تجيب الاوراق مالت الدعمه والتصليح الى في الشركه وذا تقدر خلهم يعطونك تقرير ان المشكله من الحادث وماوصيك عليهم صج بتتعب كم يوم لاكن ان شاء الله بتلقا حل وبالتوفيق

[ممنوع اللمس]

قسم بالله العظيم يصلحون الموتر غصب مب طيب؟
مصلح الموتر من قبل والخلل منهم لا تسكت والله العظيم يتصلح غصب لو انه موتري

[عربسات]

خذهم بالصوت ولا تفتكر في احد

اصلاً هم ما يون غير بالعين الحمره .... دش على مديرهم ولا تسكت لهم ان كان لك حق بتاخذه

[علي مهنا]

روح حماية المستهلك واشرحلهم كل شي صار لك
لاتسكت عنهم

[al-buainain]

السلام عليكم
مالك الا وطني الحبيب صباح الخير قول سالفتك وخل نشوف حمايه المستهلك وشو راح يسوون
والله يعينك

:victory::victory::victory:



الحمدالله ان عندي هوندا اكوورد 2010
والله يعينك ويعين غيرك على عبد الغني

عندك هوندا والي في توقيعك شنو :eek5::eek5:

[قطر501]

عبدالغني خذ السيارة من الشركة ولا تسهل عن الخدمة

[seeyou55]

الصراحة انا كنت بقولك كلم الشراكة الام قبل ما تكلم الياباني

ترى شوف اذا انت شايف انه معاك حق، على طول طرش ايميل للشركة الام ، ترى الوكلاء هني يخافون انه تنسحب الوكالة منهم

بالتوفيق

[مستثمر 999]

اخوي قبل لا تشتكي وقبل المشوره وعوار الراس

سير على ... جورج ( الخبراء الأ لمان ) هو عنده كمبيوتر خاص بالتويوتا

100 ريال والسلام بلا ضمان بلا بطيخ

[عاشق ميونخ]

حماية المستهلك هالايام شادين حيلهم بس انت عطهم فاتورت التصليح وكتيب الضمان وان شاء اللة مايقصرون معاك عن تجربة شخصية بس في موضوع مختلف واللة يوفقك

[قطري009]

:victory::victory::victory:




عندك هوندا والي في توقيعك شنو :eek5::eek5:


هذا الموتر القديم
والحمدالله افتكيت من عبدالغني

[الوفـى طبعي]

مشكووورين ياشباب ..

وانا الحين مسافر اول مارجع بودي لهم الموتر وبكلم حماية المستهلك