نوكيا جديد طاح بالماء واخترب .. وش العمل

[saranay1]

عندي نوكيا n97 جديد
استعملته 4 اشهر
طاح ثانيتين بالماي وليما ودينه نوكيا قال ما يتصلح
ايش اعمل بيه
هل ارميه او ممكن حد يشتريه
علما انه يشتغل يعني البطاريه زينه على ما اعتقد
شكرا لكم

[ولد العديد]

حرام ها تبيع انا عند هالجوال بس باخذه لو اخترب شي من اللي عندي معنى اللي عندي انا مابيه
يعني قالو مافي امل يعني يتصلح او تغير شي

[بوليد]

تقدر تبيعة على اي محل او ورشة صيانة الهواتف
لكن ماراح يشترية اكثر من 100 او200 ريال

[هجمة مرتدة]

لو اليوم طايح منك ..

افتح التفلون وافصل البطارية عن التلفون وحطه

في عيش (رز) غير مطبوخ لمدة 24 ساعة ...

الرز في هالحالة يمتص الماي الموجود داخل التلفون ..

وإن شاء الله يشتغل بعدها ..

أما لو طايح من فترة .. فالله يعينك ما أظن يتصلح ..

[saranay1]

لا والله صار له اسبوع عند نوكيا
بس ما صلحوه
اما اني ابيعه 200
برميه احسن
الجوال خذته فوق 2000 ريال وابيعة 200
ارميه احسن

[Redline]

أخوي ما أخترب .. هالموضوع صارلي .. قطيته فالمكتب ، وبعد 4 شهور لقيته شغال ..
الموضوع ومافيه أن الجهاز لازم يجف ...

[saranay1]

أخوي ما أخترب .. هالموضوع صارلي .. قطيته فالمكتب ، وبعد 4 شهور لقيته شغال ..
الموضوع ومافيه أن الجهاز لازم يجف ...

الله يطمنك
انشالله باجرب وباشغله بعد كم شهر

[الكونت]

مايشوف شر الجوال ولا يشوف شر راعيه ههههههه بس الله لايهينك عطه استشوار وموضوعك خالص

[Dana’1]

لا ترمية
انا عندي سوني اريكسون حطيتة على ماي واخترب وضرب علي وقالي راعي الضمان خلاص الشاشة ضربت ومستحيل يتصلح الا اذا تغير شاامل وبيكلف عليك ممثل الجديد قلت لا مستحيل وما خذفتة تم عندي خذفتة بالدرج اخلية ولا ابيعة بخسارة ما تسوى وبعد سنة ونصف او سنتين تخيل فتحت الدرج وتذكرتة قلت خلني اجرب بيشتغل او لا فتحتة وبصيص امل الشاشة بيضا وديتة قال غيري بس البطارية فشريت بطارية تجارية قلت اجرب وفعلا اشتغل اخر حلاوة بس المشكلة كانت بالكاميرا ما عاد اشتغلت مع ان كاميرتة روووعة بس عادي اساسا ما استخدمتة بس طلعت صور قديييمة ومقاطع وراقام:)

[x 5 x]

ممكن الرقم على الخاص

[حليتان*]

بااال الله يعينك...تذكرت جوال طاح في الكرك :(

[لاجل QT]

مرة طاح جوالي في جكوزى الحريم في الرتز ..غرق من الماي ..فصلت البطارية وحطيتة في الشمس عقب اشتغل تمااام
بس بيلعوزك اول الايام بس عقب اوكي بيشتغل

بس في ناس تقول ينحط في كيس العيش..لان العيش يمتص الماي

ما انصح بعدم رمي او بيع الجوال اكسرة اذا ماشتغل..او خلية زيادة عدد

[الـخـور]

حاول تبطله كامل تخليه مشلح
افصل البطارية وكل شي
حطه بالسطح كم يوم بس خله في مكان مضلل عشان مايذوب من حرارة الشمس
وان شاء الله بيشتغل

[][ الغلا ][]

كان عندي n73 ومب بس طاح بالماي الا حطيته بالغساله
وبعدها حطيته في بررع في الحر الظهر وخليته يومين
واشتغل معاي جررب وانشالله بيفتح

لانه في اجزاء من التلفون داخل ليين الحيين فيها ماي اكييد

[yousef545]

ماي حلو سهالات عقب ماينشف بيشتغل في اكثر الحالات

انا جوالي طب في البحر سنة 2008 و لين يومكم هذا ماشتغل ههههههههههه قاطه في الكبت