محتاجه قرض بشكل عاجل !

[فقيرة]

السلام عليكم ورحمه اللة وبركاته
أخواني وخواتي
أبي شركات تعطي قروض او تمول نفس الاولى للتمويل والجزيرة،
بليز اذا تعرفون اذكرولي اسم الشركة بالكامل عشان اقدر اني اطلع الرقم من 180
:telephone:
وشكراً مقدماً

:shy:

[حقيقه]

ان شاءالله يفيدونس الاعضاء ذوي الخبره

[البدع]

حسب معلوماتي المتواضعة

لايوجد الا البنوك

ثم الاولى للتويل (تاخذ ارباح اعلى من البنوك)

غيرها مافي

[فقيرة]

في بعد الجزيرة اخوي بس للاسف ما يردون على التلفون
وكاني سمعت بشركة تسهيل شي جذي
:(
تنطر افادتكم

[شمعة الدوحه]

اذا القرض شخصي مالج الا البنوك

اوعندج شركة دلاله تودين لهم كشف حساب وشهادة راتب

يعطونج خمسين الف

وقسطها شهريا 1400

والله ييسر امورج

[ابن مانع]

التسهيلات الاولى الجزيره
وافضلهم المصرف الاسلامي

[فقيرة]

البنك ما يعطيني للاسف
طيب أخوي السالفه اني بشتري بيت على بنك التنميه
وابيهم يزيدوني عشان اشتري البيت لان راعي العقار مادري شبلاه ورفع سعر البيت من مليون واربعميه الى مليون و700
:(
فأبي حل من هالشركات

[danh]

يا اختي خلي البيت يولي ودوري لج غيره ليش تحطين على نفسج

لا يكلف الله نفسا الا وسعها ,, والله بيعوضج ان شاء الله في بيت احسن منه

[جرح الزمان]

شوفي الاجاره

[mmj]

الله يوفقك

[فرانسـ كوفي]

الله يسهل امرج

[المستقل]

أنتبهي من القروض الربويه

فوالله أن كل من أخذ قرض ربوي أنه متحسف قد شعر راسه

والله من وراء القصد

[مرتبش]

أنتبهي من القروض الربويه

فوالله أن كل من أخذ قرض ربوي أنه متحسف قد شعر راسه

والله من وراء القصد

نصيحة من ذهب..ابتعدي عن القروض وخصوصا الربوية..
واذا لازم السلف ..ففكري تاخذين سلفية من جهة العمل 10 اضعاف الراتب الاساسي وتندفع على اربع سنوات بدون ارباح ورسوم فتح ملف وتأمين وهالابتزاز كله.

الله يكون بالعون

[فقيرة]

اي والله صدقتو اصلا شنو اللي ملعوزني غير القروض الربويه اللي خذتها من قبل
:(
الله يفكني منها ان شاءلله
والبلا لازم اخذ بيت ومافي بيت بمليون وميتين الف وانتو عارفين والمهله لين شهر 10
يالله مشكورين اخواني وخواتي على الافاده وجزاكم ربي كل خير

[الجني]

أختي فقيرة,

اذا مب ساكنه البيت

اشتري البيت بقرضين من بنك التنمية

و قرض تمويل

و أجري البيت حتى سداد التمويل

و بعدهب سيكون عندك بيت


كم راتبك؟

و كم عليكي قروض؟

و كم الأقساط الشهرية الحالية؟

[برشلوني قطر]

اخبر البنك ممكن يرهن لج البيت ويشتريه لج..

الله يسهل امورج اختي ويرزقج

[شموخ دائم]

,

,



مرحبا

اخذي بيت في الخور ممكن تلاقين بمليون ومئتين الف هذا متوسط الاسعار الحين هناك

ممكن تأجرينه ب 10 الاف ويساعدك الايجار لو ما تبينه للسكن

بالنسبه للقرض

جربي ( البيت القطري للتمويل )

مكانهم بنفس الشارع الي فيه الاولى للتمويل بعدهم بخمسين متر

وطريقتهم اسلاميه

وبالتوفيق

,

,

اخوك

شموخ دائم

[الـخـور]

انصحج تدورين بيت بسعر افضل

لان الي طمع ورفع سعر البيت من مليون 400 الى مليون 700 .. مب بعيدة بيرفع السعر الى مليون و800

[amal qatar]

الله يعينج أختي .. احنا لقينا بيت بمليون و700 .. والحين يبونه بمليونين و400 .. تخيلي بس !!

يعني مادري الواحد يبيع ثيابه .. ولا شيسوي بالضبط ..

[فقيرة]

أختي أمل وربي حاسه فيج لان صادني هالموقف الأيام اللي طافت لدرجه أني كرهت أني أدور بيت وماعاد فيني ثقه في أحد
وملاك العقار ما ينلامون جاتهم فرصه من ذهب عشان يلعبون لعبتهم فينا
أنا ألوم بنك التنميه إللي حطنا بهالمواقف كلها
طيب أحنا شنسوي الحين ؟
من وين ندبر كمن 100الف لعيون ملاك العقار والأيام قاعده تمشي
ملينا من الأجار والتلته والمذله
بعنا سيايرنا وبرخيص وبعد ما قدرنا نسد كل المبلغ


أخوي الخور
لقيت فلل في الخور وقلنا معليه بنسكن بعيد عن الأهل والمعارف وبنطق درب لين نوصل لدواماتنا وعلى قولتهم رضينا بالهم والهم ما رضنا فينا خخخخخخخ
الفلل هناك من مليون و400 وطالع ولا مساحه عدله وتطيب أي كلام
ولا يبون عربون 100 الف عشان يشطبون به الظاهر لان الشغل واقف في معظمهم
:)

[فقيرة]

اخبر البنك ممكن يرهن لج البيت ويشتريه لج..

الله يسهل امورج اختي ويرزقج


من بعد ما قريت أخوي كلامك أتصلت البنك وسألته وللأسف يقولون الإلتزامات بتعدي 70% يعني مالكم أمل خخخخخخخخخخخخ

[bo_s3ood]

عندج بنك قطر الوطني الاسلامي
ومصرف قطر الاسلامي

بنك الدوحه الاسلامي

بنك برووه
مصرف الريان

وفي شركة اوتوليس اضن الاجاره اسمها ومكانها في الدور الثاني في شركة دلاله الي في المنتزه

[منهم وفيهم]

الله يوفقج ويقدم لج اللي فيه الخير

[amal qatar]

خليها على الله .. بنك التنمية يوم فكر يحط الناس في هالموقف البايخ .. مادره ان البيت محتاج مبلغ اضافي وقدره .. لا وياليت مساحة البيت تستاهل .. يعني تلقين سعره مليون و900 ولا مليونين وشي وبمجرد ماتحطين ريولج عند باب الحوش بقدرة قادر تلقين نفسج في الصاله ..
ونفرض لو بعتي اللي وراج وجدامج ودبرتي المبلغ وسديتي فيه حلوج الدلالين.. الأثاث مايبي له فلوس ؟؟
ولا كل شهر بنأثث البيت بقطعه ؟ .. شهر بنشتري فيه فرن .. والشهر الثاني غساله .. واللي وراه سرير ؟؟ ليييين تكرهين حياتج وتكرهين البيت باللي فيه ..


مانقول غير الله المستعان .. واسمحي لي ع التحلطم

[Gh2o]

اختي مهله شهر ١٠ مب لشراء بيت لتسجيل المهله للي طلع لهم قرض اطول شيكي مع بنك التنميه

[jetstream---]

الله يوفقج ان شاءالله

ونصيحة ابعدي عن الاولى للتمويل تعاملهم جدا سيء ويلعوزون

[الزيبق]

الله ايعينكم وسهل اموركم انشاالله

[فقيرة]

خليها على الله .. بنك التنمية يوم فكر يحط الناس في هالموقف البايخ .. مادره ان البيت محتاج مبلغ اضافي وقدره .. لا وياليت مساحة البيت تستاهل .. يعني تلقين سعره مليون و900 ولا مليونين وشي وبمجرد ماتحطين ريولج عند باب الحوش بقدرة قادر تلقين نفسج في الصاله ..
ونفرض لو بعتي اللي وراج وجدامج ودبرتي المبلغ وسديتي فيه حلوج الدلالين.. الأثاث مايبي له فلوس ؟؟
ولا كل شهر بنأثث البيت بقطعه ؟ .. شهر بنشتري فيه فرن .. والشهر الثاني غساله .. واللي وراه سرير ؟؟ ليييين تكرهين حياتج وتكرهين البيت باللي فيه ..


مانقول غير الله المستعان .. واسمحي لي ع التحلطم

لا فديتج أخذي راحتج وحاسه فيج أنا
وين الواحد يستانس فالبيت ووراه هموم تأثيث ومواصلات ووووو
ربج كريم إن شاءلله وبشري لقيتي شي ولا لا ؟!!!

والأخوه اللي مرو علىالموضوع مشكورين وماقصرتو ع الإفاده
يزاكم ربي كل خير

[الوعد2016]

بيت التمويل القطري بالقرب من مبنى الاولى