ياليت حد يسااعدني !

[Classic Bags]

السلام عليكم ,

اخوااني احنا من زمان و ناخذ حيوانااتنا اللي فالبيت لعيادات خاصه و ندفع بالألف على تطاعيم و الخرابيط , و نخسر فلوسنا ع الفاااضي
القطوو انكسرت ريله , ولا هذا فيه حسااسيه , و هذا ما ياكل..

حشاا مب حيوانات :rolleyes2:
كل شي جاااهم ,

و من كم يوم قالت لي وحده فالدوام انه في مستشفى للحيوانات صوب المطار , يطعم و يكشف و كل شي بدون فلوس

بغيت امووت طول هالفتره و احنا نصرف فلووسنا و الناس كلهم تروح للمستشفى ,
سألتها وين مكاانه قالت مادري وين مكانه بالظبط.

فـ اللي يقدر يفييدني عن مكان المستشفى هذا و اذا تقدرون تطلعون الخرييطه من قووقل جزاه الله خير
و جزاا والديه الجنه

[Bu Rashid]

موقعه الله يسلمك المبنى على يمناك الي قبل اشارات البراشوووت ونت جاي من اشارات المطار
بس ما اعرف احط الصوووره من جوجل
الخبير اخوي جـ جاسم ممكن يحط الصووووره

[q6ryah]

اول مره اعرف

يعني هو مستشفى حكومي

[إينشتاين]

لو كانت هالألآف في مؤسسة عيد الخيرية أو غيرها من الجمعيات كان ابرك

تخيل لو بنيتي فيها أبآر أو كفلتي يتيم كان بتكون صدقة جارية

أما بالنسبة للحيوانات فهذولا قطاوة الشوارع بدون تطعيم وخرابيط ومافيه امتن منهم تقولين اسود موب قطاوه

أرجوا أن تتقبلي نصيحتي بصدر رحب

[alqtri]

في ناس مادري شفيهم يتشبهون بالغرب في تربية الكلاب اعزكم الله والقطط

حتى انه يدخلونه كل مكان في البيت تلاقي حتى الاماكن اللي يصلون فيها في البيت يتمشى فيها الكلب وغيره

الى درجه ان بعضهم توصل فيه المواصيل انه يبوس الكلب او القطو ولا يفتكر وش فيه من وصاخه وامراض وبلاوي وبعدين يمرضون اليهال او تصيبهم عدوى او شي لاقدر الله ياخذون هالكلب ويرجع لبيته السابق اللي هو الشارع

[Classic Bags]

جزااكم الله خير والله ,
و اكيد بتقبل النصيحه من اخوااني..
بس شسوي انا عن نفسي ما احب الحيوانات و ما ادخلها البيت .
و الحمدالله ما عندنا كلاب , بس قطط و عصافير و اراانب..

ابوهم الله يهداه يشتري لهم ما تهون عليه الدمووع و الحنه ,
و اعمامهم بعد ما يقصرون..

ولا انا ماحب يكون فالبيت حيوانات كلش ,

مشكوورين على مرووركم و نصايحكم

و في انتظار الصور

[monatee]

ماعتقد هو مستشفى

اسمه الثروه الحيوانيه

اللي اعرفه ان هالمكان يفحصوون الحيوانات اذا يبي يطلع ورقه للمطار ان الحيوان سليم وممكن يسافر للخارج والعكس اذا الحيوان جاي من برع يفحصوونه اهنيه

المكان دخلته حددددده وصخ

لان الاغلبيه يفحصوون الاغنام والماشية

مادري اذا كانت رفيجتج تقصد هالمكان لان مافي غيره اصلا في المطار

واذا تبين مستشفى حكومي ببلاش لهم مكان في الريان مادري معيذر

بس بعد المكان وصخ ودكاترة الله بالخير وبذات للقطط شغلهم اكثره على الاغنام والنووق

[ahaat]

انا بصراحه استغرب من الردود واعتبار الحيوان ان لاقيمه له

ليش هالحيووان مش روح ربي خالقهااا واذا عندنا هالحيوان ليش مانعتني فيه

اعتقد واجبنا نعتني فيها اذا كان متربي وعايش معاناااا

وبالنسبه لسؤالك عن اداره الثروه الحيوانيه الي بالمطار اكيد هم بدون فلوس والتطعيم كذلك

وهذا رقمهم لسؤالهم وانصحك بالدكتور خالد انسان طيب ومعاملته طيبه

الرقم ...... 4560444

وان شاء الله تحصلين الرعايه الازمه لحيواناتج

شاكره لج