رحله بتايا 2008 اسبوع وصور بسيطة

[Khalid_Qatar]

السلام عليكم

بتاريخ 13\3\2008 سافرنا تايلند على متن

الخطوط الجوية القطرية

http://www.qatarairways.com/images/Internet/qr_commercial/ecommerce/New%20Website%20Images/270%20px%20Width/General/A340-600_002.jpg


سعر التذكره تقريبا 7840 ريال على درجه رجال الاعمال

وقت الاقلاع كان الساعه 1:15 صباحا

الرحله طارت في وقتها ورحله هادية ومايحتاي ووصلنا بسلام بعد حوالي 6 ساعات ونص

لكن تأخرت في المطار يمكن حوالي ساعه وانا واقف في الطابور للجوازات لنه وقت الوصول كان تقريبا

11 ونص الظهر بتوقيت بانكوك وكان المطار مليان ناس لكن الحمدلله عدت على خير

طلعت من المطار وعلى طول الطابق الرابع واحد من الربع طار قبلي بيوم وسكن بانكوك يوم ومر علي

المطار في سياره فولفو خذها من بانكوك بـ 1300 بات من بانكوك للمطار ومن ثم لبتايا

وصلنا بتايا العصر وعلى طول فندق مون لايت مافي غيره

سعر الغرفه 650 بات ماتغير واحلى غرف ونظافه وسعر يابلاش وهذي صور عامة للفندق

http://dohaeye.com/gallery/data/media/12/dohaeye_pattaya2008DSC00249.jpg

http://dohaeye.com/gallery/data/media/12/dohaeye_pattaya2008DSC00291.jpg

http://dohaeye.com/gallery/data/media/12/dohaeye_pattaya2008DSC00292.jpg

طاولة البليارد الظاهر توهم حاطينها جيدة مايحتاي والجيم الواحد بـ 20 بات مايحتاي

http://dohaeye.com/gallery/data/media/12/dohaeye_pattaya2008DSC00289.jpg

الغرفه

http://dohaeye.com/gallery/data/media/12/dohaeye_pattaya2008DSC00293.jpg

http://dohaeye.com/gallery/data/media/12/dohaeye_pattaya2008DSC00294.jpg


الباب بين الغرفتين بيني وبين صاحبي

كانت غرفنا 419 - 421

وهذا الاب توب الخاص

http://dohaeye.com/gallery/data/media/12/dohaeye_pattaya2008DSC00298.jpg


اول يوم كان الواير لس شغال بس ثاني يوم ماقام يشبك الواير لس كلمناهم وعطونا سلك نتوورك

وخذوا عليه تأمين 100 بات المهم ركبناه في الفيشه خلف التلفزون موجوده وشبكناه مع الكمبيوتر

ومايحتاي عسل بس اخر يوم رجعنا الواير وخذنا ال 100 بات خخخخخخخخ

[Khalid_Qatar]

السلام عليكم من جديد

http://dohaeye.com/gallery/data/media/12/dohaeye_pattaya2008DSC00196.jpg


هذا مادري شسمه نسيت طعمه قريب من الكابتشينو لقيناه شي جديد وعلى طول طلبنا وجربناه

لذيذ لابأس فيه وهذا طبعا ستار بكس الي في مجمع توك كوم في بتايا طبعا كل يوم الساعه 11 نكون

موجودين فيه ضرب كوفي وعقب يبتدي يومنا و

يا حبايبنا بخصوص اول 3 أيام مافي الا مشي يمين ويسار ووناسه في بتايا

يبس بصراحه مارحنا رحلات هالمره لنه تقريبا خلصنا رحلات بتايا الا رحلتين مارحناها

الي اهية للبتايا مني سيام والثانية لحديقة الزهور

بعد هالـ 3 أيام خذنا من الفندق دراجات ياماها صغيره وحليوة وطبعا اول مره نسوق دراجه في بتايا

والشوارع عكس وزحمه فقلنا مافي الا نطلع بالدراجات بالليل بعد الساعه 12 منها تخف الزحمه علينا

ونقدر نتعلم شوي شوي وبراحتنا بدون مضايقات بالطريق وطبعا سعر الدراجه 200 بات في اليوم

لنها من الفندق لو من برع الفندق يمكن 150 بات على العموم من الفندق ودراجه جديده وتمام

وهذي صور للدراجات

http://dohaeye.com/gallery/data/media/12/dohaeye_pattaya2008DSC00239.jpg


توماتيك بس دور ريس وامش وماعليك من الباقي

صج تبهدلنا شوي لين خذنا على الوضع والشوارع بالليل كل شوي ننسى ونمسك الخط اليمين الا العالم


-------------------------------

بعد التدريب على السيكل مادري الموتر سيكل كم لفه بالليل قلنا مافي الا نروح الجبل فوق في بتايا

طبعا الجو كان حلو بالليل وقلنا لو نطلع فوق بيكون احلى واحلى مع انه في خوف شوي نخاف نطلع فوق

وشوي الا الدراجه راجعه ريوس مايندرى نجرب حظنا توكلنا على الله ووصلنا فوق وفي ناس في المكان كانوا

يعني مكان مايفضى سواء ليل او نها وهذي بعض الصور

http://dohaeye.com/gallery/data/media/12/dohaeye_pattaya2008DSC00210.jpg

http://dohaeye.com/gallery/data/media/12/dohaeye_pattaya2008DSC00211.jpg

http://dohaeye.com/gallery/data/media/12/dohaeye_pattaya2008DSC00212.jpg

http://dohaeye.com/gallery/data/media/12/dohaeye_pattaya2008DSC00213.jpg


لو تلاحظون في فرق بالصور من ناحية الدقه والوضوح ليش ؟؟؟

الصور الاخيره كانت من غير فلاض فطلعت اوضح واحلى

ماعلينا تمينا في المكان تقريبا ربع ساعه ونزلنا المفروض الواحد لما يروح هناك يودي وياه ماي عصير

اي شي احنا راحين على البركه وطبعا من كثر لدواره بالليل عطشنا على خفيف وقلنا خنا ننزل نروح

سوبرماركت سفن إلفن ونزلنا تحت الجبل ورحنا عند المينا عند القوارب الرياضية واتضح لنا انه في كرنيش

في هالمكان وكانوا فيه ناس وايد مع انه ساعه متاخره من الليل بس كان مكان حلو وإضائته جيده

http://dohaeye.com/gallery/data/media/12/dohaeye_pattaya2008DSC00219.jpg

وهذا صاحبي الدائم في السفر عبدالله

http://dohaeye.com/gallery/data/media/12/dohaeye_pattaya2008DSC00221.jpg

طبعا اهوه راعي الموتر سيكل البرتقالي حتى شوفوا حاط الشنطه ام حزام برتقالية خخخخخخخ

وهذا انا

http://dohaeye.com/gallery/data/media/12/dohaeye_pattaya2008DSC00222.jpg

وبعد التصوير رجعنا لين داخل بتايا واكتفينا بالمشاوير الحلوة والتمشي بالدراجات ووصلنا الفندق يمكن

الساعه 2 ونص وعلى طول كل واحد في غرفته مشغل الانترنت في جهازة وتدردش مع الربع

وتطقطق مع التلفزون لين قريب الساعه 5 ورقدنا رقده حلوة وقمنا ثاني يوم الظهر ويوم جديد

ورحله جديده وانتظروا بقية الموضوع

[Khalid_Qatar]

اثناء التجوال في بتايا حصلنا قهوة جديدة وحلوة بصراحه شفتها اخر مره شهر 10 للسفره السابقة

بس ماحصل نصيب انه نجلس عندهم هالمره جلسنا عندهم وهذي صور للقهوة

http://dohaeye.com/gallery/data/media/12/dohaeye_pattaya2008DSC00231.jpg

http://dohaeye.com/gallery/data/media/12/dohaeye_pattaya2008DSC00233.jpg

http://dohaeye.com/gallery/data/media/12/dohaeye_pattaya2008DSC00234.jpg

وهذي الشيشه معسل عنب

http://dohaeye.com/gallery/data/media/12/dohaeye_pattaya2008DSC00235.jpg


وبالنسبة لي الصراحه ما اشيش او ما اروح قهوه الا وانا برع قطر اما في قطر ولا ادري عن الشيشه

ليش اروح الشيشه طبعا علشان اضيع وقت شوي وبس

http://dohaeye.com/gallery/data/media/12/dohaeye_pattaya2008DSC00237.jpg

http://dohaeye.com/gallery/data/media/12/dohaeye_pattaya2008DSC00238.jpg

القهوه تمتاز بديكورها الحلو وجلستها تشرص الصدر بصراحه بس ناقص قدامك البحر بس بعد تراها

حلوة القعده ماراح تتحسف ان قعدت فيها في البداية علشان تشوف الي رايح والي جاي

اي عندهم غرفه فيها طاولة بليارد الغرفه خلف التلفزون الي بالقهوه وطاوله جديدة بعد

وعندهم عصاير الصراحه عجيبه طلبت منهم عصير منجا إنما ايه اووووووووووف عجيب

----------------------------



المهم للعمل ياشباب القهوه في عمارة جديدة البناء تقرييبا ويبين علشها جديدة وحواليها فنادق

صغيره ولكن كشخه ومن بين هالفنادق دخلنا فندق اسمه تقريبا Q D

اول مادخلنا الفندق التفتنا على اليمين

http://dohaeye.com/gallery/data/media/12/dohaeye_pattaya2008DSC00248.jpg

شالسالفه وين احنا ليكون في السفارة القطرية

شفنه صوره سمو الامير الشيخ حمد بن خليفة آل ثاني

وسمو ولي العهد الامين الشيخ تميم بن حمد آل ثاني

فسألنا الي بالرسبشن ايش العلم ياولد ؟؟؟

قال هذا الفندق صاحبه واحد قطري واسمه اعتقد قال حسن الملا

وبعدها قلنا له نبغي نشوف الغرف ودخلنا وهذي صور الغرف الموجوده

http://dohaeye.com/gallery/data/media/12/dohaeye_pattaya2008DSC00247.jpg

http://dohaeye.com/gallery/data/media/12/dohaeye_pattaya2008DSC00246.jpg

وهذي صور الحمام اعزكم الله

http://dohaeye.com/gallery/data/media/12/dohaeye_pattaya2008DSC00245.jpg

http://dohaeye.com/gallery/data/media/12/dohaeye_pattaya2008DSC00244.jpg

وهذي صور الغرفه

http://dohaeye.com/gallery/data/media/12/dohaeye_pattaya2008DSC00242.jpg

http://dohaeye.com/gallery/data/media/12/dohaeye_pattaya2008DSC00241.jpg

http://dohaeye.com/gallery/data/media/12/dohaeye_pattaya2008DSC00240.jpg

http://dohaeye.com/gallery/data/media/12/dohaeye_pattaya2008DSC00243.jpg


الصراحه لابأس فيه بس اظن يبيله ترتيب زياده يعني الصاله ضيقة شوي والتلفزون المفروض

يكون بالصاله مش الغرفه بس بعد يعني الي يبي الراحه وبعيد عن العالم زين لنه خلف العماره الي بها

الفندق خلاص الشارع العام ولو تلف يمين يوديك على طول الجسر او انك تاخذ الجسر وتلف يسار

يوديك شاطىء جومتنم بيتش

بعدين سعره 1500 بات وقابل للمساومه

وفي فندق ثاني مقابل له ووراهم في فندق وفي محلات جديدة واشياء حلوة بهالمنطقة لنه العماير

الموجوده بالمكان تقريبا 3 عماير جديدة ووراها بعد نفس الشي كلها مباني جديدة

مايحتاي اتكلم الي بيروح قهوه مراكش بيلاحض انه كل شي في هالبلوك جديد ونظيف

ولو انت طالع من مقهى مراكش ولاف يمين بتحصلون بعد عماره جديدة عاليسار وقالبينها غرف سكنية

وبأسعار حلوة وبركه سباحه والاسعار بعد نفس الشي 1500

يصراحه يبيله

[Khalid_Qatar]

مرحبا من جديد والحين نبتدي المووضوع ونحط لكم الصور

اول ماتقوم الظهر تصحصح عدل وتعطيها دش وتروح اقرب قهوه ستاربكس

وبتكون في مجمع توك كوم قريبه من فندق مون لايت طبعا رايحين مشي

وبعدها ترجع الفندق وتشغل الموتر سيكل

http://dohaeye.com/gallery/data/media/12/dohaeye_pattaya2008DSC00250.jpg


والانطلاقه من الفندق بس ماتدري وين بس كله في شوارع جديده علينا

المهم تمشنا وبعدها رحنا

مجمع فيستال الي فيه ال BIG C

http://dohaeye.com/gallery/data/media/12/dohaeye_pattaya2008DSC00252.jpg

http://dohaeye.com/gallery/data/media/12/dohaeye_pattaya2008DSC00253.jpg

معليش ترى الصور كلها من الساحه الخارجية للمجمع

http://dohaeye.com/gallery/data/media/12/dohaeye_pattaya2008DSC00254.jpg

http://dohaeye.com/gallery/data/media/12/dohaeye_pattaya2008DSC00255.jpg

في هذي الساحه بالليل طبعا يحطون لكم فرقه موسيقة وحولينها يتجمع الناس وفي مقاهي صغيره

ومطاعم في هالساحه يعني يكون الجو حلو بالليل والقعده تحلو

http://dohaeye.com/gallery/data/media/12/dohaeye_pattaya2008DSC00258.jpg

طبعا مريتو على هذا الي عنده مجسمات لشخصيات في الافلام ولا الكارتون كلها طبعا مصممه من

اجزاء محركات سيارات ودراجات بالعربي خرابيط من سكراب وجمعوها وطلعوا فيها اشياء حلوة

http://dohaeye.com/gallery/data/media/12/dohaeye_pattaya2008DSC00259.jpg


وبعد هالنافوره دخلنا داخل وخذنا لفه بس ماعليش ماصرونا شي

بس هالصوره وانا طالع من المجمع

http://dohaeye.com/gallery/data/media/12/dohaeye_pattaya2008DSC00260.jpg

بعد ماطلعنا رحنا على طول كورنيش بتايا والتقنا كم صوره لكم


http://dohaeye.com/gallery/data/media/12/dohaeye_pattaya2008DSC00262.jpg

http://dohaeye.com/gallery/data/media/12/dohaeye_pattaya2008DSC00263.jpg

http://dohaeye.com/gallery/data/media/12/dohaeye_pattaya2008DSC00264.jpg

http://dohaeye.com/gallery/data/media/12/dohaeye_pattaya2008DSC00266.jpg

http://dohaeye.com/gallery/data/media/12/dohaeye_pattaya2008DSC00269.jpg


وبعد هاللاستراحه الحلوة في الكورنيش

بدت بطونا بالتصفر والجوع ضارب مافي الا نروح ونعطيها شوي وكان الوقت تقريبا بعد الساعه 4 العصر

واتجهنا عند المطعم المفضل


(( نصيحه الي جوعان لا يكمل الموضوع ))

http://dohaeye.com/gallery/data/media/12/dohaeye_pattaya2008DSC00271.jpg


وبسم الله الرحمن الرحيم

ونبتدي ونطلب الطلب وتجي الصحون

http://dohaeye.com/gallery/data/media/12/dohaeye_pattaya2008DSC00272.jpg

سوب ايراني مضبوط من الخضار والدجاج

http://dohaeye.com/gallery/data/media/12/dohaeye_pattaya2008DSC00275.jpg


اووووف لذيذ بعد واحد الله يخليك

ترى بـ 60 بات السوب الايراني مرات بس نمر عليه نعطيها سوب ونطلع يمشي الحال فله يبيله

وشوية تشرب من هذا

http://dohaeye.com/gallery/data/media/12/dohaeye_pattaya2008DSC00276.jpg


لبن نعناع عجيب والله

المهم وطال الانتظار

http://dohaeye.com/gallery/data/media/12/dohaeye_pattaya2008DSC00273.jpg


وشان يوصل الطبق الرئيسي

جلو كباب ميكس

http://dohaeye.com/gallery/data/media/12/dohaeye_pattaya2008DSC00277.jpg

ياروحي والله في خاطري الحين

http://dohaeye.com/gallery/data/media/12/dohaeye_pattaya2008DSC00278.jpg


وافضل وسيلة للدفاع عن البطن الي اهية الهجوووووووووووووووووووووووم

وبعد الهجوم تطلع النتيجة

http://dohaeye.com/gallery/data/media/12/dohaeye_pattaya2008DSC00279.jpg


خخخخخخخخخخخ حتى الفلفل كلناه خخخخخخخخخخخخ

وبعدها ندفع الحساب طبعا ونتوكل على الله ندق سلف للدراجه ونروح نصفها صوب VC وتمشاية

عاد انه بنهظم تمشاية من VC لين اقرب محل مساج خخخخخخخخخخ

ونكمل

[yousef545]

سبايدي كااااااااب


ذكرتني بأيام بتايا محلاها من ايااااااااااام ابو العبط ولله

دوم مطيح عند بونواس بس سمعت شلو صفة القهاوي ؟

[Khalid_Qatar]

مرحبا من جديد ونبتدي التكملة



مجمع رويال جاردن



http://dohaeye.com/gallery/data/media/12/dohaeye_pattaya2008DSC00299.jpg


طبعا كل من مر بتايا يعرف هالمجمع

وهذي صور من داخل المجمع

http://dohaeye.com/gallery/data/media/12/dohaeye_pattaya2008DSC00300.jpg

http://dohaeye.com/gallery/data/media/12/dohaeye_pattaya2008DSC00301.jpg

http://dohaeye.com/gallery/data/media/12/dohaeye_pattaya2008DSC00302.jpg


معليش صور عشوائية مادري ليش في تايلند حاطين لنا ممنوع التصوير داخل المجمعات

عاد انا الكيمره في يدي وبدون فلاش وتصور خخخخخخخخخ

http://dohaeye.com/gallery/data/media/12/dohaeye_pattaya2008DSC00305.jpg

هذا فله من تمر عليه مافي الا روايح حلوة عطورات وصابون وشموع وبلاوي زرقه بس حركات حلوة


http://dohaeye.com/gallery/data/media/12/dohaeye_pattaya2008DSC00304.jpg

http://dohaeye.com/gallery/data/media/12/dohaeye_pattaya2008DSC00303.jpg

http://dohaeye.com/gallery/data/media/12/dohaeye_pattaya2008DSC00309.jpg

http://dohaeye.com/gallery/data/media/12/dohaeye_pattaya2008DSC00308.jpg


انا اقول تاخذ لك صوره كلها بـ 300 بات على ما اظن وتوديها معاك وعقب تشل الصوره الي فيها

وتحط صورتك بدالها خبركم البراويز عندنا غالية هذا جاهز

http://dohaeye.com/gallery/data/media/12/dohaeye_pattaya2008DSC00307.jpg

http://dohaeye.com/gallery/data/media/12/dohaeye_pattaya2008DSC00313.jpg

المهم خذنا كم لفه بالمجمع وطلعنا برع من ناحية البحر ولفينا يسار


وتابعنا بعد قليل

[Khalid_Qatar]

المهم بعد المجمع على اليسار في مشروع جديد اسمه

Pattaya Walk City

عماير مقابله بعض وتحت محلات وفوق المحلات طبعا شقق واستديوهات وغيره

علماً بأن المشروع لم ينتهي لحد الان القسائم تنتظر البيع سأنا عن السعر قلنا لو الاستديو سعره مناسب يمكن نشتري

لكن قالوا مايبيعون بالغرف الا بالبلوك عماره كامله تتكون من 5 طوابق وبـ 10 غرف يعني الي بالارضي محلين 2 والباقي 8 غرف فوق

والسعر يطلع بالقطري مليونيين وشوي

وهذي كم صوره بس ماعليش بالليل وارجوا من زوار هالمكان يروحون له بالنهار لنه احلى المنظر اما من ناحية القعده بالليل بعد حلوة

http://dohaeye.com/gallery/data/media/12/dohaeye_pattaya2008DSC00318.jpg

http://dohaeye.com/gallery/data/media/12/dohaeye_pattaya2008DSC00319.jpg


طبعا في محلات بالنص مثل مانتوا شايفين اكشاك صغيره وفيها اشياء وايد كل كشتك غير عن الثاني

http://dohaeye.com/gallery/data/media/12/dohaeye_pattaya2008DSC00320.jpg

http://dohaeye.com/gallery/data/media/12/dohaeye_pattaya2008DSC00321.jpg

http://dohaeye.com/gallery/data/media/12/dohaeye_pattaya2008DSC00322.jpg

http://dohaeye.com/gallery/data/media/12/dohaeye_pattaya2008DSC00323.jpg


وهذي كفتريا صغيره عندهم عصاير وايسكريم وعندهم شي يخلي الواحد اهبل لين يشربه

طبعا هذا ماجربناه ولو جربناه شان ماحصلتونا بالمنتدى كلش خخخخخخخخخ

وورانا كان مطعم ايطالي قعده حلوة بصراحه بس ماصروت من ناحية المطعم بس ترى مكان وايد حلو

وبالنهار بيكون احلى هذي ثاني مره نقعد في هالمكان

http://dohaeye.com/gallery/data/media/12/dohaeye_pattaya2008DSC00325.jpg

شوفو الكفتريا على اليمين والثاني الي يخلي الواحد اهبل على اليسار

المهم قعدنا شوي ولا نحصل شباب من الدوحه بعد واقعدوا ويانا وسوالف وضرب عصير منجا عجيب

طبعا القعده هذي مقايل الشارع العام الي على البحر في بتايا

وبعدها تحركنا من المكان واتجهنا يسار للمنطقه العربية ودخلنا الوولك ستريت

[Khalid_Qatar]

WALK STREET


ووصلنا الوولك ستريت طبعا رايحين المنطقه العربية وداشين من الشارع

http://dohaeye.com/gallery/data/media/12/dohaeye_pattaya2008DSC00328.jpg

طبعا هذا البوليس السياحي الي في الشارع واغلبية الشرطه استراليين المهم من جنسيات

غير التايلنديين ومنهم طبعا تايلنديين

http://dohaeye.com/gallery/data/media/12/dohaeye_pattaya2008DSC00329.jpg


شارع مليان بجنسيات غير شكل

وهذي لمحبي السي فووووود

http://dohaeye.com/gallery/data/media/12/dohaeye_pattaya2008DSC00330.jpg


على كثر مارحت تايلند ماكلت الا مره او مرتين الاستكوزا وغيره

مادري ماحب اكل هالاكلات الا نادر كلش

http://dohaeye.com/gallery/data/media/12/dohaeye_pattaya2008DSC00332.jpg

http://dohaeye.com/gallery/data/media/12/dohaeye_pattaya2008DSC00333.jpg


المهم وصلنا المنطقه العربية عند VC وخذنا الدراجات ورجعنا المون لايت نجهز اغراضنا لنه ثاني يوم

الظهر بنروح بانكوك

[Khalid_Qatar]

السلام عليكم

هذا اليوم الاخير في بتايا كان يوم الآربعاء 19\3\2008م

وكان الوقت تقريبا الساعه 12 الظهر وطبعا رايحين ستار بكس نعطيها كوفي كالعاده

http://dohaeye.com/gallery/data/media/12/dohaeye_pattaya2008DSC00350.jpg


وبعدها ندخل المجمع

T u k c o m

http://dohaeye.com/gallery/data/media/12/dohaeye_pattaya2008DSC00339.jpg

طبعا المجمع يتكون من 5 طوابق تقريبا ويختص بالكمبيوترات وغيرها من الالكترونيات

وموزعه بكل طابق يختص بشي سواء سوفت وير او هاردوير

ويوجد طابق خاص بالاتصالات التلفونات وغيرها

http://dohaeye.com/gallery/data/media/12/dohaeye_pattaya2008DSC00341.jpg


الطابق الارضي للمجمع فيه مطاعم وكوفي شوب وكم محل ملابس

وفي طابق البيسمنت فيه ملبوسات ومطعم

http://dohaeye.com/gallery/data/media/12/dohaeye_pattaya2008DSC00342.jpg


مثل مانتوا شايفين توزيع الطوابق وكل طابق وايش فيه من الافته الي بالصوره

http://dohaeye.com/gallery/data/media/12/dohaeye_pattaya2008DSC00343.jpg

http://dohaeye.com/gallery/data/media/12/dohaeye_pattaya2008DSC00344.jpg

http://dohaeye.com/gallery/data/media/12/dohaeye_pattaya2008DSC00345.jpg

http://dohaeye.com/gallery/data/media/12/dohaeye_pattaya2008DSC00346.jpg

http://dohaeye.com/gallery/data/media/12/dohaeye_pattaya2008DSC00348.jpg

وبعد ماخلصنا جولتنا رجعنا الفندق وكانت اغراضنا جاهزة للرحيل

http://dohaeye.com/gallery/data/media/12/dohaeye_pattaya2008DSC00354.jpg

خذنا سياره كامري بـ 1200 بات من الفندق واتجهنا لبانكوك الساعه 3 العصر ووصلنا تقريبا الساعه 5


وعلى طول رحنا فندق جراند لاكي

--------------------------

ماوصلنا بانكوك بتاريخ 19\3\2008 م المغرب تقريبا على طول رحنا الفندق الجديد

الي بالحي العربي شفناه اخر مره وقلنا بنسكن فيه وعلى طول وصلنا للفندق واسمه جراند لاكي

وحجزنا غرفه بـ 2464 بات هالـ 64 بات مادري ليش على العموم مب راضيين ينزلون في السعر

توكلنا على الله وخذنا غرفه مزدوجه

وركبنا اللفت ورحنا الطابق الخامس واول ماتبطل اللفت خذنا لكم صورة الممر

http://dohaeye.com/gallery/data/media/13/dohaeye_pattaya2008DSC00359.jpg

http://dohaeye.com/gallery/data/media/13/dohaeye_pattaya2008DSC00356.jpg


الصراحه حلوة لابأس فيها بس السرير وايد صغير شنه مال يهال

وهذي من صوب التلفزون والتسريحه

http://dohaeye.com/gallery/data/media/13/dohaeye_pattaya2008DSC00357.jpg

وهذا الحمام اعزكم الله

http://dohaeye.com/gallery/data/media/13/dohaeye_pattaya2008DSC00358.jpg


نزلنا اغراضنا بالفندق وعلى طول على محطه نانا للقطار ورحنا MBK

على طول الطابق الخامس مادري الرابع وخذت لعبه XBOX حق اخوي صج انه عندنا في الدوحه

بس الفرق ان الي في تايلند تقدر تشغل عليها العاب كوبي وخذت معاها يمكن 30 لعبه

هذي صوره عن الخاطر

http://dohaeye.com/gallery/data/media/13/dohaeye_pattaya2008DSC00361.jpg

صورت ولا الي بالمحل تقولي ممنوع لحووووووول وهذي سالفه

ومن بعدها طلعنا من المجمع واتجهنا الى بانتيب بلازا

وانا فوق في المجمع خذت لكم كم صوره

http://dohaeye.com/gallery/data/media/13/dohaeye_pattaya2008DSC00362.jpg

http://dohaeye.com/gallery/data/media/13/dohaeye_pattaya2008DSC00363.jpg

http://dohaeye.com/gallery/data/media/13/dohaeye_pattaya2008DSC00364.jpg


توني ابي اصور لكم الصوره الرابعه الا السكورتي لاصق فيني يقولي ممنوع تصور

مادري ايش قصه هالبلاد كله ممنوع التصوير كأنه داش ثكنة عسكرية

سكرت الكيمره وانتظرت صاحبي لما يخلص وطلعنا طبعا تطلع من الطابق الثاني احسن على طول مع

جسر المشاه وتنزل وتنتظر تاكسي والله يعين ذلونا ذل التكاسي الي مايبي يودينا

والي مايبي يفتح العداد والي والي لين جانا واحد ومشينا معاه وعلى طول اقرب مطعم في المنطقه العربية

كنا تعبانيين وجوعانيين من قلب وبعد الاكل رجعنا الفندق نجهز الاغراض وعقب طلعنا كم لفه وستار بكس

طبعا لازم ومرينا على محلات الساعات والشنط وماخذنا شي ههههههههه

ومن كثر التمشي كله انتشكا ريولنا وريولنا واقرب مساج المهم رجعنا الفندق 11 بالليل

تمينا نتابع التلفزون ورقدنا قمنا الساعه 9 ونص بتاريخ 20\3\2008م وطبعا الغرفه سعرها شامل الفطور

وتفطرنا وطلعنا ورجعنا بانتيب بلازا بس ماذكر ليش المهم انه صاحبي الي يبغي شي من هناك

وبعد مارجعنا عملنا شك اوت وخذنا تاكسي يودينا المطار بـ 500 بات

ووصلنا المطار وانا خبركم بزنس خلصت سريع سريع ورفيجي سياحية تم في الطابور هلكان

خلصت اجراءاتي في المطار ودخلت وعلى طول اتجهت للبوابه E2 دايما حاذفينا اخر الدنيا

هلكت ريولنا من المشي

http://dohaeye.com/gallery/data/media/13/dohaeye_pattaya2008DSC00366.jpg

http://dohaeye.com/gallery/data/media/13/dohaeye_pattaya2008DSC00367.jpg


المهم لفت انتباهي مطعم بالمطار عليه علامه حلال

وهذي شي طيب الصراحه كنت جوعان وبعد ماكلت عنده بس للعلم يالربع

اسم المطعم

كباب اكسبرس

http://dohaeye.com/gallery/data/media/13/dohaeye_pattaya2008DSC00369.jpg

http://dohaeye.com/gallery/data/media/13/dohaeye_pattaya2008DSC00370.jpg


موقع المطعم في الطريق الي يودي للبوابات F

وانا عن نفسي جلست في الكوفي شوب اديها براحتي

http://dohaeye.com/gallery/data/media/13/dohaeye_pattaya2008DSC00377.jpg


شوي الا صاحبي واصل عندي الا الساعه 3 الا ربع وشان اقوله قوم على الطياره خلاص

حتى خليته ياخذ كوفي بارسل وتحركنا للطياره

ودخلنا لقسم البوابات E وركبنا الطياره

واقولكم

بودعكم يأحبابي غصب ولا أنا مابي

وانتهى التقرير ونتلاقى انشالله في الأفراح والليالي الملاح

واسمحولي على التقصير

واشوفكم على خير

اخوكم خالد

النهاية

[حمد بن خالد]

السلام عليكم ورحمة الله وبركاته

اخوي خالد شحالك

تقريرك شفته قبل في العرب المسافرون

وعلى اني شفته لكن بين فترة وفترة ارد اشوفه

تقرير رائع وسلسل وهادي وجميل وممتع ومرح

لكن أول مره اشووفه واحس بغصه هههه

يمكن لاني من زمان مارحت تايلاند

يعني تصور ... اخر مره رايح تايلاند في شهر 1/2010 هههه

بس صج تايلاند بلاد العجائب

امتعتني بتقريرك للمرة الألف

:)

ولنا رحلة صيفية ان شاء الله

ملاحظة : عدستك لبتايا تظهر جمالها , وليس كباقي روادها .

[بو الجوري]

الله يهديك يالسمي :.. :(
الحين شاللي بيشيلها من بالي :.. :anger1:

والله خاااطري أروح :..
آخر مره رحت كانت سنة 2007

:)

[مثير للجدل]

ماشاء الله عليكم والحمد الله انكم استمتعتوا وسلامة الاسفار

[ماريسا]

يسلموووووووووو اخوي و خصوصاً الصور وايد حلوة

[dammaj77]

تسلم اخوي على الموضوع والتقرير والصور الحلوة لسفرتك

الصراحة استمتعنا


والى مزيد من الرحلات بأذن الله

[وحيد-الشوق]

تقرير عجيييب :victory:

تسلم يمناك عالصور الحلوة :nice:

[عيون Qatar]

الف شكر لك على الصور الاكثر من رائعة



الله يعطيك العافية

[Khalid_Qatar]

السلام عليكم ورحمة الله وبركاته

اخوي خالد شحالك

تقريرك شفته قبل في العرب المسافرون

وعلى اني شفته لكن بين فترة وفترة ارد اشوفه

تقرير رائع وسلسل وهادي وجميل وممتع ومرح

لكن أول مره اشووفه واحس بغصه هههه

يمكن لاني من زمان مارحت تايلاند

يعني تصور ... اخر مره رايح تايلاند في شهر 1/2010 هههه

بس صج تايلاند بلاد العجائب

امتعتني بتقريرك للمرة الألف

:)

ولنا رحلة صيفية ان شاء الله

ملاحظة : عدستك لبتايا تظهر جمالها , وليس كباقي روادها .

عليكم السلام ورحمه الله وبركاته

ماشاله طلعت زبون قديم خخخخخخخخ

الله يعطيك العايه اخوي اذا انت اخر مره شهر 1

انا شهر 3 كنت هناك ورجعت تاريخ 20

وخلني احرك الخميس تاريخ 13 بروح بعد 4 ايام خخخخخخخ بتم اسبوع في بوكت

ومن ناحيه عجايب وغرايب وعجبتني الملاحظه ربي يحفظك انشالله

[Khalid_Qatar]

الله يهديك يالسمي :.. :(
الحين شاللي بيشيلها من بالي :.. :anger1:

والله خاااطري أروح :..
آخر مره رحت كانت سنة 2007

:)

يالله شد حيلك وتعال معاي يوم الخميس بروح بس اسبوووع :)

تمشايه عالخفيف نقاهه بعد الكرف هني بالدوام الزين منهم عطوني اسبوع

مقدم ٣ اسابيع سنويه عطوني اسبوع

[Khalid_Qatar]

تحدوه البشر

الله يسلك يالغالي


ماريسا

الله يسلمك وحلوه دنياك

dammaj77

الله يسلمك اخوي ،،،، وايد رحلات وصور شكثر انشالله بنقلها لكم عالمنتدى هني ولايهمك

[Khalid_Qatar]

وحيد-الشوق

عيون الوكرة

الله يسلمكم وحاضرين للطيبين :)

[الساهر 17]

والله بالنسبة للفندق في في صورةالامير وولى العهد هو لمالك قطري وشخص حبوب ورجل معروف الي يروح بانكوك يعرفه وهو مايقصيررر مع الكل والله ذكرتني بايام زمان كانت ايام,,,,,,,,,,
تسلم على الملف والتقرير المصور
وكاب كووون كاااااا ( يعني مشكورررررر )

[alrheeb2020]

الله يجزيك خير عالتقرير المتعوب عليه ..

والله يوفقك ويرحم والديك

[حمد بن خالد]

عليكم السلام ورحمه الله وبركاته

ماشاله طلعت زبون قديم خخخخخخخخ

الله يعطيك العايه اخوي اذا انت اخر مره شهر 1

انا شهر 3 كنت هناك ورجعت تاريخ 20

وخلني احرك الخميس تاريخ 13 بروح بعد 4 ايام خخخخخخخ بتم اسبوع في بوكت

ومن ناحيه عجايب وغرايب وعجبتني الملاحظه ربي يحفظك انشالله


لاتقهرني يا خالد

13/5 تاريخ ميلادي ولازم احتفل مع ام العيال

يعني ما اقدر اسافر

لاتروح وتخليني ترى بدعي عليك <<<<<< شوووف الحسسسد :nice:

هههههه

تروح وترد بالسلامة

عاد اتحفنا تقرير يديد مايسوى علينا هالتقرير نكحل فيه عيونا من 2008

والتقارير الباقيه كانت اوروبية

ومره ثانيه

تروح وترد بالسلامة بوالوليد

:)

[صغيرون قطر]

مرحبا اخوي

على فكره ترا تقريرك قديم ومكرر وانا قريته قبل سنه وشي في احد المنتديات المخصصه

للسفر

بس عاجبني تقرير روعه

على فكره انا رايح بتايا 7مرات اخرها يناير 2009

ننتظر جديدك

تحياتي

[ظبيــღــه]

ماشاء الله ...

خووش رحله والله

..تسلم يمينك ..وكثر من هالمواضيع الزينه:)

[هذلان]

السلام عليكم


مع انه على كلام الاخوان تقرير قديم ،، الا اني انبهرت بالبلد .

لاني زرتها من زمان تقريبا ٢٠٠١ كانت بتايا من احقر الدول الي زرتها و للاسف اجبرت على القعده فيها لمده ٣ ايام
فساااااااد اقسم بالله صادتني حاله هستيريه احس حتى الجدران ما احب امسكها يمكن فيها ايدز بعيد الشر عنا و عنكم .
وشردت منها بالغصب بعد ماطفح الكيل ،، كنت ماخذ لفه في البطبطه و دخلت في داعوس ورى السوق و القى تايلنديين سادحين لهم خنزير يجزرونه في الشارع

اااااااااااااع ع ع ع ع ع ع ع



لاهنت و السموحه على مشاركتي المقززه :nice:

لكن شكل البلد نظف

[بو الجوري]

بتروح عالـقطريه يوم الخميس ؟

وكم التذكره إطلعت عليك !!

:)

[سوق واقف]

بوليد تحب الأكل وايد

تقرير رائع والله

[Khalid_Qatar]

لاتقهرني يا خالد

13/5 تاريخ ميلادي ولازم احتفل مع ام العيال

يعني ما اقدر اسافر

لاتروح وتخليني ترى بدعي عليك <<<<<< شوووف الحسسسد :nice:

هههههه

تروح وترد بالسلامة

عاد اتحفنا تقرير يديد مايسوى علينا هالتقرير نكحل فيه عيونا من 2008

والتقارير الباقيه كانت اوروبية

ومره ثانيه

تروح وترد بالسلامة بوالوليد

:)

اي احتفل ياخوووي والله يعطيك العافيه

ويسلمك من كل شي

في مواضيع وايد بس كلها قديمه بحطها مافي مشكله عندي

وعقب بنحط لكم الجديد صور شكثر عندي حق رحلات بس ماحطيتها في اي منتدى

بحطها انشالله

[Khalid_Qatar]

مرحبا اخوي

على فكره ترا تقريرك قديم ومكرر وانا قريته قبل سنه وشي في احد المنتديات المخصصه

للسفر

بس عاجبني تقرير روعه

على فكره انا رايح بتايا 7مرات اخرها يناير 2009

ننتظر جديدك

تحياتي

تسلم يا صغيرووون شكلك زبون معانا ههههههه

الله يعطيك العافيه

انا اخر مره قبل شهرين يومين رحنا لنه الي معاي اول مره يروح تايلند وعقبها رحنا بوكت

ونشوفك على خيير

[Khalid_Qatar]

ماشاء الله ...

خووش رحله والله

..تسلم يمينك ..وكثر من هالمواضيع الزينه:)

الله يسلمك يالغالي وابشر بالخير انشاله

[Khalid_Qatar]

السلام عليكم


مع انه على كلام الاخوان تقرير قديم ،، الا اني انبهرت بالبلد .

لاني زرتها من زمان تقريبا 2001 كانت بتايا من احقر الدول الي زرتها و للاسف اجبرت على القعده فيها لمده 3 ايام
فساااااااد اقسم بالله صادتني حاله هستيريه احس حتى الجدران ما احب امسكها يمكن فيها ايدز بعيد الشر عنا و عنكم .
وشردت منها بالغصب بعد ماطفح الكيل ،، كنت ماخذ لفه في البطبطه و دخلت في داعوس ورى السوق و القى تايلنديين سادحين لهم خنزير يجزرونه في الشارع

اااااااااااااع ع ع ع ع ع ع ع



لاهنت و السموحه على مشاركتي المقززه :nice:

لكن شكل البلد نظف

هههههههههههههه

لا صاج اخوي بس كل ماتباعد من مركز المدينه بتكون بخير واماكن احلى

صحيح فيها خربطه ووصاخه لكن مثل ماقلت لك ابعد قد ماتقدر وبتحصل اماكن حلوه

عندك بوكت ارقى منها وكاسمووي وغيرها

ماعليك تابعنا وفالك طيب

وشاكر لك عالمشاركه وعزيز وغالي فديتك

[Khalid_Qatar]

بتروح عالـقطريه يوم الخميس ؟

وكم التذكره إطلعت عليك !!

:)

بزنس 7000 ريال وشوي

خذتها مع الخصم العسكري اطلعت 6360 ريال

الي معاي خذها بالاميال عطاهم 75000 الف ميل ودفع الضرايب 770 ريال وخذ بزنس

والسفر يوم الخميس بعد بكره 8:45 الليل

[Khalid_Qatar]

بوليد تحب الأكل وايد

تقرير رائع والله

صحيح اهم شي الطعاااااااااااااااااااام

ياريال تعال وشوف لدواره شكثر كله ترجع هلكاااان تبي تاكل اي شي

:)

ويسلمووووو حبيبي

[الياقوت99]

ماشاء الله تقرير مميز،،،،،،،،،،،،

[yousef545]

سبايدي كااااااااب


ذكرتني بأيام بتايا محلاها من ايااااااااااام ابو العبط ولله

دوم مطيح عند بونواس بس سمعت شلو صفة القهاوي ؟

سوووري درعمت نص الموضوع ههههههههههههه في الصفحه الاولى

المهم الوعد عقب عيد الفطر :nice: من ايخاويني :victory:

[كلاسيكي]

شكلها هالقهوه عجيييييبه ممكن تشرحلي وين مكانها بالضبط

والفندق بعد مون لايت وين مكانه ب الضبط الله لايهينك

لاني دوم اشيش في شارع العرب والقهاوي مب شي هناك وشبه

:)

[asadfg]

صاحب الفندق هو حسن مال الله وهو صاحب قهوه ليالي الدوحه الي بالدوحه رجال ماعليه زود ودوم رايته بيضه

بالنسبه لبتايا حدها اسبوع بس بعدين تلوع جبدك بس انا وحشني مطعم بو عبدالله والله وشيشه عدي العراقي ياساتر

[جنوب الدوحه]

تقرير روعه يعطيك العافيه .. هيضت شجون ناس مالها في السفر يا خالد ^_^

[أجمل أنسانة]

يعطيك الف عافيه

[بوخالد911]

ما قصرررت

موووفق اخوووي

[AL_MUTAEM]

بصراحه تايلند بلاد حلوه بجزرها وليس بمدنها ..

انا بصراحه اول ما انزل بانكوك احجز على بوكت ومن جزيره الى جزيره ..

بس الحين رفعوا الاسعار اكثر من 50% واحسن شي الحجز بالنت ..

بعون الله اذا خلصت مشاكلهم بكون هناك بـ سبتمبر

يعطيك العافيه اخوي تصوير وتقرير رائع

[ممنوع اللمس]

تقرير اجمل من رائع

[الكنترول]

شيء عجيب سبحان الله