هالمره قلت اجرب فندق بنص الدوحه .. للأسف سلبياته فقط بموظفينه.. La cigale لا سيغال

[هدهد سليمان]

LA CIGALE

مساكم الله بالخير :)

اليوم فندقنا هو لا سيغال ( لا سيقان ) :nice: فندق جيد كغرف واضافات لكن سيء من ناحية الموظفين تحديدا .. شايفين نفسهم اولا .. ثانيا ما يبتسمون خير شر الا اذا سألتهم شسالفتكم ليش ما تبتسون .. واغلب من فئة الليبانيز ( لبنانيين ) المهم ما علينا منهم .. لكن هذه اهم سلبيات الفندق بموظفينه ما اقول الكل .. الابتسامات حصلتها فقط عند الآسيويين صوب المسبح صوب الجمانيزيوم .. ما اطول عليكم نبتدي بالصور :nice:

بومشعل الله يطول بعمره
http://www.7mmlbs.com/img/2zo75864.jpg

ولي العهد الله يحفظه
http://www.7mmlbs.com/img/aLM75864.jpg

الاستقبال اللي يفتح النفس :)
http://www.7mmlbs.com/img/u2x75864.jpg

صور للوبي الصراحه قعدته مريحه .. لكن الخدمه غير مريحه :nice:
http://www.7mmlbs.com/img/33375864.jpg

http://www.7mmlbs.com/img/3mn75865.jpg

عقب ما خلصت من التأكيد على الحجز رحت صوب اللفت ( المصعد )
http://www.7mmlbs.com/img/Scf75865.jpg

وصلت للغرفه :) ..
http://www.7mmlbs.com/img/sPN75865.jpg

رفيقة دربي .. وحرسي الشخصي :nice:
http://www.7mmlbs.com/img/QdH75865.jpg

الغرفه من الداخل
http://www.7mmlbs.com/img/bZC75865.jpg

http://www.7mmlbs.com/img/noH75865.jpg

هديه لكل نزيل .. قلم بوعشر :nice:
http://www.7mmlbs.com/img/YKf75933.jpg

التحليه بمناسبة .. من غير مناسبه :discuss:
http://www.7mmlbs.com/img/0Ub75933.jpg

زاويه اخرى للغرفه
http://www.7mmlbs.com/img/XCM75933.jpg

http://www.7mmlbs.com/img/E1U75933.jpg

وراكم وراكم يا منتدانا الغالي .. :)
http://www.7mmlbs.com/img/jza75933.jpg

عقبها نزلت ورحت صوب المسبح طبعا موجود بطابق الميزانين 2 .. الميزانين عباره عن طابق علوي وسفلي السفلي حق الساونا وحمام البخار والحمام المغربي والمساج والجمانيزيوم .. العلوي المسبح :nice:
طلعت فوق اشوف المسبح .. من سلبياته ايضا لا يوجد مسبح مخصص للأطفال !!
http://www.7mmlbs.com/img/IHV75933.jpg

عقب الدرج .. فيه استراحه زوينه ..
http://www.7mmlbs.com/img/BWP75984.jpg

http://www.7mmlbs.com/img/IpA75984.jpg


ايوا وصلنا الى المسبح .. مسبح رائع :victory:
http://www.7mmlbs.com/img/TQ775933.jpg

http://www.7mmlbs.com/img/TVt75933.jpg

http://www.7mmlbs.com/img/nXl75933.jpg

بعد ما خلصنا من المسبح .. نروح صوب وين .. صوب الساونا
http://www.7mmlbs.com/img/UTE75933.jpg

عقبها .. الحمام المغربي :omen2:
http://www.7mmlbs.com/img/AZo75984.jpg

شي عجيب هالمكان يالربع ..:shy:
http://www.7mmlbs.com/img/VnC75984.jpg

وجا دوووووور المساج :rolleyes2:
http://www.7mmlbs.com/img/95678329.jpg

اكيد تعرفون مكاني المفضل .. ايوااا عفيه عليكم الجمانيزيوم :nice:
http://www.7mmlbs.com/img/ACp75984.jpg

http://www.7mmlbs.com/img/8rZ75985.jpg

http://www.7mmlbs.com/img/7fB75985.jpg

تخيلوا يا جماعه فندق خمس نجوم .. وما فيه ماي حق الشرب .. ليش يا جماعه عسى ما شر الله مكثر الماي .. يقولون الماي طلبيه قلت افا طلبيه من وين .. قالوا الماي يجينا من لبنان :eek5: .. قلت حتى الماي من لبنان ما يكفي الموظفين :) .. قالوا الا من لبنان .. قلت في عندنا ماي الريان ترى شي عجيب .. قالوا لا لبنان .. المهم ما شربت ماي الا بالغرفه .. امحق فندق :anger1:

منظر من الغرفه مطله على ميدان التحرير ( اشدخل )
http://www.7mmlbs.com/img/u5075985.jpg

والصبح تريقنا في هالمطعم .. هم نفس الشي ما في ابتسامه .. وطل في وجيهم .. ترى كتبت في ورقة الاقتراحات الرجاء ان تبتسموا .. تراها ما تكلف شي . . بالعربي والانجليزي .. ما اعرف فرنسي لو اعرف أأول :nice: .. جاني الويتر يبتسملي .. ويقولوا ولو مين مزعلك .. طالعته قلت له مب كفو حد يزعلني لكن ابتسموا كني داش عزاء .. فقال : لا اسمحلنا يا خيي يمكن ميشان اليوم جمعه .. سفهته ورحت :victory:
http://www.7mmlbs.com/img/NF075985.jpg

بعدها طلعت .. وأول وآخر مره ادش هالفندق .. نصيحه للجميع الفندق لا انصح به للعائلات .. الفندق فقط للبزنس ..

http://www.7mmlbs.com/img/89277360.jpg

كان معكم مراسلكم .. هدهد سليمان .. الجزيره ( لا سيقان :tease:) الدوحه ..

اتمنى ما ازعجتكم .. لكن كلمة الحق تنقال وما ينزعل منها ..
http://www.7mmlbs.com/img/bW277870.gif

[ALHAJAJI]

دام بدايتة من اسمه لا لا لا لا لا

لا تتوقع منه خير

وعظم الله اجرك في القريشات اللي دفعتها خيي

[بوخالد911]

تسلم حبوب

بس كيف الاكل عندهم؟

[طموحي عالي]

وي

عيل الفندق رزه عالفاضي

[لاجل QT]

كلام اخوي هدهد صحيح لاسيقان ولاابتسامة ..كانة حد ضاربهم على بوزهم...انا رحت الخميس اتعشا..دخلنا صوب المطعم حطو العصير
اللى معي قالت بتروح الله يعزكم الحمام قمت معاها..الا رئيس الوتيرية واقف لنا فاتح لنا يدة اشكبرها يقول لوين ...اشدعوة حبس بنشرد..خايف لانشرد مسكين ....واحنا حتى اصلا ماشربنا العصير ..رحنا الحمام حصلنا واحد ناطرنا برة مدري خايفين لانشرد يبا كلها الا 300 ريال ادي بندفعهاعسى ماشر...رحنا البوفية ماعجبنا ..طلبنا من المنيو الويتر رايح جاي علينا ولاابتسامة مكشر اعنبوة ..مع ان اهم شي في وظيفتهم الابتسامة في وجهة الضيف

الخلاصة العمالة الاسيوية ارقي في التعامل مع الضيف.. فندق اخر مرة ادخلة....ياحي الرتز فرق والله

يسلموو هدهد على الصور والمجهود الرائع وربي يخليلك الصغيرة

[بوحارب]

يصير اخذ الحرس الشخصي مالك ؟؟؟

ابي اوديها الألعاب مع وضوحتي ههههههههه

تسلم على التقرير الحلو

اشعندك هالأيام كله طايح في الفنادق شكلك طايح على بنك هههههههههههههه

[Gh2o]

نسيبي العزيز شرفنا من دوله الامارات وحب يجرب فندق لايسقان المهم رحنا الرسبشن الا هالتكشيره والموظف شايف نفسه مع انه مجرد موظف استقبال لا راح ولا رد , المهم نسيبي عطاه بطاقه العمل من شافها الا هالابتساااااامه الي شاقه الحلج والكلام الطيب والنفاق على اصوله ( الريال شغال بديوان الرئاسه في بوظبي ) وتبي نصيحه مثل هالاشاكل اذا تبيه يتربى عامله بتكبر وحسسه انه ولا شي جدامك بيخاف

[بو خليفه 123]

والله يا هدهد احييك على برنامجك الحي .. لاحظت انك بين فتره و فتره تسكن في فندق عسى الله يديم عليك الوناسه .

"حبيب البي" الخدمه هناك فعلاً متدنيه بحكم تجربه شخصيه و اتفق معاك .
ماقلت لنا بكم احسبوا لك الغرفه ؟ أنا عندي شرق افضل فندق

و اذا وسط المدينه عندي w افضل فندق .


ننتظر تقريرك الجاي :)

[وطن]

كلام اخوي هدهد صحيح لاسيقان ولاابتسامة ..كانة حد ضاربهم على بوزهم...انا رحت الخميس اتعشا..دخلنا صوب المطعم حطو العصير
اللى معي قالت بتروح الله يعزكم الحمام قمت معاها..الا رئيس الوتيرية واقف لنا فاتح لنا يدة اشكبرها يقول لوين ...اشدعوة حبس بنشرد..خايف لانشرد مسكين ....واحنا حتى اصلا ماشربنا العصير ..رحنا الحمام حصلنا واحد ناطرنا برة مدري خايفين لانشرد يبا كلها الا 300 ريال ادي بندفعهاعسى ماشر...رحنا البوفية ماعجبنا ..طلبنا من المنيو الويتر رايح جاي علينا ولاابتسامة مكشر اعنبوة ..مع ان اهم شي في وظيفتهم الابتسامة في وجهة الضيف

الخلاصة العمالة الاسيوية ارقي في التعامل مع الضيف.. فندق اخر مرة ادخلة....ياحي الرتز فرق والله

يسلموو هدهد على الصور والمجهود الرائع وربي يخليلك الصغيرة


احنا تهاوشنا معاهم مره
كانو بيدفعونا الأكل واحنا ما اكلناه ولا نزل ع الطاوله اصلا

سوينا الطلب بعدها ب10 دقايق جاء الويتر يقول مافي سالمون فريش
قلنا له كنسل كل شي خلاص ما نبي

لا وين ... بحط لكم الباقي تيك اواي
قلنا له ما نبي !! خلاص مانبي ناكل هني

ومني مناك بيدفعنا الفاتوره

وصلناها لين مدير المطعم
قلت له في 10 دقايق تبي تفهمني ان الطلب كله جهز وجيتو بعدها تقولون ان الطلب الفلاني مش موجود !!
هذي غلطتكم مو غلطتنا المفروض من البدايه تجون تعطونا خبر
مو تبتدون بالطلبات

:anger1:

وهم كذابين اصلا السوشي ما يستوي في 10 دقايق وبالكميات اللي احنا طالبينا

المهم انه قال خلاص ما تدفعون شي وعصيركم علينا


:victory:

[منهم وفيهم]

تقرير جميل تسلم
وبخصوص الماي اللي من لبنان .......................................لا تعليق

[هدهد سليمان]

دام بدايتة من اسمه لا لا لا لا لا

لا تتوقع منه خير

وعظم الله اجرك في القريشات اللي دفعتها خيي

هو ما فيه خير من الموظفين اللي فيه اما الفندق الشيخ كبزنس تمام عائلي ما ينفع بريال :)

[هدهد سليمان]

تسلم حبوب

بس كيف الاكل عندهم؟

ومن قال سالم يالغالي ..
بخصوص الأكل مستواه جيد فوق التقليدي شوي .. لكن فرق بينه وبين الرتز بنسبه 5\10

[هدهد سليمان]

وي

عيل الفندق رزه عالفاضي

اي من هالناحيه صدقتي على الفاضي .. اذا اقدر اعطيهم نجوم ما يسوون 3 السبب الموظفين .. اتمنى بالفعل من راعي الفندق الله يحفظه بإعادة النظر في مسألة الموظفين ..

[هدهد سليمان]

كلام اخوي هدهد صحيح لاسيقان ولاابتسامة ..كانة حد ضاربهم على بوزهم...انا رحت الخميس اتعشا..دخلنا صوب المطعم حطو العصير
اللى معي قالت بتروح الله يعزكم الحمام قمت معاها..الا رئيس الوتيرية واقف لنا فاتح لنا يدة اشكبرها يقول لوين ...اشدعوة حبس بنشرد..خايف لانشرد مسكين ....واحنا حتى اصلا ماشربنا العصير ..رحنا الحمام حصلنا واحد ناطرنا برة مدري خايفين لانشرد يبا كلها الا 300 ريال ادي بندفعهاعسى ماشر...رحنا البوفية ماعجبنا ..طلبنا من المنيو الويتر رايح جاي علينا ولاابتسامة مكشر اعنبوة ..مع ان اهم شي في وظيفتهم الابتسامة في وجهة الضيف

الخلاصة العمالة الاسيوية ارقي في التعامل مع الضيف.. فندق اخر مرة ادخلة....ياحي الرتز فرق والله

يسلموو هدهد على الصور والمجهود الرائع وربي يخليلك الصغيرة

ما قصرتي اختي على هالرد الوافي اللي يأكد من كلامي .. بالفعل موظفين جنغل ..

[لاجل QT]

احنا تهاوشنا معاهم مره
كانو بيدفعونا الأكل واحنا ما اكلناه ولا نزل ع الطاوله اصلا

سوينا الطلب بعدها ب10 دقايق جاء الويتر يقول مافي سالمون فريش
قلنا له كنسل كل شي خلاص ما نبي

لا وين ... بحط لكم الباقي تيك اواي
قلنا له ما نبي !! خلاص مانبي ناكل هني

ومني مناك بيدفعنا الفاتوره

وصلناها لين مدير المطعم
قلت له في 10 دقايق تبي تفهمني ان الطلب كله جهز وجيتو بعدها تقولون ان الطلب الفلاني مش موجود !!
هذي غلطتكم مو غلطتنا المفروض من البدايه تجون تعطونا خبر
مو تبتدون بالطلبات

:anger1:

وهم كذابين اصلا السوشي ما يستوي في 10 دقايق وبالكميات اللي احنا طالبينا

المهم انه قال خلاص ما تدفعون شي وعصيركم علينا


:victory:


مهب كذي وبس البوفية مالهم مافي طبق رئيسي ..مدري حصلنا شي مثل بطاطس وعلية لحم مفروم ونف س الشي على طماط يقول هذا الرئسي..واربع اجدور بس رئيسية..قلنا خلاص بنطلع حاصرونا اثنين رئيسهم قال بدك من المنيو ..الحين توك تقول بتسكرون الساعة كانت 12..يعنى المهم ندفع يعني ندفع هذا الاهم عندهم واللى حسيتة..اللى يدش لازم يدفع:anger1: كل ماكل يدفع...ماجاب المنيو هو قعد يتكلم عن الاطباق بالفرنسي:anger1: مو وقتة اجيبلك مترجم ..
المهم طلبنة استيك مافي 10 دقايق الاالستيك جاهز :omg:..حسسونى اني مهب في قطر اهل الذوق والمعاملة الراقية ..العمالة الاسيوية ارقي بكثيير

ولى ملاحظة على المطعم ..حسسونى كانى داخل مطبخ كل الطباخين برة بلبسهم المعروف واصوات الصحون والضوضاء وازعاج ..وين صوت الموسيقى الهادية :tease: حطين لنا حوض هالسمج عاد وكلش :anger1:

[هدهد سليمان]

يصير اخذ الحرس الشخصي مالك ؟؟؟

ابي اوديها الألعاب مع وضوحتي ههههههههه

تسلم على التقرير الحلو

اشعندك هالأيام كله طايح في الفنادق شكلك طايح على بنك هههههههههههههه

لازم تاخذ موافقة الديوان الملكي ..
بوحارب اذكر الله ترا العين حق :(

[هدهد سليمان]

نسيبي العزيز شرفنا من دوله الامارات وحب يجرب فندق لايسقان المهم رحنا الرسبشن الا هالتكشيره والموظف شايف نفسه مع انه مجرد موظف استقبال لا راح ولا رد , المهم نسيبي عطاه بطاقه العمل من شافها الا هالابتساااااامه الي شاقه الحلج والكلام الطيب والنفاق على اصوله ( الريال شغال بديوان الرئاسه في بوظبي ) وتبي نصيحه مثل هالاشاكل اذا تبيه يتربى عامله بتكبر وحسسه انه ولا شي جدامك بيخاف

يا مرحبا ومسهلا بك وبنسيبك .. يالغالي لو بغينا الزبو سويناه .. لكن من تواضع لله رفعه والحمدلله اعرف قدر نفسي عدل .. يكفي اني بهدلتهم باحترام ..

[هدهد سليمان]

والله يا هدهد احييك على برنامجك الحي .. لاحظت انك بين فتره و فتره تسكن في فندق عسى الله يديم عليك الوناسه .

"حبيب البي" الخدمه هناك فعلاً متدنيه بحكم تجربه شخصيه و اتفق معاك .
ماقلت لنا بكم احسبوا لك الغرفه ؟ أنا عندي شرق افضل فندق

و اذا وسط المدينه عندي w افضل فندق .


ننتظر تقريرك الجاي :)

ان شاء الله يا شرق او على ما قلت W بيني وبنيك في اكثر من فندق ببالي .. لكن بيتضح هالشي يوم الخميس ان الله احيانا :)
اما لا سيقان من ناحيه الخدمه صادق .. :discuss:

[وطن]

ان شاء الله يا شرق او على ما قلت w بيني وبنيك في اكثر من فندق ببالي .. لكن بيتضح هالشي يوم الخميس ان الله احيانا :)
اما لا سيقان من ناحيه الخدمه صادق .. :discuss:

مممممممممممممم

ليش تسمونه لا سيقان؟

[الـقـاسـي]

لاسيقال مب شي اصلا من ادش اللوبي في البداية تعرف انه فاشل ..

الـ w روعة .. واللي احلى منه ومراح اغيره الـ جراند جياه اللي قبل الريتز بصراحة روعه هالفندق ولو انه ينقعك اذا جيت تبي تاخذ سيارك بس روعه ..

[ظبيــღــه]

:victory:

[*¤ بن قطر¤*]

هل تم اقتتاح الفندق بشكل رسمي ؟ ولا ما زال في فترة الـــ Soft Opening

على اللي سمعته انه عنده مشاكل كثيره في الادارة و العلميات !

[عذايب قطر]

انا امس كنت في فندق لاسيغال واول مره اشوف الغرف حلوه نايس
والاسعار يعني زينه.. بس موقعه مو حلو.

عاد من سمعت عن الابتسامة قلت خلاص احجز في جراند حياة احسن

تحياتي

[Ginger]

تقرير ممتاز

مع احترامي

اللبنانيين لاعبين لعبتهم في النصب والاحتيال والمعامله الخايسه وجايفين نفسهم على وشو ؟؟؟

كرهت اللبنانيين بسبت موظفين باريس غالري حراميه وبوق عيني عينك

[جامعي]

يا اخواني انتوا ابدوا الابتسامه وشوفوا شبيصير

ترى كلنا من تراب وبنرجع للتراب ولاحد يشوف نفسه على حد

..يعطيك العافية اخوي عالتقرير ..

[الياقوت99]

:secret::secret::secret:اما ان الماي من لبنان ------ صراحه مالهم حل

[بوفصول]

مايبتسمون ، من البقة اللي في صدورهم

شكرا على الموضوع

[بدور]

تقرير رائع يعطيك العافيه

[شموخ دائم]

,

,


بسم الله الرحمن الرحيم


شكرا لك على التقرير الطيب

عجبني انك تذكر الايجابيات والسلبيات في تقريرك

والله كنت ماخذ فكره انه احسن وارقى من كذا

للاسف ان يكون المكان جميل الخدمه مستواها اقل

شكرا لك واتمنى لك اوقات سعيده



,

,


اخوكم



شموخ دائم

[هدهد سليمان]

احنا تهاوشنا معاهم مره
كانو بيدفعونا الأكل واحنا ما اكلناه ولا نزل ع الطاوله اصلا

سوينا الطلب بعدها ب10 دقايق جاء الويتر يقول مافي سالمون فريش
قلنا له كنسل كل شي خلاص ما نبي

لا وين ... بحط لكم الباقي تيك اواي
قلنا له ما نبي !! خلاص مانبي ناكل هني

ومني مناك بيدفعنا الفاتوره

وصلناها لين مدير المطعم
قلت له في 10 دقايق تبي تفهمني ان الطلب كله جهز وجيتو بعدها تقولون ان الطلب الفلاني مش موجود !!
هذي غلطتكم مو غلطتنا المفروض من البدايه تجون تعطونا خبر
مو تبتدون بالطلبات

:anger1:

وهم كذابين اصلا السوشي ما يستوي في 10 دقايق وبالكميات اللي احنا طالبينا

المهم انه قال خلاص ما تدفعون شي وعصيركم علينا


:victory:

تصرف بالفعل غريب .. فعلا يحتاجون دورات في التعامل مع الناس .. بعد كل التقدير اختي للتأكيد ان تعاملهم سلبي جدا

[هدهد سليمان]

تقرير جميل تسلم
وبخصوص الماي اللي من لبنان .......................................لا تعليق

وياك حق الشيخ .. شبتعلق .. صج لا عبين لعبتهم بالفندق !!

[fa6ma]

ههههههههه

يسلموو

[q6ryah]

امحق فندق

دخلته مره وتحسفت على شنو


لا الاكل ولا يقولون بوفيه اقول الله يعز شرق لاقالو بوفيه صح

واشكرك على التقرير

نسيت اما الكفر الابيض


ماله حل

[مضاد]

ااامحق فندق .

[هدهد سليمان]

لاسيقال مب شي اصلا من ادش اللوبي في البداية تعرف انه فاشل ..

الـ w روعة .. واللي احلى منه ومراح اغيره الـ جراند جياه اللي قبل الريتز بصراحة روعه هالفندق ولو انه ينقعك اذا جيت تبي تاخذ سيارك بس روعه ..

ان شاء الله بجربه .. يعطيك العافيه :nice:

[هدهد سليمان]

:victory:

عيل شلون عيل .. اكيد وراكم بالمسابقات .. حتى في الفندق :)

[هدهد سليمان]

هل تم اقتتاح الفندق بشكل رسمي ؟ ولا ما زال في فترة الـــ soft opening

على اللي سمعته انه عنده مشاكل كثيره في الادارة و العلميات !

اذا مب مفتوح رسمي .. فهذه كارثه للفندق !!
اما مشاكلهم كل شي جايز :)

[هدهد سليمان]

انا امس كنت في فندق لاسيغال واول مره اشوف الغرف حلوه نايس
والاسعار يعني زينه.. بس موقعه مو حلو.

عاد من سمعت عن الابتسامة قلت خلاص احجز في جراند حياة احسن

تحياتي

الابتسامه .. للأسف شوهوا سمعة الفندق بسبة رفع خشومهم .. والابتسامه .. احسن ما سويتي :)

[هدهد سليمان]

تقرير ممتاز

مع احترامي

اللبنانيين لاعبين لعبتهم في النصب والاحتيال والمعامله الخايسه وجايفين نفسهم على وشو ؟؟؟

كرهت اللبنانيين بسبت موظفين باريس غالري حراميه وبوق عيني عينك

ما نقول الكل لكن الغالبيه نصابين بأحتراف .. اما لعبتهم هي لعبتهم :)

[هدهد سليمان]

يا اخواني انتوا ابدوا الابتسامه وشوفوا شبيصير

ترى كلنا من تراب وبنرجع للتراب ولاحد يشوف نفسه على حد

..يعطيك العافية اخوي عالتقرير ..

يالغالي ابتسمت وتنازلت وتواضعت ولله الحمد هذا طبع فيني .. لكن ما ينعطون وجه الشيخ .. اشرايك تجرب تاخذلك فره هناك .. عقبها بتعرف المقصود :discuss:

[هدهد سليمان]

:secret::secret::secret:اما ان الماي من لبنان ------ صراحه مالهم حل

لا تعليق :nice:

[هدهد سليمان]

مايبتسمون ، من البقة اللي في صدورهم

شكرا على الموضوع

حياك الله بس شنو بقه؟؟

[هدهد سليمان]

تقرير رائع يعطيك العافيه

الله يعافيك اختي بدور .. شرفتي الموضوع

[هدهد سليمان]

,

,


بسم الله الرحمن الرحيم


شكرا لك على التقرير الطيب

عجبني انك تذكر الايجابيات والسلبيات في تقريرك

والله كنت ماخذ فكره انه احسن وارقى من كذا

للاسف ان يكون المكان جميل الخدمه مستواها اقل

شكرا لك واتمنى لك اوقات سعيده



,

,


اخوكم



شموخ دائم

جزاك الله خير اخوي شموخ دائم . . لكن للأسف هذه هي الحقيقه .. والتجربه خير برهان .. اتمنى بالفعل اعادة النظر في الموظفين بالكامل .. :)

[رذاذ]

تقرير رائع ..

وحلو ان الواحد يغير جو .

الله يحفظك لك البنوته .

بس ياخوي مب مفروض يحسبون لنا اسعار خاصه بعكس السائح ..

بصراحه مبالغين جداا

[هدهد سليمان]

ههههههههه

يسلموو

:eek5: :nice: :nice:

[هدهد سليمان]

امحق فندق

دخلته مره وتحسفت على شنو


لا الاكل ولا يقولون بوفيه اقول الله يعز شرق لاقالو بوفيه صح

واشكرك على التقرير

نسيت اما الكفر الابيض


ماله حل

هههههههههه الكفر الابيض .. يعطيك العافيه .. وين تشبهه بشرق حرام عليك .. حده الدبلومات :eek5:

[هدهد سليمان]

ااامحق فندق .

:nice: :secret:

[هدهد سليمان]

تقرير رائع ..

وحلو ان الواحد يغير جو .

الله يحفظك لك البنوته .

بس ياخوي مب مفروض يحسبون لنا اسعار خاصه بعكس السائح ..

بصراحه مبالغين جداا

الله يسلمك ويحفظك من كل شر .. والله الاسعار لك عليها شوي .. لكن الصراحه السعر اللي خذيته خاص الفرق تقريبا من 500 الى 800 ريال .. لكن ما يستاهل بسبب الخدمه :)

[مهره]

اول شي تستاهل على هالاجازة والتغير وبالنسبة لى فندق لاسيجال ممتاز حتى الخدمة ممتازة ماعرف الموقف الى تعرضت لة يخليك تقول هالراي فيهم؟؟

[@فهد@]

معلومات مفيده عن الفندق تخلي الواحد مايفكر يزوره ولايسكن فيه ...

لكن هالنوعيه من الموظفين يبدو مالقوا الي يسنعهم .. ياخوك انت ساكن بفلوس ترا مب ساكن منحه من صاحب الفندق ولا علي حساب واحد منهم ...

طبعا عني لن انصح احد يسكنه وخل صاحب الفندق يهتم باهم حاجه في الفندق موظفي المكاتب الاماميه .. الفرونت ديسك .. واجهة الفندق .. يوظف له مواطنين من البحرين والا السعوديه شكثرهم عاطلين والله احسن واوفر وينصحون لك ياصاحب الفندق .. وفوائد كثيره .. حتي الشخص يتطمن لين يسكن

اقلها حلالنا عندنا مب لبرااا

[المشتاقه الى الجنه]

صراحه إنتوا مزودينها وايد
الفندق رائع وما عليه أي كلام

[المولع22]

*
*

عن تجربه شخصيه

بصراحة سكنت بالفندق بنفسي تقريبا 3 مرات

وعندي واحد من الربع يجي من الامارات كل اسبوع ويسكن فيه

لين اليوم صارله يمكن اكثر من 15 مرة سكن بالفندق ومااايبغي يغير الفندق

الخدمة ماقول انها رووعه ,, ولكن اقول الخدمة ( جيدة جدا )

بالنسبه لـ ( لبنانين ) انا تكلمت مع اللي في الاستقبال وبالعكس من البداية

ترحيب وضحك وابتسامات وحتى بالذات لي وحق رفيجي سجل اسامينا بالسستم

وبكل مرة يكون لنا خصم خاص حتى لو فرق 100 ريال المهم اسمه خصم وماقصر ويانا

بالنسبة للمطعم الاكل ( عادي ) ولكن ماشفت اللي قلتو عنه

رفيجي راح يجيب تلفونه من الغرفة ويرجع المطعم وانا دخلت وانتو بكرامه الحمام وبرجع

عادي ولاحد كلمنا ولاحد قال شي !! :eek5:

هو ملاحظة وحده اللي فعلا صادفتني اللي هي ( ازعاج الصحون )

مافي اجواء كلاسيك بالمرررره

بالنسبة للعوائل ,, يالغالي مافهمت مقصدك بصراحة ,, مع اني اشوف عوايل كثيره

من دول الخليج , وحتى من قطر !؟ بس شسالفة

وتحياتي لكم
حبيت انقل تجربه شخصيه

شكرا

[S A L M A N]

غريبه اول مره اسمع حد يذم هالفندق ..

عموماً لاسيقال ماينفع حق تغيير جو

اللهم يمكن عشى ولا حق سويت ولا المطعم الي فوق .. بس حق سكن ماينفع

[هدهد سليمان]

اول شي تستاهل على هالاجازة والتغير وبالنسبة لى فندق لاسيجال ممتاز حتى الخدمة ممتازة ماعرف الموقف الى تعرضت لة يخليك تقول هالراي فيهم؟؟

لاني كنت هناك الله يسلمك !

[هدهد سليمان]

صراحه إنتوا مزودينها وايد
الفندق رائع وما عليه أي كلام

الظاهر ما قريتي عدل قلنا السلبيات بالموظفين فهمتي ولا نكرر!

[هدهد سليمان]

*
*

عن تجربه شخصيه

بصراحة سكنت بالفندق بنفسي تقريبا 3 مرات

وعندي واحد من الربع يجي من الامارات كل اسبوع ويسكن فيه

لين اليوم صارله يمكن اكثر من 15 مرة سكن بالفندق ومااايبغي يغير الفندق

الخدمة ماقول انها رووعه ,, ولكن اقول الخدمة ( جيدة جدا )

بالنسبه لـ ( لبنانين ) انا تكلمت مع اللي في الاستقبال وبالعكس من البداية

ترحيب وضحك وابتسامات وحتى بالذات لي وحق رفيجي سجل اسامينا بالسستم

وبكل مرة يكون لنا خصم خاص حتى لو فرق 100 ريال المهم اسمه خصم وماقصر ويانا

بالنسبة للمطعم الاكل ( عادي ) ولكن ماشفت اللي قلتو عنه

رفيجي راح يجيب تلفونه من الغرفة ويرجع المطعم وانا دخلت وانتو بكرامه الحمام وبرجع

عادي ولاحد كلمنا ولاحد قال شي !! :eek5:

هو ملاحظة وحده اللي فعلا صادفتني اللي هي ( ازعاج الصحون )

مافي اجواء كلاسيك بالمرررره

بالنسبة للعوائل ,, يالغالي مافهمت مقصدك بصراحة ,, مع اني اشوف عوايل كثيره

من دول الخليج , وحتى من قطر !؟ بس شسالفة

وتحياتي لكم
حبيت انقل تجربه شخصيه

شكرا

اذا رحت احصل upgrade حتى انهي الكلام معاك !
واعتقد اني جربت هالشي بنفسي اكذب نفسي واصدقك !
وجهة نظر يمكن انت غير !

[هدهد سليمان]

غريبه اول مره اسمع حد يذم هالفندق ..

عموماً لاسيقال ماينفع حق تغيير جو

اللهم يمكن عشى ولا حق سويت ولا المطعم الي فوق .. بس حق سكن ماينفع

خلاصة الكلام .. بارك الله فيك

[المشتاقه الى الجنه]

الظاهر ما قريتي عدل قلنا السلبيات بالموظفين فهمتي ولا نكرر!

لأ نكرر
إش هالأسلوب !!!!!!!

[وهم قطر]

وللي ماطبه لا يومك خخخخ

[الكعبى جروب]

الله يعطيك العافية

[هدهد سليمان]

لأ نكرر
إش هالأسلوب !!!!!!!

آسفين اختي ما قصدت شي .. يعطيك العافيه