بعد بصيص من الامل بالاخير انتي قطريه اجل ممنوع اخ يالقهر

[طموحي عالي]

بعد ماحطت لي احدى العضوات عن معهد ابتك
رحت وقريت عنه و و و و و
واتصلت



بعد بصيص من الامل





وانا اقول الحمدلله


بدى يجيني الفرج


وخلاص وسهالات
وسنتين ونص اهنيه
وسنه في بريطانيا
وعلى حسابي


وبالاخير يسالني الريال

انتي قطريه


ايه نعم قطريه

عيل اسمحيلي الموضوع للاجانب فقط

هذا الكلام قبل دقيقه

اخ يالقهر بموت

يلا قولوا لي شسوي يلي تقولون الخطأ منكم وذكائكم ناقص

وهذا رابط للموضوع اللي طرحته العضوه

http://www.qataru.com/vb/showthread.php?t=112600

[طموحي عالي]

56

ولا رد

[غير البشر]

محد رد لان كلنا قطريين :weeping:

الله يعينج والله المشكله في اصحاب القرار مب في الجماعه الي في المركز :)

الله يسهل امورج يارب ويوفقج :(

[qatari 111]

مرحبا اختي
انتي أسألي الاخت اللي طرحت الموضوع شلون وافقو عليها يمكن تفيدج
الله يوفقج ويسهل اموورج

[طموحي عالي]

ارسلت لها رساله

الظاهر انها هي ماسالتهم لووول

[Al-Kuwari]

مافهمت شلون للأجانب بس ؟

[طموحي عالي]

مافهمت شلون للأجانب بس ؟

يعني الاجنبي اذا خذاها يعطونه درجه البكالوريوس

ويعتمدونها ويوظفونه عليها


وهو قال لي هالكلام بلسانه

ان وايد اجانب درسوا عندهم واعتمدوهم لهم

اما احنا المساكين
نقعد نلتعن حتى دبلوم ماناخذ

[كاشف الغطاء]

كلامه صح وعلى الاقل عنده ذمة ويقول الحق

مب مثل بعض مسؤولينا اللي يخشون لين مايطيح الفاس بالراس

[هدهد سليمان]

جزاه الله خير اختي الرجال يبي مصلحتك صدقيني لو الشهاده معتمده للقطريين ما قصر وياك .. الله يوفقك في الدنيا والآخره

[إينشتاين]

ههههههه انتي من صجج قطرية وتبين تدرسين،،،

لا يا اوخيتي ماتجتمع قطرية وتكمل دراستها بسهوله وبدون تعقيدات ،، إذا تبين هالنمونه من المعامله المبسطه دوري لك واسطه في الهند عشان يعطونج جواز

[Al-Kuwari]

بس انا كلمت المعهد الصبح

وقالي الشهاده معتمده في اماكن كثيرة فالدولة والقطاع الخاص كامل !!

[نفسي عزيزه]

الله يوفقج اختي

[روح الاطلس]

ههههههه انتي من صجج قطرية وتبين تدرسين،،،

لا يا اوخيتي ماتجتمع قطرية وتكمل دراستها بسهوله وبدون تعقيدات ،، إذا تبين هالنمونه من المعامله المبسطه دوري لك واسطه في الهند عشان يعطونج جواز

او على الاقل تتنازل عن الجواز القطري وتاخذ الجواز البرازيلي او البوليفي ( لانهم بسهوله ينشرون بفلوس) لمدة خمس سنين تدرس في اي جامعه حتى لو انتساب وبعد ماتخلص تطلع لها جواز قطري وان سالوهاا انتي قطرية مايصير نعترف بالشهادة تقول لهم لالالا انا شهادتي لما كنت برازيلية :nice: وبجذي بيوافقون على اساس انها كانت اجنبية وتجنست قطري

[طموحي عالي]

^^^

الله المستعان

[طموحي عالي]

بس انا كلمت المعهد الصبح

وقالي الشهاده معتمده في اماكن كثيرة فالدولة والقطاع الخاص كامل !!

هو واحد من الاثنين

يا ان اللي كلمته كذب عليك ويبي يقص عليك

يا ان ما اسالك السؤال العجيب انت قطري :secret:

[طموحي عالي]

الله يوفقج اختي

اميييييييين

[كــرت احمــر]

يمكن هذا حاقد وحاسد على اهل قطر جربي مره ثاني مع حد غيره لا تستسلمين .

[بن محمود]

اختي
المركز ما يقدر يمنعج من الدراسة
انتي تقدرين تدرسين عندهم على مسؤوليتج
لكن شهادتج بتكون غير معترف بها ...
انما مايقدر يمنعج من الدراسة ..

في مجموعة قطريين يدرسون بهذه الطريقة وهم عارفين انه غير معترف فيها ..ومكملين على مسؤوليتهم عادي ..
بس يبون يحصلون بكالوريوس رسمي وصحيح ومب هامهم الاعتراف من الدولة
راجعي المركز وتأكدي .

[قطرية فذة]

أختي الكريمه

كم ضحكت حينما قرأت المحتوى

ياغاليه مالك والإعتراف؟ ها؟

المسائل باتت واضحه (ان القطري يعضل من استكمال دراسته )
ويفتح وطننا الغالي الأبواب للأجانب ويتم الإعتراف لهم :victory:

فلماذا القهر ؟؟ من تواجهين بالتيار؟؟
ارض بما قسم الله لك تكن أسعد الناس

ثانياً أبتك علومه قويه خاصه في البرمجه وهم مركز يهتم بإيصال المعلومه للطالب
ليس كمثله بالمراكز الثانيه لديهم امانة عمل

من منطلق تعلم علوم البرمجه والفنون التي موجوده يكفيك انك تستطيعين بناء نفسك
لأن العلم رؤيه وهم يعلمونك لأن تصلين لمرحله من العلم ذات أبعاد وقدره وتنفيذ

أتحدث لك من واقع خبره وليست بالبسيطه

واذا كان بالاعتراف اصبح لفئه وفئه دون غيرها ( واسطه )

فنامي وقري عيناً فلست الوحيده ونصيحه مني فمادمتي تستكملين في دراسه وطلب علم ينفعك استمري وواصلي وكافحي.


وفقك الله

[الأصيلة]

ايش اللي خاص بالأجنبية تقصدين
المعهد أو دروس التقوية أو البكالريوس...؟؟؟
لأن الدارسات في فترة الصباح 80 % قطريات...وانا اعرفهم

[طموحي عالي]

انا اقصد الاعتماااااد

هوماقال لاتدرسين هو يقول درسي بس ترى ماهي معتمده بالدوله

وانا شي طبيعي اذا بدرس 4 سنوات او 3 ابي احصل على بكالورويوس

لما الواحد بيدرس اكيد يتمنى يكون بمجال شغله للافضل

يعني مثلا تبوني ادرس واروح والوضع نفس الوضع

مايتغير شي
وما اعتقد انها 4 سنوات من عمر الانسان سهله

[المرحب]

الله المستعان

وربك كريم