No Jesus No Life وتاليتها مع البضايع المدسوسه !!!

[همر]

السلام عليكم

عندي سؤال وجيه...

من المسؤول عن دخول مثل هالبضايع وتوزيعها على المحلات؟

اذا في ناس تحس ان هالامور بسيطه وما تؤثر اقول لهم اسمحوا لي...

كوني اشوف عيالي لصغار يلعبون بكوره مثل هذي وكل ما طاحت عيونهم

على المكتوب عليها يقرونه مره ومرتين وعشر وطبعا هم مش فاهمين شي

وبالتالي ينطبع ويترسخ في عقولهم ويتحول الموضوع الى "نخر" في عقيدة

الاطفال من صغرهم فهذا الشي ما ينسكت عنه...

اتمنى من الاخوان اللي عندهم طريقه فعاله للشكوى بخصوص هذا الموضوع

ينصحوني بها...


الكوره قيد الشكوى شارينها اليهال من سوبرماركت حذا البتيل اللي في زغوه

والمشكله ان في اكثر من سوبرماركت هناك وكل واحد يسوي نفسه مايدري..


http://img227.imageshack.us/img227/8140/getattachmentpk.jpg

[وطن]

مادري اخوي بس يمكن حماية المستهلك يفيدونك

[شموخ دائم]

,

,


المسئله بسيطه والخلل واضح

المستورد : تجار هنود وجنسيات أخرى غير مسلمين

موظفين الجمارك : البعض منهم اتقانهم للغه الانجليزيه ضعيف ودون المستوى

النتيجه امامك الان

:: لاحياة بدون المسيح ::

يمكن فكر الجمله هذي اسم نادي

:)

هل الموظف لو كان معاه توفل راح تمر عليه هذه العبارات ؟؟؟

,

,

اخوك


شموخ دائم

[الاعــلامية]

طبعاً كلنا نستنكر دخول مثل هالبضاااايع الى الدولة

بس اذا دخلت بطريقة أو باخرى علينا بإتخاذ الخطوات الرسمية

إبلاغ الجهات المعنية

والجهات المعنية في هذي الحاصة ادارة حماية المستهلك

وفي الفترة الاخيرة مشكورة هذه الادارة بأنها اعادة الحياة لأهدافها من جديد

ولديها خط ساخن وايميل بإمكانك تتواصل وياهم


وجزاك الله كل خير

[ماريسا]

اكيد داشة بالغلط و الرقابة نايمة كالعادة

[همر]

حماية المستهلك ؟!! :con2:

وش بيسوون؟ بيسكرون سوبرماركت الهندي اللي ماله ذنب ؟!!

بيسحبون البضاعه من المحلات؟!!

من اللي بيحاسب المورد ؟!!!

انا ابي اوصل لجذور المشكله...

[الاعــلامية]

بيحاسبووون المووورد وليش مايحاسبووونه وهو مخطي

جرب تواصل وياهم ياخوي

[بوحارب]

عرفت السوبرماركت

وماشتري العصير بونص الا من عنده لأنه باااااارد o-O

وين حماية المستهلك عن هالأشيا ؟؟؟؟

[مثير للجدل]

لاحول الله ولاقوه

[سارا.]

صح النوم حماية المستهلك على طول:secret:

[حليتان*]

ااي اعرفه الدكان

مره شريت من عنده كور نايلون كبيرة لليهال وابتليت كل يهال العيلة لما شافوهم قامو يصيحون ورحت شريت من عنده مره ثانيه كور :(



بس ترا الهنود مساكين مايدرون ...حتى هالدكان مسكاكين الهنود الي فيه .. انا كنت امر عليه وايد لان عندي اهل ذاك الصوب

[همر]

صراحه انا عمري ماشتكيت من قبل... احس اللي يتحاسب دايما واحد ماله خص... يعني كبش فدا...

بس عطونا رقم حماية المستهلك خلونا نجرب...