ابي منكم النصيحه لا تبخلووون على

[وسيط !]

السلام عليكم ورحمة الله وبركاته


بصرااحه انا تعبت وانا ادووور حق بنتي مدرسه بس محتاره بين المستقلة او الخاصة


وكنت ابي اعرف وشنهي احسن المدارس المستقله والخاصه في نظركم للعلم بنتي بتدخل الروضة

وايش رايكم بمدرسة خديجه المستقله زينه

وشاكره لكم

[الأصيلة]

أصبح التسجيل الآن حسب منطقة السكن لا حسب من أحسن ...
فشوفي أقرب مدرسة لبيتكم

[مرتبش]

السلام عليكم
بنتي في خديجة وما انصح فيها.. المدرسة تهتم بالانشطة والرحلات والاهتمام الاكاديمي ضعيف جدا ..والمعلمات للانجليزي هنديات

سمعت ان الفلاح وهي في بوهامور ورا كيوتل على ما اظن.. مستواها افضل وناوي انقل بنتي هناك اذا امكني ذلك بس مشكلة المنطقة الجغرافية خلت الامور تصير صعبة.

مدارس خاصة ما اعرف الصراحة

[الجني]

أختي انا اتعامل مع التعليم و كأنه لا يوجد تعليم

في البيت اشغل لهم افلام كرتون سندباد (مستانسين عليها وايد)

و قاعد ادور لهم على افتح يا سمسم

و كل هذا لتعليم اللغة العربية

و ادرسهم عربي و شرعية في البيت

و العيال مع مدرسين خاصين


اما المدرسه فهي تقضية لوقتهم بالنسبة لي

[bshayer]

شوفي اختي ...
بالنسبة للروضه عادي دخليها روضات المستقله لان الطفل بهالمرحله يحب الرحالات والانشطه وحفظ الحروف وبالنسبة للقران انتي ممكن درسينها بالبيت معاك انتي ...
وبعدين الابتدائبه اهم مرحله لازم يتاسس صح دخليه عنكم اتوقع وقريب منكم مدرسة اقرا الخاصه ..بالمعموره واسعارها مو غاليه نفس الحياة العالميه ...!
ومثل مااقول اخوي الي فوق الجني جهدك انت اكبر اذا دخلتيها المستقله ...>>اخوي الجني عندك برنامج امناهل اذا تذكره مفيد للاطفال ..:) الله المستعان صج ..:(

مافي كتب اوراق وكل شوي ضايعه من البنت ...

موفقه بالتسجيل وان شاء الله تحصلين مكان لها :)

[صمت 1]

أصبح التسجيل الآن حسب منطقة السكن لا حسب من أحسن ...
فشوفي أقرب مدرسة لبيتكم

انا افضل المدارس المستقله حتى لوكانت عيوبها

كثيره

الاهتمام يكون من البيت والمتابعه من الوالدين

[تحداني]

.
.
أنصحك بالمدارس الهنديه
فهي تخرج أطفال يدركون قيمه العلم .. ويعرفون معنى العلم
بل حتى يدخلون في عمق المواد .. ولك حريه القرار

الاراء لا يمكن ان تتوحد
وكل شخص سيعكس تجربته الخاصه .. والتجارب لا تعمم ابدا

.
.المدارس الخاصه " تخلق جيلا يغرد اللغه الانجليزيه "
اما المدارس الخاصه .. البعض منها ترفيه وانشطه وكلام فارغ
والبعض الاخر .. زي الاطرش في الزفه :)



جملك الله برضى الرحمن

[شموع قطريه]

ما انصحج في خديجه .. الطالبات فيها ضايعين مايعرفون راسهم من كرياسهم والتدريس عندهم رايح فيها .. مدرساتهم اكثرهم هنود وفلبينيات ومايفهمون منهم البنات شي يعني عادي تخلص السنه وبنتج ماعندها اي حصيله علميه ..

[umabdulla77]

كوني مدرسة سابقا في المستقلة ابدا مانصحج بهم
ودخلي بنتج مدرسة خاصة وانصحج بالمهاااا
تعليم ديني اسلامي وعربي ويطلعون لج يغردون انجليزي بالنطق الصحيح على الاقل في المراحل الاولى وخاصة انها مرحلة تأسيس

وعلى فكرة بعض مديري المدارس المستقلة القاهم يجون ياخذون عيالهم في المهااا هاي دليل عدم ثقتهم بالمستقلة ومناهجها

[وارث العز]

مدرسة الخليج الانجليزية .... ممتازة وبالتوفيق

[رحال]

وديهم أقرب مدرسة لبيتك

[قطرية7]

شوفي يالغالية حسب خبرتي ان الدراسه بالمستقلة والخاصه المعايير متشابهه في تدريس جميع المواد ولكن الاختلاف في المدرسين اذا كانت المعلمه متمرسه وعندها ضمير فبتدرس صح واذا كان العكس فلاتعليق ... والامر راجع لج استخيري وشوفي الاخير وسويه وربي يوفقج لمافيه الخير بس عن رايي الشخصي اذا حبيتي في البدايه للتأسيس في خاصه وتكون مدرسه ممتازة وبعدين مستقله علشان مسأله الخلط في المدارس والزي المدرسي مايليق ببناتنا ((القصير))
انا ارشحلج مدرسة خاصه،، نيوتن (عن تجربه) في البدايه بس للتأسيس:victory: