بناء بيت العمر

[انجود]

السلام عليكم ورحمه الله وبركاته

عندي كم هائل من الاسئلة الله يعينكم علي

اول شي انا مخلص خراي البيت من تقريبا سنه والحين ابي اغيرها طبعا لان الخريطة الاوليه كانت مسكن شعبي بمساحه شوي كبيره وملاحق خارجيه فحبيت اغيره على شكل فيلا وبدون ملاحق كل مكتب اروح له يقول يبي له شهرين شهر لين يخلصون وبعدين ابتدي انا في تخليص معاملات الاسكان يعني يبي له شغلة وتاخير من جديد

وانا بصراحة انا مستعجل فهل اقدر اقدم على قرض التنميه بالخريطة القديمه الجاهزه واخلي المكتب يبتدي في تخليص الخرايط الجديده عشان استفيد من الوقت يعني تنزل الدفعة من صوب والخرايط الجديده من صوب ثاني


وثاني شي انا عندي شركه مقاولات بس توني مسويها للحين ماسويت شي من البنيان وناوي ابني بيتي بنفسي فهل يصير هالشي

وثالث شي انا فلتي مساحتها الدور الارضي 210 والثاني 210 يعني المجموع 420 فكم اتوقعون باقدر ابني


ولكم جزيل الشكر

[مراقب السوق]

السلام عليكم ورحمة الله وبركاته ..

اخي الكريم حسب اعتقادي ان هناك بعض المكاتب لديها خرايط جاهزه تستطيع اختيار المناسب منها .

ولكن لا أستطيع افادتك ان كنت تستطيع البدايه الأن وثم تغير الخرائط الجديده ..


اما في مايتعلق .. بتكلفة البناء .. تستطيع ان تجد المبلغ التقريبي .. لذلك

بهذه الطريقه ..

سعر المتر المربع X مساحة البناء ..

مثال

سعر المتر المربع للبناء (2200 ) ريال قطري

مساحة البناء 210 + 210 = 420

420
x
2200
=924000 تسعمائه واربعه وعشرين الف ريال قطري

تحياتي لك وبالتوفيق

[انجود]

شكرا لك اخوي مراقب السوق بس بخصوص المكاتب اللي تقول عنها يعني اخذ الخريطة من عندهم جاهزه من الكهربا والماء والمجمع الاسكان وياريت اتقولي اي مكتب بحصل عنده جاهز او حتى بسويها لي بسرعه

[شموخ دائم]

,

,


مرحبا


الاحسن اخوي تسوي خريطه جديده تناسب مساحه ارضك

اعتقد شهر او شهر ونص مو وقت طويل والوقت مناسب

ومافي خرائط جاهزه تاخذها وتروح البنك

الموضوع مو موضوع كيك بالمنجا ناخذه جاهز

:)

اخوي مراقب السوق يقصد ان في خرائط الشكل الخارجي والداخلي جاهز

عند المكاتب بس انت شوف الي يعجبك من الاشكال الموجوده وهم بيسوونها من جديد على

مساحه ارضك ويفتحون لك ملف بالبلديه ويستخرجون لك الرخص من البلديه والتخطيط

والكهرباء وكيوتل والمجاري

السالفه مو سهله اخوي وتحتاج رخص

شهر وتكون امورك خالصه انشاء الله

توكل على الله وابتدي الخرائط

وبالنسبه للوقت اول ما تبتدي الخرائط روح لبنك التنميه ان شاء الله بيتساعدون معاك

الامور مو بالصعوبه الي انت متصورها وهم ما يقصرون بيعطونك الوقت ان شاء الله

روح مكتب اسمه

( الفن والهندسه ) بشارع الهندسه

المهندس اسامه

و واذا تبي المهندس القطري صاحب المكتب راح يعجبك

بتلاقيه ناسف الغتره تريمبا

لين سحب له سجاره وشاي سليماني بيطلع لك تصميم يعجبك باذن الله

:)

روح والله يوفقك



,

,


اخوك


شموخ دائم

[ظبيــღــه]

الله يسهل امرك

[بويوسف]

هههه اهم شي الترمبة مالت الفن والهندسة .. :)

على العموم اخوي مثل ماقول اخونا شموخ شهر ونص مش وايد وبتلقى نفسك تحتاج وقت اكثر ليما تستقر على تصميم مناسب .. اعتقد في فترة مناسبة لين نهاية مدة صرف القرض للمستفيدين .. فما عندك مشكلة .. خلص امور ولكن ابدأ من الحين ..

التكلفة تكون ضرب الامتار في سعر المتر التقريبي .. على حسب اما عظم او تشطيب ..

بالتوفيق اخوي ..

[موضي قطر]

,

,


مرحبا


الاحسن اخوي تسوي خريطه جديده تناسب مساحه ارضك

اعتقد شهر او شهر ونص مو وقت طويل والوقت مناسب

ومافي خرائط جاهزه تاخذها وتروح البنك

الموضوع مو موضوع كيك بالمنجا ناخذه جاهز

:)

اخوي مراقب السوق يقصد ان في خرائط الشكل الخارجي والداخلي جاهز

عند المكاتب بس انت شوف الي يعجبك من الاشكال الموجوده وهم بيسوونها من جديد على

مساحه ارضك ويفتحون لك ملف بالبلديه ويستخرجون لك الرخص من البلديه والتخطيط

والكهرباء وكيوتل والمجاري

السالفه مو سهله اخوي وتحتاج رخص

شهر وتكون امورك خالصه انشاء الله

توكل على الله وابتدي الخرائط

وبالنسبه للوقت اول ما تبتدي الخرائط روح لبنك التنميه ان شاء الله بيتساعدون معاك

الامور مو بالصعوبه الي انت متصورها وهم ما يقصرون بيعطونك الوقت ان شاء الله

روح مكتب اسمه

( الفن والهندسه ) بشارع الهندسه

المهندس اسامه

و واذا تبي المهندس القطري صاحب المكتب راح يعجبك

بتلاقيه ناسف الغتره تريمبا

لين سحب له سجاره وشاي سليماني بيطلع لك تصميم يعجبك باذن الله

:)

روح والله يوفقك



,

,


اخوك


شموخ دائم

جزاك الله خير على مساعدتك للجميع

[رحّال]

اذا بتبني لعمرك بتكون التكلفة اقل بوااجد من انك تسلمها شركة لكن بتتعب شوي.... وبالنسبة للسعر اللي قال عنها اخوي ( مراقب السوق ) مبالغ فيه واجد وبالنسبه لاستفسارك بخصوص لو حاب تبني لنفسك فهذا الشي يصير بس لازم تكون عندك شركة ، و انا اكلمك من واقع تجربة لاني حاليا ابني لنفسي وبنك التنمية وافق لي..والحمدلله على كل حال.......