لولا حبكم يــا ابنائنــا في شرطة المــرور, مـاكتبــت !

[سمو]

السلام عليكم ورحمة الله وبركاته

مساء / صباح الخير

هذا الموضوع والله اني ما كتبته إلا حباً في ابناء قطر وخوفا عليهم من دعوات المظلومين

أبدأ في الموضوع وبدون مقدمات ~

موضوع المخالفات حديث المجتمع وبغض النظر عن أحقيّة تحريرها من عدمه فهذا قانون ولابد من احترامه وتقدير جهود العاملين عليه إن كانوا على حق !!!

نعم إن كانوا على حق ~ فعندما تحرر مخالفة أخي شرطي المرور والنظام الأحرى بك التأكد من رقم السيارة وهذا لم ولن يكون إلا بتوقيف المركبه وتحرير مخالفة فورية لتبرأت ذمتك

بالأمس وعن طريق خدمة مطراش تم إعلامي بمخالفة عدم ربط حزام الأمان وطبعا المخالفة مرفق بها
الوقت (2,30) مساء (( إن طولت وصادفتني زحمة ما أتعدى الساعة 2 خارج البيت ))

المكان منطقة مسيمير المعمورة الخليفات (( مشاويري من مدارس عيالي في منطقة الدفنه لين البيت في نفس المنطقة ولا أوصل حتى دوار السد :anger1:))

طيب من اللي في هالحاله بينصفني .. أنا قلت حسبي الله ونعم الوكيل غيري إحتمال يدعي من الظلم ياترى كم 500 في راتبنا حتى تتوزع على أخطاء الآخرين وهل مسؤولين المرور ينصفونا في هالحاله

أرجع وأقول إتقوا الله نآخذها بيمينا وتآخذونها من يسارنا :weeping:

نحن في حاجة لوقفت رجل من رجال المرور فمن سيكون يا ترى !!!

[فرفوش]

نحن في حاجة لوقفت رجل من رجال المرور فمن سيكون يا ترى !!!

لا أحد للاسف :weeping:

[عزووز قطر]

للأسف ان تحرير المخالفات وخصوصا مخالفات الحزام بشكل عشوائي
المفروض في آلية معينة لضبط مخالفات الحزام ..

[كركم]

اخوي يعني انت كنت رابط حزام الأمان وطلعت عليك مخالفة؟ اذا هذا اللي صار لا تسكت عن حقك وراجعهم في المرور واذا مافادوك وصلها للمحكمة

[مرتبش]

فعلا
انا لا امانع يخالفوني ان كنت مخطئ ولكن هم يخطئون ولا يمكنك مناقشتهم ليش؟

احسن طريقة لبث الوعي بين الناس هي توقيف المخالف واعطاءه المخالفة امام الكل ..يتسجل اسم الشخص ورقم السيارة والملكية وتحرر المخالفة وفيها كل البيانات من وقت وسبب المخالفة ومكانها..الخ

طبعا الحجة الدائمة للمرور مايبون يعطلون الناس بس نفس الوقت هم مخلين الناس تداوم في مراكز المرور اللي يبي يشيل المخالفة واللي يبي يدفع واللي يتهاوش رايح للمدير..عادي هذا وقت غير محسوب ولا منتبهين له.

[هذلان]

لي عوده للقراْه

[العلم الوكاد]

يا الربع انا ما ابي اشذ عن القاعدة اللي مستاءة من مخالفات المرور
ولكن على قولة المثل امش عدل يحتار عدوك فيك
الالتزام بقوانين المرور هو الحل الاسلم
مثال انا عندي 3 سيارات استخدام شخصي(انا وبس)
ولا ريال عليها مخالفات
والمشكلة الاغلبية من شبابنا يعتقدون الالتزام بالقواعد مثل الحزام عيب
والا اذا حد شافه من ربعة بيقول ما يعرف يسوق وبيتطنزون عليه.. فيه عقليات تفكر بأسلوب مخالف وتحتاج مخالفات وغرامات لتصحيح المفهوم
وبعدين اللي عنده شك في مخالفه يحلونها له في المرور
بس اعتقد المسألة فيها حلفان بالله على ما اعتقد
وطبعا ولا كنوز الدنيا تحد الواحد على الحلفان والعياذ بالله وهو كاذب
ولايمنع ان فيه اخطاء في المخالفات يمكن مناقشتها

[سمو]

لا أحد للاسف :weeping:


لا إن شاءالله فرفوش الله كريم لو خليت لخربت ..وشبابنا فيهم خير



للأسف ان تحرير المخالفات وخصوصا مخالفات الحزام بشكل عشوائي
المفروض في آلية معينة لضبط مخالفات الحزام ..

أأيدك أخوي ~ وبأذن الله يتم قرار بهذا الشان

[hamoor4ever]

فعلا صرنا نخاف ان يتم ظلمنا بمخالفات احنا مش مسؤولين عنها واللي يقول روحو اشتكو يااخي تخيل اني اطلع من الدوام يوميا علشان اراجع لشغله انا مالي ذنب فيها روح وتعال وروح تعال واخرتها هم ملفقين لي مخالفه

على سبيل المثال اليوم كنت رابط الحزام وعند الاشارات الشرطي جهه اليسار وانا بالبيمين ورايح يمين يعني بعيد عن الشرطي لاحظت ان الشرطي مخلي كل اللي جنبه وقاعد يطالعني من بعيد زين فرضا من البعد هو مالاحظ وجود الحزام هل اتحمل نتيجه ضعف نظر الشرطي وخاصه ان فتره مروري عباره عن ثواني لاني ماشي بطريقي يعني ممكن انه مثلا مايكون لاحظ اني رابط الحزام وقعدت بصراحه افكر هل فعلا لاحظ اني رابط الحزام في الليل وعدم وجود انوار ام انه بيلفق له مخالفه على الفاضي وخاصه ان الراتب من اول يومين خلص

الله يهديهم على اسلوبهم ولا شفته بأي دوله بالعالم وكأن احنا اطفال يااخي لو فعلا مخالفين وقفنا وعطنا المخالفه اما تقعد تطل علينا كأنا احنا حراميه هالشي مش مقبول بتاتا وخاصه يالمرور مشاكلكم اكثرت اتقو الله بالناس

[المرحب]

الله المستعان

[السيل]

اذكر مره
جاتني مخالفة وبعد الاستفسار تبين انها من الخور ،مع اني ماروح الخور الا نادرا وتاريخ المخالفة ماكنت في الخور
وبعد البحث والتمحيص ،، تبين ان الرقم صحيح ولكن فئة اخرى يعني سيارتي نقل خاص والمخالفة خصوصي
او العكس ( ما اذكر )
وتم الغاء المخالفة والحمدلله ،،

اعني ان الخطأ وارد ،، ولكن الافضل في نظري ان تحرر المخالفة وتسلم للشخص حتى لاتكون له حجة

صحيح انه يستحيل ايقاف كل السيارات ، ولكنها ستؤدي الى نفس النتيجة وهي التزام الناس بربط حزام الامان

وجهة نظر ،،

[BIG-VEGA]

في الماضي
كان رجال الشرطه يمثلون ...النزاهه...الشرف....العزه...السلطه..الفخر...
كل شي جميل
والدليل الاغلبيه يوم كنا صغار كان حلمنا نكون شرطه وضباط
والكبار يتمنونه للمعاني الجميله الي فيها بالاضافه للراتب المجزي

في الحاضر
رجال الشرطه يمثلون ...الخسه...الاستغلاليه...الدنائه...الطمع....الجشع. ..
كل شي مب جميل
والدليل اصغار صاروا مايتمنون يكونون في الشرطه والي يتمنى بيحصل معارضه شديده
والكبار مايتمنون انهم يكونون في الشرطه والي مخليهم يدخلون في هاي المجال الحاجه والراتب فقط

رايي الشخصي فقط

وسلامتكم

[سمو]

اخوي يعني انت كنت رابط حزام الأمان وطلعت عليك مخالفة؟ اذا هذا اللي صار لا تسكت عن حقك وراجعهم في المرور واذا مافادوك وصلها للمحكمة


والله يا أخوي آنا خير شر كنت في بيتي هالوقت وما دخلت هالمنطقة من حول شهرين أو زود
طيب واحد بيتكلم والثاني بيسكت ولا عنده وقت لهالمشاكل ~ ليش من الاصل نظلم بدون وجه حق وبدون ما يتأكد الشرطي هذا الي ابغي اوصل له


فعلا
انا لا امانع يخالفوني ان كنت مخطئ ولكن هم يخطئون ولا يمكنك مناقشتهم ليش؟

احسن طريقة لبث الوعي بين الناس هي توقيف المخالف واعطاءه المخالفة امام الكل ..يتسجل اسم الشخص ورقم السيارة والملكية وتحرر المخالفة وفيها كل البيانات من وقت وسبب المخالفة ومكانها..الخ

طبعا الحجة الدائمة للمرور مايبون يعطلون الناس بس نفس الوقت هم مخلين الناس تداوم في مراكز المرور اللي يبي يشيل المخالفة واللي يبي يدفع واللي يتهاوش رايح للمدير..عادي هذا وقت غير محسوب ولا منتبهين له.

وآنا أأيدك يا اخوي القانون لابد انه يمشي على كل المخالفين أما الملتزمين ويتخالفون المفروض فيه ردع للشرطي المخطأ وينصفنا قانون العداله ~ والا عدالة ربك أكبر

طريقة بث الوعي إلي تفضلت فيها هي الي مفروض تتطبق في حال النية كانت عند إدارة المرور توعية الناس أما إذا كانت النية خلاف ذلك فالطرق مختلفة !!!! منها ما تم تحريرة علي وآنا في غفلة عنه وأكيد غيري كثير!!!

[الملا]

بامكانك تراجعهم في المرور وتشرح لهم الموضوع ويرفعون عنك المخالفة ، ومثل هذا صار مع والد واحد من الربع وشلو عنه المخالفة

[auto body]

ياخي في اوروبا
يحترمونك ويتم ايقافك
ويشرح لك المخالفة ويقول هل انت مقر بها او تريد ان نحولها لمحكمة المرور
ويعتذر منك بكل تواضع
وربعنا تسجيل مخالفات اهم شي انه يخلص الدفتر والله حرام والله يعينهم على دعاوى المظلومين
ولي عودة

[بوحارب]

في الماضي
كان رجال الشرطه يمثلون ...النزاهه...الشرف....العزه...السلطه..الفخر...
كل شي جميل
والدليل الاغلبيه يوم كنا صغار كان حلمنا نكون شرطه وضباط
والكبار يتمنونه للمعاني الجميله الي فيها بالاضافه للراتب المجزي

في الحاضر
رجال الشرطه يمثلون ...الخسه...الاستغلاليه...الدنائه...الطمع....الجشع. ..
كل شي مب جميل
والدليل اصغار صاروا مايتمنون يكونون في الشرطه والي يتمنى بيحصل معارضه شديده
والكبار مايتمنون انهم يكونون في الشرطه والي مخليهم يدخلون في هاي المجال الحاجه والراتب فقط

رايي الشخصي فقط

وسلامتكم

:):):victory:

[بن موسى]

بالأمس وعن طريق خدمة مطراش تم إعلامي بمخالفة عدم ربط حزام الأمان وطبعا المخالفة مرفق بها
الوقت (2,30) مساء (( إن طولت وصادفتني زحمة ما أتعدى الساعة 2 خارج البيت ))

الوقت يكون وقت ادخال البيانات في الجهاز ومش شرط يكون وقت ارتكاب المخالفة

بالنسبة لاسم المنطقة فية الخليفات في الدفنة واذا انت من سكان الدفنة اكيد تعرفها
وبعدين خفوا شوي على افراد المرور ترا مالهم ذنب في مايحصل لكم من مخالفات وهم مايخالفون الامن يكون مخالف للقانون ويستحق المخالفة والمتضرر منهم ماعندة مشكلة لهم مرجع يصحح الاخطاء لو حصلت ويرفع الضرر ويتحاسبون وممكن يفرض على الشرطي دفع المخالفة من حسابة الخاص اويقدم للمحاكمة العسكرية التاديبة
صدقني اقول هذا الكلام وانا مطالب من قبلهم باكثر من6500 ريال مابين حزام وممنوع الوقوف والرادار لكن هذا خطاي واتحملة ولا الومهم مطلقآ والله يعطيهم العافيه في كل مايقومون بة من جهد طوال 9ساعات يوميآ

[سمو]

لي عوده للقراْه

بانتظار عودة هذلان :)



يا الربع انا ما ابي اشذ عن القاعدة اللي مستاءة من مخالفات المرور
ولكن على قولة المثل امش عدل يحتار عدوك فيك
الالتزام بقوانين المرور هو الحل الاسلم
مثال انا عندي 3 سيارات استخدام شخصي(انا وبس)
ولا ريال عليها مخالفات
والمشكلة الاغلبية من شبابنا يعتقدون الالتزام بالقواعد مثل الحزام عيب
والا اذا حد شافه من ربعة بيقول ما يعرف يسوق وبيتطنزون عليه.. فيه عقليات تفكر بأسلوب مخالف وتحتاج مخالفات وغرامات لتصحيح المفهوم
وبعدين اللي عنده شك في مخالفه يحلونها له في المرور
بس اعتقد المسألة فيها حلفان بالله على ما اعتقد
وطبعا ولا كنوز الدنيا تحد الواحد على الحلفان والعياذ بالله وهو كاذب
ولايمنع ان فيه اخطاء في المخالفات يمكن مناقشتها

الله يجزاك خير يا العلم الوكاد ~لا والله يا اخوي ما كانت النية عندي أمشي مع الخيل يا شقرا.. ولا اني من الي يساير الموجه ~وآنا شرواك ما عندي مخالفات لأني أحب الالتزام في اموري

بالعكس إحنا نشوف الي حاط الحزام إنه إنسان واعي ~الي يخالف ملزوم يتخالف والي ما يخالف :secret:

وأحنا مستعدين للحلفان لأني على يقين من تصرفاتي وخل الشرطي يحلف وهو وذمته وهذا الي بغيت أوصل له ليش الشرطي يحط نفسه في هالموقف ليش ما يوقف المخالف ويصدر مخالفه او يمتنع عن المخالفات العشوائية والتسرع في اصدارها ترى عواقبها كبيرة للشرطي وهله من جر الحلفان أو دعوات المظلمومين :(

[سمو]

فعلا صرنا نخاف ان يتم ظلمنا بمخالفات احنا مش مسؤولين عنها واللي يقول روحو اشتكو يااخي تخيل اني اطلع من الدوام يوميا علشان اراجع لشغله انا مالي ذنب فيها روح وتعال وروح تعال واخرتها هم ملفقين لي مخالفه

على سبيل المثال اليوم كنت رابط الحزام وعند الاشارات الشرطي جهه اليسار وانا بالبيمين ورايح يمين يعني بعيد عن الشرطي لاحظت ان الشرطي مخلي كل اللي جنبه وقاعد يطالعني من بعيد زين فرضا من البعد هو مالاحظ وجود الحزام هل اتحمل نتيجه ضعف نظر الشرطي وخاصه ان فتره مروري عباره عن ثواني لاني ماشي بطريقي يعني ممكن انه مثلا مايكون لاحظ اني رابط الحزام وقعدت بصراحه افكر هل فعلا لاحظ اني رابط الحزام في الليل وعدم وجود انوار ام انه بيلفق له مخالفه على الفاضي وخاصه ان الراتب من اول يومين خلص

الله يهديهم على اسلوبهم ولا شفته بأي دوله بالعالم وكأن احنا اطفال يااخي لو فعلا مخالفين وقفنا وعطنا المخالفه اما تقعد تطل علينا كأنا احنا حراميه هالشي مش مقبول بتاتا وخاصه يالمرور مشاكلكم اكثرت اتقو الله بالناس

الله يجزاك خير أخوي ..أبد مهب مقبول يا الهامور وإن شاءالله صوتنا يوصل خالف ووجه المواطن والمقيم وأحسن النية أخوي الشرطي وذيك الساعة الله يلوم الي يلومكم ويدنا معاكم



الله المستعان
آمين الله يجزاك خير المرحب

[سمو]

اذكر مره
جاتني مخالفة وبعد الاستفسار تبين انها من الخور ،مع اني ماروح الخور الا نادرا وتاريخ المخالفة ماكنت في الخور
وبعد البحث والتمحيص ،، تبين ان الرقم صحيح ولكن فئة اخرى يعني سيارتي نقل خاص والمخالفة خصوصي
او العكس ( ما اذكر )
وتم الغاء المخالفة والحمدلله ،،

اعني ان الخطأ وارد ،، ولكن الافضل في نظري ان تحرر المخالفة وتسلم للشخص حتى لاتكون له حجة

صحيح انه يستحيل ايقاف كل السيارات ، ولكنها ستؤدي الى نفس النتيجة وهي التزام الناس بربط حزام الامان

وجهة نظر ،،

الحمد لله إن الحق ظهر والفال لي إن شاءالله

الخطأ وارد لكن مهب بالقدر الي حاصل هاليومين الله يهديهم

وهذا الي نطالب به تحرير مخالفة وتوجيه الله يجزاك خير السيل

[..er..]

< مايطلع من البيت عشان المخالفات :(

[واحد ثقة]

لو سلّمنا بأن مخالفة حزام الأمان هي من حق المرور ووافقنا بأنها ليست انتهاك لحرية الناس ، فلماذا الإندساس ومحاولة اقتناص المخالفات بهذه الطريقة الخسيسة من قبل رجال المرور ؟

أقول هذا الكلام وأنا مع جميع المخالفات المرورية ماعدى مخالفة حزام الأمان والتي أعتبرها تعدي على الحريات وماهي إلا جباية بثوب تطبيق القانون ، وهذا القانون هو في الأساس من صنع البشر وليس منزهاً من الخطأ ومن حقنا نقده والإعتراض عليه لكونه ينتهك حريتنا ،،


حدث معي نفس ماحدث معك أخي الكريم ،،

فقد تعودت بأن أمسك حزام الأمان واسحبه قليلاً عندما أشاهد شرطياً أمامي ، ولكن المفاجأة عندما وصلتني رسالة مطراش تخبرني بمخالفتي على حزام الأمان في ( الخليفات ، المعمورة ، مسيمسر ) وأنا لم تطأ عجلات سيارتي تلك المناطق في التاريخ المذكور ولا قبله ولا بعده ،،

[سمو]

في الماضي
كان رجال الشرطه يمثلون ...النزاهه...الشرف....العزه...السلطه..الفخر...
كل شي جميل
والدليل الاغلبيه يوم كنا صغار كان حلمنا نكون شرطه وضباط
والكبار يتمنونه للمعاني الجميله الي فيها بالاضافه للراتب المجزي

في الحاضر
رجال الشرطه يمثلون ...الخسه...الاستغلاليه...الدنائه...الطمع....الجشع. ..
كل شي مب جميل
والدليل اصغار صاروا مايتمنون يكونون في الشرطه والي يتمنى بيحصل معارضه شديده
والكبار مايتمنون انهم يكونون في الشرطه والي مخليهم يدخلون في هاي المجال الحاجه والراتب فقط

رايي الشخصي فقط

وسلامتكم

الله يسلمك من كل شر big-vega رايك الشخصي أحترمه ~ لكني أختلف معاك مازالوا منهم الكثير الي فيه الخير وأهل قطر النزاهه...الشرف....العزه ساسهم وإستبشر خير إن شاءالله بتعيّنه بإذن الله

[سمو]

بامكانك تراجعهم في المرور وتشرح لهم الموضوع ويرفعون عنك المخالفة ، ومثل هذا صار مع والد واحد من الربع وشلو عنه المخالفة

إن شاءالله يا الملا حد ينصفنا ~الله كريم ~

لكني أتكلم بصورة عامه مهب في مشكله خاصة نبي حل جذري للمخالفات العشوائية هذي إدارة مرور يعني سلطة يعني عداااااااله
الله يجزاك خير أخوي


ياخي في اوروبا
يحترمونك ويتم ايقافك
ويشرح لك المخالفة ويقول هل انت مقر بها او تريد ان نحولها لمحكمة المرور
ويعتذر منك بكل تواضع
وربعنا تسجيل مخالفات اهم شي انه يخلص الدفتر والله حرام والله يعينهم على دعاوى المظلومين
ولي عودة

الله يجزاك خير a.b.t قلت في أوروبا :weeping:~ للأسف ماخنا منهم إلا العلم الشين وإلا كان الأحرى بنا نآخذ منهم الأنظمة والقوانين الي مهب كفو يمر مرور الكرام المخالف فيها


:):):victory:

:omg:

:telephone:

تبيها من الله :)

شكرا بوحارب ع المرور

[سمو]

بالأمس وعن طريق خدمة مطراش تم إعلامي بمخالفة عدم ربط حزام الأمان وطبعا المخالفة مرفق بها
الوقت (2,30) مساء (( إن طولت وصادفتني زحمة ما أتعدى الساعة 2 خارج البيت ))

الوقت يكون وقت ادخال البيانات في الجهاز ومش شرط يكون وقت ارتكاب المخالفة

بالنسبة لاسم المنطقة فية الخليفات في الدفنة واذا انت من سكان الدفنة اكيد تعرفها
وبعدين خفوا شوي على افراد المرور ترا مالهم ذنب في مايحصل لكم من مخالفات وهم مايخالفون الامن يكون مخالف للقانون ويستحق المخالفة والمتضرر منهم ماعندة مشكلة لهم مرجع يصحح الاخطاء لو حصلت ويرفع الضرر ويتحاسبون وممكن يفرض على الشرطي دفع المخالفة من حسابة الخاص اويقدم للمحاكمة العسكرية التاديبة
صدقني اقول هذا الكلام وانا مطالب من قبلهم باكثر من6500 ريال مابين حزام وممنوع الوقوف والرادار لكن هذا خطاي واتحملة ولا الومهم مطلقآ والله يعطيهم العافيه في كل مايقومون بة من جهد طوال 9ساعات يوميآ

أعرفها زين يا بن موسى بس خلنا نتكلم بالعقل من هالقطري إلي بيغلط بين خليفات بو هامور المعمورة ومسيمير وبين خليفات الدفنه جان إنه شرطي مستعار :omg: احتمال في هالزمن تصير :)

عدال يا اخوي لا تعصب هالمخالفات جاتك لأنك تستحقها بس إحنا ناس ملتزمين ومن هنيه يبين حبنا لشرطتنا وتقديرنا لجهودهم مهب نخالف وندافع عنهم لين التزمت بقواعد المرور الي أحس تنبع من حضارة الفكر وجاتك ذيك الساعة مخالفة أبغي أعرف رايك وبيسعدني إذا كان بنفس هالدفاع كلنا نحب كل من يخدم قطر بس بإخلااااااص ونية صافيه والافعال تعكس النوايا :)

وسع صدرك الله يجزاك خير

[صوت الضمير]

المخالفات المرورية تأكل نصف راتب القطري

ياتري أخوانا بالمرور وين يودون هالفلوس؟؟؟؟؟؟

أتمنى تكون هناك مراقبة على المال العام للدولة؟؟؟

[R.S.C]

الظاهر من الموسم الجاي بيكون دعم فريق لخويا على حساب الشعب من خلال المخالفات والله يعين جميع المواطنين والمقيمين المظلومين في المخالفات المرورية

[السعدي999]

السؤال المطروح وقت خروجك وتحركك بالسيارة هل كنت رابط حزام الامان ام لا ؟

[G0LD]

الله المستعان

عمك أصمخ

[احساس رابح]

السلام عليكم

على ما سمعت من بعض الاخوان يقولون ان عندهم في المرور بين الظابط والافراد شرط اللي يخلص دفتر المخالفات بسرعه وجيزه
يعطونه كم يوم اجازه وهذا اللي يخليهم يحطون ارقام عشوائيه ويحررون عليها مخالفات واللي يسمح له ضميره بهالشي راح يسمح له ان يحلف

لكن انا اقووووول يكرمون اهل قطر وشباب قطر اللي في المرور من هالشي
هذي الحركات معروفين اللي يسونهاا وهم غير قطريين وفيهم حره على شباب قطر
اما الشرطي القطري يكرم يكرم يكرم