خااااااااااايف

[شرقاوي]

http://files.bighosting.net/bb30386.jpg



السلام عليكم

- وعليكم السلام ورحمة الله



يقولون فرصه هاليومين للي يشتري بالاسهم

- يقولون .. بس صراحه انا خاااايف.



خايف من ايش ..... سلامات عسى ماشر ؟

- بصراحه خايف ادخل البورصه لها اسبوعين

في نزول .



ليش صاير شي في قطر ؟

- مافهمت عليك وضح.



اقصد احداث سياسيه او شي من كوارث الطبيعه لاقدر الله ؟

- لا بالعكس الوضع السياسي ممتاز جدا والبلد من اكثر

بلاد العالم امانا واستقرارا ولا فيه لا كوارث طبيعيه ولا شي

والحمد لله.



اجل اكيد بعض الشركات الكبيره اعلنت افلاسها ؟

- لا .. الشركات الكبيره ارباحها قوية جدا ومستقبلها

يبشر بالخير .



بس عرفت السبب .. اكيد سعر النفط نازل ؟

- فال الله ولا فالك .. النفط قاعد يحطم اسعار قياسيه ماوصلها من قبل.



يااخي جننتني اجل من ايش خااايف ؟ لا تكون الاسعار مبالغ فيها ؟

-لا والله اسعار رخيصه جدا مقارنة بمكرر الربح .



طيب يااخي اعطني سبب واحد مقنع يخليك تخاف ؟

- اترك الجواب لاخواني الاعضاء لاني صراحه

ماعندي سبب بس اشوف الناس خايفه قلت

اخاف معاهم وعلى قولة القايل حشر مع الناس عيد .




ايش رايكم في اخينا بالله وش ردكم عليه مدري

ايش ينتظر .. لين تطير الطيور بارزاقها ويبيعون عليه الهوامير

باسعار غاليه ولا ايش القصه بالضبط ؟



..

.

[قطر]

ماينلام اخونا يالشرقاوي.....

اذا الهوامير اركدوا وقاموا ايخافووون ...

ترى الهوامير مستوجعين مثلنا ...


واللي صار كله بسبب اللي شارين باسامي قطريين ...


والحين بيبدون الشراء باساميهم بأسعار رخيصه

عقب مااربحوا الاضعاف..


ماينلام يخاف ... دام في بشر ....ضمايرهم ماتت ....

دام في بشر تستروا عن الخلق ..... ونسوا الخالق ...

دام في بشر راعوا شعور ربعهم وشروا لهم ...مجاملة لهم ... واغضبوا ربهم...


دام في بشر ناسيين ان الله يمهل ولا يهمل .....


الله كريم

[السهم الازرق]

اخوي شرقاوي اسعد الله ايامك ..

السبب عندي وهو ان شعار صغار المستثمرين و المضاربين هو :

مع الخيل يا شقرا ..

ينطرون الهوامير يشترون علشان يشترون معاهم ..

و يضنون ان الهوامير اذا بيشترون راح يعطون مجال لاحد يشتري معاهم ..

ساعتها يا بخت من حصل له فتافيت اسهم ..

انصح من يريد الشراء ان يضع نقطه يشتري منها حتى لو استمر السهم بالنزول قليلا ..

و لكنه سيعاون الصعود ان شاء الله ..

لكن اذا اردتم الشراء وقت الصعود يمكن صعبه تحصل لك نصيب بين الهوامير ..

والله يرزق الجميع

[بيـــزات]

اوجعتني



:(


:(

[بيـــزات]

لا وازيدك من الشعر ابيات بعد... العالم اقفضت خيوطها عن الحداق




:( :( :(

[شاهيناز]

اخي شرقاي


كلام الاخ قطر صح

احد اسباب هبوط الاسهم

الاسماء الاجنبيه الي داخله باسماء قطريه

لكن السبب الرئسي قله ثقافه المستثمرين

وادارة البورصه موقفها السلبي الي تركت طلبات البيع

تتجمع دون اي تدخل منها

والوسطاء الاجانب الي كانو ينصحونا بلبيع وعدم الشراء
وهذي صارت معي ومع كثير من المستثمرين


وسلامي

[السهم الازرق]

قله ثقافه المستثمرين



كلامك 100%

[Bluetooth]

يااااااااا شباب سمحولي اقول رايي...

انتوا تقولون الاجانب الي دخلو بأسامي القطرين اهم السبب........

خلونا نحسبها بعقل ؟؟؟

الاجنبي هذا لو دخل بسم قطري اعني شخص واحد فهو راح يحصل على 1200 تقريبا او فرق بسيط

الا جنبي هذا كم يبيله بطاقه على شان .. فعلا يكون اتهامنا له في محله ؟؟؟

اعتقد الكلام الي تقلونه صعب تصديقه

انا عن نفسي مااااااعرف حد باع بطاقته لأجنبي وحتى لو كان مطر يبيع كان حصل ناس تشتري من عيال بلاده

.....
انتوا بصراحه كل يوم تطلعون متهم جديد
يوم الهوامير
ويوم شركات الوسطه
ويوم ادارة البورصه
وغيره وغيره

والسبب الرئيسي والمتهم الحقيقي هو ولا واحد فيهم

المتهم اهو احناااا يا صغار المستثمرين والمستثمرين الجدد

المستثمرين الجدد او بمعنى ثاني الي مطرين يبعون ... اعرضوا بكميات كبيره وطرحوا سعر السوق

والصنف الثاني صغار المستثمرين الي اعزفوا عن الشراء رغم تدني الاسعار وخوفهم

وليش هذا الخوف .... بصراحه انا بعد مادري

[ابوسعود]

كلام اخوي الهاجري
100%
لماذا نضع شماعة النزول على الاجانب
ولا وشرايكم نقول السبب اسرائيل


انا اتوقع سبب الانهيار واليس النزول
مع الخيل ياشقرا
عندما كان العرض
اكثر من الطلب الكل عطا امر بيع
والكل يقول عسى ابيع قبل الناس
هذا هو السبب الاول
اما السبب الثاني ارتفاع غير مبرر = هبوط غير مبرر
ارتفاع السوق الى مستويات قياسيه وبالتالي كان هبوط
غير مبرر

[ابوعلي اليافعي]

اعتقد ان السبب الرئيسي هم صغار المستثمرين وخاصه الجيل الجديد الذين دخلوا البورصه مع طرح الناقلات للاكتتاب وبدون معرفه وسابق تجربه وبدون استشاره او سؤال اهل العلم في هذا المجال امثله لذالك:ان الشخص الي يبي يشتري اسهم شركه والنفترض صناعات ,كان يذهب للمكتب ويسوي امر شراء فيخبره الوسيط انه لا يمكنه شراء الصناعات اليوم لان الطلب عليها كبير ولا يوجد عرض فيقوله العميل :طيب ياخي شوف لي اي شركه فيها معروض وشترلي فيها!!!!!!تخيلوا!!!!! لهذه الدرجه الشراء لمجرد الشراء...وعندما حدث البيع تكدست الاوامر لان الذي اشترى عندما اشترى هذا السهم اشتراه تقليد وليس عن قناعه ولما شاف الناس تبيع باع مثلهم ايضا تقليد وليس عن قناعه..ولكن اخواني رب ضاره نافعه فان ماحدث سيجعل كثير من المستثمرين (المقلدين)يحزمون حقائبهم ويخرجون من السوق بدون رجعه ولن يبقى سوى الفاهم او الذي يريد ان يفهم ويتعلم...وشكرا

اعتقد ان الخوف سينتهي بانقراض هذه النوعيات الي شعارها((مع الخيل ياشقرا))

شكرا اخوي شرقاوي على الموضوع وقد تم التثبيت لسماع بقية الاراء

[aalqahtani]

السلام عليكم

ارى ان سبب ارتفاع البورصة في الفترة السابقة وبطريقة غير متوقعة وبعيدة عن كل الدراسات الاقتصادية .... كانت خطة محكمة لعبت بطريقة سليمة كان المراد منها رفع السعر وجني الارباح عن طريق المضاربات وكانت هذه الحركة تتم عن طريق من كانت لديهم اموال لم ترمى في اكتتاب ناقلات لعلمهم بأن كمية التخصيص لن تكون بالكمية المرجوه ففضلوا االمضاربة في السوق.

وعندما عادت الاموال من ناقلات وكانت نفسيات الناس مليئة بالندم لانها لم تكن في البورصة في تلك الفترة ...... فعادو الى الشراء مرة اخراى على امل 3/4/2005 ان دخول الاجانب هوا الارتفاع الكبير ... وهوا تفكير منطقي ولكن عندما يكون المناخ استثماري وليس للمضاربة.

للأسف الشديد انه عندما بداء الهبوط و بدأت عروض البيع تتزايد تزايدا طرديا....... والذي يدل على ان من يضع طلب البيع والكمية كبيرة ولا يوجد عرض للشراء . . ...... ليس له دراية بالسوق ...وهؤلاء هوم الاغلبية (صغار المستثمريين الجدد) والدليل على ذلك لو مررت في تلك الفترة على اي مكتب وساطة وشفت كيف كانت توضع اوامر للببيع ...... وفي رأيي هذا السبب الرئيسي.

اما بالنسبة للكبار من المستثمريين في اعتقادي هم الذين رفعوا السعر الى العلالي ......... وصغار المستثمريين هم الذين نزلوا السوق بهذه الطريقة.

على العموم اعتقد بأن هذا الكلام كله معلوم لديكم ...... واسف للأطالة

وأحب اختم بكلمة واحدة

للأسف جهل العامة بالسوق هوا اكبر خطر يهدد الجميع ...... الحل ( التوعية ).
دائما كنت اقراء في المنتدى احتفظ بالسهم لا تبيع ......... واعتقد ان هذا الكلام غير صحيح ..... ويجب ان يكون الكلام كالتالي ..... اذا كنت مستثمرا على المدى الطويل او المتوسطة فلا تبيع ... واذا كنت مضاربا و متسلفا فقم بالبيع والشراء على فترات قصيرة ...... يجب ان يكون هناك بيع حتى يكون شراء ..... ويؤدي ذلك الى حركة للسوق ..... لاتعرض اذاكنت تعرف بانه لن ينفذ في كلتا الحالات انت تضر نفسك.

هذا واتمنى ان يعود السوق الى ما كان وان تبدا حركة البيع والشراء كالمعتاد

وشكرا لكم

[علي]

انا اعتقد ان هناك سبب اخر وهو ان العيب في الورصه نفسها

البورصه القطريه سريعة التقلب

بمعنى لا يوجد استقرار في البورصه ولا يوجد خط واضح يسير عليه المستثمر

حتى المحللين لو لاحضتو ايتخبطون


دليلي سؤال كيف تنهار البورصه بعد دخول الاجانب واقتراب صدور البيانات الربعيه بارباح 100% شى يجعل الحليم حيرانا

[relaax]

كل الكلام اللي نقال صحيح .. بس .. في نقطة .. وهي انا اعتقد ان الهوامير اللي عندهم اسهم بكميات
كبيرة .. اعرضوا بأسعار مرتفعه .. مثل طلبات بيع المجموعه .. لا تبيع بس حط سعر مرتفع عشان يطلع لك رقم
مساهم .. فالهوامير اعرضوا اللي عندهم .. بس للاغراق[u]... وتنزل الاسعار ويعوضون اللي فاتهم من التخصيص ..
والعلم عند الله .. وعلى نياتكم ترزقزن ...

[قطر]

هادي الهاجري + ابوسعود

احترم وجهة نظركم

لكن انا ماتكلمت عن اسهم ناقلات ...

انا اتكلم عن اسهم الشركات الباقية ...

والشراء باسامي قطريين اقل شي كان ب 40 مليون حق الشخص الواحد ..

وهذا اشياء تقدر تسأل عنها البورصة ولا يقدرون ينكرون

والأشخاص تم تحويلهم على التحقيق بتهمة التستر ... ونست البورصة تجمد اسهمهم فقاموا بضخ الاسهم على العلالي عشان يلحقون على فلوسهم قبل لاتتجمد ..

يعني جات ضربتين في الراس سالفة الغاز واسهمه ...و سالفة التستر ... + دخول الأجانب + طرح شركات جديده ..

بس اول سببين هم اللي اثروا بشكل كبير...


وشكرا لكم

[المديون]

انا اقول السبب هو غبائنا ؟؟؟؟

[Le7dan-Qatar]

والله مع الخيل ياشقرا احيانا تصيب

ولكم تحياتي

[abu ali]

يا اخوان كفايه اتهامات ولاواحد فيكم عارف السبب

الاجانب اللي دخلوا باسم قطريين عددهم قليل جدا

الناس اللي قاعده تعرض اسهمها للبيع الان لايوجد لديهم بديل كل حلهم وحلا لهم حطوه في السوق

بحثا عن الربح السريع وتوهقوا والان الطريق الوحيد للخلاص اولانقاد ما يمكن انقاده

من الديون والالتزامات لكن قولوا اللهم عافنا من ما ابتليتهم به

وكفايه شماعات


وشكرا للجميع

[متداول]

ابي اضيف 2 نقطين وكلها داخل البورصة .
المشكل ما من الدولة و اقراْ بعض الاخوان يطالبون تدخل الحكومة وانا في راي خطاء
المشكلة المجمورين تعامل معها هي البورصة وهي عدد الشركات كلها 30 شركة والاموال عند الناس فايضة نتج عنها اللي تشفونة الحين السوق ما يتحمل الموال كلها اللي في البلد .
المشكلة الثانية وهي الية التفيذ والرقابة ضعيفة جداً وقرارات متقلبة يوم 10% يوم 5% والحين يبون يسونها 3% سكر السوق احسن الادارة يبيلها بعد نظر وتوقع الاسوء علشان تقدر المخاطر توجد الحلول السريعة .
وسلامتكم ,,,,,,,,,,

[LiquidMoney]

انا اضم صوتي لصوت اخوي هادي الهاجري ....
كلامك اخوي صحيح 100%
اعتقد يا جماعه صار لكم اسبوع و اكثر ... اتحاولون تمسكون الجاني .... وانتوا مب قادرين عليه ... طبعا غير التحسر و التولول اللي صاير ...
ليش ما نـــــــــــــــــــــصـــــــــــــــــــــبـــــ ـــــــــــــــر ونشوف اش بيصير ....
ليش تعتبر نفسك خسران اذا انك مابعت بخساره ؟!
وبعدين في نقطه ... انا اشوف اللي صاير جيد جدا ... لآن اذا كان السبب بالفعل مثل ما البعض يقول انه الاجانب اللي كانوا داخلين باسامي قطريين ... يعني انهم ينطرون بالفعل السعر المغري عشان يردون شترون لأنهم حققوا ارباح ... و ماظنتي اللي حققوا بيكفيهم من مره وحده !!!
انا اتمنى اللي باع ... يقول لا حول ولا قوة الا بالله .. و الحمدلله على كل حال .. ويرجع يشتري من الاسبوع الجاي ..
واللي ماباع ... خلك صامد ...
وان شاء الله خير ...

وبــــــــــــــــــــــــــــــــــس ...

[المراقب]

الأرتفاع الكبير كان غير مبرر وتبعه إنخفاض غير مبرر، وسالفة الأجانب ألي شروا بأسماء قطريين ليس لها أي تأثير بنظري، وهذه الحالات الشاذة عددها قليل جدا جدا.

[إنتعاش]

هلا فيك اخوي الغالي

والله ياخوي خوف خويك هذا له سبب واحد في نظري

انه جديد على شي اسمه اسهم

وانقرص وشرا مواشي على 70 او مخازن بغالي فلذلك تلقاه خلاص انقرص

وحرم على نفسه الدخول

والمستقبل في علم الغيب بلا شك

لكن انا رغم مرارة الهبوط اللي هاليومين الا اني متفائل بأسعار افضل وافضل من طفرة مارس الماضي


نصيحه لخويك : لا تدخل البورصه مرة ثانيه اذا تفتقد لعاملين هااامين جدا :

1- راس مالي قوي

2- قلب قوي

[السهم الازرق]

انا ماتكلمت عن اسهم ناقلات ...

انا اتكلم عن اسهم الشركات الباقية ...



اخوي قطر اسعد الله ايامك ..

المفروض انك تستنتج سبب هبوط البورصه من ردود الاغلبيه ..

لو تلاحظ انت تتكلم في وادي و اغلب الاجوبه في وادي ثاني ..

تروح يمين و تروح شمال و الاجابات كلها عن سهم ناقلات ..

و هالشي يدل ان الاغلبيه من المشاركين اول مره يدخلون عالم الاسهم عن طريق سهم ناقلات ..

وليس لهم ادنى فكره عن الاسهم و وقت طلوعها و نزولها الافتراضي ..

و تذمرهم كله عن النزول و انا اشوفه طبيعي لعدة عوامل ..

و لكن صادف ادراج سهم ناقلات في وقت النزول وهو وقت تفصيخ السهم ..

لذلك اخي العزيز مهما تتكلم و تقول الحديث راح يرجع لسهم ناقلات ..

وهو ما يؤكد كلامي ان السبب الرئيسي هو

قلة ثقافة المستثمرين

[حبيـ M ـبها]

يا هل الاجانـــــب اللي ذبحتونا بهم ..

بلا تعليق اخطائنا على غيرنا ..

والله نصيحة للجميع التجارة يبغى له قلب قوي وانسان ذو عزيمة قوية ..

ولا تعتمدون على كلام حد لا هنا في المنتدى ولا في السوق .. انت صاحب قرارك وبس

ذبحتونــــــــا بالاجانـــــــــــــب

[Bluetooth]

تروح يمين و تروح شمال و الاجابات كلها عن سهم ناقلات ..
و هالشي يدل ان الاغلبيه من المشاركين اول مره يدخلون عالم الاسهم عن طريق سهم ناقلات ..


السهم الازرق

انا بقولك ليش الكل يلف ويدور ويتكلم عن النا قلات...

لأن السبب الرئيسي او المشكله الي لنحلت انشالله راح تنحل باقي المشاكل

اهي الناقلات ......


* اذا قلت عروض البيع مراح يكون الحال افضل ؟؟؟؟

* اذا رتفع اسهم الناقلات مراح يأثر اجابياً على البورصه وعلى حالت الشباب الي تشوفهم؟؟

النا قلات كااان لها تأثير كبير قبل ادراجهااا ....
والحين لهااا تأثير بعد بالي صار...

لا تقولي قلت ثقافة المستثمرين ... على شان توهم داخلين

يماااااااا في البورصه ناس صار لهم سنين ما يعرفون شي

ويمااا ناس صار لهم سنه او ثنتين وفاهمين

[السهم الازرق]

السهم الازرق

انا بقولك ليش الكل يلف ويدور ويتكلم عن النا قلات...

لأن السبب الرئيسي او المشكله الي لنحلت انشالله راح تنحل باقي المشاكل

اهي الناقلات ......


* اذا قلت عروض البيع مراح يكون الحال افضل ؟؟؟؟

* اذا رتفع اسهم الناقلات مراح يأثر اجابياً على البورصه وعلى حالت الشباب الي تشوفهم؟؟

النا قلات كااان لها تأثير كبير قبل ادراجهااا ....
والحين لهااا تأثير بعد بالي صار...

لا تقولي قلت ثقافة المستثمرين ... على شان توهم داخلين

يماااااااا في البورصه ناس صار لهم سنين ما يعرفون شي

ويمااا ناس صار لهم سنه او ثنتين وفاهمين



تحيه لك اخوي هادي الهاجري ..

من وجهة نظري ان ناقلات سبب بسيط من اسباب نزول البورصه و ليس رئيسي ..

و بالنسبه لقلة خبرة المستثمرين ..

انا ما اتكلم عن ابو سنه او سنتين في البورصه مثل ما قلت ..

انا اتكلم عن ابو شهر او اقل اللي دخلو البورصه مع ادراج سهم ناقلات ..

شكرا

[قطر]

السهم الأزرق

اتفق مع رأيك اني في وادي والباقي في وادي بس لو لاحظت ان الباقي اللي انا رديت عليهم كان ردهم بعد ردي وكانوا ايتكلمون على اساس اني اتكلم عن سهم ناقلات...

حبيت اوضح لهم ان اولا انا مااتكلم عن ناقلات فقط ... انا اتكلم عن باقي الاسهم فالسوق مايوقف على اسهم ناقلات؟؟

ثانيا ان اسهم ناقلات ليس لها ذلك التأثير في الانخفاض والارتفاع بما انها شركة تعتبر تقريبا على ورق وحتى راس مالها لم يؤخذ كاملا..

ثالثا كلامك صحيح بالنسبه لقلة ثقافة المستثمرين وخاصا اللي ادخلوا بتوقيت ناقلات..
وهم اكثر الناس اللي مسببين الهبوط...
وماانقهر الا اللي ايقولك منقهر على الخساره!! اي خساره انه ماباع السهم ب 80؟؟ عجبي والله


===============

سلام عليكم

[قطر]

يقولون فرصه هاليومين للي يشتري بالاسهم

- يقولون .. بس صراحه انا خاااايف.



خايف من ايش ..... سلامات عسى ماشر ؟

- بصراحه خايف ادخل البورصه لها اسبوعين

في نزول .

.


اجل اكيد بعض الشركات الكبيره اعلنت افلاسها ؟

لو لاحظتوا اخوي هادي واخوي السهم الازرق :rolleyes:
الموضوع عن شركات البورصة ككل
ولم تخص ناقلات
بالاضافه لم يتم التطرق لها

وعلى هذا الاساس كان ردي...كل الشركات وليست ناقلات فقط


فمن الذي تكلم في وادي ؟؟؟ والموضوع في وادي ؟؟

:)

شكرا لكم وعموما اختلاف الرأي لايفسد للود قضيه....

شكرا لكم

[شرقاوي]

عداك العيب اخوي قطر وكلامك مافيه اي شك

الموضوع اساسا عن السوق بشكل عام


وشكرا للجميع ... اسعدتني مشاركاتكم

[السهم الازرق]

لو لاحظتوا اخوي هادي واخوي السهم الازرق :rolleyes:
الموضوع عن شركات البورصة ككل
ولم تخص ناقلات
بالاضافه لم يتم التطرق لها

وعلى هذا الاساس كان ردي...كل الشركات وليست ناقلات فقط


فمن الذي تكلم في وادي ؟؟؟ والموضوع في وادي ؟؟

:)

شكرا لكم وعموما اختلاف الرأي لايفسد للود قضيه....

شكرا لكم


اخوي الغالي قطر ..

كلامي يدعم وجهة نظرك ولا يخالفها !!

و انا لما قلت انك تتكلم في وادي و الردود في وادي ..

قصدي ان كلامك صحيح و الردود مب صحيحه ولا بمكانها ..

والسوق اول مره ينزل بهالشكل لان دفعه كبيره من قليلي الخبره دخلو السوق مع ادراج سهم ناقلات و كانت اول تجربه لهم في البورصه و شرو غلط و باعو غلط و اعفسو السوق .. طبعا بالاضافه الى ان البورصه تمر بوقت نزول طبيعي بسبب توزيع الارباح و تفصيخ السهم ولكن زاد الطين بله الفئه التي ذكرتها ..

اتمنى كلامي يكون واضح و شكرا

[قطر]

:) مرحبا السهم

اسمح لي من كلامك استنتج انك بما معناه اتقول لي الناس ايتكلمون في ناقلات وانت اتكلم في الشركات..

واللي زاد استنتاجي رد الاخ هادي ..

ارجو المعذره منك :)

[السهم الازرق]

الناس ايتكلمون في ناقلات وانت اتكلم في الشركات..


العكس صحيح اخوي قطر ..

عزيز و غالي ;)

[قطر]

أشكرك :) نفس الشعور

وياهلا بك دائما ..

[Banana]

لاتبوق ولاتخاف ومحد خايف ونحن واثقين كل الثقه من اقتصادنا بس لحد يلعب بالبورصه وقد اعذر من انذر .