بنك التنمية يبني المساكن للمواطنين

[العلم الوكاد]

حسب تصريح مسؤولي بنك التنمية ببرنامج وطني الحبيب صباح الخير

فيه مفاجأة طيبة للمواطنين

ببناء مساكن جاهزة وتسليمها للمستحقين

اخيرا ابشروا يا اهل قطر

بترتاحون من وجع الراس وبلاااااااااااااوي المقاولين

[ضوى]

لو كان صحيح هالكلام الليه يجزيهم الف خير عنا

[سوق واقف]

ممكن أحد يفهمنا الزين الي عنده أرض أشلون بعد هم راح يبنون لهم أو

[سلمان_1]

المحاكم متروسة والسبة الناس ما عندهم خبرة و المقاولين بعضهم حرامية

وعشان تاخذ حقك من المقاول يبغي لك اقل شي سنة تراكض في المحاكم

انا اشهد انه قرار صائب

[العلم الوكاد]

لو كان صحيح هالكلام الليه يجزيهم الف خير عنا

انشالله انه صحيح

وفعلا راح يوفر وقت وجهد ومال على المواطنين

واذا ماكان صحيح يتحملون مسؤولية الخبر

السادة عبدالرحمن العبيدلي وسالم الكواري

ضيوف البرنامج

[bo_hamad]

بالعكس تبني أنت أحسن لك وإذا ما عجبك سعر المقاول من شركة وحدة روح شوف لك شركات اخرى وانت تتابع معهم وتحط لك مهندس إشراف على الموقع من أي مكتب استشارات هندسية بالدولة أفضل وهذه نصيحتي في بناء منزل العمر ومن تشطيبك .....

شوفوا المجمعات اللي بانينها أغلبيتها تجارية بحته وباقل الاسعار ....


هاي رأي الشخصي ولكم القرار ...


التوفيق للجميع

[Sharshooooor]

اذا بيبنون لنا بمواصفات عالية ليش لا

[PLATINUM]

انا ياجماعه فهمي على قدي

قبل صارت هالحركه وتوزعت بيوت جاهزه اللي هي البيوت التركيب وكلها كانت متجمعه ومتشابهه

الحين اللي بيصير نفس الشي ؟

يعني البيوت الجاهزه بتتجمع في منطقه وحده ولا كل واحد على حسب ارضه هذا اولا

الشي الثاني تصميم البيت من عندهم ولا كل واحد يجيب خرايطه ويجي

وبس

[soso363]

اذا الخبر صحيح الله يبشركم بالخير

[بورصجية]

طيب والي عنده ارض؟؟

[علي عطا]

مافهمت يعني حتى الي ماعنده ارض بيوفرون له الارض ولا شلون

[::.Silent.::]

مافهمت يعني حتى الي ماعنده ارض بيوفرون له الارض ولا شلون

نفس السؤال ..

و كم مساحة الأرض ؟؟

[أم جابر]

الله يبشركم بالخير

[أم جابر]

اذا الزوج متقاعد واسمه طالع من ضمن المنتفعين ومعاشه الي يصفي له 3700 ريال
افيدوني يا جماعة الخير

[سهم طايح]

اذا الزوج متقاعد واسمه طالع من ضمن المنتفعين ومعاشه الي يصفي له 3700 ريال
افيدوني يا جماعة الخير

يجيب كفيل من اهله ( الدرجة الاولى ) وبيصرفون له القرضين

[العلم الوكاد]

ممكن أحد يفهمنا الزين الي عنده أرض أشلون بعد هم راح يبنون لهم أو


اعتقد والله اعلم اللي عنده ارض يا اما انه يبني عليها

او يدخلها مكان الارض اللي بياخذها

او ياخذ بدل عليها اذا ملك خاص

وعلى حسب.. انا سمعت الحين انه ممكن يحددون مقاولين بالاسم يبنون عندهم المنتفعين

ومااااااا ندري مشكلة المسؤولين مثل مقال فايز التووووش

ما يقولون

[بوحارب]

الواحد يبني لنفيه ابرك له

على الأقل يمكن يوفر شوي في المخبا

[المها قطر]

سوال يا اهل الخبرة
هل القرض يسلم للمنتفع بالارض او يسلم للمقاول ؟ جزاكم الله الف خير

[BoFahed]

يا جماعة سالم الكواري قال ان الموضوع تحت الدراسة وان شالله يطلع القراريا رب ما يكون مثل بيض الصعو واعتقد انهم بيسوون مدن في مناطق معينة اللي توزعت فيها الاراضي وبالاختيار للمواطن مثل قبل لانه ما يصير يتفقون مع شركة يبنون قطاعي كل بيت في فريج شكلهم بيسوون مدن سكنية وبيوزعونها للمتقدمين مثل ما هو الحال في الامارات .

بالنسبة للاخوان اللي يسالون القرض للي عنده ارض حكومية ونزل اسمه المليون وميتين الف ياخذها المقاول على دفعات على مراحل حسب مرحلة البناء وبتقرير يشهد بان كل مرحلة انتهت من الاستشاري والمقاول ويتحاسبون قانونيا اذالم تثبت صحة التقرير من مهندسين البنك يعني سالفة طويلة وتقارير .

اما في حالة شراء البيت جاهز لمستحقين القرض فقط فلازم يقدم الاوراق والخرايط للبيت الى يشتريه لمهندسين البنك وهم يحددون هل يتفق مع الشروط ولا لا ؟وعقبها بفترة بسيطة( اسبوع) يتحول المبلغ باسم مالك العقار في حسابه يعني ماحد بياخذ ريال واحد الفلوس بتروح للمقاول او راعي البيت اللي بينشرى .

[كاشف الغطاء]

انا اشوف الواحد يبني لنفسه لان يمكن ترسي المناقصات على شركات تعبانة

[SomeOne]

جزاك الله خير ،،

[العقل الحر]

انا اشوف الواحد يبني لنفسه لان يمكن ترسي المناقصات على شركات تعبانة

اليس لقبك بلقب الشيخ الشيعي جعفر (( كاشف الغطاء ))

[كاشف الغطاء]

^^^^

نعم اقتبست اللقب من احد اسود اهل السنة والجماعة الذي عجل شعاره كشف الروافض وهو اقتبس هذا اللقب من اسرة كاشف الغطاء الدينية الشيعية

وعذرا للخروج عن الموضوع

[2010]

هالكلام سامعه من فـــتررره

لاكن للحين مافي شي اكيد

لان في ناااس تقول نبي نبني على كيفنا ... و يمكن ما يعجبهم بنيان الحكومه

و لان كل الفلل بتكون مثل بعض ... نفس مجمع سكني

و الله اعلم..

[العلم الوكاد]

المحاكم متروسة والسبة الناس ما عندهم خبرة و المقاولين بعضهم حرامية

وعشان تاخذ حقك من المقاول يبغي لك اقل شي سنة تراكض في المحاكم

انا اشهد انه قرار صائب

صادق يا اخوك

والمقاولين مو بعضهم الا 99% منهم

والمشكلة هم الربحانين في كل الاحوال

تاخير وفلوس تنزل في حساباتهم وعمولات بينهم وبين الاستشاري وهذا بعد ماخذ حقة على

التاخير والمتضرر المواطن واذا راح المحاكم انتظر لحد ما يطلع خبير وفي الاخير يقولك

المقاول يتحمل 50% والا 60% من التاخير والتعويض والغرامات اللي في العقد كلام

ولايطبق الا ما ندر الله المستعان بس

والله يعين اللي نازله اسماءهم ويوفقهم في مقاول يتقي الله فيهم

[أنا]

بالعكس تبني أنت أحسن لك وإذا ما عجبك سعر المقاول من شركة وحدة روح شوف لك شركات اخرى وانت تتابع معهم وتحط لك مهندس إشراف على الموقع من أي مكتب استشارات هندسية بالدولة أفضل وهذه نصيحتي في بناء منزل العمر ومن تشطيبك .....

شوفوا المجمعات اللي بانينها أغلبيتها تجارية بحته وباقل الاسعار ....


هاي رأي الشخصي ولكم القرار ...


التوفيق للجميع

:nice: معاك بالرأي

اذا بيوت جاهزة بتكون دون المستوى من ناحيه المساحة والتصميم والتشطيب عااااااااااااااااااادي
اللي يبغي الزين يتعب شوي في تصميم الخرايط والبنيان والتشطيب والله مو خساره التعب والمخاسير في بيت العمر .

[سهم طايح]

سوال يا اهل الخبرة
هل القرض يسلم للمنتفع بالارض او يسلم للمقاول ؟ جزاكم الله الف خير

القرض الاساسي يصرف في حساب المستفيد ( المالك )
القرض الاضافي يصرف في حساب المقاول

واذا تبغين القرض الاضافي ينزل في حسابج لازم تجيبين كتاب عدم ممانعة من المقاول بان الدفعات تنزل في حسابج

[العلم الوكاد]

بالعكس تبني أنت أحسن لك وإذا ما عجبك سعر المقاول من شركة وحدة روح شوف لك شركات اخرى وانت تتابع معهم وتحط لك مهندس إشراف على الموقع من أي مكتب استشارات هندسية بالدولة أفضل وهذه نصيحتي في بناء منزل العمر ومن تشطيبك .....

شوفوا المجمعات اللي بانينها أغلبيتها تجارية بحته وباقل الاسعار ....


هاي رأي الشخصي ولكم القرار ...


التوفيق للجميع

صح اذا تبني بيتك وعندك راس مال ومقاول يعرف الله وملتزم بالعقد زين وبالتوفيق
وبعدين ما اعتقد بيجبرون احد اللي ما يبي النظام الحكومي يسحب اوراقه ويشوف له مقاول بطريقته الخاصة ويبني عنده.. نظامهم هذا معمول للناس اللي تبي تستلم بيوتها جاهزة وترتاح من عوااار الراس ...لانه حتى البنك لاحظ ان الكثير من المنتفعين من القروض متلعوزين مع المقاولين والمحاكم

[الاسمر]

المواصفات أكيد راح تكون نفس البيت الشعبي، بعد خمس سنوات اطلب الهدم وعيد بناء، من الأفضل يوفروا شركات واستشاريين، ويكون البيت حسب مواصفات المواطن، والبنك يدفع، والفروق يدفعها المواطن؟؟!!

[العلم الوكاد]

اذا بيبنون لنا بمواصفات عالية ليش لا


ليش لا

تفاءلوا بالخير تجدوه

[كركم]

يالغالي قال في دراسة ومقترح ماقال ان بنك التمنية بيبني للمواطنيين

[العلم الوكاد]

انا ياجماعه فهمي على قدي

قبل صارت هالحركه وتوزعت بيوت جاهزه اللي هي البيوت التركيب وكلها كانت متجمعه ومتشابهه

الحين اللي بيصير نفس الشي ؟

يعني البيوت الجاهزه بتتجمع في منطقه وحده ولا كل واحد على حسب ارضه هذا اولا

الشي الثاني تصميم البيت من عندهم ولا كل واحد يجيب خرايطه ويجي

وبس

لا.. اعتقد بيوت التركيب كانت حالة خاصة

بالنسبة لباقي الاسئلة الاجوبة عند المسؤولين